(ត្បូងឃ្មុំ)៖ អគារសិក្សាថ្មី ដែលជាអគារបរិស្ថាន បានសាសង់ជិតរួចរាល់ជាស្ថាពរ សម្រាប់សិស្សានុសិស្ស ដែលអាចចូលរៀន បាននៅក្នុងបវេសនកាល ឆ្នាំសិក្សាថ្មីខាងមុខនេះ នៅវិទ្យាល័យ ហេងសំរិន ចក នៅក្នុងឃុំចក ស្រុកអូររាំងឪ ខេត្តត្បូងឃ្មុំ។ នៅក្នុងឱកាសអញ្ជើញចុះពិនិត្យការដ្ឋានសាងសង់អគារសិក្សាថ្មីនេះ នាថ្ងៃអង្គារ ទី០៨ ខែតុលា ឆ្នាំ២០២៤ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន បានថ្លែងថា អគារសិក្សាថ្មី នៅវិទ្យាល័យហេងសំរិនចក គ្រោងនឹងបញ្ចប់ការសាងសង់ជាស្ថាពរ នៅពេលឆាប់ៗខាងមុខនេះ ដើម្បីឆ្លើយតបនឹងបំណងប្រាថ្នារបស់ សិស្សានុសិស្សនៃវិទ្យាល័យ ហេង សំរិន ចក សម្រាប់ការសិក្សា ដើម្បីក្លាយជាយុវជន មានចំណេះដឹង ចំណេះធ្វើ មានគុណធម៌ ដើម្បីជាអ្នកបន្តវេនដ៏ល្អនាពេលអនាគត។ ឯកឧត្តមបណ្ឌិត អ៊ាង សុផល្លែត បានថ្លែងថា អគារសិក្សាថ្មីនេះ មានភាពខុសប្លែក​ពីគេ មានលក្ខណៈជាខ្មែរ ហើយគិតគូរជាពិសេសលើបរិស្ថាន ទាញយកពន្លឺធម្មជាតិ​យក​មកប្រើប្រាស់ លំហូរខ្យល់អាកាសធម្មជាតិ ចេញចូលល្អ បំពាក់នូវសម្ភារប្រើ​ប្រាស់ ដោយថាមពលកកើតឡើងវិញ បំពេញបន្ថែមដោយការដាំដើមឈើ ថ្នាល​បណ្តុះកូនឈើ សួនច្បារ…

ក្រចេះ៖ឯកឧត្តម វ៉ា ថន អភិបាលខេត្តក្រចេះបានអញ្ជើញចូលរួម​ដោយផ្ទាល់​ក្នុងពិធី​កាត់បើកវិញ្ញាសា​ប្រឡងសញ្ញាបត្រមធ្យម​សិក្សា​ទុតិយភូមិសម័យប្រឡងថ្ងៃទី៨ ខែតុលា ឆ្នាំ២០២៤​នៅមណ្ឌល​វិទ្យាល័យព្រះមហាក្សត្រិយានីកុសុមៈ ក្រុងក្រចេះ។ឆ្នាំនេះខេត្តក្រចេះ​ដែលជាខេត្តភាគឦសាន មានបេក្ខជនចុះឈ្មោះប្រឡងចំនួន២ ៤០៥នាក់។ ក្នុងឱកាសកាត់បើកវិញ្ញាសា ឯកឧត្តម វ៉ា ថន អភិបាលខេត្តក្រចេះបាន​បង្ហាញហិបវិញ្ញាសារជូនដល់បេក្ខជនប្រឡង ពិនិត្យ​ភាព​បិទជិត មានបិទស្កុត និងត្រាស្រោមប្រធានវិញ្ញាសារ នៅចំពោះមុខបេក្ខជន ដើម្បីធានាបានថា ការប្រឡងប្រព្រឹត្ត​ទៅដោយ​គោរពតាមគោលការណ៍​ទាំងបួនរបស់ក្រសួងអប់រំ ច្បាប់ យុត្តិធម៌ តម្លាភាព និងលទ្ធផលទទួល​យក​បាន។ ឯកឧត្តមអភិបាលខេត្តបានផ្តាំផ្ញើដល់បេក្ខជនប្រឡងត្រូវថែរក្សាសុខភាពឱ្យបានល្អនៅក្នុងរយៈពេល២ថ្ងៃនេះ ។ត្រូវខិតខំឱ្យ​អស់ពី​សមត្ថភាព ព្រមទាំងគោរពតាមបទបញ្ជាផ្ទៃក្នុងនៅពេលប្រឡងឱបានល្អ ។ ប្រធានមន្ទីរអប់រំ យុវជន និងកីឡាខេត្តក្រចេះ លោក ឡាយ បូរ៉ា បានឱ្យដឹងថា បេក្ខជនដែលត្រូវប្រឡង សញ្ញាបត្រមធ្យម​សិក្សា​ទុតិយភូមិនៅក្នុងខេត្តក្រចេះឆ្នាំ២០២៤នេះ មានចំនួន ២ ៤០៥នាក់ (ស្រី ១ ៣៤៣នាក់) ក្នុងនោះបេក្ខជនស្វៃរិន ចំនួន ៣៥៨នាក់ (ស្រី ១៦៨នាក់) ។ខេត្តក្រចេះមានមណ្ឌលប្រឡងចំនួន ៥មណ្ឌល ក្នុងនោះមណ្ឌលវិទ្យាសាស្ត្រ ចំនួន២ និងមណ្ឌល​វិទ្យាសាស្ត្រសង្គម ចំនួន ៣…

(ភ្នំពេញ)៖ យ៉ាងហោច មានបេក្ខជនចំនួន ២២នាក់ និងអនុរក្ស ២នាក់ ដែលក្រសួង​អប់រំ​បញ្ជាក់ថា បានមានបញ្ហាសុខភាព សម្រាប់ថ្ងៃដំបូង នៃដំណើរការប្រឡងមធ្យម​សិក្សា​ទុតិយភូមិឆ្នាំ២០២៤នេះ ។ យោងតាមការផ្សាយនៅផេកហ្វេសប៊ុកផ្លូវការ របស់ក្រសួងអប់រំ យុវជន និងកីឡា បេក្ខជនទាំង ២២នាក់នោះ គឺរួមមាន​ករណី​គ្រុនឈាមចំនួន ៣ករណី ។ បេក្ខជនដែលមានបញ្ហាសុខភាពទាំងនោះ មានមកពីខេត្តស្ទឹងត្រែង ខេត្តកែប ខេត្តឧត្តរមានជ័យ ខេត្តកំពត ខេត្តសៀមរាប ខេត្តបន្ទាយមានជ័យ ខេត្តតាកែវ ខេត្តក្រចេះ ខេត្តកំពង់ធំ ខេត្តត្បូងឃុំ ខេត្តប៉ៃលិន ខេត្តកំពង់ចាម ខេត្តកំពង់ឆ្នាំង ខេត្តព្រះវិហារ ។ ក្រសួងអប់រំក៏បានបញ្ជាក់ផងទៀតថា ក៏នៅមានអនុរក្សចំនួន ២នាក់ផងដែរ ដែលមានបញ្ហាសុខភាព ដែលរួមមានម្នាក់នៅក្នុងខេត្តតាកែវ និងម្នាក់ទៀត នៅខេត្តកំពង់ចាម ។ ចំពោះចំណាត់ការរៀបចំ ត្រូវបានក្រសួងអប់រំបញ្ជាក់ថា គេបានអនុញ្ញាត ឲ្យបេក្ខជន មួយចំនួន អាចបន្តការប្រឡងឡើងវិញក្រោមការយកចិត្តទុកដាក់មើល ថែពីក្រុម គ្រូពេទ្យ បន្ទាប់ពីមានអាការៈធូរស្រាល និងបេក្ខជនផ្សេងទៀតត្រូវបាន បញ្ជូន​ទៅមន្ទីរពេទ្យ។…

