(ភ្នំពេញ)៖ គិតត្រឹមឆ្នាំ ២០២៤នេះ មានកម្មករនិយោជិតប្រមាណជិត ២៣ មុឺននាក់កំពុងធ្វើដំណើរតាមរថយន្តសម្រាប់ជាមធ្យោបាយធ្វើដំណើរទៅធ្វើការ និងត្រលប់មកពីធ្វើការវិញ ក្នុងនោះមានរថយន្តមួយចំនួនមិនទាន់មានកៅអីអង្គុយត្រឹមត្រូវនោះទេ ដែលកត្តាទាំងនេះអាចបង្កហានិភ័យគ្រោះថ្នាក់ដល់កម្មករនិយោជិតអំឡុងពេលធ្វើដំណើរ។ នេះជាការបញ្ជាក់របស់ ឯកឧត្តម ខឹម បូរិន ទីប្រឹក្សាអមក្រសួងការងារ និងបណ្តុះបណ្តាលវិជ្ជាជីវៈ កាលពីរសៀលថ្ងៃទី១២ ខែតុលា ឆ្នាំ២០២៤ នៅក្នុងសិក្ខាសាលាស្តីពី «សុវត្ថិភាពមធ្យោបាយដឹកជញ្ជូនកម្មករនិយោជិត និងសុខដុមនីយកម្មនៃទំនាក់ទំនងវិជ្ជាជីវៈនៅកម្ពុជា» នៅខេត្តសៀមរាប ដោយមានការចូលរួមពីសំណាក់ភាគីពាក់ព័ន្ធ ដូចជាតំណាងភាគីកម្មករនិយោជិត តំណាងភាគីនិយោជក និងតំណាងភាគីរាជរដ្ឋាភិបាល ប្រមាណជាង ៣០០នាក់។ ឯកឧត្តម ខឹម បូរិន បានគូសបញ្ជាក់បន្ថែមថា ខេត្តដែលមានរថយន្តដឹកកម្មករនិយោជិតច្រើនជាងគេមានដូចជា ខេត្តកំពង់ស្ពឺមានជាង ៩០០គ្រឿង និងខេត្តបន្តបន្ទាប់ទៀតមានដូចជា ខេត្តកំពង់ឆ្នាំង ខេត្តព្រៃវែង ជាដើម។ ក្នុងន័យនេះ រាជរដ្ឋាភិបាលកម្ពុជា ដែលមានក្រសួងការងារ និងបណ្តុះបណ្តាលវិជ្ជាជីវៈ មានគោលដៅបំបាត់ទាំងស្រុងនូវរថយន្តដែលគ្មានកៅអីអង្គុយត្រឹមត្រូវ គ្មានបទដ្ឋានសុវត្ថិភាព ​និងគ្មានផាសុកភាពនៅពេលខាងមុខដ៏ខ្លី។ ឯកឧត្តម ជួប ឋិតឋេរឬទ្ធិ អនុរដ្ឋលេខាធិការ នៃក្រសួងការងារ និងបណ្តុះបណ្តាលវិជ្ជាជីវៈ បានគូសបញ្ជាក់ថា សិក្ខាសាលានាពេលនេះ ត្រូវបានរៀបចំឡើងដោយក្រសួងការងារ…

កំពង់ធំ៖ឯកឧត្តម សោម ស៊ុន, សមាជិកអចិន្ត្រៃយ៍គណបក្សខេត្ត និងអនុប្រធានក្រុមការងារចុះមូលដ្ឋានស្រុកនិង​សហការី​នៅចុង​សប្ដាហ៍នេះបានអញ្ជើញ​ពិនិត្យការសាងសង់ទីស្នាក់ការ​គណបក្ស​ប្រជាជនកម្ពុជានៅឃុំដងកាំបិត ស្រុកសណ្ដាន់ ខេត្តកំពង់ធំ។ លោក ឃួន សុខមករា តំណាងក្រុមជាងសំណង់ បានរាយការណ៍ថា ការសាងសង់បានដំណើរការទៅជាដំណាក់កាល និង​សម្រេចបាន​ប្រមាណ ៨០%។ ក្រុមជាងសំណង់បានខិត​ខំប្រឹងប្រែងអនុវត្តការងារ​តាមផែនការដែលបានកំណត់ទុក ទោះបីមាន​ការពន្យាពេលខ្លះដោយ​សាររដូវបុណ្យភ្ជុំបិណ្ឌ និងភ្លៀងធ្លាក់ជាប់ៗក៏ដោយ។ ក្នុងឱកាសនេះឯកឧត្តមក៏បានផ្តល់ថវិកាបន្ថែមដល់ក្រុមជាងសំណង់ ដើម្បីជួយឧបត្ថម្ភជីវភាពប្រចាំថ្ងៃផងដែរ៕ ដោយ​៖ប៊ុន​រដ្ឋា

