កំពង់ធំ៖ នាយឧត្តមសេនីយ៍ គីម ប៊ុនថាន រដ្ឋមន្ត្រីប្រតិភូអមនាយក​រដ្ឋមន្ត្រី បានអញ្ជើញសំណេះសំណាលសាកសួរសុខទុក្ខ ថ្នាក់ដឹកនាំ នាយទាហាន នាយទាហានរង និងពលទាហាន នៃញ្ហាការដ្ឋានតំបន់​ប្រតិបត្តិការសឹករងកំពង់ធំនៅទីបញ្ជការ​តំបន់ប្រតិបត្តិការសឹករង ស្ថិតនៅភូមិថ្នល់បែក ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ​កាលពីរសៀលថ្ងៃទី១៩ ខែធ្នូ ឆ្នាំ២០២៤។ ក្នុងឱកាសនេះឧត្តមសេនីយ៍ទោ សោម ស៊ុន មេបញ្ជាការតំបន់​ប្រតិបត្តិការសឹករងកំពង់ធំ បានរាយការណ៍អំពីសភាពការណ៍ ដែលកើតឡើងនៅក្នុងភូមិសាស្ត្រខេត្ត និងបានបញ្ជាក់ជូនអំពី​សកម្មភាព​មនុស្សធម៌ ក្នុងការជួយដល់ក្រុមគ្រួសារអតីត​យុទ្ធជន និងប្រជាពលរដ្ឋដែលមានជីវភាពខ្វះខាតនាពេលកន្លងទៅ ។ ថ្លែងទៅកាន់នាយទាហាន នាយទាហានរង ពលទាហាន​ក្នុងជំនួបដ៏កក់ក្តៅ ឯកឧត្តម គីម ប៊ុនថាន បានកោតសរសើរ កងកម្លាំងទាំងអស់នៃបញ្ជាការតំបន់ប្រតិបត្តិការសឹករងកំពង់ធំ អនុវត្តបានល្អ តាមច្បាប់ បទបញ្ជា និងលក្ខន្តិកៈទូទៅ​របស់កងយោធពលខេមរភូមិន្ទ ព្រមទាំងការកោតសរសើរ ឧត្តមសេនីយ៍ទោ សោម ស៊ុន ប្រធានសមាគមអតីតយុទ្ធជន​កម្ពុជាខេត្តកំពង់ធំ ដែលបានខិតខំយ៉ាងមមាញឹក ក្នុងការបម្រើ​បងប្អូនអតីតយុទ្ធជន និងប្រជាពលរដ្ឋក្នុងខេត្តកំពង់ធំ បានយ៉ាង​ល្អប្រសើរ។ឯកឧត្តមក៏បានប្រគល់ភារកិច្ចឱ្យ​បន្តចូលរួមក្នុងការអ​នុវត្តនូវគោលនយោបាយភូមិឃុំមានសុវត្ថិភាព និងត្រូវបន្តយក​ចិត្តទុកក្នុងគ្រប់គ្រងកម្លាំង គ្រឿងសម្ភារៈបច្ចេកទេស ធានាទុក​ដាក់ថែរក្សាឱ្យមានគុណភាព និងទី៣ ត្រូវបន្តពង្រឹងតួនាទីភារកិច្ច​របស់កងយោធពលខេមរភូមិន្ទ ក្នុងការការពារសុខសន្តិភាព ៕ដោយ៖…

ស្ទឹងត្រែង៖កាលពីថ្ងៃទី១៩ខែធ្នូ ឆ្នាំ២០២៤ កម្លាំងអាជ្ញាធរមាន​សមត្ថកិច្ច​ពាក់ព័ន្ធ និងប្រជាសហគមន៍ការពារព្រៃឈើ ដឹកនាំដោយ​នាយផ្នែករដ្ឋបាលព្រៃឈើថាឡាបរិវ៉ាត់ លោក ហ៊ុន សំអឿន បាន​ចុះល្បាតក្នុងដែនព្រៃសហគមន៍ភ្នំរមៀត ស្ថិតក្នុងភូមិសំអាង ឃុំសំអាង