(ភ្នំពេញ)៖ ឯកឧត្តម កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និង​បណ្តុះ​បណ្តាលវិជ្ជាជីវៈបានលើកឡើងថា ចាប់តាំង​ពីរាជរដ្ឋាភិបាល​កម្ពុជា​បានដាក់​ឱ្យ​អនុវត្តកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស កាលពីខែវិច្ឆិកា ឆ្នាំ ២០២៣ រហូតមកដល់ដើមខែតុលា ឆ្នាំ២០២៤នេះ កម្មវិធីបណ្តុះបណ្តាលថ្នាក់​ជាតិ មួយនេះបាននិងកំពុងបន្តបេសកកម្មរបស់ខ្លួនក្នុងការបណ្តុះបណ្តាលជំនាញដល់យុវជនយ៉ាងសកម្មនៅទូទាំងប្រទេស ហើយទទួលបានលទ្ធផល​ប្រកបដោយ​ផ្លែផ្កា ។ បើតាមឯកឧត្តមរដ្ឋលេខាធិការ គិតត្រឹមដើមខែតុលា ឆ្នាំ២០២៤ ក្រសួងការងារ និង បណ្តុះបណ្តាលវិជ្ជាជីវៈ ទទួលបានយុវជនចុះឈ្មោះចូលសិក្សាជំនាញសរុបចំនួន ៨០,៥៩៤នាក់ (ស្រីចំនួន៣២,០៥៩នាក់) ។​ ក្នុងចំណោមសិស្សដែលបានចុះ​ឈ្មោះ​ចូល​រៀន​ជំនាញសរុប​ ក្នុងនោះចំនួនសិស្សបានបញ្ចប់ការសិក្សាសរុប​ចំនួន​ជាង ១មុឺននាក់។ យុវជនសិក្សាជំនាញរបស់រាជរដ្ឋាភិបាលទាំងនោះ​បានទទួល​ការងារ​ធ្វើសមរម្យ, កំពុងចុះកម្មសិក្សានៅតាមក្រុមហ៊ុនឯកជននានាក្រោមកិច្ច​សម្របសម្រួលរបស់ក្រសួងការងារ និងបណ្តុះបណ្តាលវិជ្ជាជីវៈ ។ ឯកឧត្តមរដ្ឋលេខាធិការបន្ថែមថា ចាប់តាំងពីបានដាក់ឱ្យអនុវត្តជាផ្លូវការនូវ​កម្មវិធី​បណ្តុះ​បណ្តាលថ្នាក់ជាតិនេះ ពីថ្ងៃទី១៤ ខែវិច្ឆិកា ឆ្នាំ២០២៣ រហូតដល់ពេលនេះ ក្រសួងការងារ និងបណ្តុះបណ្តាលវិជ្ជាជីវៈ បានផ្សព្វផ្សាយព័ត៌មានតាមរយៈប្រព័ន្ធ​ផ្សព្វ​ផ្សាយ និងបណ្តាញសង្គមយ៉ាងផុសផុល ជាងនេះទៀតក្រុមការងារក៏បានចុះ​ផ្សព្វផ្សាយផ្ទាល់ទៅដល់មូលដ្ឋានប្រជាពលរដ្ឋធ្វើយ៉ាងណាកៀរគរយុវជនគោលដៅមកចុះឈ្មោះចូលរៀនជំនាញវិជ្ជាជីវៈ និងបច្ចេកទេសនេះឱ្យបានកាន់តែច្រើន។ ឯកឧត្តមរដ្ឋលេខាធិការបានបញ្ជាក់ថា ក្រសួងការងារ និងបណ្តុះបណ្តាលវិជ្ជាជីវៈ បាន​និង​កំពុងធ្វើយុទ្ធនាការផ្សព្វផ្សាយអំពីកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសរបស់រាជរដ្ឋាភិបាល អាណត្តិទី៧ ទ្រង់ទ្រាយធំ ក្នុងនោះអគ្គនាយក​ដ្ឋានជំនាញ…

