កំពង់ធំ៖ឯកឧត្តម សោម ស៊ុន អនុប្រធានក្រុមការងាររបស់​រាជរដ្ឋា​ភិបាលចុះមូលដ្ឋានស្រុកសណ្ដាន់ និងជាប្រធាន ក្រុម ការងាររាជ​រដ្ឋាភិបាលចុះមូលដ្ឋានឃុំដងកាំបិត បានដឹកនាំសហការីនៃ​ក្រុមការងារចុះមូលដ្ឋានឃុំ រួមជាមួយមន្រ្តីនៃមន្ទីរ ថ្នាក់ខេត្ត ស្រុក និងអាជ្ញាធរដែនដីថ្នាក់ខេត្ត ស្រុក ឃុំ និងភូមិ បានបើកវេទិកា​សាធារណៈដើម្បីដោះស្រាយបញ្ហាកង្វល់ , បញ្ហាប្រឈមនានានិង​សំណូមពររបស់ប្រជាពលរដ្ឋនៅវត្តស្រែវាលខាងកើត ឃុំដងកាំបិត ស្រុកសណ្ដាន់ ខេត្តកំពង់ធំ កាលពីព្រឹកថ្ងៃទី១០ ខែធ្នូ ឆ្នាំ២០២៤ ។ ឯកឧត្តមបានបញ្ជាក់ថា យោងតាមសេចក្តីណែនាំរបស់​រាជរដ្ឋាភិ​បាលស្តីពីតួនាទីភារកិច្ច និងរបៀបរបបការងារ​រាជរដ្ឋា​ភិបាល​ចុះមូលដ្ឋាន និងការណែនាំរបស់ឯកឧត្តម ម៉ៅ សុផាន់ អនុប្រធាន​ក្រុមការងាររាជរដ្ឋាភិបាលចុះមូលដ្ឋានខេត្ត និងជាប្រធានក្រុម​ការងាររាជរដ្ឋាភិបាលចុះមូលដ្ឋានស្រុកសណ្ដាន់ ក្នុងការជំរុញការ​រៀបចំវេទិ​កាសាធារណៈ ដើម្បីដោះ​ស្រាយបញ្ហាកង្វល់ ព្រមទាំងបញ្ហា​ប្រឈម នានា និងសំណូមពរជូនប្រជាពលរដ្ឋនៅក្នុងមូលដ្ឋាន​ឱ្យទាន់​ពេលវេលា ស្របតាមគោលនយោបាយយុទ្ធសាស្ត្របញ្ចកោណ​របស់​រាជរដ្ឋាភិបាលអាណត្តិទី៧ ក្រោមការដឹកនាំប្រកបដោយ​គតិបណ្ឌិត និងស្វាហាប់ របស់សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ។ ក្នុងឱកាសនេះតំណាងប្រជាពលរដ្ឋនៅតាមភូមិ បានលើកនូវ​សំណូមពរ​មួយចំនួនក្នុងនោះ ស្នើសុំជួសជុលផ្លូវក្រាលក្រួស​ក្រហមប្រវែងជាង ២១គីឡូម៉ែត្រ ដែលតភ្ជាប់ពីឃុំដងកាំបិត ទៅទីរួមស្រុកសណ្ដាន់ ដែលមានការខូចយ៉ាងខ្លាំង ក្នុង​រដូវវស្សា។ស្នើសុំបណ្ណកម្មសិទ្ធិដីធ្លីស្របច្បាប់ ឱ្យបានឆាប់រហ័ស…

