ភ្នំពេញ៖ មន្រ្តីនៃ​មន្ទីរទេសចរណ៍ខេត្តព្រះសីហនុ បានឱ្យដឹងថា ​នាវាទេសចរណ៍ខ្នាតធំមួយគ្រឿងបានចូលចតកំពង់ផែស្វយ័តក្រុងព្រះសីហនុកាលពីថ្ងៃទី៤ ខែវិច្ឆិកា ឆ្នាំ២០២៣ ដោយមាន​ផ្ទុកភ្ញៀវទេសចរចម្រុះជាតិសាសន៍ និងនាវិកប្រមាណមួយពាន់នាក់ មកទស្សនាប្រទេសកម្ពុជារយៈពេលពីរថ្ងៃ។ លោក តាំង​ សុចិត្រគ្រឹះស្នា ប្រធានមន្ទីរទេសចរណ៍ខេត្តព្រះសីហនុ បានប្រាប់ឱ្យ​ដឹង​នៅថ្ងៃទី​៥ ខែវិច្ឆកាថា បន្ទាប់ពីបានចូ​លចត ក្រុមការងារបដិសណ្ឋារកិច្ច នៃមន្ទីរទេសចរណ៍ខេត្តព្រះសីហនុ រួមទាំងអាជ្ញាធរ និងស​មត្ថ​កិច្ចគ្រប់ផ្នែក បាន​ទទួ​លភ្ញៀវទេសចរទាំងនោះ​ និងបាន​រៀបចំរក្សាសន្តិសុខសុវត្ថិភាពជូនភ្ញៀវ គ្រប់កន្លែងដែលពួកគេ​បាន​ទៅទស្សនាយ៉ាងយកចិ​ត្តទុកដាក់បំផុត។ លោកបានបន្ថែមថា នាវានេះ មានឈ្មោះថា «VIKING ORION»​របស់ប្រទេស​ NORWAY ដែលមានចំនួននាវិកចម្រុះជា​តិសាសន៍ (៥០សញ្ជាតិ) ចំនួន ៤៦៩នាក់ (ស្រី៩៤) ,មានផ្ទុកភ្ញៀវទេសចរចំនួន ៨៦៨នាក់ (ស្រី៤៥០នាក់) ក្នុងនោះមានជាតិសាសន៍សរុបចំនួន ១៨សញ្ជាតិផងដែរ​។ លោកប្រធានមន្ទីរបានបន្តថា នាវានេះមុនមកដល់ប្រទេសកម្ពុជា បានឆ្លងកាត់ប្រទេសវៀតណាមហើយ បន្ទាប់ពីដើរកម្សាន្ដ​តាមតំបន់ទេសចរណ៍មួយចំនួននៅប្រទេសកម្ពុជារួចហើយ​នៅរសៀលថ្ងៃទី៥ ខែវិច្ឆិកា នឹងបន្តដំណើរទៅកាន់​ប្រទេ​សថៃផងដែរ​។ លោកបាន​បញ្ជាក់ថា ៖ «ក្នុងនាមមន្ទីរទេសចរណ៍ ខ្ញុំសូមអំពាវនាវឱ្យ​អាជីវករចូលរួមរៀបចំសណ្ដាប់ធ្នាប់ អនាម័យបរិស្ថាន តុបតែងលម្អទីតាំងរបស់ខ្លួនផ្ដល់សេវាកម្មឱ្យ​បានល្អ និងតម្លៃសមរម្យ ហើយត្រូវមានដាក់តារាងតម្លៃមុខម្ហូប ទំនិញ សេវា​ផ្សេងៗ…

ភ្នំពេញ៖ ឯកឧត្តមទេសរដ្ឋមន្រ្តី​ លី ធុជ ​អនុប្រធានទី១ អាជ្ញាធរមីន បានលើកឡើងថា តាមរយៈការងារបោសសម្អាតមីន និងសំណល់ជាតិផ្ទុះពីសង្រ្គាម មានតែស្នាមញញឹម និងសុភមង្គលរបស់ប្រជាជនកម្ពុជាប៉ុណ្ណោះ ​ព្រោះលទ្ធផលកើតចេញការបោសសម្អា​តមីន គឺប្រជាពលរដ្ឋទទួលបាននូវដីប្រកបដោយសុវត្ថិភាព និងមានជីវភាពរស់នៅល្អប្រសើរជាងមុន។ ឯកឧត្តម លី ធុជ បានលើកឡើងបែបនេះកាលពីពេលកន្លងទៅថ្មីៗនេះ​ ក្នុងពេលលោកបានទទួលជួបពិភាក្សាការងារជាមួយ លោក Andrew Griffiths ប្រធានក្រុមការងារដោះមីននៃការិយាល័យ FCDO ចក្រភពអង់គ្លេសស្តីពីភាពជាដៃគូ និ​ងកិច្ចសហប្រតិបត្តិការសកម្មភាពមីននៅកម្ពុជាក្រោមកម្មវិធីសកម្មភាពមីនសកល (Global Mine Action​Programme_GMAP)។​ ឯកឧត្តម លី ធុជ បានបញ្ជាក់ថា “​តាងនាម​សម្តេច​មហាបវរធិបតី ហ៊ុន ម៉ាណែត នាយករដ្ឋមន្រ្តី កម្ពុជា និងជាប្រធានអាជ្ញាធរមីន ខ្ញុំសូម​ថ្លែងអំណរគុណយ៉ាងជ្រាលជ្រៅជូនចំពោះរដ្ឋាភិបាល និងប្រជាជននៃចក្រភពអ​ង់គ្លេស ចំពោះការគាំទ្រវិស័យសកម្មភាពបោសសម្អាតមីនមនុស្សធម៌នៅកម្ពុជា ព្រមទាំងបានតាំងចិត្តបន្តចូលរួមជួយដល់កម្ពុជាស្របតាមផែនការគោលដៅកម្ពុជាគ្មានមីនឆ្នាំ២០២៥»។ ជាមួយគ្នានោះឯកឧត្តម ក៏បានរំលេចឡើង​ដែរ​ថា ចាប់តាំងពីឆ្នាំ១៩៩៨ ចក្រភពអង់គ្លេស បានចូលរួមគាំទ្រដល់កិច្ចប្រតិបត្តិការសកម្មភាពមីន តាមរយៈអង្គការដោះមីន HALO Trust, MAG, NPA និងអង្គការ APOPO…