(ភ្នំពេញ)៖ កម្លាំងសមត្ថកិច្ចនគរបាល បានឆ្មក់ចូលត្រួតពិនិត្យ គេហដ្ឋានលោក លី សាម៉េត នៅឫស្សីកែវ នាព្រឹកថ្ងៃីទី៨ តុលា តែមិនមានវត្តមាន លោក លី សាម៉េត នៅក្នុងផ្ទះនោះទេ ។ នេះជាការគូសបញ្ជាក់របស់អ្នកនាំពាក្យ ស្នងការដ្ឋាននគរបាលរាជធានីភ្នំពេញ ។ លោក លី សាម៉េត ហៅគ្រូមា បានគេចខ្លួនចេញពីផ្ទះ​ដែលមានទីតាំងស្ថិតមុខតារាង​វាយ​កូន​ហ្គោល ផ្ទះលេខ L11 តាមបណ្ដោយផ្លូវ 99B បុរីរិទ្ធ សង្កាត់ឫស្សីកែវ ខណ្ឌឬស្សីកែវ រាជធានីភ្នំពេញ ។ លោក សំ វិច្ឆិកា អ្នកនាំពាក្យស្នងការដ្ឋាននគរបាល រាជធានីភ្នំពេញ បានបញ្ជាក់ថា ៖ កាលពីព្រឹកមិញនេះ ( ៨ តុលា) សមត្ថកិច្ចដែលមានការដឹកនាំផ្ទាល់ពីស្ថាប័ន អយ្យការអមសាលាដំបូងរាជធានីភ្នំពេញ បានឆ្មក់ចូល ត្រួតពិនិត្យគេហដ្ឋានលោក លី សាម៉េត នៅឫស្សីកែវ គឺមិនមានវត្តមានឈ្មោះ លី សាម៉េត នៅក្នុងផ្ទះ នៅឬស្សីកែវនោះទេ…

(ភ្នំពេញ)៖ មន្ត្រីជាន់ខ្ពស់ក្រសួងប្រៃសណីយ៍ និងទូរគមនាគមន៍ ឯកឧត្តម កែវ សុទ្ធិ បានលើកឡើងថា “សន្តិសុខសាយប័រ និងកិច្ចការពារ ទិន្នន័យបុគ្គល មានសារៈសំខាន់ក្នុងការកសាងទំនុកចិត្ត និងភាពជឿជាក់លើប្រព័ន្ធបច្ចេកវិទ្យាឌីជីថលនៅកម្ពុជា ដោយ ផ្តោតលើការពង្រឹងការគ្រប់គ្រងហានិភ័យសន្តិសុខសាយប័រ និងការបង្ការទប់ស្កាត់ និងការឆ្លើយតបទៅនឹងឧប្បត្តិហេតុ សន្តិសុខសាយប័រ ព្រមទាំងការគ្រប់គ្រងការធ្វើប្រព្រឹត្តកម្មទិន្នន័យបុគ្គល ក្នុងន័យការពារលម្អសាយប័រនៅកម្ពុជា ការពារសិទ្ធិឯកជនភាព សម្របសម្រួលរំហូរនៃទិន្នន័យ និងជំរុញការបង្កើតឧស្សាហកម្មថ្មីនៃយុគសម័យឌីជីថល។ការលើកឡើងរបស់ ឯកឧត្តម កែវ សុទ្ធិ រដ្ឋលេខាធិការក្រសួងប្រៃសណីយ៍ និងទូរគមនាគមន៍ រួមជាមួយនិងឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃ និយ័តករមូលបត្រកម្ពុជា ន.ម.ក. ក្នុងឱកាសអញ្ជើញជាអធិបតីភាព សិក្ខាសាលាកសាងសមត្ថភាព ស្តីពី “សន្តិសុខសាយប័រ និងការការពារទិន្នន័យ” នៅអគារអាជ្ញាធរសេវាហិរញ្ញវត្ថុមិនមែនធនាគារ (អ.ស.ហ) និងមានការចូលរួមគាំទ្រដោយ សមាគមឈ្មួញជើងសា ឧបករណ៍និស្សន្ទនៅកម្ពុជា, និងវិស័យឯជនពាក់ព័ន្ធជាច្រើនទៀត។ ឯកឧត្តម ស៊ូ សុជាតិ បានគូសបញ្ជាក់ថា “កំណើនយ៉ាងឆាប់រហ័សនៃឌីជីថល​នូបនីយកម្ម ក៏បាន និងកំពុងផ្តល់ភាពងាយស្រួលផងដែរ ដល់ឧក្រិដ្ឋជនតាមប្រព័ន្ធ​អ៊ីនធឺណិត ដែលកេងយកវិធីសាស្ត្រងាយស្រួលនេះ ក្នុងការអនុវត្តសកម្មភាព​របស់ខ្លួន។ ដូច្នេះ…