(ភ្នំពេញ)៖ ឯកឧត្តមរដ្ឋមន្ត្រី ហេង សួរ បានគូសបញ្ជាក់ថា រាជរដ្ឋាភិបាលយកចិត្តទុកដាក់ជាពិសេសចំពោះការបង្ការ និងលុបបំបាត់អំពើហិង្សានិងការបៀតបៀនគ្រប់ទម្រង់នៅក្នុងគ្រប់សកម្មភាពការងាររបស់កម្មករនិយោជិត និងនិយោជក ដែលចាំបាច់ត្រូវរួមគ្នាកំណត់នូវគោលការណ៍រួមក្នុងការអនុវត្តប្រកបដោយប្រសិទ្ធភាព។ ក្នុងនោះ ក្រសួងការងារ និងបណ្តុះបណ្តាលវិជ្ជាជីវៈ បាននិងកំពុងសហការជាមួយអង្គការជាតិ អង្គការអន្តរជាតិ ដៃគូអភិវឌ្ឍន៍ និងភាគីពាក់ព័ន្ធនានា ក្នុងការលើកកម្ពស់ការយល់ដឹងអំពីការបង្ការ និងលុបបំបាត់អំពើហិង្សានិងការបៀតបៀនគ្រប់ទម្រង់លើស្ត្រី។ ជាមួយគ្នានេះ ក្រសួងការងារ និងបណ្តុះបណ្តាលវិជ្ជាជីវៈក៏បានដាក់ចេញនូវផែនការយុទ្ធសាស្រ្តអភិវឌ្ឍន៍វិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈ ២០២៤-២០២៨ ដោយកំណត់នៅក្នុងយុទ្ធសាស្រ្តទី៦ ក្នុងការលើកកម្ពស់សមភាពយេនឌ័រនៅក្នុងវិស័យការងារផងដែរ ។ ប្រសាសន៍ ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ បានអញ្ជើញ ជាអធិបតីក្នុងពិធីបិទយុទ្ធនាការ ១៦ថ្ងៃ ក្រោមប្រធានបទ “រួមគ្នាបញ្ឈប់អំពើហិង្សាទាក់ទងនឹងយេនឌ័រ និងការបៀតបៀននៅក្នុងពិភពការងារ” ដែលរៀបចំធ្វើនាព្រឹកថ្ងៃអង្គារ ទី១០ ខែធ្នូ ឆ្នាំ ២០២៤ នៅសណ្ឋាគារសាន់វ៉េ ភ្នំពេញ។ ឯកឧត្តម រដ្ឋមន្ត្រី បានថ្លែងថា វត្តមានរបស់តំណាងក្រសួងពាក់ព័ន្ធ សហជីព និយោជក អង្គការសង្គមស៊ីវិល ម្ចាស់ម៉ាក និងដៃគូអភិវឌ្ឍន៍ ក្នុងការចូលរួមកម្មវិធីនាពេលនេះ…

កំពង់ចាម៖កាលពីព្រឹកថ្ងៃទី៩ ខែធ្នូ ឆ្នាំ២០២៤ ឯកឧត្តម អ៊ុន ចាន់ដា អភិបាល​ខេត្តកំពង់ចាមបានចូលរួមជាមួយ ឯកឧត្តមនាយឧត្តម​សេនីយ៍សន្តិបណ្ឌិត យូ ស៊ុនឡុង រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានគណៈកម្មការ​ការពារសន្តិសុខជាតិ អញ្ជើញចុះពិនិត្យទី​តាំងសម្រាប់រៀបចំពិធីចែកបណ្ណកម្មសិទ្ធដីធ្លីជូនពលរដ្ឋខេត្តកំពង់ចាម ។ពិធីនឹងធ្វើឡើងនៅស្រុកស្ទឹងត្រង់ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជានៅ​ចុងខែធ្នូ ។វត្តមានរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីដោយហេតុថា​ខេត្តកំពង់ចាម ក្លាយជាខេត្តដំបូងគេ​ដែលចុះបញ្ជី​ដីធ្លីរួចរាល់មុនគេ ខណៈការងារវាស់ វែងដីធ្លីជាប្រព័ន្ធ ចាប់ដំណើរការតាំងពីអំឡុង​ឆ្នាំ២០០៣ រហូតមកទល់ពេល​បច្ចុប្បន្ន ដោយសម្រេចបាន​ការប្រកាសតំបន់វិនិច្ឆ័យ បាន ៩៤៦ភូមិលើ៩៤៦ភូមិ ,លើ១០៩ឃុំ- សង្កាត់ ស្មើនឹង១០ក្រុង-ស្រុក ,ប្រមូលទិន្នន័យ និងវាស់វែងបាន​៩១.៧៧៩៥ក្បាលដីលើក្បាលដី ទូទាំងខេត្តកំពង់ចាម ប្រមាណជា ៩២៤.៤២១​ក្បាលដី គិតជាភាគរយស្មើនឹង ៩៩ភាគរយ ៕ដោយ៖លី ពៅ

ស្ទឹងត្រែង៖ អភិបាលខេត្តស្ទឹងត្រែង ឯកឧត្តម សរ សុពុត្រា បាន​អញ្ជើញ​ចូលរួមប្រគល់ម៉ូតូពីរគ្រឿង ដែលបានបាត់ជាង មួយខែ​មុនជូនទៅម្ចាស់ដើមវិញ បន្ទាប់ពីកម្លាំងកងរាជអាវុធហត្ថខេត្ត បានបើកការស្រាវជ្រាវ និងពន្លាតនីតិវិធី កំណត់​បាននូវមុខសញ្ញា និងឈានទៅឃាត់ខ្លួនជនសង្ស័យ ៥នាក់ ទាំងចោរលួច និងអ្នកទិញ​កាលពីថ្ងៃទី៧ ខែធ្នូ ឆ្នាំ២០២៤ និង​បានបញ្ជូនជនសង្ស័យរួមទាំង​វត្ថុតាងពីខេត្តរតនគិរី មកបញ្ជាការដ្ឋានកងរាជអាវុធហត្ថខេត្តស្ទឹងត្រែង ហើយនៅថ្ងៃទី៩ ខែធ្នូ ជនសង្ស័យម្នាក់ក្នុងចំណោម៥នាក់ ក៏ត្រូវបាន​បញ្ជូនទៅតុលាការខេត្តស្ទឹងត្រែង។ មេបញ្ជការកងរាជអាវុធហត្ថខេត្តស្ទឹងត្រែងឧត្តមសេនីយ៍ត្រី សេង សុភាព បានឱ្យដឹងថា កាលពីថ្ងៃទី៤ ខែវិច្ឆិកា កម្លាំង​ជំនាញកង​រាជអាវុធហត្ថខេត្ត បានទទួលពាក្យបណ្តឹងពីករណីបាត់ម៉ូតូមួយគ្រឿង ប្រភេទហុងដា ស្កូពី ពណ៌ស ពាក់​ស្លាក​លេខភ្នំពេញ 1GG-5629 របស់ប្រជាពលរដ្ឋរស់នៅភូមិរាជានុកូល សង្កាត់ស្ទឹងត្រែង ក្រុងស្ទឹង​ត្រែង។ លោកបន្តថា រហូតដល់ថ្ងៃទី៦ ខែធ្នូកម្លាំងជំនាញឃាត់ខ្លួនជន​សង្ស័យបានពីរនាក់ និងនៅថ្ងៃទី៧ ខែធ្នូ កម្លាំងជំនាញអាវុធហត្ថខេត្ត បានពន្លាតដែនដី(នីតិវិធី) ទៅឃាត់ខ្លួនជនសង្ស័យបីនាក់បន្ថែមទៀត នៅខេត្តរតនគិរី និងបានរកឃើញម៉ូតូមួយ​គ្រឿង​ទៀត ម៉ាកហុងដាឌ្រីម C-125 ពណ៌ខ្មៅ ស៊េរីឆ្នាំ២០២២ ដែលបានលួចពីខេត្តស្ទឹងត្រែង…