ស្រុកថាឡាបរិវ៉ាត់ ក៏ដូចដែនព្រៃការពារនានាទៀត ដើម្បីទប់ស្កាត់​ការកាប់ រុករាន ទន្ទ្រាន​ដីព្រៃសហគមន៍ ការកាប់ឈើធ្វើអាជីវកម្ម ការលបលួបបរបាញ់ និងការដាក់អន្ទាក់សម្លាប់សត្វព្រៃ ។សកម្មភាព​ទាំងនេះ​ជាការអនុវត្តវិធានការព្រៃឈើ និងធនធានធម្មជាតិ ជីវចម្រុះ ឈានទៅបង្កើនឥណទានកាបូនព្រៃឈើ ក្រោមគម្រោង​រេដបូក​មេគង្គ ជំហាន១ នៃខេត្តស្ទឹងត្រែង។ នាយផ្នែករដ្ឋបាលព្រៃឈើថាឡាបរិវ៉ាត់លោក ហ៊ុន សំអឿន បាន​ប្រាប់ឱ្យដឹងថា មន្ត្រីផ្នែកព្រៃឈើបានសហការជាមួយ​កម្លាំង​ស្រុក ភូមិ ឃុំ នគរបាលប៉ុស្តិ៍រដ្ឋបាល យោធា និងប្រជាសហគមន៍បន្តចុះល្បាត​ដើម្បី​បង្កើនកិច្ចការពារព្រៃសហគមន៍ ឱ្យកាន់តែមានប្រសិទ្ធភាព​បន្ថែមទៀត។លោកបន្តថា ព្រៃសហគមន៍នេះស្ថិតនៅប៉ែកខាងជើង ឃុំសំអាងជាប់មួយផ្នែក​ក្នុង​ទឹកដីឃុំកោះស្នែង ស្រុកបុរីអូរស្វាយ​សែនជ័យ មន្ត្រីជំនាញបានធ្វើការផ្សព្វផ្សាយជូនដល់ប្រជាពលរដ្ឋ ឱ្យបានដឹងពី​ប្រយោជន៍​សំខាន់ ដែលទទួលបានពីគម្រោងរេដបូក​មេគង្គ ជំហានទី១។ការផ្សព្វផ្សាយក្នុង គោលបំណងលើកកម្ពស់​ចំណេះ​ដឹងដល់ពួកគាត់នៅមូលដ្ឋានក្នុងផែនការយុទ្ធសាស្រ្ត ដើម្បីជំរុញប្រជាសហគមន៍ចូលរួមការពារព្រៃឈើ ធនធានធម្មជាតិ និងជីវចម្រុះ ដើម្បីបង្កើនឥណទានកាបូនព្រៃឈើ នៅខេត្តស្ទឹងត្រែង។ ប្រជាសហគមន៍ភ្នំរមៀត លោក គង់ ធារដ្ឋ បានគាំទ្រចំពោះការ​ផ្តល់ព័ត៌មានច្បាស់លាស់នេះពីមន្ត្រីជំនាញ…

បន្ទាយមានជ័យ៖ក្នុងពិធីប្រកាសចូលកាន់មុខតំណែងប្រធានមន្ទីរ​រៀបចំដែនដី នគរូបនីយកម្មសំណង់​និងសុរីយោដី​ខេត្តបន្ទាយ​មានជ័យ​កាលពីរសៀលថ្ងៃទី២០ខែធ្នូ ឆ្នាំ២០២៤ ឯកឧត្តម ទេព ធន រដ្ឋលេ​ខា​ធិ​ការក្រសួងរៀបចំដែនដី នគរូបនីយកម្ម និងសំណង់បានជំរុញមន្ត្រី​ជំនាញ សហការជាមួយអាជ្ញាធរមូលដ្ឋានបន្តដោះស្រាយវិវាទ និងការ​ចុះបញ្ជី​ក្បាលដី​ឱ្យអស់ជូនប្រជាពលរដ្ឋ ។ នាពិធីដែលប្រារព្ធនៅសាលាខេត្ត ឯកឧត្តម ទេព ធន បានកោត​សរសើរ​លទ្ធផលការងារវាស់វែងចុះបញ្ជីដីធ្លី របស់មន្ត្រី និងក្រុមការងារ សំណង់​និងសុរីយោដី​ខេត្តបន្ទាយមានជ័យ តែឯកឧត្តមបានជំរុញ​បន្ថែមថា ដូច្នេះត្រូវខិតខំបន្តការងារ​នេះដោយសហការជាមួយ អាជ្ញាធរមូល​ដ្ឋាន​​​ធ្វើការដោះស្រាយបញ្ហាវិវាទ ជាមួយការចុះបញ្ជី​ក្បាលដីដែលកំពុងអនុវត្តចំនួន ២០ម៉ឺនក្បាលដីឱ្យបានរួចរាល់​នៅពាក់​កណ្ដាលឆ្នាំ២០២៥ខាងមុខ។ សម្រេចបានដូចនេះ​ជាការឆ្លើយតប​ទៅនឹងអនុ​សាសន៍​របស់សម្ដេចមហាបវរ​ធិបតី​ ហ៊ុន ម៉ាណែត ហើយ​ក្រសួងបានយកមកអនុវត្តដោយបានដាក់ចេញ​ជាទិសដៅ​ក្នុង​ការ​ជំរុញបញ្ចប់វិវាទ ​ក៏ដូចជាការចុះបញ្ជី​ដីធ្លី​ដើម្បីផ្ដល់បណ្ណកម្មសិទ្ធ​ជូនប្រជាពលរដ្ឋជាម្ចាស់ដី ។ ឯកឧត្តមរដ្ឋលេខាធិការបានលើកឡើងថា បញ្ហាដីធ្លី នៅខេត្ត​បន្ទាយមានជ័យ ភាគ​ច្រើន​ជាវិវាទបុគ្គលនិងបុគ្គល ពុំមាន​ចរិត​នយោបាយនោះទេ។តាមរយៈពិធីនេះលោកក៏បានក្រើនរំលឹកទៅ​ប្រជាពលរដ្ឋថា​បើ​មានករណីទំនាស់ដីធ្លី ត្រូវមាន​ជំនឿជាក់ហើយទំនាក់​ទំនងមកអាជ្ញាធរមូលដ្ឋាន ជាមួយមន្តី្រសំណង់ និងសុរិយោដីខេត្ត ងាយសម្រួលដោះស្រាយដោយ​ប្រព័ន្ធច្បាប់ហើយបន្តទៅចុះ​បញ្ជីក្បាលដី។ផ្ទុយមកវិញបើបងប្អូនពឹងពាក់បុគ្គល ខ្លះមិនល្អ​បង្វែវិវាទដីធ្លីទាញចូលចរិត​នយោបាយ នាំឱ្យខាតបង់ពេលវេលា ការងារ ថវិការួមទាំងមិនងាយដោះស្រាយថែមទៀត​ផង។ សូមជម្រាបថា លោក មាស ដារា ត្រូវបានតែងតាំងជាប្រធាន​មន្ទីររៀបចំដែនដី នគររូបនីយកម្មសំណង់និងសុរិយោដី ខេត្តបន្ទាយមានជ័យជំនួសលោក អាង ណារិទ្ធ ទៅបំពេញ​ភារកិច្ចនៅក្រសួង៕

កំពង់ធំ៖ ឯកឧត្តម នួន ផារ័ត្ន​ ប្រធានគណបក្សប្រជាជន​កម្ពុជា​ខេត្ត​កំពង់ធំ បានអញ្ជើញជា​អធិបតីពិធី​ប្រកាសបញ្ចូល​សមាជិកថ្មីចំនួន ២៣៥នាក់ ដែលមកពីគណបក្សផ្សេង។ពិធីបានប្រព្រឹត្តទៅ​កាលពី​ថ្ងៃទី២០ ខែធ្នូ ឆ្នាំ ២០២៤ នៅស្នាក់​ការ​កណ្តាលគណបក្សប្រជា​ជន​កម្ពុជាខេត្តកំពង់ធំ។ ក្នុងឱកាសនេះ ឯកឧត្តម នួន ផារ័ត្ន បានស្វាគមន៍សមាជិកថ្មីទាំងអស់ និងអបអរសាទរគណបក្សដែលបានពង្រឹង​មហា​គ្រួសារនយោបាយ។ ឯកឧត្តមបានរំលឹកថា ជាសមាជិកគណបក្សប្រជាជនត្រូវខិតខំ​កសាង​សមត្ថភាព និងចំណេះដឹង ដើម្បីចូលរួមអភិវឌ្ឍជាតិ និងធ្វើឱ្យប្រជាជន​រស់នៅក្រោមសន្តិភាព និងស្ថិរភាព៕ ដោយ៖​ប៊ុន​រដ្ឋា

រតនគិរី៖ រដ្ឋបាលខេត្តរតនគិរីបើកកិច្ចប្រជុំស្តីពីការបូកសរុប​និងធ្វើ​បច្ចុប្បន្នភាពស្ថិតិបណ្ណកម្មសិទ្ធិអចលទ្រព្យនៃមន្ទីរ​អង្គ​ភាពក្រុង ស្រុក និងឃុំ សង្កាត់កាលពីព្រឹកថ្ងៃទី២០ ខែធ្នូ ឆ្នាំ២០២៤នៅសាលប្រជុំ​សាលាខេត្តក្រោមវត្តមានលោក តូច ជាក់ អនុប្រធាន មន្ទីរសេដ្ឋកិច្ច និងហិរញ្ញវត្ថុ ខេត្ត តំណាងលោក ងិន ណែល អភិបាលរងខេត្ត។ លោក តូច ជាក់ បានលើកឡើងថា ការរៀបចំបញ្ជីសារពើ​ភណ្ឌ​ទ្រព្យ​សម្បត្តិរដ្ឋ មន្ទីរអង្គភាព និងរដ្ឋបាលថ្នាក់ក្រោមជាតិ​ដែលជាអាជ្ញាធរ​កាន់កាប់ទ្រព្យសម្បត្តិរដ្ឋត្រូវទទួលខុសត្រូវចំពោះមុខរាជរដ្ឋាភិបាល ក្នុងការរៀបចំបញ្ជីសារពើ​ភណ្ឌ ទ្រព្យ​សម្បត្តិរដ្ឋជារៀងរាល់ឆ្នាំឱ្យបាន​ត្រឹមត្រូវគ្រប់ចំនួន និងចប់សព្វគ្រប់នៅក្នុងត្រីមាសទី១នៃ​ឆ្នាំបន្ទាប់ ។លោកបន្តថា ឆ្នាំ​២០២៥ ខាងមុខនេះ គឺជាឆ្នាំ ដែលមន្ទីរអង្គភាព និងរដ្ឋបាលថ្នាក់ក្រោមជាតិ ត្រូវរៀបចំសៀវភៅបញ្ជីសារពើភណ្ឌទ្រព្យសម្បត្តិរដ្ឋ ឆ្នាំគោលឆ្នាំ២០២៤។ ទម្រង់ទី២ ជាតារាងកើនឡើងនិង​ថយចុះនូវទ្រព្យសម្បត្តិរដ្ឋ ដែលត្រូវធ្វើឡើង ក្នុង ឆ្នាំ​នីមួយៗ ក្នុងចន្លោះ​រយៈពេល ៥ឆ្នាំ នៃឆ្នាំគោល។ បើតាមលោក តូច ជាក់ មានមន្ទីរអង្គភាពនិងរដ្ឋបាលថ្នាក់ក្រោម ជាតិសរុបចំនួន ៩១មន្ទីរអង្គភាព ដែលត្រូវរៀបចំ​បញ្ជី​សារពើភណ្ឌ ដែលក្នុងចំណោមនោះមានមន្ទីរអង្គភាព និងរដ្ឋបាលថ្នាក់ក្រោមជាតិ ចំនួន៤៥ ប៉ុណ្ណោះដែលបានរៀប​ចំ​បញ្ជីសារពើភណ្ឌរួចរាល់។ នៅសល់មន្ទីរអង្គភាព…

រតនគិរី ៖ធនាគារជាតិនៃកម្ពុជានៅថ្ងៃទី២០ ខែធ្នូ ឆ្នាំ២០២៤ ​បានរៀប​ចំសិក្ខាសាលាផ្សព្វផ្សាយស្ដីពីប្រាក់រៀល ប្រព័ន្ធ​បាគង និងខេអេចឃ្យូ​អរ (KHQR)នៅបរិវេណមន្ទីរវប្បធម៌ និងវិចិត្រសិល្បៈខេត្តរតនគិរី ក្រោមអធិបតីភាពឯកឧត្តម យឹម លាត