សៀមរាប៖គណៈប្រតិភូធុរជន ភ្នាក់ងារទេសចរណ៍ និងអ្នក​សារព័ត៌មាន​​មួយក្រុមដឹកនាំដោយលោកស្រី ចូវ៉ាណា ម៉ាស្តូរ៉ូវិក​(Jovana Majstorovic)ប្រធានមជ្ឈមណ្ឌលសម្រាប់អាស៊ី សហព័ន្ធរុស្ស៊ីនៃសភាពាណិជ្ជកម្មស៊ែប៊ី បានអញ្ជើញមក​បំពេញ​ទស្សនកិច្ចនិងទស្សនារមណីយដ្ឋានអង្គរ​ ។ គណៈប្រតិភូអមដំណើរដោយឯកឧត្តម តាន់ ប៊ុនប៉ា ឯកអគ្គរាជទូត​វិសាមញ្ញ និងពេញសមត្ថភាពនៃ​ព្រះរាជាណា​ចក្រ​កម្ពុជា ប្រចាំ​សាធារណរដ្ឋស៊ែប៊ី។ក្នុងឱកាសស្នាក់នៅខេត្តសៀមរាប កាលពីថ្ងៃទី៩ ខែធ្នូ គណៈប្រតិភូបានអញ្ជើញ​ជួប​សម្តែងការគួរសម និងពិភាក្សា​ការងារ​​ជាមួយលោក អ៊ឹង គឹមលាង អភិបាលរងខេត្តតំណាងឯកឧត្តម ប្រាក់ សោភ័ណ អភិបាលខេត្តសៀមរាប និងចូលរួមដោយមន្រ្តី​ពាក់​ព័ន្ធ​នឹងទេសចរណ៍  ពាណិជ្ជកម្មក្នុងខេត្ត។ លោកស្រី ចូវ៉ាណា ម៉ាស្តូរ៉ូវិក ប្រធានមជ្ឈមណ្ឌលសម្រាប់អាស៊ី សហព័ន្ធរុស្ស៊ី នៃសភាពាណិជ្ជ​កម្ម​ស៊ែប៊ីបានបញ្ជាក់ទស្សនកិច្ចនេះ ដើម្បីសិក្សាស្វែងយល់ពីកាលានុវត្តភាពវិនិយោគ ។​ពិសេស​សក្តា​នុពលនៃគោលដៅ​ទេស​ចរណ៍ និងការលើកទឹកចិត្តដល់វិនិយោ​គិន​បែបណាខ្លះ ក្នុងវិស័យ​​ទេសចរណ៍​នៅខេត្តសៀមរាប។ លោក អ៊ឹង គឹមលាង អភិបាលរងខេត្តបានជម្រាបគណៈប្រតិភូ​អំពីស្ថានភាពប្រជាសាស្ត្រ ភូមិសាស្ត្ររបស់ខេត្តសៀមរាប និង​ស្ថានភាពនៃការប្រកបអាជីវកម្ម ការងារបង្កបង្កើនផល។លោកបញ្ជាក់ថា​ខេត្តមាន​ប្រភពសក្តានុពលសេដ្ឋកិច្ច​សំខាន់​ចំនួន​ពីរ គឺវិស័យកសិកម្ម និងវិស័យទេសចរណ៍ វប្បធម៌ធម្មជាតិ។ លោកអភិ​បាលរងខេត្តក៏បានលើក​ឡើងពីគម្រោងផែន​ការមេ និងទិសដៅសម្រាប់​អភិវឌ្ឍក្រុងសៀមរាបឱ្យ​ក្លាយជាទី​ក្រុងឆ្លាតវៃនិងផ្លាស់ប្តូរទៅជា​មជ្ឈមណ្ឌលពាណិជ្ជ​កម្ម​កណ្តាល  សំដៅទាក់ទាញភ្ញៀវ​ទេសចរ​គ្រប់ជាតិសាសន៍ឱ្យមកកាន់ខេត្តសៀមរាប។ ទន្ទឹមនេះរដ្ឋបាល​ខេត្តក៏​មាន​ការលើកទឹកចិត្តដល់វិនិយោគិនលើវិស័យទេសចរណ៍​ផងដែរ ។ បើតាមឯកឧត្តម តាន់ ប៊ុនប៉ា…