បន្ទាយមានជ័យ៖លោកជំទាវឧត្ដមសេនីយ៍ឯក អ៊ុក ដារ៉ា អនុរដ្ឋ​លេខាធិការក្រសួងការពារជាតិតំណាង​លោកជំទាវ កិត្តិបណ្ឌិត អ៊ុក ម៉ាលី សមាជិកព្រឹទ្ធសភាអគ្គហិរញ្ញឹកកាកបាទក្រហមកម្ពុជា​កាល​ពីថ្ងៃទី១០ ខែធ្នូ ឆ្នាំ២០២៤​បាន​អញ្ជើញ​សំណេះសំណាល​និង​ចែកអំណោយកាក​បាទក្រហមដល់គ្រួសារយោធិនពិការ៣១៧ តេជោភ្នំឆត្រ ជិត១០០គ្រួសាររស់​នៅមណ្ឌលអភិវឌ្ឍន៍យោធិនពិការ ៣១៧ តេជោភ្នំឆ័ត្រ នៃភូមិតេជោភ្នំឆ័ត្រឃុំស្វាយចេក ស្រុកស្វាយចេក ខេត្តបន្ទាយ​មានជ័យ ។ លោកឧត្ដមសេនីយ៍ត្រី ជា ព្រឿង នាយកមណ្ឌលអភិវឌ្ឍន៍យោធិ​ពិការ៣១៧ ជម្រាបគណៈប្រតិភូថា បច្ចុប្បន្នមណ្ឌល​អភិវឌ្ឍន៍មាន​អតីតយុទ្ធជនជាកងទ័ព ជានគរបាល និងកងរាជអាវុធហត្ថរួមទាំងក្រុម​គ្រួសាររស់នៅចំនួន៦៥០គ្រួសារ ស្មើនឹង១.៨៨៤ នាក់។មណ្ឌលក៏​ទទួលបានអំណោយបន្ថែមទៀតដូចជាផ្ទះគ្រូបង្រៀន,អគាសិក្សា និងបណ្ណាល័យ។មណ្ឌល​កំពុងស្ដារបឹងសម្រាប់ផលិតទឹកស្អាត,រថយន្ត​សង្គ្រោះដែលជាអំណោយផ្ទាល់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវ​បណ្ឌិត ពេជ ចន្ទមុន្នី សម្រាប់បំពេញតម្រូវការ​ចាំបាច់ដល់គ្រួសារ​ជនពិការ ក្នុងមណ្ឌលផងដែរ។ចុងក្រោយនេះក្រុមគ្រូពេទ្យស្ម័គ្រ​ចិត្ត​សម្ដេចតេជោ (TYDA)ចុះពិនិត្យព្យាបាល​យោធិន​ពិការនិងពលរដ្ឋជិត៤ ០០០នាក់ នៅមណ្ឌលអភិវឌ្ឍន៍យោធិនពិការ ៣១៧ តេជោភ្នំឆ័ត្រ ។ ក្នុងឱកាសនេះលោកជំទាវឧត្ដមសេនីយ៍ឯក អ៊ុក ដារ៉ា អនុរដ្ឋលេខា​ធិការក្រសួងការពារជាតិ បាន​នាំការសួរសុខទុក្ខពី​សម្តេចតេជោ ហ៊ុន សែន ប្រធានព្រឹទ្ធសភានិងសម្តេចកិត្តិព្រឹទ្ធបណ្ឌិត ប៊ុន រ៉ានី និងសម្តេច​ធិបតី ហ៊ុន…