បាត់ដំបង៖ក្នុងសប្ដាហ៍នេះក្រុមការងារបេសកកម្មត្រួតពិនិត្យនៃ​គម្រោងរបស់ធនាគារអភិវឌ្ឍន៍អាស៊ី(ADB)និងទីភ្នាក់អភិវឌ្ឍន៍​បារាំង​(AFD)បានចុះធ្វើការវាយតម្លៃ លើដំណើរការនៃការអនុវត្តគម្រោង​ផ្គត់ផ្គង់ទឹកស្អាត និងអនាម័យ​ខេត្តបាត់ដំបង។ ឯកឧត្តម អ៊ុត ក្លឹង អគ្គនាយករដ្ឋាករទឹកបាត់ដំបង ដែលបានអម​ដំណើរ​ក្រុមការងារបេសកកម្មខាងលើនេះ បានបញ្ជាក់ថាគម្រោងផ្គត់ផ្គង់​ទឹកស្អាតនិងអនាម័យរបស់ខេត្តបាត់ដំបងគ្រោងនឹងបញ្ចប់នៅចុងឆ្នាំ២០២៤។នៅក្នុងដំណើរបេសកកម្មនេះ ក្រុមការងារបានវាយតម្លៃ​វឌ្ឍនភាព​ការងារ ដោយធៀបនឹងកម្មវិធីផែនការសកម្មភាពការងារ និងពិនិត្យបញ្ហាប្រឈមនានា ដើម្បីពិភាក្សាដោះស្រាយ កែសម្រួល​និងលើកជាសំណើផ្សេងៗ សម្ដៅជំរុញឱ្យការអនុវត្តគម្រោង​​ប្រព្រឹត្តទៅបាន​ឆាប់រហ័ស​តាម​ការគ្រោងទុកនៃផែនការមេ។ សូមជម្រាបថា គម្រោងខាងលើនេះមានការសាងសង់ស្ថានីយ​បូមទឹកឆៅមួយកន្លែង, សាងសង់រោងចក្រទឹកស្អាត​ដែលមាន​សមត្ថភាពផលិតទឹកស្អាតបាន៥ម៉ឺនម៉ែត្រគូបក្នុងមួយថ្ងៃ, រៀបចំពង្រីកបំពង់ទឹកស្អាតប្រវែង៩៤គីឡូម៉ែតដែលជាការពង្រីក​​នូវ​សមត្ថភាពនៃប្រព័ន្ធផ្គត់ផ្គង់ទឹកស្អាតរបស់រដ្ឋាករទឹកបាត់ដំបង ដែលអាចបន្ថែមពី ៣៣​ ៥២០ម៉ែត្រ​គូបក្នុងមួយថ្ងៃ​ឱ្យ​ឡើងដល់​៨៣ ៥២០ម៉ែត្រគូបក្នុងមួយថ្ងៃ និងដើម្បីសម្រេចគោលដៅតំបន់​សេវាកម្មឱ្យបាន ១០០% ត្រឹមឆ្នាំ ២០៣០ ខាងមុខ។ ឯកឧត្តម អ៊ុត ក្លឹង អគ្គនាយករដ្ឋាករទឹកបាត់ដំបងបានឱ្យ​ថា បច្ចុប្បន្ន​រដ្ឋាករទឹកបាត់ដំបង មានរោងចក្រផលិត​ទឹកស្អាត​ចំនួន២​ទីតាំង ដែលមានសមត្ថភាពផលិតសរុប ៣៣ ៥២០ ម៉ែត្រគូប​ក្នុងមួយថ្ងៃ ។មានប្រវែងបំពង់ទឹកស្អាត​ ៧៩១ គីឡូម៉ែត្រ មានអតិថិ​ជនសរុប ៣៧ ៥៥៩គ្រួសារស្មើនិងតំណ ខណៈសេវាគ្របដណ្តប់បាន ៨៥ ភូមិ ក្នុងចំណោមភូមិគោលដៅ​សរុបចំនួន៩៩ភូមិ​ស្ថិតក្នុងស្រុកចំនួន២ និងក្រុង១៕ អត្ថបទ-រូបភាព៖ អ៊ុក សំអាន បប.

