បន្ទាយមានជ័យ៖នៅច្រកទ្វារព្រំដែនអន្តរជាតិប៉ោយប៉ែត កម្លាំង​នគរបាលប៉ុស្តិ៍ច្រកទ្វារព្រំដែនអន្តរជាតិប៉ោយប៉ែត កម្លាំង​នៃអធិការ​ដ្ឋាននគរបាលក្រុងប៉ោយប៉ែតដឹកនាំដោយលោកវរសេនីយ៍ទោ ព្រហ្ម ពិសិដ្ឋ អធិការនៃ​អធិការដ្ឋាននគរ​បាល​ក្រុង​ប៉ោយប៉ែត កាលពីថ្ងៃទី៧ ខែធ្នូ ឆ្នាំ២០២៤ ចុះធ្វើការផ្សព្វផ្សាយ និងណែនាំដល់ម្ចាស់ម៉ូតូកង់បី​(ផាសអាប់)ដែលមាន​បិតស្លាកសញ្ញាពាក់ព័ន្ធនឹងល្បែងអនឡាញ​គ្រប់ប្រភេទហើយកំពុងធ្វើចរាចរលើផ្លូវសាធារណៈត្រូវបកចេញម៉ូតូកង់ទាំងអស់ និងមិនត្រូវមានបិតស្លាកសញ្ញាល្បែងអនឡាញគ្រប់ប្រភេទ​ទៀតទេ។ លោកវរសេនីយ៍ទោ ព្រហ្ម ពិសិដ្ឋ បានឱ្យដឹងថា សកម្មភាពផ្សព្វផ្សាយ និងណែនាំនេះ អនុវត្ត តាមការណែនាំរបស់​លោក​ឧត្ដមសេនីយ៍​ស្នងការនគបាលខេត្តបន្ទាយមានជ័យ សិទ្ធ ឡោះ ដែលបញ្ជា​ផ្ទាល់​ក្នុងការទប់ស្កាត់ បទល្មើសផ្សេងៗ ក៏ដូច​ជាការបើកល្បែងអនឡាញ​អត់ច្បាប់គ្រប់ប្រភេទ ដែលកំពុងលាក់លួចបើកដំណើរការនៅតាម ផ្ទះល្វែងឬ បន្ទប់ជួល​ក្នុង​ក្រុងប៉ោយប៉ែត៕ដោយ៖ឃិន គន្ធា

កំពត៖អនុវត្តតាមការណែនាំរបស់ប្រមុខរាជរដ្ឋាភិបាលក្នុងការ​ពន្លឿន​ចេញបណ្ណកម្មសិទ្ធិជូន​ពលរដ្ឋឱ្យបានឆាប់បំផុត អាជ្ញាធរខេត្តកំពត និងមន្ទីរជំនាញបានសហការគ្នាក្នុងការចុះវាស់វែងចុះបញ្ជីដីធ្លីមានលក្ខណៈជាប្រព័ន្ធសរុបបានចំនួន ២៦៨ ២៧២ក្បាលដី និងចែកបណ្ណជូន​ពលរដ្ឋដល់ដៃបានចំនួន ១១០ ៦១១បណ្ណក្នុងរយៈពេលបីឆ្នាំ​ចុង​ក្រោយ។នេះ​ជាការបញ្ជាក់របស់ឯកឧត្តម ម៉ៅ ធនិន អភិបាលខេត្ត​កំពតក្នុងពិធីចែកបណ្ណកម្មសិទ្ធកាលពី​ព្រឹកថ្ងៃទី៧ ខែធ្នូ ឆ្នាំ​២០២៤ ក្នុងបរិវេណវត្តសិរីជ័យមានលក្ខណ៍ ។ ក្នុងពិធីចែកបណ្ណកម្មសិទ្ធចំនួន ៣ ៦១៨បណ្ណជូនប្រជាពលរដ្ឋ​ភូមិអន្ទងបែក ភូមិបរ ក្នុងឃុំអង្គរមាស ស្រុកដងទង់ឯកឧត្តម ម៉ៅ ធនិន អភិបាលខេត្តកំពតបានបញ្ជាក់ថា នៅពេលថ្មីៗនេះ សម្តេច​មហាបវរធិបតី ហ៊ុន ម៉ាណែត នាយករដ្ឋមន្ត្រីនៃ​ព្រះរាជា​ណាចក្រកម្ពុជា មានបទបញ្ជា​ក៏ដូចជាកិច្ចចង្អុលការផ្ទាល់យ៉ាងម៉ឺងម៉ាត់ដល់ក្រសួង​រៀបចំដែនដី នគរូបនីយកម្ម និងសំណង់ អាជ្ញាធរ គណៈកម្មការ​គ្រប់គ្រងដីរដ្ឋ គណៈកម្មការសុរិយោដី ព្រមទាំងអាជ្ញាធរពាក់ព័ន្ធ​គ្រប់លំដាប់ថ្នាក់ ត្រូវធ្វើ​យ៉ាងណាពន្លឿនការចេញបណ្ណកម្មសិទ្ធិ​ដីធ្លី​ជូនពលរដ្ឋឱ្យបានលឿនបំផុត។ ឯកឧត្តមបន្តថា ជាក់ស្តែងថ្ងៃចែកបណ្ណកម្មសិទ្ធចំនួន ៣ ៦១៨​បណ្ណដល់ប្រជាពលរដ្ឋនៅភូមិអន្ទងបែក ភូមិបរក្នុង នៃ​ឃុំអង្គរមាស ហើយបានធ្វើការប្រកាសបិទផ្សាយជាសាធារណៈនូវឯកសារនៃការវិនិច្ឆ័យសម្រាប់ការចុះបញ្ជី​ដីធ្លីមាន​លក្ខណៈជាប្រព័ន្ធចំនួនបីភូមិ គឺភូមិ​ត្រពាំងរាំង ភូមិស្នោតូច និងភូមិពន្លៃ នៃក្នុងឃុំអង្គ.រមាស ស្រុកដងទង់ ដែលមានក្បាល​ដីសរុបចំនួន ៥ ៤៨៥ក្បាលដី។ បើតាមការបញ្ជាក់របស់លោក ព្រាប សុផាត…

សៀមរាប៖ របៀបប្រមូលផលស្រូវបែបប្រពៃណីឬបែបបុរាណ​ត្រូវ​បានបង្ហាញជូនភ្ញៀវជាតិ និងអន្តរជាតិ ក្នុង​កម្មវិធី”ស្នាមញញឹមភូមិខ្ញុំ” ដើម្បីរំលឹក​នូវការ​ចង​ចាំតាមបែបបុរាណ តាមរយៈការចុះអនុវត្តផ្ទាល់​ដូចជា ការច្រូតកាត់ ចងកណ្តាប់ ប្រមូលកណ្តាប់ ដឹកជញ្ជូន ទៅទីលាន​បញ្ជាន់បោកបែនស្រូវ។សកម្មភាពបែបទេសចរដែលររៀបចំ​ឡើង​នៅ​ភូមិថ្នល់ត្រង់ បាន​ទាក់ទាញការចាប់អារម្មណ៍​យ៉ាងច្រើនពី​អ្នកចូល​រួមពិសេសភ្ញៀវជាទេស​ចរ​បរទេស។ កម្មវិធី”ស្នាមញញឹមភូមិខ្ញុំ” បានរៀបចំនៅភូមិថ្នល់ត្រង់ ឃុំបាគង ស្រុកប្រាសាទបាគង ខេត្តសៀមរាបកាលពី​ព្រឹកថ្ងៃទី៧ ខែធ្នូឆ្នាំ២០២៤ ដោយមាន​ភ្ញៀវជាតិ និងភ្ញៀវអន្តរជាតិចូលរួមជាង៤០០នាក់ក្នុងនេះ​ភ្ញៀវបរទេស​១៣០នាក់។ភាពទាក់ទាញ​ខ្លាំងនៃ​កម្មវិធីនេះ គឺការប្រមូល​ផលស្រូវបែបប្រពៃណីឬ បែបបុរាណ ។ភាពទាក់ទាញខ្លាំង​ទៅលើភ្ញៀវ​ជាជនបរទេស ។ លោក ង៉ូវ សេងកាក់ អភិបាលរងខេត្តសៀមរាបបានដឹកនាំកម្មវិធី​ស្នាម​ញញឹមភូមិខ្ញុំ ដោយផ្ទាល់។គេក៏បានឃើញ​វត្តមាន​តារាកំប្លែងនាយ ពាក់ មី និងប្រធានសហគមន៍បាគងភូមិខ្ញុំចូលរួមដែរ។ ពេញមួយព្រឹក​សកម្មភាពច្រូតកាត់ និងប្រមូល​ផលស្រូវតាមបែបបុរាណបានផ្តល់​ឱកាសឱ្យភ្ញៀវដែលចូលរួម បានទស្សនា និងសាកល្បងធ្វើជាក់ស្តែង​ដូចជា ការច្រូត​ដោយដៃ ការចងកណ្តាប់ស្រូវ ការដឹកជញ្ជូនស្រូវ​ទៅទីលានបញ្ជាន់ ការបោកបែនដោយដៃ បន្ទាប់ពីប្រមូលផលស្រូវ។ កសិករសម័យបុរាណតែងតែយកស្រូវដែលច្រូតកាត់ថ្មីៗមកដាល់អំបុក ឬបុកអំបុក ,លេងរាំវង់ក្នុងពេលរាត្រី ។កម្មវិធី ស្នាម​ញញឹមភូមិខ្ញុំ មិន​ត្រឹមតែបង្ហាញពីបច្ចេកទេសកសិកម្មសម័យបុរាណប៉ុណ្ណោះទេ ប៉ុន្តែ​ក៏ជាឱកាសមួយសម្រាប់​ភ្ញៀវក្នុង​ការចងចាំ និងឆ្លុះបញ្ចាំងពីអរិយ​ធម៌​កសិកម្មបុរាណដែលមានតាំងពីយូរយារមកហើយដែរ។ ចំណែកអ្នកស្រី អាណា ម៉ារីយ៉ា មកពីទីក្រុងប៉ារីស ប្រទេសបារាំង និងបានមកបំពេញការងារជាអ្នកស្ម័គ្រចិត្ត…

(ភ្នំពេញ)៖ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ព្រះរាជអមដោយ សម្តេចអភិសិរីសុគន្ធាមហាសង្ឃរាជាធិបតីឧទ្ទេសបណ្ឌិត បួរ គ្រី សម្តេចព្រះសង្ឃរាជ នៃគណៈធម្មយុត្តិកនិកាយ នៃព្រះរាជាណាចក្រកម្ពុជា សម្តេចអគ្គមហាសេនាបតីតេជោ ហ៊ុន សែន ប្រធានក្រុមឧត្តមក្រុមប្រឹក្សាផ្ទាល់ព្រះមហាក្សត្រ និងជាប្រធានព្រឹទ្ធសភា សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា ស្តេចយាងកាត់ខ្សែបូ សម្ពោធប៉ុស្តិ៍សុខភាពសម្តេចព្រះរាជគ្រូ បួរ គ្រី ព្រះករុណាព្រះមហាក្សត្រ សីហមុនី ស្ថិតនៅក្នុងបរិវេណវត្តស្វាយពពែ រាជធានីភ្នំពេញ នាព្រឹកថ្ងៃទី០៧ ខែធ្នូ ឆ្នាំ២០២៤ ។ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា មានព្រះរាជឱង្ការថា «ប៉ុស្តិ៍សុខភាពសម្ដេចព្រះរាជគ្រូ បួរ គ្រី ព្រះករុណា ព្រះមហាក្សត្រ សីហមុនី» ពិតមែនតែមានទំហំតូច តែជាទីកន្លែងសម្រាប់ជួយសម្រាលបន្ទុកការងារវិស័យសុខាភិបាលមួយកម្រិត ដែលប្រជារាស្ត្រយើងអាចមកព្យាបាល និងពិគ្រោះជំងឺបានជារៀងរាល់ថ្ងៃ។ បើមានជំងឺធ្ងន់ធ្ងរ លោកគ្រូពេទ្យអាចបញ្ជូនបន្តទៅព្យាបាលនៅមន្ទីរពេទ្យបង្អែករាជធានី…