(ភ្នំពេញ)៖ កម្ពុជា បានចូលរួមអបអរ ខួបលើកទី៧៦ នៃទិវាសិទ្ធិមនុស្សអន្តរជាតិ ១០ធ្នូ ដែលមនុស្សទូទាំងពិភពលោក បាននិងកំពុងប្រារព្ធនៅថ្ងៃអង្គារ៍នេះ។ ការចូលរួមអបអរសាទរទិវាសិទ្ធិមនុស្សអន្តរជាតិ ១០ធ្នូខួបលើកទី៧៦ នេះត្រូវគេឃើញបានធ្វើឡើងនៅក្នុង Facebook Page ផ្លូវការសម្តេចតេជោ ហ៊ុន សែន ប្រធានព្រឹទ្ធសភា, សម្តេចធិបតី ហ៊ុន ម៉ាណែត នាយករដ្ឋមន្ត្រីនៃប្រទេសកម្ពុជា ព្រមទាំងរដ្ឋមន្ត្រីតាមបណ្តាក្រសួង និងថ្នាក់ដឹកនាំស្ថាប័ននានា ផងដែរ ។ សម្តេចតេជោ ហ៊ុន សែន ក្នុងសំណេរអបអរសាទរ បានសរសេរថា «អបអរសាទរខួបលើកទី៧៦ នៃការប្រារព្ធទិវាសិទ្ធិមនុស្សអន្តរជាតិ។ ទិវាសិទ្ធិមនុស្សអន្តរជាតិ ១០ធ្នូ គឺជាថ្ងៃរំលឹកព្រឹត្តិការណ៍ប្រវត្តិសាស្ត្រដែលមហាសន្និបាតរបស់អង្គការសហប្រជាជាតិ (UN) បានអនុម័តសេចក្តីប្រកាសជាសាកលស្តីពីសិទ្ធិមនុស្ស (Universal Declaration of Human Rights) នៅថ្ងៃទី១០ ខែធ្នូ ឆ្នាំ១៩៤៨ »។ ទិវាសិទ្ធិមនុស្សអន្តរជាតិ ១០ធ្នូ ឆ្នាំ២០២៤នេះ បានឆ្លុះបញ្ចាំងឲ្យពលរដ្ឋកម្ពុជារលឹកដល់អតីតកាលរបស់ខ្លួន ក្នុងរបបកម្ពុជាប្រជាធិបតេយ្យរវាងពីឆ្នាំ១៩៧៥ ដល់ដើមឆ្នាំ១៩៧៩ ដែលកាលណោះ ប្រជាពលរដ្ឋខ្មែរមិនមានសិទ្ធិសេរីភាពអ្វីទាំងអស់ សូម្បីសិទ្ធិរស់រានមានជីវិត,…

(ភ្នំពេញ)៖ ឯកឧត្ដម ម៉ប់ សារិន ប្រធានក្រុមប្រឹក្សារាជធានីភ្នំពេញ បានណែនាំទៅដល់ប្រជាពលរដ្ឋរស់នៅខណ្ឌកំបូល ត្រូវគិតរកតម្រូវការណាដែលចាំបាច់បំផុត លើកមកប្រាប់ឱ្យអាជ្ញាធរ ដោះស្រាយជូន ពិសេសជាតម្រូវការរស់នៅប្រចាំថ្ងៃជាចាំបាច់ ដូចជាពាក់ព័ ន្ធនឹងទឹកស្អាត អគ្គិសនីជាដើម ។ នេះជាការណែនាំរបស់ប្រធានក្រុមប្រឹក្សារាជធានីភ្នំពេញ ក្នុងវេទិកាផ្សព្វផ្សាយ និងពិគ្រោះយោបល់ របស់ក្រុមប្រឹក្សារាជធានីភ្នំពេញ អាណត្តិទី៤ នៅខណ្ឌកំបូល នាព្រឹកថ្ងៃទី១០ ខែធ្នូ ឆ្នាំ២០២៤ ខណៈ ឯកឧត្ដម ម៉ប់ សារិន ប្រធានក្រុមប្រឹក្សារាជធានីភ្នំពេញ និងឯកឧត្ដមសេង វណ្ណៈ អភិបាលរងរាជធានីភ្នំពេញ តំណាងដ៏ខ្ពង់ខ្ពស់ឯកឧត្ដម ឃួង ស្រេង អភិបាលរាជធានីភ្នំពេញ ។ ឯកឧត្ដម ម៉ប់ សារិន មានប្រសាសន៍ថា “រដ្ឋបាលរាជធានីភ្នំពេញ ក៏ដូចជាខណ្ឌចង់បានជាងគេ គឺចង់ដឹងបញ្ហាជាអទិភាពរបស់ប្រជាពលរដ្ឋយើងក្នុងមូលដ្ឋាន បើមានសំណូមពរអ្វី ពិសេសបើមានតម្រូវការចាំបាច់អ្វីខ្លះ ដែលទាមទារឱ្យរដ្ឋបាលសង្កាត់ ខណ្ឌ រហូតដល់រាជធានី ដោះស្រាយជូន” ។ ឯកឧត្ដមប្រធានក្រុមប្រឹក្សាណែនាំ ឱ្យគិតគូលើបញ្ហាពាក់ព័ន្ធនឹងការរស់ក្នុងជីវិតប្រចាំថ្ងៃនេះ ដូចជាផ្នែក សុខមាភាព ទឹកស្អាត…

បន្ទាយមានជ័យ៖វេទិកាផ្សព្វផ្សាយ និងពិគ្រោះយោបល់របស់ក្រុម​ប្រឹក្សាខេត្តអាណត្តិទី៤ បានរៀបចំឡើងនៅស្រុកស្វាយ​ចេក​ និងក្រុងសិររីសោភ័ណ ខេត្តបន្ទាយមានជ័យកាលពីថ្ងៃទី១០ ខែធ្នូ ឆ្នាំ២០២៤ ។ លោក លី សុវណ្ណារិទ្ធ អភិបាលរងខេត្តបន្ទាយមានជ័យបានបញ្ជាក់ថា វេទិកានេះបានធ្វើឡើងក្នុងគោលដៅលើកកម្ពស់​តម្លាភាព គណនេយ្យភាព ជំរុញឱ្យមានការចូលរួមរបស់ប្រជាពលរដ្ឋទាំងបុរស និងស្ត្រី ឆ្នោតការយកចិត្តទុកដាក់ជាសំខាន់​ទៅលើចំណងប្រាថ្នា និងតម្រូវការរបស់ប្រជាពលរដ្ឋ នៅក្នុងការធ្វើសេចក្តីសម្រេច​ចិត្តចំពោះការវិភាជន៍ ការប្រើប្រាស់ និងការគ្រប់គ្រង ធនធាន ព្រមទាំងការផ្តល់សេវាសាធារណៈ សេវារដ្ឋបាល និងការអភិវឌ្ឍ​សេដ្ឋកិច្ច និងសង្គមកិច្ច ក្នុង​មូលដ្ឋាននីមួយៗ ។ ចំណែកលោក ហ៊ូ ប៊ុនហេង សមាជិកក្រុមប្រឹក្សាខេត្តបានបញ្ជាក់​បន្ថែមនូវការងារអនុវត្តបន្ត គឺ នឹងឆ្លើយតបតាមសំណូមពរ​ប្រជាពលរដ្ឋ ។ជំរុញការផ្តល់សេវារដ្ឋបាល និងសេវាតម្រូវការនៅគ្រប់ថ្នាក់ ជូនប្រជា​ពលរដ្ឋឱ្យបានទាន់ពេលវេលា, មាន​តម្លាភាព សមធម៌ និងបរិយាបន្ន។ធានាឱ្យបាននូវសន្តិសុខ សុវត្ថិភាព សណ្តាប់ធ្នាប់​សាធារណៈទាំងក្នុង​និងតាមបន្ទាត់​ព្រំដែននិងបង្កើនសកម្មភាពការអនុវត្តគោលនយោ​បាយ​ភូមិ-ឃុំ-សង្កាត់មានសុវត្ថិភាព៕ ដោយ៖គៀន ច័ន្ទហ៊ីន