(ភ្នំពេញ)៖ ពេលវេលារបស់យើងនាពេលនេះ គឺប្រែក្លាយទីកន្លែងប្រជុំជន និងទីក្រុងរបស់យើងឱ្យសក្តិសមទៅនឹងអ្វីដែលស្របទៅនឹងការរីកចម្រើនរបស់ប្រទេសជាតិ ហើយពេលនេះជាឱកាសល្អបំផុតសម្រាប់យើងកសាងប្រទេសដោយធ្វើយ៉ាងណាឱ្យប្រទេសយើងស្រស់ស្អាត និងមានលំនៅដ្ឋានសមរម្យគួរជាទីរស់នៅ ។ នេះជាការថ្លែងបញ្ជាក់ពីសំណាក់ ឯកឧត្តម ឧបនាយករដ្ឋមន្រ្តី សាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់។ ឯកឧត្តម ឧបនាយករដ្ឋមន្រ្តី សាយ សំអាល់ បានថ្លែងបែបនេះក្នុងពិធីជួបសំណេះសំណាល និង ពិសារអាហារជាមួយបណ្តា ស្ថាបត្យករកម្ពុជា និងភាគីពាក់ព័ន្ធ នៅសណ្ឋានគារTRIBE Phnom Penh Post Pffice Square រាជធានីភ្នំពេញ នាល្ងាចថ្ងៃទី ១៧ ខែធ្នូ ឆ្នាំ២០២៤ ។ ឯកឧត្តមឧបនាយករដ្ឋមន្រ្តី បានលើកទឹកចិត្តដល់ស្ថាបត្យករ ឬវិស្វករទាំងអស់ បើកចិត្តឱ្យទូលាយ ទទួលយកភាពច្នៃប្រឌិត ដើម្បីជំរុញឱ្យស្ថាបត្យកម្មខ្មែរនាសហសម័យរបស់កម្ពុជាកាន់តែរីកចម្រើន។ក្រុមវិស្វករកម្ពុជាដែលមានសមត្ថភាព ដែលក្នុងនេះរួមទាំងអ្នកធ្វើការនៅបរទេស និងវិស្វករល្បីៗកំពុងបម្រើលើវិស័យសំណង់នៅកម្ពុជាគួររួមគ្នាអភិវឌ្ឍន៍វិស័យសំណង់នៅកម្ពុជា ។ វិស្វករត្រូវមានស្មារតីចូលរួមផ្តល់ការណែនាំ និងចូលរួមរៀបចំទីតាំងលំហសាធារណៈនានា ក្នុងប្រទេសរបស់យើងឱ្យបានស្របទៅតាមតម្រូវការ និងសម័យកាល ។ ឯកឧត្តម ឧបនាយករដ្ឋមន្រ្តីបានឱ្យដឹងបន្ថែមថា ក្នុងរាជធានីភ្នំពេញរមណីយដ្ឋានប្រវត្តិសាស្រ្តវត្តភ្នំគឺជាតំបន់បេះដូង និងជាតំបន់សំខាន់មួយរបស់កម្ពុជាដែលយើងគប្បីរួមគ្នាធ្វើការកែច្នៃ និងផ្លាស់ប្តូរតំបន់នេះជាទីកន្លែងដ៏ជាទីមនោរម្យសម្រាប់បម្រើលើវិស័យទេសចរណ៍ក៏ដូចជាកន្លែងកម្សាន្តដ៏ល្អមួយសម្រាប់ពលរដ្ឋក្នុងរាជធានីភ្នំពេញ។…

បាត់ដំបង៖ជាចំនួនដ៏ក្រាស់ក្រែល គិតត្រឹមរយៈពេល១១ខែ ស្ថានីយ​ជញ្ជីងថ្លឹងរថយន្តអចល័ត​បណ្តោះអាសន្ន​ពុកឆ្មារ​ខេត្ត​បាត់ដំបងបាន​ធ្វើការ​ត្រួតពិនិត្យរថយន្តសរុបជាង១១ម៉ឺនគ្រឿង។ក្នុងនោះបាន​រកឃើញ​រថយន្តដឹកលើសទម្ងន់មួយចំនួន ។ លោក ហេង ប៊ុនលី ប្រធានស្ថានីយជញ្ជីងថ្លឹងរថយន្តអចល័តបណ្តោះ​អាសន្នពុកឆ្មារខេត្តបាត់​​ដំបងបានបង្ហាញពី​វឌ្ឍន​ភាពការងារថា រយៈ​ពេល១១ខែក្នុងឆ្នាំ២០២៤នេះស្ថានីយបានត្រួតពិនិត្យរថយន្ត​ជាង​១១ម៉ឺនគ្រឿង ក្នុងនោះបានរក​ឃើញរថយន្តដឹកលើសទម្ងន់ចំនួន ៦០គ្រឿង ព្រមទាំងបានចាប់ឃាត់ទុករយៈពេល១ឆ្នាំ ចំពោះ​រថយន្ត​ល្មើស ក្នុងការដឹក​លើសទម្ងន់មានកម្រិតលើសពី២០ភាគរយ បានចំនួន១៦គ្រឿង។ ស្ថានីយជញ្ជីងថ្លឹងរថយន្តអចល័តបណ្តោះអាសន្នពុកឆ្មារ បានបង្កើត​ឡើងរយៈពេលជាង៣ឆ្នាំមកហើយ។ចាប់ពី ខែកញ្ញា ឆ្នាំ២០២១​រហូតដល់ខែវិច្ឆិកា ឆ្នាំ២០២៤ ស្ថានីយបានត្រួតពិនិត្យយានយន្តជាង ៣៦ម៉ឺនគ្រឿង ក្នុងនោះបាន​ធ្វើការ​ផាក​ពិន័យ និងបានឃាត់ទុករយៈ​ពេល១ឆ្នាំ ចំពោះរថយន្តដែលផ្ទុកលើសទម្ងន់​ក្នុងកម្រិតលើស​ពី២០ភាគ​រយ មានចំនួន​​​៥៩គ្រឿង។ ពាក់ព័ន្ធករណីរថយន្តចូលស្ថានីយ ហើយមិនបានថ្លឹង ត្រូវបាន​លោកប្រធានស្ថានីយពន្យល់ថា ដោយសារជាស្ថានីយ​អចល័ត​បណ្ដោះអាសន្ន មានជញ្ជីងថ្លឹងខ្នាតតូចពាក់កណ្ដាលស្វ័យប្រវត្តិ ។ដូច្នេះថ្លឹងតែរថយន្តណា ដែលមាន​ការសង្ស័យដឹកលើសទម្ងន់តែ​ប៉ុណ្ណោះ ។ចំណែករថយន្តដែលមិនបានថ្លឹងភាគច្រើនជា រថយន្តទទេរ, រថយន្តប្រេងឥន្ធនៈ,រថយន្តដឹកសម្ភារៈ ដែលមានវិក្កយ​បត្រចេញ​ពីក្រុមហ៊ុន និងរថយន្តដែលបានថ្លឹងនៅស្ថានីយផ្សេងៗរួចហើយ។ ព្រមជាមួយគ្នានោះ លោក ហេង ប៊ុនលី បានអំពាវនាវដល់ម្ចាស់​រថយន្តធុនធំ ដែលកំពុងប្រកបអាជីវកម្មដឹក​ជញ្ជូន សូមចូលរួមគោរព​តាមច្បាប់កំណត់ គឺមិនត្រូវផ្ទុកទំនិញលើសទម្ងន់ហួសកម្រិតដែល​កំណត់នោះទេ។ សូមបញ្ជាក់ថា ស្ថានីយជញ្ជីងថ្លឹងរថយន្តពុកឆ្មារខេត្តបាត់ដំបង មានទីតាំងស្ថិតនៅលើកំណាត់ផ្លូវជាតិលេខ៥ ក្នុងភូមិ​ដំបូកខ្ពស់ ឃុំអូរដំបង ស្រុកសង្កែ ។ជាស្ថានីយជញ្ជីងអចល័តបណ្ដោះអាសន្ន។ស្ថានីយថ្មី​ដែលមានលក្ខណៈស្ដង់ដារ បាននិងកំពុងសាងសង់ ដោយក្រុមអ្នកជំនាញការជប៉ុន…

កំពង់ស្ពឺ៖ក្នុងកិច្ចប្រជុំបូកសរុបលទ្ធផលការងារប្រចាំឆ្នាំ​២០២៤​និង​លើក​ទិសដៅការងារឆ្នាំ២០២៥របស់ក្រុម​ការងាររាជ​រដ្ឋាភិបាលចុះ​មូលដ្ឋានខេត្តកំពង់ស្ពឺកាលពីរសៀលថ្ងៃទី១៦ ខែធ្នូ ឆ្នាំ២០២៤នៅ​សាលាខេត្តកំពង់ស្ពឺឯកឧត្តមឧបនាយករដ្ឋមន្ត្រី ហ៊ុន ម៉ានី រដ្ឋមន្ត្រី​ក្រសួង​មុខងារសាធារណៈ និងជាប្រធានក្រុមការងាររាជរដ្ឋាភិបាល​ចុះមូលដ្ឋានខេត្ត​បានផ្តល់សារសំខាន់ខ្លាំង​លើការខិតខំនិងរួមគ្នា​អនុវត្តការងារក្រុមការងារថ្នាក់ជាតិ និងថ្នាក់ក្រោមជាតិ ។ ឯកឧត្តមមានប្រសាសន៍ទៅកាន់មន្រ្តីចូលរួមក្នុងឱកាសនេះថា មន្រ្តីថ្នាក់​ជាតិ និងថ្នាក់ក្រោមជាតិ​ត្រូវ​រួមគ្នាអនុវត្តការងារឱ្យកាន់ខ្លាំងក្លា​បន្ថែមទៀត