ទេសាភិបាលរងធនាគារ​ជាតិ​នៃកម្ពុជា លោក ងិន ណែល អភិបាលរងខេត្តតំណាងឯកឧត្តម ញ៉ែម សំអឿន អភិបាលខេត្តរតនគិរី និងមានការចូលរួមពីមន្រ្តីនៃមន្ទីរ អង្គភាព ក្រុមហ៊ុន-សហគ្រាស គ្រឹះស្ថានធនាគារលោកគ្រូ-អ្នកគ្រូ និងសិស្សានុសិស្ស ក្នុងក្រុងយ៉ាងច្រើនកុះករ។ លោក ងិន ណែល មានប្រសាសន៍ថា កម្មវិធីផ្សព្វផ្សាយប្រាក់រៀល​នា​ថ្ងៃនេះនឹងធ្វើឱ្យប្រជាពលរដ្ឋនៅក្នុងខេត្ត ​ពិសេស​នៅក្នុងក្រុងបានលុង យល់កាន់តែច្បាស់ថែមមួយកម្រិតទៀតនៅលើសារៈ សំខាន់នៃប្រាក់​រៀល​និងបន្តប្រើប្រាស់​ប្រាក់រៀល​កាន់តែច្រើនមិនថា ក្នុងប្រតិបត្តិការ​តម្លៃ​តូចឬតម្លៃធំនោះទេ។ ថ្លែងក្នុងឱកាសនេះដែរ ឯកឧត្តម យឹម លាត បានលើកឡើងថា ការប្រើប្រាស់ប្រាក់ដុល្លារអាមេរិកនៅកម្ពុជា បានចាក់​ឫសយ៉ាងជ្រៅ​ក្នុងជីវភាពរស់នៅប្រចាំថ្ងៃ ចាប់តាំងពីការមកដល់របស់ អ៊ុនតាក់ ក្នុងអំឡុង ទសវត្សរ៍ទី៩០។ កាលណោះ អ៊ុនតាក់បាននាំមកនូវ​ថវិកាចំនួន ១.៧ ពាន់លានដុល្លារមកកម្ពុជា ។នៅពេលនោះដែរ ជំនឿចិត្តលើប្រាក់រៀលរបស់​ប្រជា​ជនកម្ពុជា ក៏មានភាពទន់ខ្សោយ​នៅឡើយ។ ក៏ប៉ុន្តែ ក្នុងរយៈពេល…

(ភ្នំពេញ)៖ គម្រោងយុវជនទូតសុឆន្ទៈ Sala Enrichment Program ជាកម្មវិធីជម្រុញ និងតម្រង់ទិសដល់យុវជនក្នុងការឈោងចាប់យកជំនាញជាក្តីស្រម៉ៃពិតសម្រាប់បន្តការសិក្សានៅថ្នាក់ឧត្តមសិក្សា បានរៀបចំពិធីបើកគម្រោងរបស់ខ្លួនជាផ្លូវការ ។ កម្មពិធីវិធីបើកគម្រោងយុវជនទូតសុឆន្ទៈតំណាងខេត្ត ដែលរៀបចំដោយ ក្រុមហ៊ុន Sala បានធ្វើឡើងនៅព្រឹកថ្ងៃទី២០ ខែធ្នូ ឆ្នាំ២០២៤ ស្ថិតនៅការិយាល័យសហគ្រិនខ្មែរ ក្នុងខណ្ឌជ្រោយចង្វា រាជធានីភ្នំពេញ ។ យុវជនជាសិស្សដែលទើបប្រឡងបាក់ឌុប តែងត្រូវគេកត់សម្គាល់ថា ពួកគេតែងខ្វះនូវការទទួលបានព័ត៌មានច្បាស់លាស់អំពីជំនាញ និងពិបាកក្នុងការចាប់យកជំនាញដើម្បីបន្តទៅសិក្សានៅថ្នាកឧត្តមសិក្សា។គម្រោងយុវជនទូតសុឆន្ទៈតំណាងខេត្ត Sala Enrichment Program 2024 បានប្រព្រឹត្តទៅដោយមានការគាំទ្រពីក្រសួងអប់រំ យុវជន