រតនគិរី ៖មន្ទីរកិច្ចការនារីខេត្តរតនគិរី បានបន្តធ្វើយុទ្ធនាការ១៦ ថ្ងៃដើម្បី​បញ្ឈប់អំពើហិង្សាលើស្ត្រី និងក្មេងស្រី ឆ្នាំ ២០២៤ ក្រោមប្រធានបទ «រួមគ្នាដើម្បីបញ្ឈប់អំពើហិង្សា លើស្ត្រី ដើម្បីវឌ្ឍន​ភាពសង្គម និងពិភពលោក» នៅស្រុកវើនសៃ ក្រោមវត្តមាន​លោកស្រី ញាន ទិត្យចិន្តា អភិបាលរងខេត្តរតនគិរី និងមានការចូលរួមពីអាជ្ញាធរ​ស្រុកវើនសៃ លោកស្រី​ ប្រធានមន្ទីកិច្ចការនារីខេត្ត អាជ្ញាធរមូលដ្ឋាន​ភូមិ ឃុំ លោកគ្រូ អ្នកគ្រូ សិស្សានុសិស្ស និងប្រជាពលរដ្ឋ យ៉ាងច្រើន​កុះករ។ ក្នុងកម្មវិធីដែលប្រារព្ធកាលពីថ្ងៃទី៩ ខែធ្នូ លោកស្រី ញាន ទិត្យចិន្តា បានបញ្ជាក់ថា យុទ្ធនាការនេះធ្វើឡើងក្នុងគោល​បំណង​សំខាន់ៗ គឺបង្កើន និងលើកកម្ពស់ការយកចិត្តទុកដាក់ក្នុងការចូលរួមទប់ស្កាត់ និង ឆ្លើយតបចំពោះអំពើហិង្សា ទាក់ទងនឹងយេនឌ័រពីអ្នកពាក់ព័ន្ធ​ទាំងអស់ រួមទាំងផ្នែក សាសនា សិល្បៈ វិស័យឯកជន ។លើកកម្ពស់​ឥរិយាបថ​វិជ្ជមាន​របស់សាធារណជន និង អ្នកផ្តល់សេវាចំពោះ​ជនរងគ្រោះ ជនងាយរងគ្រោះដោយអំពើហិង្សា ទាក់ទងនឹងយេនឌ័រ។​ ក្រសួងកិច្ចការនារី បានធ្វើកិច្ចការនេះជាមួយក្រសួងស្ថាប័នពាក់ព័ន្ធ ថ្នាក់ក្រោមជាតិ អង្គការដៃគូជាតិ អន្តរជាតិនានា ដោយបានរៀបចំ​យុទ្ធនាការ១៦ ថ្ងៃឡើងជារៀងរាល់ឆ្នាំ…

បាត់ដំបង៖រដ្ឋបាលខេត្តបាត់ដំបង និងអាជ្ញាធរជាតិដោះស្រាយវិវាទ​ក្រៅប្រព័ន្ធតុលាការ(អ.ដ.ក)កាលពីថ្ងៃទី៩ ខែធ្នូ​បានចុះ ហត្ថលេខា​លើអនុស្សរណៈស្តីពីកិច្ចសហប្រតិបត្តិការក្នុងការសម្រុះសម្រួលផ្សះផ្សាវិវាទ។ពិធីបាន​ប្រព្រឹត្តទៅ​នៅ​សាល​ប្រជុំ​សាលាខេត្តបាត់ដំបង​កាល​ពីថ្ងៃទី៩ ខែធ្នូឆ្នាំ២០២៤ ក្រោមវត្តមានចូលរួមពីឯកឧត្តម អ៊ុយ រី ប្រធាន​ក្រុមប្រឹក្សា​ខេត្ត ឯកឧត្តម សុខ លូ អភិបាលខេត្តបាត់ដំបង និងឯកឧត្តម ជិន ម៉ាលីន អនុប្រធានប្រចាំការនៃ អ.