(ភ្នំពេញ)៖ រយៈពេល៤ថ្ងៃគិតចាប់ពីថ្ងៃទី៥ដល់ថ្ងៃទី៨ ខែធ្នូ ឆ្នាំ២០២៤ នៅមន្ទីរពេទ្យមិត្តភាពកម្ពុជា-ចិន ព្រះកុសមៈ ក្រោមកិច្ចសហការជាមួយមន្ទីរពេទ្យសរសៃឈាមបេះដូង Fuwai នៃខេត្តយូណាន ប្រទេសចិន(Fuwai Cardiovascular Hospital of Yunnan Province) ក្រុមគ្រូពេទ្យកម្ពុជា-ចិនបានជួយវះកាត់និងព្យាបាលជំងឺជូនដល់កុមារកម្ពុជាចំនួន៤រូបដែលមានជំងឺបេះដូងពីកំណើត។ លោកវេជ្ជបណ្ឌិត Duo Lin ប្រធានក្រុមគ្រូពេទ្យមន្ទីរពេទ្យFuwaiបានថ្លែងនូវការកោតសរសើរចំពោះកិច្ចសហការយ៉ាងជិតស្និទ្ធនិងរឹងមាំអស់រយៈពេលជាងកន្លះទសវត្សរ៍រវាងមន្ទីរពេទ្យFuwaiនិងមន្ទីរពេទ្យមិត្តភាពកម្ពុជា-ចិន ព្រះកុសមៈលើបេសកកម្មសំខាន់ចំនួន៤គឺ៖ ១-កិច្ចសហការលើការសិក្សាស្រាវជ្រាវនិងពង្រីកវិសាលភាពចែករំលែកពីបច្ចេកទេសនិងបច្ចេកវិទ្យាលើវិស័យជំនាញវេជ្ជសាស្រ្តនៃការព្យាបាលជំងឺបេះដូងពីកំណើត ២-បង្កើនបរិមាណនិងគុណភាពមូលធនមនុស្សឯកទេសបេះដូងជូនដល់ក្រុមគ្រូពេទ្យកម្ពុជា ៣-រួមគ្នាចុះពិនិត្យសុខភាពបេះដូងជូនដល់កុមារកម្ពុជាដើម្បីពិនិត្យលទ្ធភាពវះកាត់និងព្យាបាលដោយឥតគិតថ្លៃទាំងនៅក្នុងប្រទេសកម្ពុជានិងនៅប្រទេសចិន និង៤-ផ្តល់កិច្ចគាំទ្រលើគម្រោងនានារបស់សង្គមស៊ីវិលចិននៅកម្ពុជាដោយផ្តោតលើការលើកម្ពស់សុខភាពសាធារណៈ។ លោកវេជ្ជបណ្ឌិតក៏បានរំលេចពីកិច្ចសហការតាំងពីឆ្នាំ២០១៨រវាងអង្គការYUNDI មូលនិធិចិនPEACELAND និងសមាគមអ្នកស្រាវជ្រាវវឌ្ឍនភាពក្នុងការសម្របសម្រួលជូនដល់ក្រុមគ្រូពេទ្យស្មគ្រចិត្តកម្ពុជា-ចិនចុះអនុវត្តសកម្មភាពពិនិត្យសុខភាពបេះដូងជូនកុមារកម្ពុជាចំនួន ៧៦,៥៦០នាក់ ដែលក្នុងនោះបានជួយវះកាត់និងព្យាបាលជូនកុមារកម្ពុជាចំនួន ១០៧រូប។ លោក រស់ សារ៉ែន រស់នៅភូមិស្រែដូនតូច សង្កាត់ពញាពន់ ខណ្ឌព្រែកព្នៅ រាជធានីភ្នំពេញ បានថ្លែងនូវការដឹងគុណដល់មន្ទីរពេទ្យFuwai មន្ទីរពេទ្យមិត្តភាពកម្ពុជា-ចិន ព្រះកុសមៈ ក្រុមគ្រូពេទ្យកម្ពុជា-ចិនដែលបានវះកាត់និងព្យាបាលកូនស្រីបង្កើតរបស់លោកឈ្មោះ រស់ វិជ្ជរ៉ា ហើយលោកក៏បានថ្លែងនូវការកោតសរសើរនិងវាយតម្លៃខ្ពស់ចំពោះលោកបណ្ឌិត ជា មុនីឫទ្ធិ ប្រធានសមាគមអ្នកស្រាវជ្រាវវឌ្ឍនភាពកម្ពុជា-ចិនដែលជានិច្ចកាលតែងបានចូលរួមសម្របសម្រួលជួយដល់ក្រុមគ្រូពេទ្យកម្ពុជា-ចិនលើការពិនិត្យ ការព្យាបាល និងការអនុវត្តគម្រោងសុខភាពសាធារណៈនៅកម្ពុជាដើម្បីចូលរួមចំណែកដល់រាជរដ្ឋាភិបាលកម្ពុជាលើការយកចិត្តទុកដាក់ជាអាទិភាពដល់សុខភាពរបស់កុមារកម្ពុជា។ បន្ថែពីលើនេះ ក្នុងនាមអាណាព្យាបាលនិងក្រុមគ្រួសាររបស់កុមារកម្ពុជាទាំង១០៧រូបបានជាសះស្បើយពីជំងឺបេះដូងពីកំណើត លោក រស់ សារ៉ែន…

(ភ្នំពេញ)៖ ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រះសីហនុ បានបញ្ជាក់ថា បច្ចុប្បន្ន ខេត្តព្រះសីហនុកំពុងដើរលើផ្លូវត្រូវ ប៉ុន្តែនៅតែរងការវាយប្រហារពីជនអគតិមួយចំនួនដែលមានចេតនាអាក្រក់ធ្វើឱ្យប៉ះពាល់ដល់កិត្តិយសខេត្ត ក៏ដូចជារាជរដ្ឋាភិបាល។ ដូច្នេះ ឯកឧត្តម បានណែនាំក្រុមការងាររាជរដ្ឋាភិបាលចុះមូលដ្ឋានខេត្តព្រះសីហនុត្រូវរួមគ្នាទប់ស្កាត់ការបង្កហេតុ ឬការញុះញង់ណាមួយទាក់ទិននឹងផ្នែកនយោបាយ ពីព្រោះនេះគឺជាឧបសគ្គនាំឱ្យរាំងស្ទះដល់ដំណើរការអភិវឌ្ឍន៍ជាតិ។ នេះជាប្រសាសន៍លើកឡើងរបស់ ឯកឧត្តមឧបនាយករដ្ឋមន្ត្រី សាយ សំអាល់ ថ្លែងក្នុងកិច្ចប្រជុំបូកសរុបលទ្ធផលការងារឆ្នាំ២០២៤ និងលើកទិសដៅអនុវត្តបន្ត របស់ក្រុមការងាររាជរដ្ឋាភិបាលចុះមូលដ្ឋានខេត្តព្រះសីហនុ ដែលបានធ្វើឡើងនាថ្ងៃទី៧ ខែធ្នូ ឆ្នាំ២០២៤ ។ ឯកឧត្តមឧបនាយករដ្ឋមន្ត្រី សាយ សំអាល់ បានបន្តថា បច្ចុប្បន្នកម្ពុជាកំពុងទទួលបាននូវមរតកសុខសន្តិភាពពីសម្តេចតេជោ ហ៊ុន សែន ដូច្នេះយើងត្រូវបន្តរួមគ្នាថែរក្សាសុខសន្តិភាពនេះឱ្យបានគង់វង្ស បង្កើតបរិយាកាសគ្មានវិវាទ តាមរយៈការចុះបញ្ជីដីធ្លីបង្ហើយឱ្យបានចប់សព្វគ្រប់ និងរួមគ្នារៀបចំប្រទេសជាតិឱ្យបានល្អប្រសើរបន្ថែមទៀត សំរាប់ប្រជាពលរដ្ឋងាយស្រួលរស់នៅ មានទ្រនំសុភមង្គល មានការងារធ្វើ មានប្រាក់ចំណូលសមរម្យ មានម្ហូបអាហារហូបចុកគ្រប់គ្រាន់ ទទួលបានការសិក្សាអប់រំគ្រប់ៗគ្នា និងរស់នៅប្រកបដោយភាពសុខដុមរមនា ។ សូមបញ្ជាក់ថា ការបង្កើតក្រុមការងាររាជរដ្ឋាភិបាលចុះមូលដ្ឋាននេះ គឺក្នុងគោលបំណងដើម្បីផ្សព្វផ្សាយបញ្ជ្រាបការយល់ដឹងអំពីគោលនយោបាយ និងសមិទ្ធិផលផ្សេងៗរបស់រាជរដ្ឋាភិបាល ជាពិសេសផ្សារភ្ជាប់ទំនាក់ទំនងរវាងប្រជាពលរដ្ឋជាមួយរាជរដ្ឋាភិបាល តាមរយៈការរៀបចំវេទិកាសាធារណៈ និងសកម្មភាពរបស់ថ្នាក់ដឹកនាំ…