និងកីឡា, សហគ្រិនខ្មែរ, អង្គការស្វីសខន់ថាក់ ភ្នាក់ងារស្វីសសម្រាប់ការអភិវឌ្ឍ និងកិច្ចសហប្រតិបត្តិការ (SDC) និងភ្នាក់ងារសហប្រតិបត្តិការអន្តរជាតិកូរ៉េ ( KOICA) និងមានការសហការពីដៃគូដូចជា Camboticket និង Mangrove Studio ផងដែរ ។ ប្រធានក្រុមហ៊ុន Sala លោក សុខ លាភ បានបញ្ជាក់ថា ដើម្បីចូលរួមចំណែកក្នុងការលើកកម្ពស់វិស័យអប់រំ ក្រុមហ៊ុនតែងតែងរៀបចំគម្រោង Sala…

បាត់ដំបង៖មន្រ្តីជាន់ខ្ពស់នៃអាជ្ញាធរខេត្តបាត់ដំបង បានជំរុញដល់​ភាគី​ពាក់ព័ន្ធទាំងអស់យកចិត្តទុកដាក់ឱ្យកាន់តែ​សកម្ម​ថែមទៀតបង្កើនការ​ផ្សព្វផ្សាយឱ្យដល់មូលដ្ឋានដើម្បីការកៀរគរក្រុមគោលដៅ១,៥លាននាក់ឱ្យចូលរៀនជំនាញបច្ចេក​ទេសវិជ្ជាជីវៈ។ លោក ទីន សារ៉ាវុធ អភិបាលរងខេត្តបាត់ដំបងក៏បានជំរុញដល់មន្ទីរ អង្គភាព អាជ្ញាធរក្រុង ស្រុក ឃុំ សង្កាត់ ត្រូវសហការ​ជាមួយ​គ្រឹះស្ថានបណ្ដុះបណ្ដាលសាធារណៈឱ្យបន្តយកចិត្តទុកដាក់បន្ថែមទៀត ក្នុងការបង្កើននូវការចុះផ្សព្វផ្សាយពី​កម្មវិធី១.៥លាននាក់របស់​រាជ​រដ្ឋាភិបាល ឱ្យកាន់តែជ្រួតជ្រាបទៅដល់តាមមូលដ្ឋាន ជាពិសេស​យុវជន​មកពីគ្រួសារក្រី និងគ្រួសារងាយរងហានិភ័យឱ្យចូលរៀន​ជំនាញបច្ចេកទេសវិជ្ជាជីវៈ។ ថ្លែងក្នុងកិច្ចប្រជុំបូកសរុបលទ្ធផលការងារប្រចាំឆ្នាំ២០២៤និងលើកទិសដៅការងារបន្ត និងពង្រឹងសមត្ថភាពលើយន្តការ​គ្រប់គ្រង នៃវិស័យ​ការងារ និងជំរុញការផ្សព្វផ្សាយចុះឈ្មោះចូលរៀនជំនាញរបស់​គណៈកម្មាធិការបណ្ដុះបណ្ដាលខេត្ត នៅវិទ្យាស្ថានពហុបច្ចេកទេស​ភូមិភាគតេជោសែនបាត់ដំបងកាលពីថ្ងៃទី១៩ ខែធ្នូ ឆ្នាំ២០២៤ លោកអភិបាលរងខេត្តបានបន្តថា ការសិក្សាជំនាញបច្ចេកទេស​វិជ្ជា​ជីវៈ គឺសំដៅផ្ដល់ឱ្យយុវជន មានជំនាញច្បាស់លាស់ក្នុងជីវិត ដើម្បីបង្កើន​កម្លាំង​ពលកម្ម​ជំនាញ និងដើម្បីសម្រេចឱ្យបាននូវចក្ខុវិស័យ​កម្ពុជា​ក្លាយជាប្រទេសដែលមាន​ចំណូលមធ្យម​កម្រិត​ខ្ពស់​នៅ​ឆ្នាំ២០៣០ និងជាប្រទេសមានចំណូលខ្ពស់នៅឆ្នាំ២០៥០។ លោក ទីន សារ៉ាវុធ ក៏បានបង្ហាញពីមោទនភាពផងដែរ ដែលខេត្ត​បាត់ដំបង មានអ្នកចូលរៀនជំនាញបច្ចេក​ទេសវិជ្ជា​ជីវៈ​ច្រើនជាងគេ​បន្ទាប់ពីរាជធានីភ្នំពេញតែទោះយ៉ាងណាក៏ត្រូវតែជំរុញការផ្សព្វផ្សាយឱ្យកាន់តែខ្លាំងបន្ថែមទៀតដើម្បីធ្វើការបញ្ជ្រាបបន្ថែមទៀតឱ្យទៅដល់មូលដ្ឋានផ្ទាល់ដើម្បីសម្រេចបានគោលដៅដែលរាជរដ្ឋាភិបាលបានដាក់ចេញ។ ជុំវិញសកម្មភាពបណ្ដុះបណ្ដាលវិជ្ជាជីវៈនេះដែរ លោក មាស ដារ៉ា ប្រធានមន្ទីរការងារ និងបណ្ដុះបណ្ដាលវិជ្ជាជីវៈ បាន​ឱ្យដឹងថា គណៈ​កម្មាធិការបណ្តុះបណ្តាលខេត្តបាត់ដំបងដែលមានគ្រឹះស្ថានសាធារណៈ ចំនួន៣ និងភាគីពាក់ព័ន្ធបាន​ចុះធ្វើការផ្សព្វផ្សាយវគ្គ១,៥លាន​នាក់ របស់រាជរដ្ឋាភិបាលជំហានទី១ ដល់ប្រជាពលរដ្ឋនៅតាមមូល​ដ្ឋានក្រុង ស្រុក ក្នុងខេត្តបាត់ដំបង មកទល់ពេលនេះមានចំនួនសិស្ស​ដែលចុះឈ្មោះចូលរៀននៅតាមគ្រឹះស្ថានអប់រំបណ្ដុះបណ្ដាល បច្ចេកទេស និងវិជ្ជាជីវៈសាធារណៈទាំង៣ ចំនួន១៣ ១៤០នាក់…

(ភ្នំពេញ)៖ ក្នុងជំនួបជាមួយលោកជំទាវបណ្ឌិត ដេវីយ៉ានី អ៊ុតាំ ខូប្រាហ្គេត ឯកអគ្គរដ្ឋទូតនៃសាធារណរដ្ឋឥណ្ឌា ប្រចាំកម្ពុជា ដើម្បីជម្រាបលា ក្នុងឱកាសដែលលោកជំទាវបានបញ្ចប់បេសកកម្មការទូត នៅប្រទេសកម្ពុជា នាព្រឹកថ្ងៃទី១៩ ខែធ្នូ ឆ្នាំ ២០២៤ នៅទីស្តីការក្រសួងការបរទេស ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ បានថ្លែងកោតសរសើរដល់លោកជំទាវឯកអគ្គរដ្ឋទូតឥណ្ឌា ចំពោះការជំរុញទំនាក់ទំនងទ្វេភាគី និងបានចូលរួមចំណែកយ៉ាងសកម្ម ក្នុងការពង្រឹងទំនាក់ទំនងកម្ពុជា-ឥណ្ឌា ដែលមានឬសគល់ ប្រវត្តិសាស្ត្រ និងវប្បធម៌រួមគ្នាដ៏យូរលង់ ។ ឯកឧត្តមឧបនាយករដ្ឋមន្ត្រី ប្រាក់ សុខុន បានលើកឡើងពីព្រឹត្តិការណ៍សំខាន់ៗក្នុងអំឡុង ពេលកាន់តំណែងរបស់លោកជំទាវឯកអគ្គរដ្ឋទូត Khobragade ដែលរួមមានការសម្របសម្រួលដំណើរបំពេញព្រះរាជទស្សនកិច្ចផ្លូវរដ្ឋរបស់ព្រះបាទសម្តេចព្រះនរោត្តម សីហមុនី ព្រះមហាក្សត្រ កម្ពុជា យាងទៅកាន់ប្រទេសឥណ្ឌាក្នុងខែឧសភា ឆ្នាំ២០២៣ ជំនួបតាមប្រព័ន្ធនិម្មិតរវាងសម្តេចអគ្គមហាសេនាបតីតេជោ ហ៊ុន សែន និង ឯកឧត្តមនាយករដ្ឋមន្ត្រី Narendra Modi នៅខែឧសភា ឆ្នាំ២០២២ និងដំណើរទស្សនកិច្ចរបស់សម្តេចមហាបវរធិបតី ហ៊ុន ម៉ាណែត ក្នុងខែកុម្ភៈ ឆ្នាំ២០២២…