កំពង់ធំ៖ លោក សាយ គឹមឡម អភិបាលស្រុកស្ទោងបាន​លើកទឹកចិត្ត​ប្រជាពលរដ្ឋឱ្យនិយាយការពិត និងរាយការណ៍​ពីចំណុច​អវិជ្ជមាន​របស់​អាជ្ញាធរមូលដ្ឋាន។លោកបានលើកឡើងដូច្នេះក្នុងឱកាស​ចុះសួរសុខ​ទុក្ខ និងចែកអំណោយជូនប្រជាពលរដ្ឋ​ក្រីក្រ​ចំនួន ៥ គ្រួសារ នៅភូមិ​ស្រោមដែក ឃុំបន្ទាយស្ទោង ស្រុកស្ទោង ខេត្តកំពង់ធំ នារសៀលថ្ងៃទី ១១ ខែតុលា ឆ្នាំ ២០២៤។ ក្នុងនោះ, លោក សាយ គឹមឡម បានណែនាំដល់អាជ្ញាធរឃុំ​បន្ទាយ​ស្ទោង និងក្រុមការងារពាក់ព័ន្ធឲ្យយកចិត្តទុក​ដាក់ខ្ពស់លើ​សុខុមាល​ភាព និងតម្រូវការជាក់ស្តែងរបស់ប្រជាពលរដ្ឋ ជាពិសេសពលរដ្ឋក្រីក្រ ដើម្បីអាចជួយសង្គ្រោះ និងផ្ដល់បណ្ណសមធម៌ និងបណ្ណក្រីក្រ ដែល​ជាគោលនយោបាយអាទិភាពរបស់រាជរដ្ឋាភិបាលអាណត្តិទី ៧ ជូន​ពួកគាត់បានទាន់ពេលវេលា៕ដោយ៖​ប៊ុន​រដ្ឋា

កំពង់ចាម៖ឯកឧត្តម អ៊ុន ចាន់ដា អភិបាលខេត្តកំពង់ចាមកាលពី​រសៀលថ្ងៃទី១១ ខែតុលា ឆ្នាំ២០២៤ បានអញ្ជើញចុះពិនិត្យ​សកម្ម​ភាពហាត់សមរបស់ក្រុមកីឡាទូក ង ឈ្មោះ​ បាធាយ​ តេជោ​សែន​ជ័យ​ នៃវត្តបទុមតារារាម ហៅទួលចាន់​ ស្ថិតក្នុងឃុំច្បារអំពៅ ស្រុក​បាធាយ ដើម្បីត្រៀមចូលរួមប្រកួតក្នុងឱកាសអបអរសាទរបុណ្យចេញព្រះវស្សា នៅថ្ងៃទី១៧ ខែតុលា ឆ្នាំ២០២៤ ឆាប់ៗខាង​មុខនេះ ។ ក្នុងឱកាសនោះ​ ឯកឧត្តមអភិបាលខេត្តកំពង់ចាម បានលើកទឹកចិត្ត​ដល់ក្រុមកីឡាករទាំងអស់ ត្រូវខិតខំគោរពវិន័យ ជាពិសេស​ត្រូវគោរព​តាមលក្ខន្តិកៈ របស់គណៈកម្មការរៀបចំការប្រកួត ឱ្យបានខ្ជាប់ខ្ជួន ហើយត្រូវខិតខំធ្វើការហ្វឹកហាត់ និងថែរក្សាប្រពៃណី វប្បធម៌ ។ក្នុងពេលប្រកួតត្រូវរួមសាមគ្គីភាព និងសហការគ្នាជាក្រុម។ការរួមគ្នាជា​ក្រុម ជាកត្តាទទួលបានជោគជ័យ។ ការដណ្តើមជ័យជម្នះសម្រាប់​បន្តទៅ​ចូលរួម​ប្រកួតនៅកំរិតថ្នាក់ជាតិនាពេលខាងមុខ។ គួរបញ្ជាក់ថា រដ្ឋបាលខេត្តកំពង់ចាមនឹងរៀបចំពិធីប្រណាំងទូក