ដ.កនិងជា​រដ្ឋលេខា​ធិការ​​ប្រចាំការនៃក្រសួងយុត្តិធម៌។ តាមស្មារតីអនុស្សរណៈរវាងរដ្ឋបាលខេត្តបាត់ដំបងជាមួយអាជ្ញាធរជាតិដោះស្រាយវិវាទក្រៅប្រព័ន្ធតុលាការ ក្នុង​ន័យ​ដើម្បីពង្រឹងទំនាក់ទំនង និងកិច្ចសហប្រតិបត្តិការសំដៅលើកកម្ពស់គុណភាព ប្រសិទ្ធភាព និងភាពឆាប់រហ័ស​នៃការ​ដោះស្រាយវិវាទ តាមរយៈការសម្រុះ​សម្រួល​ផ្សះផ្សាក្រៅប្រព័ន្ធតុលាការ។ ឯកឧត្តម សុខ លូ  អភិបាលខេត្តបាត់ដំបង បានបញ្ជាក់ថា ការណ៍​នេះដើម្បី​ជួយគ្នាក្នុងការដោះស្រាយ​ទំនាស់នានា​និង​ដើម្បីទប់ស្កាត់​កុំឱ្យទំនាស់ដែលបានដោះស្រាយរួចកើតឡើងវិញសារជាថ្មី ។ នេះ គឺជាការបើកទំព័រថ្មីបន្ថែមទៀត នៃកិច្ច​សហប្រតិបត្តិការយ៉ាងជិតស្និទ្ធ​រវាងវិស័យយុត្តិធម៌និងរដ្ឋបាលថ្នាក់ក្រោមជាតិ។ ទាក់ទងនឹងអនុស្សរណៈនេះដែរ ឯកឧត្តម ជិន ម៉ាលីន អនុប្រធាន​ប្រចាំការអ.ដ.ក និងជារដ្ឋលេខាធិការប្រចាំការ​នៃក្រសួង​យុត្តិធម៌ បានបញ្ជាក់ថា កិច្ចការនេះ​មិនមែនទៅជំនួស ឬក៏លុបបំបាត់យន្តការ​ដែលមានស្រាប់នោះទេ។ អ្វីដែលរដ្ឋបាល​ខេត្ត- ក្រុង ស្រុក ឃុំ-សង្កាត់ ធ្លាប់ធ្វើពីមុនមក គឺនៅតែបន្តការងាររបស់ខ្លួនដដែល។ ប៉ុន្តែយន្តការ​ថ្មីនេះគឺបង្កើតឡើង​ដើម្បី​គាំទ្រ និងបំពេញបន្ថែមទៅលើយន្តការដែល​មន្រ្តីដែលកំពុងបំពេញការងារនៅរដ្ឋបាលខេត្ត ក្រុង ស្រុក ឃុំ សង្កាត់​ឱ្យសម្រេច​បានលទ្ធផលជាផ្លែផ្កា…

(ភ្នំពេញ)៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអនុញ្ញាតឱ្យ ឯកឧត្តម ង្វៀន ហ៊ុយតាំង (Nguyen Huy Tang) ឯកអគ្គរដ្ឋទូតសាធារណរដ្ឋសង្គមនិយមវៀតណាម ប្រចាំព្រះរាជាណាចក្រកម្ពុជា ចូលជួបសម្តែងការគួរសម និងជម្រាបលា នាព្រឹកថ្ងៃទី១០ ខែធ្នូ ឆ្នាំ២០២៤ នៅវិមានសន្តិភាព ក្នុងឱកាសដែល​ឯកឧត្តម ​បញ្ចប់បេសកកម្មការទូត​នៅកម្ពុជា​ ។ ឯកឧត្តម ឯកអគ្គរដ្ឋទូត បានសម្ដែង នូវការកោតសរសើរ និងវាយតម្លៃខ្ពស់ចំពោះការសម្រេចបាន នូវសមិទ្ធផលជាច្រើនរបស់កម្ពុជានាពេលកន្លងមក​ ហេីយ​រាជរដ្ឋាភិបាល​ នីតិកាលទី៧​ នៃរដ្ឋសភា​ ក្រោមការដឹកនាំប្រកបដោយភាពឈ្លាសវៃរបស់សម្ដេចបវរធិបតី កម្ពុជា រក្សាបាននូវសុខសន្ដិភាព, ស្ថិរភាពនយោបាយ​, សណ្តាប់ធ្នាប់សង្គម និង​ការអភិវឌ្ឍ​រីកចម្រើន​លើគ្រប់វិស័យ ព្រមទាំងធានាបាន នូវកំណើនសេដ្ឋកិច្ច និងការលើកកម្ពស់ជីវភាពរស់នៅ របស់ប្រជាពលរដ្ឋ ។ ឯកឧត្តមឯកអគ្គរដ្ឋទូត​ ក៏បានអបអរសាទរ ចំពោះជោគជ័យរបស់កម្ពុជា ក្នុងការរៀបចំការបោះឆ្នោតជាសកល និងអសកល, ការធ្វើជាម្ចាស់ផ្ទះរៀបចំកិច្ចប្រជុំកំពូលអាស៊ាន​ឆ្នាំ២០២២​, ការរៀបចំព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេម​ ឆ្នាំ២០២៣​ និងការធ្វើម្ចាស់ផ្ទះរៀបចំកិច្ចប្រជុំអន្តរជាតិ សំខាន់ៗនាពេលថ្មីៗ​…

(ភ្នំពេញ)៖ អត្តពលិកកីឡាតេក្វាន់ដូ WT ក្រសួងមហាផ្ទៃ ដែលដណ្តើមបានមេដាយសរុប៧គ្រឿង ក្នុងព្រឹត្តិការណ៍ THE VIETNAM 2024 ASIAN OPEN POLICE TAEKWONDO CHAMPIONSHIPS នៅ ប្រទេសវៀតណាម បានធ្វើដំណើរមាតុភូមិនិវត្តមកដល់កម្ពុជាវិញហើយ នារសៀលថ្ងៃទី១១ ខែ ធ្នូ ឆ្នាំ២០២៤។ មេដាយសរុប ៧គ្រឿងដែលអត្តពលិកតេក្វាន់ដូ WTក្រសួងមហាផ្ទៃដណ្តើមបានពីព្រឹត្តិការណ៍អន្តរជាតិនៅវៀតណាមនេះ មានមេដាយ មាស០៤ ប្រាក់០២ និងសំរឹទ្ធ០១គ្រឿង ដោយការប្រកួតបានដំណើរចាប់ពីថ្ងៃទី៤ដល់ថ្ងៃទី៩ ខែ ធ្នូ ឆ្នាំ២០២៤នៅខេត្ត Quang Ninh ប្រទេសវៀតណាម។ លោក វរសេនីត្រី ឆូយ ពុទ្ធ ប្រតិភូដឹកនាំ បានគូបញ្ជាក់ថា សមិទ្ធផលដែលទទួលបានពីព្រឹត្តិការណ៍នេះ មិនមែនជាសមិទ្ធផលថ្មីសម្រាប់អត្តពលតេក្វាន់ដូក្រសួងមហាផ្ទៃឡើយ ។ ពោល គឺការដណ្តើមបានមុនៗគឺចំនួនប្រហាក់ប្រហែលដូចគ្នានេះដែរ។ លោក វរសេនីត្រី ឆូយ ពុទ្ធាប្រតិភូដឹកនាំ បានអះអាងទៀតថា