(ភ្នំពេញ)៖ ក្រសួងប្រៃសណីយ៍និងទូរគមនាគមន៍ សូមអបអរសាទរ​ចំពោះក្រុម​និស្សិតសាកលវិទ្យាល័យអាមេរិកាំងភ្នំពេញ (AUPP) វិទ្យាស្ថានសិក្សាអន្តរជាតិ និងគោលនយោបាយសារធារណៈ (IISPP) នៃសាកលវិទ្យាល័យភូមិន្ទភ្នំពេញ និងសាកលវិទ្យាល័យខេមតិច ដែលមានទេពកោសល្យ ចូលរួមតំណាងឱ្យកម្ពុជា បានឈ្នះជើងឯកក្នុងកម្មវិធីប្រកួតប្រជែង Tech4Good ដ៏ល្បីល្បាញក្នុងតំបន់​អាស៊ីប៉ា​ស៊ីហ្វិក ដែលបានប្រព្រឹត្តទៅកាលពីថ្ងៃទី២៤-២៦ ខែកញ្ញា ឆ្នាំ២០២៤ នៅសាធារណរដ្ឋប្រជាមានិតចិន។ ការប្រកួតប្រជែងឆ្នាំនេះមានអ្នកចូលរួម​សរុប​ចំនួន ១៣០ នាក់មកពី ១៨ ប្រទេស។ គម្រោងដែលក្រុមនិស្សិតនាំយកទៅប្រកួតប្រជែងហើយឈានទៅទទួលបានជ័យជំនះមានឈ្មោះថា WeSync ដែលជាកម្មវិធីឆ្លាតវៃជួយអ្នកមានជំងឺសម្ពាធឈាមខ្ពស់ ក្នុងការតាមដាន និងគ្រប់គ្រងសម្ពាធឈាមរបស់ពួកគេ។ ក្រុមនិស្សិតជ័យលាភី នឹងតំណាងឱ្យប្រទេសកម្ពុជាចូលរួមប្រកួតប្រជែង Tech4Good Global ដែលនឹងប្រព្រឹត្តទៅក្នុងឆ្នាំ២០២៥ នៅប្រទេសចិន នាពេលខាងមុខ។ កម្មវិធី Tech4Good គឺជាការប្រកួតប្រជែងគម្រោងធុរកិច្ចថ្មី ដែលរៀបចំដោយ​ក្រុមហ៊ុន Huawei ដើម្បីលើកកម្ពស់ការយល់ដឹងរបស់សិស្សានុសិស្ស លើនិន្នាការ​ឌីជីថលថ្មីៗ និងការបង្កើតដំណោះស្រាយទាំងផ្នែកបច្ចេកទេស និងពាណិជ្ជកម្ម ដើម្បីដោះស្រាយចំពោះបញ្ហា និងតម្រូវការសង្គម៕ ដោយ ៖ ង៉ាន់ ទិត្យ

 (ខេត្តកំពង់ឆ្នាំង)៖ នៅក្នុងការបង្ហាញដ៏មានសំខាន់នៃកិច្ចសហប្រតិបត្តិការអន្តរជាតិ និងការចូលរួមសហគមន៍ ទីភ្នាក់ងារសហប្រតិបត្តិការអន្តរជាតិកូរ៉េ (កយកា-KOICA) សមាគមអតីតកម្មសិក្សាការីកម្ពុជា-កូរ៉េ (CAMKAA) និងក្រុមអ្នកស្ម័គ្រចិត្តកូរ៉េ (WFK) កាលពីថ្ងៃទី១១ ខែតុលា ឆ្នាំ២០២៤ បានរៀបចំកម្មវិធីសកម្មភាពសង្គម និងពិធីចែកអំណោយ នៅសាលាបឋមសិក្សាក្រសាំងដុះឡើង ដោយមានអ្នកចូលរួមជាង៤០០នាក់ កម្មវិធីនេះបានសង្កត់ធ្ងន់លើការយកចិត្តទុកដាក់របស់ស្ថាប័នទាំងនេះក្នុងការជំរុញការអប់រំ និងការអភិវឌ្ឍសុខភាពនៅក្នុងសហគមន៍ជនបទរបស់កម្ពុជា។ ពិធីនេះប្រព្រឹត្តទៅក្រោមអធីបតីភាព លោកស្រី ឆយ មូន ជុង (Ms. CHOI Moon Jung) នាយិកា ទីភ្នាក់ងារសហប្រតិបត្តិការអន្តរជាតិកូរ៉េ (កយកា-KOICA) ប្រចាំ​ប្រទេសកម្ពុជា ឯកឧត្តម យ៉ង់ ភីរម្យ អភិបាលរងខេត្តកំពង់ឆ្នាំង និង ឯកឧត្តម អ៊ឹម សួរ ប្រធានសមាគមអតីតកម្មសិក្សាការីកម្ពុជា-កូរ៉េ (CAMKAA) និងជាអគ្គលេខា​ធិការរងនៃក្រុមប្រឹក្សាអភិវឌ្ឍន៍កម្ពុជា។ លោកគ្រូ អ្នកគ្រូ មាតាបិតាសិស្ស និងអ្នក​តំណាងមកពីសាលាបឋមសិក្សាចំនួន២០ នៅស្រុកទឹកផុស ក៏បានចូលរួមក្នុងកម្មវិធី​នេះ​ផងដែរ ដែលនេះជាឱកាសដ៏សំខាន់មួយនៅក្នុងកិច្ចសហប្រតិបត្តិការ​បន្តរវាង​កម្ពុជា និងកូរ៉េខាងត្បូង ។ ចំណុចស្នូលនៃកម្មវិធីនេះគឺ ការចែកចាយធនធានសំខាន់ៗក្នុងគោលបំណង​លើក​កម្ពស់ការអប់រំ និងលទ្ធផលសុខភាពសម្រាប់កុមារនៅក្នុងប្រទេសកម្ពុជា។ទីភ្នាក់ងារ​សហប្រតិបត្តិការអន្តរជាតិកូរ៉េ(កយកា-KOICA) សមាគមអតីតកម្មសិក្សាការីកម្ពុជា-កូរ៉េ(CAMKAA) និងក្រុមអ្នកស្ម័គ្រចិត្តកូរ៉េ…

ព្រះវិហារ៖មេបញ្ជាការតំបន់ប្រតិបត្តិការសឹករងព្រះវិហារឧត្តម​សេនីយ៍ទោ ច័ន្ទ សុភ័ក្ត្រា ប្រធានសមាគមអតីតយុទ្ធជនកម្ពុជា ខេត្តព្រះវិហារកាលពីថ្ងៃទី៩ ខែតុលា ឆ្នាំ២០២៤ បានអញ្ជើញដឹកនាំ​ក្រុមការងារថ្នាក់ខេត្ត ស្រុក និងមន្ត្រីថ្នាក់មូលដ្ឋាន នាំយក​អំណោយ​ដ៏ថ្លៃថ្លារបស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា និង​លោកជំទាវបណ្ឌិត ពេជ ចន្ទមុន្នី ចែកជូន​ដល់គ្រួសារ​អតីតយុទ្ធជន គ្រួសារពលី ពិការ និងប្រជាពលរដ្ឋ ដែលមានជីវភាពក្រលំបាក ៥១គ្រួសារ មកពីឃុំនានា នៅក្នុងស្រុកជាំក្សាន្ដ ខេត្ដព្រះវិហារ។ អំណោយជាគ្រឿងឧបភោគ បរិភោគ នៅពេលនោះ រួមមាន អង្ករ ,មី ,ទឹកត្រី និងត្រីខកំប៉ុង។ដោយឡែក គ្រួសារសព​អតីត​យុទ្ធ​ជនកម្ពុជា​ចំនួន២គ្រួសារទទួលបានថវិកាបេឡាមរណៈសង្គ្រោះពីសមាគមអតីតយុទ្ធជនកម្ពុជា ខេត្តព្រះវិហារ។ក្នុងនេះឈ្មោះ ប៉ែន ហៃ ភេទប្រុស អាយុ ៦៩ឆ្នាំ ជានិវត្តន៍ជន រស់នៅភូមិធម្មជាតិ ឃុំស្រអែម ស្រុក​ជាំក្សាន្ត ទទួលបានថវិកា ៤លានរៀល និងឈ្មោះ សៀង សាន ភេទប្រុស អាយុ ៦១ ឆ្នាំ ជានិវត្ដន៍ជន…

កំពង់ចាម៖ ឯកឧត្តម អ៊ុន ចាន់ដា អភិបាលខេត្តកំពង់ចាម និង​សហ​ការី កាលពីរសៀលថ្ងៃទី៩១០ ខែតុលា​បានអញ្ជើញ​ចុះជួបសួរ​សុខ​ទុក្ខលោក ប្លោក សុវណ្ណ ចៅសង្កាត់កំពង់ចាម ដែលកំពុងសម្រាក​ព្យាបាលជំងឺនៅគេហដ្ឋាន ស្ថិតក្នុងក្រុងកំពង់ចាម។ លោក ប្លោក សុវណ្ណ គឺជាចៅសង្កាត់គំរូមួយរូបដែលបានឆក់យក​បេះដូងប្រជាពលរដ្ឋនៅក្នុងសង្កាត់កំពង់ចាម រហូតថ្នាក់ដឹកនាំផ្តល់​សេចក្តីទុកចិត្ត។លោកបានជាប់ជាចៅសង្កាត់កំពង់ចាម ៥អាណត្តិ ជាប់ៗគ្នា។ក្រៅពីក្នុងតួនាទីជាចៅសង្កាត់កំពង់ចាម លោកក៏មានតួនាទី ជាអនុប្រធានអចិន្ត្រៃយ៍នៃសមាគមក្រុមប្រឹក្សាក្រុង ស្រុក ឃុំសង្កាត់ ប្រចាំខេត្តកំពង់ចាមផងដែរ។ ក្នុងឱកាសនោះឯកឧត្តម អ៊ុន ចាន់ដា បានលើកទឹកចិត្តលោក ប្លោក សុវណ្ណ ឱ្យខិតខំថែទាំសុខភាពឱ្យបានល្អប្រសើរស្តាប់​តាម​វេជ្ជបញ្ជា រួមនិងការសម្រាក ហូបចុកឱ្យបានគ្រប់គ្រាន់។ ឯកឧត្តមអភិបាលខេត្តក៏បានផ្ដាំផ្ញើដល់ក្រុមគ្រូពេទ្យខេត្ត ឱ្យនាំយក​លោកចៅសង្កាត់ទៅសម្រាក និងព្យាបាលជំងឺនៅមន្ទីរពេទ្យបង្អែកខេត្ត រហូតដល់ជាសះស្បើយ។ឯកឧត្តម​ក៏បានឧបត្ថម្ភនូវ​ថវិកាផ្ទាល់ខ្លួន​មួយ​ចំនួនជូនដល់លោកចៅសង្កាត់ដើម្បីទុកប្រើប្រាស់ទៅតាមតម្រូវការ៕ដោយ៖លីពៅ

(មណ្ឌលគិរី)៖ ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្រ្តីក្រសួងរៀបចំ​ដែនដី នគរូបនីយកម្ម និងសំណង់ មានប្រសាសន៍ថា ការងារចុះបញ្ជីដីបង្ហើយ គឺឲ្យប្រជាពលរដ្ឋទទួលបាននូវសុវត្ថិភាពផ្លូវច្បាប់ ក្នុងការកាន់កាប់កម្មសិទ្ធិ​ស្រប​ច្បាប់ ។ នេះជាការលើកឡើងរបស់ឯកឧត្តឧបនាយករដ្ឋមន្រ្តី ក្នុងឱកាសអញ្ជើញសំណេះ​សំណាល និងប្រគល់វិញ្ញាបនបត្រសម្គាល់ម្ចាស់អចលនវត្ថុ ជូនប្រជាពលរដ្ឋស្ថិតនៅ​ភូមិឈួល ឃុំស្រែហ៊ុយ ស្រុកកោះញែក ខេត្តមណ្ឌលគិរី នាព្រឹកថ្ងៃទី១១ ខែតុលា ឆ្នាំ២០២៤ ។ ទន្ទឹមនឹងនេះ ឯកឧត្តមឧបនាយករដ្ឋមន្ត្រី សាយ សំអាល់ ថ្លែងអំណរគុណ​ដល់​ពុក​ម៉ែបងប្អូនប្រជាពលរដ្ឋ រដ្ឋបាលខេត្ត មន្ទីររៀបចំដែនដី នគរូបនីយកម្ម សំណង់ និង​សុរិយោដីខេត្ត មន្ត្រីរាជការ កងកម្លាំងប្រដាប់អាវុធ មេភូមិ មេឃុំ និងអាជ្ញាធរពាក់ព័ន្ធ​ទាំងអស់ ដែលបានសហការគ្នាបំពេញបេសកកម្មដ៏វិសេសវិសាលថ្លៃថ្លា​ជូនដល់​បងប្អូន​ប្រជាពលរដ្ឋខេត្តមណ្ឌលគិរី រហូតសម្រេចបាននូវការចេញបណ្ណសម្គាល់​ម្ចាស់អចលនវត្ថុជូននាពេលនេះ។ ការចុះបញ្ជីដីបង្ហើយ គឺដើម្បីធានាបាន​នូវ​សុវត្ថិភាព​ផ្លូវច្បាប់ក្នុងការកាន់កាប់អចលនទ្រព្យ បង្កើតនិងបង្កើនបរិយាកាស​គ្មានវិវាទ ផ្តល់សេវាគាប់ចិត្តជូនប្រជាជន និងថែមទាំងរួមចំណែកបង្កើនចំណូល​ថវិកាជាតិផងដែរ។ ឯកឧត្តមឧបនាយករដ្ឋមន្ត្រី មានប្រសាសន៍បន្ថែមថា ការងារចាំបាច់បន្តទៀត សូមចូលរួមគិតគូររៀបចំប្លង់គោលសម្រាប់ខេត្ត ដោយរៀបចំដីសម្រាប់កសិកម្ម លំនៅឋាន សួនច្បារ ព្រំប្រទល់ភូមិ ជាដើម ដើម្បីជាប្រយោជន៍សម្រាប់ប្រជាជន…