ដើម្បីធ្វើយ៉ាងណាឱ្យយន្តការនៃការដឹកនាំរបស់រាជ​រដ្ឋាភិ​បាល​ក្នុងអាណត្តិទី៧នេះទទួលបានផ្លែផ្កានិងស​ម្រេច​បាននូវគោលដៅ​យុទ្ធសាស្ត្របញ្ចកោណយ៉ាងពិតប្រាកដ ។ឯកឧត្តម ហ៊ុន ម៉ានី បន្តថា រាជរដ្ឋាភិបាលបានដាក់ចេញនូវ​ផែនការ​យុទ្ធសាស្ត្រអាទិភាពជាច្រើន​ដើម្បីធ្វើយ៉ាងណាប្រទេសជាតិមានការអភិវឌ្ឍ ។ពិសេសជ្រោងជីវ​ភាព​រស់នៅរបស់​ប្រជា​ពលរដ្ឋឱ្យកាន់តែប្រសើរឡើង។ជាងនេះ​រាជរដ្ឋា​ភិបាលបាននិងកំពុងកំណត់គោលដៅជាក់លាក់មួយដើម្បីចាកចេញ​ផុតពីប្រទេសអភិវឌ្ឍន៍តិចតួចក្នុងឆ្នាំ២០២៧ហើយកំពុងដើរឆ្ពោះទៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០ និងមាន​ចំណូលកម្រិតខ្ពស់នៅឆ្នាំ២០៥០។ ដោយរំលេចទៅរកលទ្ធផលការងារ ឯកឧត្តមឧបនាយករដ្ឋមន្ត្រី និង​ជាប្រធានក្រុមការងាររាជរដ្ឋាភិបាល​ចុះមូលដ្ឋាន​ខេត្ត​កំពង់ស្ពឺក៏​បាន​វាយតម្លៃខ្ពស់ចំពោះការខិតខំប្រឹងប្រែងរបស់ក្រុមការងារថ្នាក់ជាតិ និងថ្នាក់ក្រោមជាតិចុះតាម​មូលដ្ឋាន​ទូទាំង​ខេត្ត ដែលបានកសាង​ទំនុក​ចិត្តនិងការសង្ឃឹមខ្ពស់ចំពោះប្រជាពលរដ្ឋមកលើការដឹកនាំរបស់រាជរដ្ឋាភិបាល និង​សូមបន្តយក​ចិត្តទុកដាក់បន្ថែមទៀត ដោយត្រូវដោះ​ស្រាយ ឆ្លើយតបចំពោះសំណូមពរនិងបញ្ហាប្រឈមនានា​ជូន​ប្រជាពល​រដ្ឋបន្ត​ទៀត៕អត្ថបទ៖ម៉ុន សំអាត

(ភ្នំពេញ)៖ ស្ពានអាកាស «មរតកតេជោ» ប្រសព្វរវាងមហាវិថីព្រះមុនីវង្ស មហាវិថីសម្តេចតេជោ ហ៊ុន សែន និង មហាវិថីយោធពលខេមរភូមិន្ទ (ផ្លូវ២៧១) ក្នុងខណ្ឌមានជ័យ និងខណ្ឌចំការមន ក្នុងជំហានទី២ បានឈានដល់ការធ្វើពិធីភ្ជាប់ស្ពានហើយ ដែលពិធីតភ្ជាប់ស្ពាន (ស្ពានអាកាសជាន់ទី១) បានធ្វើឡើងនារសៀលថ្ងៃទី១៧ ខែធ្នូ ឆ្នាំ២០២៤នេះ ក្រោមអធិបតីភាពឯកឧត្ដម ឃួង ស្រេង អភិបាលរាជធានីភ្នំពេញនិងអ្នកឧកញ៉ា ពុង ឃាវសែ ប្រធានក្រុមប្រឹក្សាភិបាល OCIC។ ស្ពានអាកាស «មរតកតេជោ» ជំហានទី២ គ្រោងនឹងបញ្ចប់ការសាងសង់ មុនផែនការប្រមាណ ០៤ខែពោលគឺនឹងបញ្ចប់មុនចូលឆ្នាំប្រពៃណីជាតិ ឆ្នាំ២០២៥ (ក្នុងគម្រោងខែសីហា ឆ្នាំ២០២៥) ។ ស្ពានអាកាស មរតកតេជោ ជាន់ទី២ ដំណាក់កាលទី១ ក្រោយមានការសម្រេចដ៏ខ្ពង់ខ្ពស់បំផុតរបស់សម្តេចមហាបវរធិបតីហ៊ុន ម៉ាណែត នាយករដ្ឋមន្ត្រី កាលពីថ្ងៃទី០១ ខែមេសា ឆ្នាំ២០២៤កន្លងទៅរដ្ឋបាលរាជធានីភ្នំពេញដាក់ឱ្យប្រើប្រាស់ជាបណ្តោះអាសន្ន ដើម្បីជួយសម្រួលដល់ការធ្វើដំណើររបស់បងប្អូនប្រជាពលរដ្ឋ និងដើម្បីដោះស្រាយការកកស្ទះចរាចរ ។ ស្ពានអាកាសថ្មីនេះ ត្រូវបានអភិបាលរាជធានីភ្នំពេញ ឯកឧត្ដម ឃួង ស្រេង…