កំពង់ឆ្នាំង៖ខេត្តកំពង់ឆ្នាំង ក៏ដូចជារាជធានី ខេត្តដទៃនៅព្រឹកថ្ងៃ​អង្គារទី៨ ខែតុលា ឆ្នាំ២០២៤ បានដំណើរការ​ប្រឡងសញ្ញា​បត្រ​មធ្យមសិក្សាទុតិយភូមិ​ដោយមានបេក្ខជនចំនួន៤ ៦១៨ នាក់ (ស្រី២ ០៦៤នាក់),មណ្ឌលប្រឡងចំនួន ៨ មាន ១៨៦ បន្ទប់ ។ ឯកឧត្តមកិត្តិនីតិកោសលបណ្ឌិត ឱម យ៉ិនទៀង ទេសរដ្ឋមន្ត្រីទទួល​បន្ទុកបេសកកម្មពិសេសនិងជា ប្រធានអង្គភាពប្រឆាំង​អំពើពុករលួយ​បានអញ្ជើញចូលរួមបើកហិបវិញ្ញាសាប្រឡងសញ្ញាបត្រទុតិយភូមិនៅមណ្ឌលប្រឡងសាលាបឋមសិក្សាគំរូក្រុង ក្រុង​កំពង់ឆ្នាំង ។មានប្រសាសន៍នៅទីនោះបណ្ឌិត ឱម យ៉ិនទៀង បញ្ជាក់ថា អ្នកចេះគឺ​ប្រឡងជាប់ទាំងអស់គ្នា ហើយច្បាស់ណាស់ អ្នកមិនចេះ ក៏មិនអាច​ប្រឡង​ជាប់បានដែរ។ឯកឧត្តមបានបន្ថែមថា រយៈពេល១០ឆ្នាំចុង​ក្រោយនេះ ក្រសួងអប់រំ យុវជននិងកីឡាបានខិតខំរិត​បន្តឹង​គោល​នយោបាយអប់រំ និងគ្រឹះស្ថានសិក្សា ប្រកបដោយវិជ្ជាជីវៈខ្លាំង​ណាស់ ។ការប្រឡង​សញ្ញាបត្រទុតិយ​ភូមិមួយឆ្នាំៗដែលមានបេក្ខជនជាង១០ ម៉ឺននាក់ គឺប្រកបដោយបទពិសោធន៍ច្បាស់លាស់ត្រឹមត្រូវ។ ឯកឧត្តម ក៏បានផ្ដាំផ្ញើដល់បេក្ខជនប្រឡងទាំងអស់សូមកុំតក់ស្លុត និងខិតខំយកចំណេះដឹងដោយខ្លួនមាន មកប្រឡង​ឱ្យទទួល​បានជោគជ័យទាំងអស់គ្នា៕ ដោយ៖សុខ គឹមសៀន

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅថ្ងៃទី៨ ខែតុលា ឆ្នាំ២០២៤ ចេញអនុក្រឹត្យបញ្ចប់មុខតំណែងលោក កន សុខកាយ ឋានន្តរស័ក្តិឧត្តមមន្ត្រី ថ្នាក់លេខ៥ ពីអភិបាលនៃ គណៈអភិបាលស្រុកល្វាឯម នៃខេត្តកណ្តាល ដោយសារសាមីខ្លួនបានប្រព្រឹត្តកំហុសក្រមសីលធម៌ និងវិជ្ជាជីវៈ ធ្ងន់ធ្ងរ ផ្ទុយនឹងច្បាប់ស្តីពីសហលក្ខន្តិកៈ មន្ត្រីរាជការស៊ីវិលនៃព្រះរាជាណាចក្រកម្ពុជា ៕ ដោយ ៖ វណ្ណលុក