ង ទូកខ្នាតអន្តរជាតិ នៅក្រុងកំពង់ចាម ក្នុងថ្ងៃបុណ្យចេញព្រះវស្សា រយៈពេល ពេញមួយថ្ងៃ នៅវេទិកាអុំទូក ស្ថិតក្នុងភូមិជ្រោយថ្ម សង្កាត់បឹងកុក ក្រុងកំពង់ចាម ។នៅពេលរាត្រី មានការ​បណ្តែត​ប្រទីប និងអុជកាំជ្រួច។ ព្រមទាំងមានតាំងពិព័រណ៍សមិទ្ធផលរបស់ រដ្ឋបាលក្រុង-ស្រុក មន្ទីរ-អង្គភាពជុំវិញខេត្ត, ពិព័រណ៍ផលិតផល​នានា និងការប្រគំតន្ត្រីខ្នាតធំ…

កំពង់ធំ៖ឯកឧត្តម ទេព អស្នារិទ្ធ អនុរដ្ឋលេខាធិការ និងជាប្រធាន​ក្រុមអ្នកនាំពាក្យក្រសួងព័ត៌មាន បានអញ្ជើញ​ដឹកនាំកិច្ចប្រជុំ​តម្រង់​ទិសលើការងារព័ត៌មាននិងសាធារណៈមតិដល់មន្ត្រីមន្ទីរ​ព័ត៌មាន​ខេត្តកំពង់ធំ។ ក្នុងកម្មវិធីកាលពីរសៀលថ្ងៃទី១១ ខែតុលា ឯកឧត្តម ទេព អស្នារិទ្ធ ជាមួយនឹងការកោត​សរសើរដល់ថ្នាក់ដឹកនាំ និងមន្ត្រីរាជការនៃ​មន្ទីព័ត៌មានដែលបានខិតខំបំពេញការដោយទទួលបានលទ្ធផលល្អប្រសើរ ។ក្នុងតួយ៉ាងសំខាន់ និងជាសេនាធិការផ្ទាល់​ឱ្យសាលា​ខេត្ត ជាពិសេសទៅលើវិស័យព័ត៌មានឯកឧត្តមអនុរដ្ឋលេខាធិការបានផ្តល់នូវការតម្រង់ទិស ឱ្យយកចិត្តទុកដាក់​លើ​ការពង្រឹង​សមត្ថភាព​មន្ត្រី​ជំនាញ​ ,ការគ្រប់គ្រងអ្នកសារព័ត៌មាន ដើម្បីឱ្យព័ត៌មានទទួលបាន​លទ្ធផលល្អ, ការឆ្លើយតបទៅ​នឹងព័ត៌មាន​ក្លែង​ក្លាយ ក្រុមសាធារណៈ​មតិទាំងអស់ត្រូវតែទប់ស្កាត់ជាបន្ទាន់រាល់ព័ត៌មានដែលផ្សាយមិនប្រក្រតី។ ឯកឧត្តមក៏បានជំរុញកិច្ច​សហការ​ជាមួយមន្ទីរអង្គភាព សាលាខេត្ត និងបណ្ដាក្រុងស្រុកក្នុងមូលដ្ឋាន។ សូមជម្រាបថា ក្នុងកម្មវិធីខាងលើក៏មានការអញ្ជើញចូលរួមឯកឧត្តម អ៊ីវ ផល្លី អនុរដ្ឋលេខាធិការក្រសួងព័ត៌មាន ទទួលបន្ទុក មន្ទីរ​ព័ត៌មានខេត្ត​កំពង់ធំ  លោកស្រី ង៉ែត ណារីន ប្រធានមន្ទីរព័ត៌មានខេត្តកំពង់ធំ  កញ្ញា ឆន ណាវី អគ្គនាយករងនៃអគ្គ​នាយក​ដ្ឋានព័ត៌មាន និងសោតទស្សន៍   កញ្ញា បូរិន សុភាវុទ្ធតិ៍ អនុព័ន្ធសារព័ត៌មាននៃខុទ្ទកាល័យរបស់​ឯកឧត្តម​រដ្ឋមន្ត្រីក្រសួងព័ត៌មាន លោក ខាត់ សុគន្ធឌីណា ប្រធានមន្ទីរសម្រប​សម្រួលរាជធានី/ខេត្ត និងមន្ត្រីរាជការ ព្រមទាំងមន្ត្រីជាប់កិច្ចសន្យា​នៃមន្ទីរព័ត៌មានខេត្តកំពង់ធំជាច្រើននាក់៕ ដោយ៖​ប៊ុន​រដ្ឋា

សៀមរាប៖ព្រះសច្ចានុបាល នឿម វុទ្ធី ព្រះគ្រូចៅអធិការវត្តស្វាយរមៀត ព្រមទាំងព្រះរាជាគណៈ ព្រះគ្រូ ព្រះចៅអធិការ​ក្នុងក្រុង​សៀមរាប និង​អាជ្ញាធរមូលដ្ឋានកាលពីព្រឹកថ្ងៃទី១២ ខែតុលា បានចែកជូនស្បៀង​ដល់គ្រួសារមានជីវភាពខ្វះខាត និងចាស់​ជរាចំនួន៤០គ្រួសារ នៅភូមិបន្ទាយឈើ សង្កាត់ទឹកវិល ក្រុងសៀមរាបខេត្តសៀមរាប ។ ក្នុងឱកាសនេះព្រះសច្ចានុបាល នឿម វុទ្ធី បានមានថេរដីកាថា អំណោយទាំងនេះកើតចេញពីទឹកចិត្តសទ្ធា ជ្រះថ្លារបស់ព្រះសង្ឃ​ដូច​នេះគ្រួសារដែលទទួលបានការឧបត្ថម្ភនេះត្រូវយកទៅបរិភោគប្រើប្រាស់ក្នុងផ្លូវល្អឱ្យមានកម្លាំង មានសុខភាពល្អ និង ខិតខំប្រឹង​ប្រែងស្វែង​រកទ្រព្យបន្ថែមទៀត ពីព្រោះការជួយ នេះមិនអាចដោះស្រាយ​បញ្ហា​ខ្វះខាតបានទាំងស្រុងទេ ពោលគឺវាគ្រាន់តែ​បាន​ជួយដោះស្រាយមួយ រយៈពេលខ្លីប៉ុណ្ណោះ។ ចំណែកព្រះធម្មានុរ័ក្ខញាណ ស៊ុ ពិសិទ្ធ ព្រះសមុហ៍ គណខេត្ត​សៀមរាប​បានមានថេរដីកាថា  ការផ្តល់ជាគ្រឿងឧភោគបរិភោគ​របស់ព្រះសង្ឃនៅពេលនេះ គឺជាការចូលរួមជា មួយរាជរដ្ឋាភិបាល​កម្ពុជា ក្នុងការជួយទៅដល់ប្រជាពលរដ្ឋ ដែលកំពុង​ជួបការ​លំបាក។ ពុទ្ធបរិស័ទទាំងអស់ គឺមិត្តរួមជាតិ រួមសាសន៍ រួមទុក្ខ រស់នៅក្រោម​ម្លប់នៃព្រះពុទ្ធសាសនា៕ដោយ៖​ប៊ុន​រដ្ឋា

(ភ្នំពេញ)៖ ផ្នែកក្រសួង-ស្ថាប័ន នៃយុវជនគណបក្សថ្នាក់កណ្តាល បានរៀបចំកិច្ចប្រជុំពិនិត្យវឌ្ឍនភាពការងាររបស់ក្រុមការងារយុវជនគណបក្សក្រសួង ស្ថាប័នទាំង៤២ ប្រចាំត្រីមាសទី៣ ឆ្នាំ២០២៤ នៅព្រឹកថ្ងៃសៅរ៍ ទី១២ ខែតុលា ឆ្នាំ២០២៤ ឯកឧត្តមបណ្ឌិត ជ្រុន ថេរ៉ាវ៉ាត អនុប្រធានយុវជនគណបក្សថ្នាក់កណ្តាល និងជាប្រធានគណៈប្រចាំការនៃគណៈអចិន្ត្រៃយ៍យុវជនគណបក្សថ្នាក់កណ្តាល តំណាងសម្តេចមហាបវរធិបតី ហ៊ុន ម៉ាណែត អនុប្រធានគណបក្សប្រជាជនកម្ពុជា និងជាប្រធានយុវជនគណបក្សប្រជាជនកម្ពុជាថ្នាក់កណ្តាល និងអញ្ជើញចូលរួមពីឯកឧត្តមប្រធាន អនុប្រធាន សមាជិកផ្នែក និងឯកឧត្តម លោកជំទាវ លោក លោកស្រី ប្រធាន អនុប្រធានប្រចាំការ ប្រធានលេខាធិការដ្ឋាន ក្រុមការងារយុវជនគណបក្សក្រសួង-ស្ថាប័នទាំង៤២ ព្រមទាំងឯកឧត្តម លោកជំទាវ លោក លោកស្រី នាងកញ្ញា ជំនួយការផ្នែកក្រសួង-ស្ថាប័ន សរុបប្រមាណ ២៥០នាក់ ។ មានមតិស្វាគមន៍ និងរបាយការណ៍សង្ខេបជូនអង្គប្រជុំ ឯកឧត្តម ឃុត ចាន់ដារ៉ា សមាជិកគណៈកម្មាធិការកណ្តាល និងជាប្រធានផ្នែកក្រសួង-ស្ថាប័ននៃយ.គ.ក. បានលើកឡើងពីកិច្ចខិតខំប្រឹងប្រែងរបស់ថ្នាក់ដឹកនាំផ្នែក ជំនួយការផ្នែក និងក្រុមការងារយុវជនគណបក្សក្រសួង-ស្ថាប័នទាំង៤២ ដែលសម្រេចបានលទ្ធផលការងារជាបន្តបន្ទាប់ ស្របតាមផែនការសកម្មភាពប្រចាំឆ្នាំ ព្រមទាំងគូសបញ្ជាក់ពីតួនាទីដ៏សំខាន់នៃជំនួបប្រចាំត្រីមាសនេះ ដែលបានរួមចំណែកលើកកម្ពស់…

(ភ្នំពេញ)៖ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ កាលពីថ្ងៃទី១២ ខែតុលា ឆ្នាំ២០២៤ បានទទួលជួបសម្តែងការគួរសម និងពិភាក្សា​ការងារជាមួយ ឯកឧត្តម David L. Almirol, Jr. អនុរដ្ឋមន្ត្រី ទទួលបន្ទុករដ្ឋាភិបាល​អេឡិចត្រូនិក នៃក្រសួងព័ត៌មាននិងបច្ចេកវិទ្យាគមនាគមន៍ នៃសាធារណៈរដ្ឋ​ហ្វីលីពីន ព្រមទាំងសហការី ក្នុងគោលបំណងពិភាក្សា និងពង្រឹងកិច្ចសហប្រតិបត្តិ​ការ​លើ​វិស័យឌីជីថល ការអភិវឌ្ឍថ្នាលនិងប្រព័ន្ធសម្រាប់រដ្ឋាភិបាល ចែករំលែកបទ​ពិសោធក្នុងការធ្វើបរិវត្តកម្មរដ្ឋាភិបាលឌីជីថល និងការបណ្តុះបណ្តាលធនធាន​មនុស្ស ៕ ដោយ ៖ ង៉ាន់ ទិត្យ