សម្រាប់ការចូលរួមក្រោយៗទៀតក្នុងព្រឹត្តិការណ៍ប្រកួតអន្តរជាតិដែលថ្នាក់ដឹកបញ្ជូនទៅចូលរួមក្រុមតេក្វាន់ដូWTក្រសួងមហាផ្ទៃប្តេជ្ញាចិត្តនឹងដណ្តើមឱ្យបានលទ្ធផលល្អជាងនេះបន្ថែមទៀត ដើម្បីលើកមុខមាត់អង្គភាពលើឆាកអន្តរជាតិ។ជាមួយគ្នានេះ លោក តំណាងឱ្យក្រុមទាំងមូលសូមថ្លែងអំណរគុណជូនចំពោះឯកឧត្តម…

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងក្នុង​ពិធី “បញ្ចុះបឋមសីលាបើកការដ្ឋានសាងសង់ មន្ទីរពេទ្យសាកលវិទ្យាល័យវិទ្យាសាស្ត្រសុខាភិបាល នៅទីតាំងទី៣ នៃសាកលវិទ្យាល័យវិទ្យាសាស្ត្រសុខាភិបាល” នាព្រឹកថ្ងៃទី១០ ខែធ្នូ ឆ្នាំ២០២៤ ថា ទំហំនៃការវិនិយោគ នៃការ​សាង​សង់មន្ទីរពេទ្យ និងសាកលវិទ្យាល័យពេលនេះ អាចមានទំហំថវិកាច្រើន តែរាជរដ្ឋាភិបាល បានតម្កល់ផលប្រយោជន៍ដែលទទួល ពីការវិនិយោគនេះ មានទំហំមហាសាល សម្រាប់បម្រើដល់​សុខមាលភាពប្រជាជន ជាពិសេសរាជរដ្ឋាភិបាលបានចាត់ទុកមូលធនមនុស្ស គឺជាទ្រព្យសកម្មដ៏ធំរបស់សង្គមជាតិ ។ សម្តេចនាយករដ្ឋមន្ត្រី ក៏បានគូសបញ្ជាក់ផងដែរថា គោលដៅរបស់រាជរដ្ឋាភិបាល​គ្រប់អាណត្តិ ចាប់ពីថ្ងៃរំដោះ ៧ មករា ១៩៧៩ រហូតបច្ចុប្បន្ន គឺបង្កើតទ្រព្យសកម្ម ជាជាងបន្ទុក ដោយឈរលើកត្តា ៣៖ ១/ ពង្រឹងវិស័យសុខាភិបាល ដោយផ្តោតលើការពង្រឹងសមត្ថភាពផ្តល់សេវា​នៅ​​មណ្ឌល​​​សុខ​ភាព និងមន្ទីរពេទ្យ, ២/ អភិវឌ្ឍសមត្ថភាពស្ថាប័នសុខាភិបាលគ្រប់លំដាប់ថ្នាក់ នៅក្នុងការគ្រប់គ្រងធន​ធាន​​មនុស្ស និងហិរញ្ញវត្ថុ, ការងារនិយ័តកម្ម, ការឆ្លើយតបនឹងការ​គំរាមកំហែងសុខភាព​សាធារណៈ និងគ្រោះអាសន្នសុខភាព ព្រមទាំងការលើកកម្ពស់ប្រសិទ្ធភាពនៃកិច្ច​ដំណើរ​ការមុខងារស្ថាប័ន និង៣/ កសាងភាពជាដៃគូរឹងមាំរវាងវិស័យសុខាភិបាលសាធារណៈ និងឯកជន​ដើម្បី​ធានា​​ឱ្យប្រជាជនទទួលបានសេវាថែទាំសុខភាពមានគុណភាព, សុវត្ថិភាព និង​ប្រសិទ្ធ​ភាពខ្ពស់។…