(ភ្នំពេញ)៖ ក្រសួងបរិស្ថាន បានដាក់ចេញយុទ្ធនាការកាត់បន្ថយការប្រើប្រាស់ប្លាស្ទិក ជាបន្តបន្ទាប់ រួមមាន«ថ្ងៃនេះ ខ្ញុំមិនប្រើថង់ប្លាស្ទិកទេ» និង«កម្ពុជាស្អាត ខ្មែរធ្វើបាន» ដែលឆ្លើយតបនឹងយុទ្ធសាស្រ្តចក្រាវិស័យបរិស្ថាន ក្នុងការប្រែក្លាយពីការប្តេជ្ញាចិត្តរបស់ប្រជាជនកម្ពុជា ធ្វើឱ្យកម្ពុជាមានភាពស្អាត ទៅជាចលនា ដើម្បីកែប្រែឥរិយាបថ របស់ប្រជាពលរដ្ឋឱ្យស្រឡាញ់បរិស្ថាន និងជីវៈចម្រុះ កាន់តែខ្លាំងឡើង ក៏ជាពិសេសស្រឡាញ់ភាពស្អាត ស្អាតស្មារតី ចិត្តគំនិតត្ត បន្តភាពស្អាតនៅតាមភូមិ ស្រុក ក្រុង តាមទីសាធារណៈ សាលារៀន វត្តអារាម និងតាមផ្ទះ។ នេះគឺជាការថ្លែងបស់ឯកឧត្តម ខ្វៃ អាទិត្យា អនុរដ្ឋលេខាធិការ និងជាអ្នកនាំពាក្យក្រសួងបរិស្ថាន នៅអំឡុងពេល អញ្ជើចូលរួមក្នុងកម្មវិធីចែករំលែកក្តីស្រឡាញ់ និងស្នាមញញឹម លើកទី១៦ ក្រោមប្រធានបទ «កម្ពុជាស្អាត កម្ពុជាបៃតង ខ្មែរធ្វើបាន » នៅសាលាបឋមសិក្សាក្រាំងចំបក់ ស្ថិតនៅក្នុងភូមិក្រាំងចំបក់ ឃុំពានរោង ស្រុកស្វាយអន្ទរ ខេត្តព្រៃវែង។ ឯកឧត្តមអនុរដ្ឋលេខាធិការបានកោតសរសើរចំពោះក្រុមយុវជននៃសមាគមយុវជនខ្មែរមហានគរ នៃបណ្ដុំអង្គការសមាគមសង្គមស៊ីវិល ដែលបានចូលរួមស្ម័គ្រចិត្តធ្វើសកម្មភាពសង្គមនានា ហើយជាពិសេស ជំរុញការចូលរួមលើកកម្ពស់ការស្រឡាញ់បរិស្ថាន ចែករំលែកចំណេះដឹងបរិស្ថាន ជាមួយអាជ្ញាធរ សិស្សានុសិស្ស និងប្រជាពលរដ្ឋ យ៉ាងសកម្មក្នុងពេលកន្លងមក។…

កំពង់ចាម៖កាលពីព្រឹកថ្ងៃសៅរ៍ទី៧ ខែធ្នូ​ ឆ្នាំ​២០២៤ ឯកឧត្ដម​ អ៊ុន​ ចាន់ដា​ អភិបាលខេត្តកំពង់ចាម​ និងឯកឧត្តម ខ្លូត ផន ប្រធានក្រុម​ប្រឹក្សាខេត្ត ព្រមទាំងក្រុមការងារខេត្ត មន្ត្រីបច្ចេកទេស និងអាជ្ញាធរ​មូលដ្ឋានបានអញ្ជើញចុះពិនិត្យ​វឌ្ឍនភាព នៃការជួសជុលកែលម្អសួន​ច្បារមាត់ទន្លេ ស្ថិតនៅជាប់គល់ស្ពានគីហ្សូណា​ ក្រុងកំពង់ចាម ។ ការជួសជុលឱ្យកាន់តែមានសោភ័ណភាព និងសុវត្ថិភាពនេះរួមមាន ការបំពាក់ប្រព័ន្ធអគ្គិសនី, ប្រព័ន្ធទឹក, ក្រាលការ៉ូឡា​ធ្វើអំពីថ្មម៉ាប, ដាំកូនឈើលម្អបន្ថែម និងក្រាលស្មៅនៅតាមសួនច្បារជាដើម ។គិតមកដល់ពេលនេះ ការដ្ឋាននេះ​សម្រេច​បានប្រមាណជាង៩០ ភាគរយ៕ដោយ៖លី ពៅ