កំពត៖ឯកឧត្តម ដួង វីរៈ រដ្ឋលេខាធិការក្រសួងទេសចរណ៍បានជំរុញ​ដល់អង្គភាពច្រកចេញតែមួយរដ្ឋបាលខេត្តកំពត មន្ទីរ​ទេសចរណ៍​រាជធានី ខេត្ត  រដ្ឋបាលក្រុង ស្រុក ខណ្ឌ យកចិត្តទុកដាក់ក្នុងការ​ផ្តល់សេវាជូនប្រតិបត្តិករទេសចរណ៍ ប្រកប​ដោយតម្លាភាព គណនេយ្យ​ភាព សមធម៌ និងបរិយាបន្ន ដើម្បីឱ្យអ្នកមកទទួលសេវាសប្បាយ​រីករាយ និង​ពេញចិត្តចូល​រួមគាំទ្រនូវកិច្ចដំណើរការអនុវត្តរបស់​ការិយា​ល័យ​ច្រកចេញចូលតែមួយ។ ថ្លែងក្នុងសិក្ខាសាលាស្តីពីការត្រួតពិនិត្យ និងវាយតម្លៃការដាក់ឱ្យអនុវត្ត មុខងារដែលបានផ្ទេរឱ្យរដ្ឋបាលថ្នាក់ក្រោមជាតិ ដែលបានរៀបចំធ្វើ​ឡើងនៅសាលាខេត្តកំពត កាលព្រឹកថ្ងៃទី២០ ខែធ្នូ ឆ្នាំ២០២៤ នេះ ឯកឧត្តម ដួង វីរៈ រដ្ឋលេខាធិការ ក្រសួងទេសចរណ៍ បានលើកឡើងថា ដើម្បីបង្កើនប្រសិទ្ធភាព បង្កភាពងាយស្រួលក្នុងការផ្តល់និង ទទួល​សេវារដល់​ប្រតិបត្តិករ​ទេសចរណ៍នៅតាមបណ្តាខេត្តនីមួយៗ ក្រសួង​ទេសចរណ៍បានធ្វើកំណែទម្រង់ និងបានចេញនូវសេចក្តីណែនាំ ក្នុងការផ្ទេរមុខងារមួយចំនួន ទៅឱ្យរដ្ឋបាលថ្នា់ក់ក្រោមជាតិអនុវត្ត។កន្លងមករដ្ឋបាលខេត្តភាគច្រើនធ្វើបានល្អ ចំពោះ ទទួល និងផ្តល់សេវា​នៅអង្គភាពច្រកចេញចូលតែមួយ  តែការអនុវត្តមុខងារនៅតាម​ការិយា​ល័យ​ច្រកចេញចូលតែមួយតាមបណ្តាក្រុងស្រុក ហាក់មិនទាន់មាន​ដំណើរការល្អនៅឡើយ។  ឈរលើចំណុចនេះឯកឧត្តមបានជំរុញដល់មន្ទីរទេសចរណ៍ អង្គភាព និងការិយាល័យច្រកចេញចូលតែមួយ ធ្វើយ៉ាង​ណាពង្រឹងការ​អនុវត្ត​មុខងាររបស់ខ្លួន ឲ្យមានប្រសិទ្ធភាព តម្លាភាព សមធម៌ និងបរិយាបន្ន ។ នៅក្នុងអង្គសិក្ខាសាលាខាងលើ ក៏មានការធ្វើបទបង្ហាញអំពីវឌ្ឍនភាព​វិស័យទេសចរណ៍របស់បណ្តាខេត្តចំនួន៥ ដើម្បីចែក​រំលែកបទ​ពិសោធន៍ ក៏ដូចជាសិក្សាស្វែងយល់…