ភ្នំពេញ៖ក្នុងសប្តាហ៍នេះឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជននិងកីឡា នឹងដឹកនាំគណៈប្រភូអប់រំក​ម្ពុជាក្នុងនាមតំណាងឱ្យរាជរដ្ឋាភិបាលកម្ពុជា ទៅចូលរួមកិច្ចប្រជុំកំពូលរបស់សម្ព័ន្ធរដ្ឋផ្តល់អាហារតាមសា​លារៀន ដែលរៀបចំឡើងដោយលោកប្រធានាធិបតីបារាំង​ លោក អេម៉ានុយអែល ម៉ាក្រុង នាទីក្រុងប៉ារីស ​ពីថ្ងៃទី​១៨-១៩ ខែតុលា ឆ្នាំ​២០២៣នេះ។នេះយោងតាមសេចក្តីប្រកាសព័ត៌មានរបស់កម្មវិធីស្បៀងអាហារពិភពលោក(WFP) ដែលផ្សាយចេញនៅ​ថ្ងៃទី១៧ ខែតុលា ឆ្នាំ២០២៣។ សេចក្តីប្រកាសព័ត៌មាន​បានឱ្យដឹងថា ដោយទទួលស្គាល់ពីសក្តានុពលនៃការផ្តល់អាហារតាមសាលារៀន ដើ​ម្បីពង្រើកការអភិវឌ្ឍន៍ធនធានមនុស្ស និងពង្រឹងលើប្រព័ន្ធអាហារក្នុងស្រុក ប្រទេសកម្ពុជា បានចូលជា​សមាជិករបស់សម្ព័ន្ធរដ្ឋផ្តល់អាហារតាមសាលារៀននៅឆ្នាំ២០២១ ស្របពេលដែលសម្ព័ន្ធរដ្ឋនេះបានប្រ​កាសឱ្យប្រើប្រាស់នៅក្នុងកិច្ចប្រជុំកំពូលស្តីពីប្រព័ន្ធស្បៀងអាហាររបស់អង្គការសហប្រជាជាតិ គឺជាការផ្តួច​ផ្តើមសកលមួយដែលមានប្រទេសបារាំង និងប្រទេសហ្វាំងឡង់ជាសហប្រធាន។ ឯកឧត្តមបណ្ឌិត ហង់ជួន ណារ៉ុន ​បានលើកឡើងតាមរយៈ​សេចក្តីប្រកាសព័ត៌មានថា កម្មវិធីជាតិផ្តល់អាហារតាម​សា​លារៀនរបស់កម្ពុជា ដែលបានចាប់ផ្តើម នៅឆ្នាំ២០២០ កំពុងរីកចម្រើនយ៉ាងឆាប់រហ័ស ហើយក៏បានទា​ក់ទាញឱ្យកុមារជាច្រើន មកសាលារៀន ព្រមទាំងគាំទ្រដល់ការសិក្សា ការទទួលបានអាហារូបត្ថម្ភល្អ និ​ងការគិតគូរពីសុខភាព និងសុខុមាល​ភាពរបស់ពួកគាត់ ផងដែរ។ ឯកឧត្តម​បានបន្ត​ថា ៖ «​កម្មវិធីស្បៀងអាហារពិភពលោក (WFP) កំពុងធ្វើការជាមួយ អាជ្ញាធរជាតិ និងអាជ្ញាធរមូលដ្ឋាន ដើម្បីបង្កើតនូវលក្ខខណ្ឌ ប្រកបផ្សេងៗ សម្រាប់គាំទ្រដល់រាជរដ្ឋាភិបាល ក្នុងការគ្រ​ប់គ្រងទាំងស្រុង លើកម្មវិធីកម្មវិធីជាតិផ្តល់អាហារតាម​សាលារៀនរបស់កម្ពុជា គឺការធានាឱ្យបានថា កម្មវិធីផ្តល់អាហារតាមសាលារៀន…

ភ្នំពេញ៖អ្នកនាំពាក្យក្រសួងអប់រំ យុវជន និងកីឡាបាន​ឱ្យដឹងថា យោងតាម​តួលេខបឋម សម្រាប់បេក្ខជន ដែលបា​ន​ចុះឈ្មោះប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប ដែលនឹងចូលរួមប្រឡងនៅថ្ងៃទី៦ ខែវិច្ឆិកា ​ឆ្នាំ២០២៣ខាងមុខនេះ ​មានចំនួន​ជាង​១​៧​ម៉ឺននាក់។ លោកស្រី ឃួន វិច្ឆិកា អ្នកនាំពាក្យក្រសួងអប់រំនៅថ្ងៃទី១៧ ខែតុលា​ បានប្រាប់​ឱ្យដឹងថា ​តួ​លេខបឋម សម្រាប់​បេក្ខជនដែលដាក់ពាក្យប្រឡងតាមរាជធានីខេត្តទូទាំងប្រទេសមានចំនួន ១៧៣ ៤១៣ នាក់ ។ក្នុងនោះស្រីចំនួន៧៣ ២៧៩នាក់។ លោកស្រី បានបន្ថែមថា ក្រសួងអប់រំក៏បានត្រៀមមណ្ឌលប្រឡងក្នុង​ឆ្នាំនេះ ចំនួន ២២៧ មណ្ឌល ដោយស្មើ ៥ ៥៤៥ បន្ទប់។ លោកស្រីអះអាងថា  តួលេខនេះ នឹងមានការប្រែប្រួលនៅពេលណាមួយ ប្រសិនជាឃើ​ញមានអ្វីត្រូវផ្លាស់ប្តូរ ហើយបើគ្មានការផ្លាស់ប្តូរទេនោះ ក្រសួងអប់រំ គ្រោងនឹងធ្វើសិន្និសិទកាសែត យ៉ាងយូរនៅថ្ងៃទី២៧ ខែតុលា អំពីទិន្នន័យតួលេខខាងលើឱ្យបានច្បាស់បន្ថែមទៀត។ ជាមួយគ្នានេះ លោកស្រី ឃួន វិច្ឆិកា ក៏បាន​លើកឡើងដែរ​ថា ក្រសួងអប់រំ ​គ្មានឡើយការបន្ធូរដៃចំពោះវិញ្ញា​សាប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប ដែលបាន​កំណត់ថ្ងៃប្រឡង​នៅ​​​ថ្ងៃទី៦ ខែវិច្ឆិកា​ខាងមុខនោះឡើយ។ អ្នកនាំពាក្យដដែល​​បានបន្ដទៀតថា…