(ភ្នំពេញ)៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យ ឯកឧត្តមបណ្ឌិត Tan Sri Abang Zohari Tun Openg ប្រមុខរដ្ឋបាល នៃរដ្ឋ Sarawak ប្រទេសម៉ាឡេស៊ី និងជាប្រធានអង្គការក្រុមប្រឹក្សាផ្សព្វផ្សាយឥស្លាមតំបន់អាស៊ីអាគ្នេយ៍ និង ប៉ាស៊ីហ្វិក(RISEAP) ចូលជួបសម្ដែងការគួរសម និងពិភាក្សាការងារ នៅវិមានសន្តិភាព នាព្រឹកថ្ងៃទី៧ ខែធ្នូ ឆ្នាំ២០២៤ ។ ឯកឧត្តមប្រមុខរដ្ឋបាលនៃរដ្ឋ Sarawak ប្រទេសម៉ាឡេស៊ី បានគោរពថ្លែងអំណរគុណយ៉ាងជ្រាលជ្រៅចំពោះរាជរដ្ឋាភិបាលកម្ពុជា ដែលផ្ដល់ការគាំទ្រដល់អង្គការ RISEAP ក្នុងការរៀបចំសន្និបាតលើកទី ២០ របស់ខ្លួន នៅរាជធានីភ្នំពេញ នាឱកាសនេះ ដែលកម្ពុជាធ្វើជាម្ចាស់ផ្ទះ ជាលើកដំបូងបំផុត។ ឯកឧត្តមប្រមុខរដ្ឋបាលនៃរដ្ឋ Sarawak ក៏បានគោរពជម្រាបជូនសម្ដេចបវរធិបតី អំពីសាវតាររបស់អង្គការ RISEAP ដែលត្រូវបានបង្កើតឡើងនៅក្នុងឆ្នាំ១៩៨០ ដោយនាយករដ្ឋមន្ត្រីទីមួយរបស់ប្រទេសម៉ាឡេស៊ី ក្នុងគោលបំណងលើកកម្ពស់ការយោគយល់គ្នា និងការគោរពគ្នាទៅវិញទៅមក រវាងសាសនានិងសាសនា ព្រមទាំងការចូលរួមចំណែកក្នុងការបង្កើតសង្គមមួយប្រកបដោយសុខសន្តិភាព និងសុខដុមនីយកម្ម។ ឯកឧត្តមប្រមុខរដ្ឋបាលនៃរដ្ឋ Sarawakក៏បានកត់សម្គាល់បន្ថែមថា កម្ពុជាគឺជាប្រទេសមួយដែលមានសក្ដានុពល…

សៀមរាប៖សំឡេងទះដៃអបអរសាទរបានលាន់រំពងឡើងនាសាល​ធំ​នៃសណ្ឋាគារ អង្គរអឺរ៉ា ខេត្តសៀមរាប នារសៀល​ថ្ងៃទី៦ ខែធ្នូ ឆ្នាំ​២០២៤ ខណៈគណៈអធិបតីប្រកាសបើកជាផ្លូវការ“ពិព័រណ៍​ទេស​ចរណ៍​កម្ពុជា-ចិន” ឆ្នាំ២០២៤។ ពិព័រណ៍ដ៏លេច ធ្លោនេះ កើតឡើងពី​កិច្ចសហការរវាងក្រសួងទេសចរណ៍នៃព្រះរាជាណាចក្រកម្ពុជា​ជាមួយ​ស្ថានទូត​នៃសាធារណរដ្ឋ ប្រជាមានិតចិនប្រចាំកម្ពុជា ដើម្បីអបអរ​សាទរការប្រារព្ធ «ឆ្នាំនៃការផ្លាស់ប្តូរប្រជាជននិងប្រជាជន កម្ពុជា-ចិន ២០២៤»។ “ពិព័រណ៍ទេសចរណ៍កម្ពុជា-ចិន”នៅខេត្តសៀមរាប បានប្រារព្ធបើក​ក្រោមអធិបតីភាពឯកឧត្តម ហួត ហាក់ រដ្ឋមន្ត្រី​ក្រសួង​ទេសចរណ៍​កម្ពុជា និងឯកឧត្តម វ៉ាង វិនពីន ឯកអគ្គរដ្ឋទូតនៃសាធារណរដ្ឋ​ប្រជាមានិតចិនប្រចាំកម្ពុជា លោក ង៉ូវ សេងកាក់ អភិបាលរង​ខេត្តសៀមរាប។វត្តមានចូលរួមមានភ្ញៀវកិត្តិយសជាតិ អន្តរជាតិ ប្រតិភូអ្នកទិញ-អ្នក​លក់មកពី​ប្រទេស​ចិន ផ្នែកឯកជនក្នុងវិស័យ​ទេសចរណ៍កម្ពុជា-ចិន ភសិស្ស-និស្សិតយ៉ាងច្រើនកុះករ។ លោក ង៉ូវ សេងកាក់ មានប្រសាសន៍ថា តាមរយៈនយោបាយឈ្នះ​របស់សម្តេចតេជោ បានធ្វើឱ្យកម្ពុជាមានសន្តិភាព សុវត្ថិ​ភាព និងស្ថិរភាព នយោបាយពេញលេញ និងកិច្ចសហប្រតិបត្តិការជា​យុទ្ធសាស្ត្រគ្រប់ជ្រុងជ្រោយរវាងកម្ពុជា និងចិន បាន​ធ្វើឱ្យខេត្ត​សៀមរាបមានលទ្ធភាពបង្កើតចំណងមេត្រីភាពជាមួយខេត្តក្រុងនៅប្រទេសចិនបានចំនួន ៣០។ចំណង​មេត្រី​ភាពនេះរួមចំណែកយ៉ាង​សំខាន់ដល់ការអភិវឌ្ឍខេត្តសៀមរាប។ តាមរយៈសមិទ្ធផលមួយ​ចំនួន​គួរឱ្យកត់សម្គាល់លើវិស័យ​ទេសចរណ៍ អប់រំ កសិកម្ម ពាណិជ្ជកម្ម សុខាភិបាល វប្បធម៌ និងវិនិយោគ ជាពិសេសអាកាសយានដ្ឋានអន្តរ​ជាតិសៀមរាប​អង្គរ សម្រាប់បម្រើឱ្យវិស័យទេសចរណ៍ដ៏មាន​សក្តា​នុពល…

(ខេត្តកណ្តាល)៖ ក្រុមការងារមន្ទីរបរិស្ថានខេត្តកណ្ដាលបានសហការជាមួយក្រុមការងារក្រសួងបរិស្ថាននៃនាយកដ្ឋានគ្រប់គ្រងសំណល់រឹង រដ្ឋបាលស្រុកកណ្តាលស្ទឹងនៅព្រឹកថ្ងៃទី៧ ខែធ្នូ ឆ្នាំ២០២៤នេះ លោក ពៅ សោមាណាក់ ប្រធានមន្ទីរបរិស្ថានខេត្តកណ្ដាល បានចុះធ្វើអនាម័យសំអាតឬសំរាមតាមដងផ្លូវជាតិលេខ 3 ចាប់ពីផ្សារព្រៃទទឹង រហូតដល់ព្រំប្រទល់ឃុំត្បែងចាប់ពីគោលគីឡូម៉ែត្រលេខ 25 រហូតដល់គគីឡូម៉ែត្រលេខ 30 ដែលមានអ្នកចូលរួមពី មេឃុំ មេភូមិ ប្រជាការពារ នគរបាលប៉ុស្តិ៍ សរុប ៨៨នាក់ ។ ក្នុងយុទ្ធនាការ កម្ពុជាស្អាតខ្មែរធ្វើបាន សំរាប់ខេត្តកណ្តាលចុះធ្វើអនាម័យសំអាតឬសំរាមតាមដងផ្លូវជាតិលេខ 3 សំរាមប្រមូលបានសរុបប្រមាណ 1.000 គីឡូក្រាម។ និងបានផ្សព្វផ្សាយខ្លឹមសារនៃអនុក្រឹត្យលេខ 113 និងសារសម្លេងអំពីការទុកដាក់សំរាមដល់ប្រជាពលរដ្ឋតាមដងផ្លូវនិងតំបន់ផ្សារត្រពាំងវែងផងដែរ។ គួរបញ្ចាក់បន្ថែមថា សកម្មភាពនេះគឺបានធ្វើយុទ្ធនាការរួមគ្នារវាងមន្ទីរបរិស្ថានខេត្តកណ្ដាលនិងមន្ទីរបរិស្ថានខេត្តកំពង់ស្ពឺ តំណាងរដ្ឋបាលស្រុកកណ្ដាលស្ទឹងតំណាងរដ្ឋបាលស្រុកគងពិសី នៅត្រង់ចំណុចប្រសព្វរផ្លូវាងផ្លូវរថភ្លើងនៃតំបន់ផ្សារព្រៃទទឹងលើផ្លូវជាតិលេខ ៣ ហើយបន្ទាប់មក បានចុះធ្វើការសំអាតអនាម័យរើសសម្រាមតាមដងផ្លូវនៅតាមភូមិសាស្ត្រ រៀងៗខ្លួន ដោយប្រើកម្លាំងសម្ភារៈសរុប មានរថយន្តដឹកចម្រាមសរុបចំនួន ៤គ្រឿងគ្រឿងចក្រសម្រាប់កាយសំរាមមួយគ្រឿងផងដែរ។ ការប្រមូលសំរាមនេះគឺបានប្រមូលសំរាមរាយប៉ាយតាមដងផ្លូវនិងប្រមូលគំនរសំរាមដែលប្រជាពលរដ្ឋបានចាកចោលអាណាធិបតេយ្យចំនួន ២ ទីតាំងផងដែរ ៕ ដោយ ៖ ង៉ាន់ ទិត្យ

(ភ្នំពេញ)៖ រាជរដ្ឋាភិបាលកម្ពុជាបានចាត់ទុកវិស័យកសិកម្ម គឺជាវិស័យអាទិភាពមួយក្នុងចំណោមវិស័យដទៃទៀត ដែលបានចូលរួមចំណែកក្នុងការអភិវឌ្ឍសេដ្ឋកិច្ចជាតិ និងកាត់បន្ថយភាពក្រីក្រ។ជាមួយគ្នានេះការអភិវឌ្ឍផលិតកម្មវារីវប្បកម្ម ក៏ដើម្បីចូលរួមធានាសន្តិសុខស្បៀង ប្រកបដោយភាពប្រកួតប្រជែង និងនិរន្តរភាព ។ ឯកឧត្តម ឃុន សាវឿន រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទថ្លែងក្នុងពិធីបើកពិព័រណ៍វារីវប្បកម្មកម្ពុជាលើកទី១ ឆ្នាំ២០២៤នាថ្ងៃទី៦ ខែធ្នូ ឆ្នាំ២០២៤ នៅផ្សាររាត្រីសាន់សាញ បរិវេណបឹងកក់ រាជធានីភ្នំពេញថាតាមរយៈយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាល នីតិកាលទី៧ នៃរដ្ឋសភា ដែលមាន សម្តេចមហាបវរធិបតី ហ៊ុន ម៉ាណែត ជានាយករដ្ឋមន្ត្រី រាជរដ្ឋាភិបាលកម្ពុជា បានដាក់ចេញនូវគោល នយោបាយអាទិភាពទី៥ និងទី៦ គឺ៖ការលើកស្ទួយផលិតកម្មកសិកម្ម រកទីផ្សារ និងរក្សាលំនឹងថ្លៃកសិផល តាមរយៈកម្មវិធីហិរញ្ញប្បទាន,ការដាក់ពង្រាយមន្ត្រីឃុំ សង្កាត់,ការអភិវឌ្ឍសហគមន៍កសិកម្មទំនើប។ ឯកឧត្តមបានបញ្ជាក់បន្ថែមថា៖ផ្អែកតាមគោលនយោបាយរបស់រាជដ្ឋាភិបាល ក្រសួងកសិកម្ម រុក្ខាប្រមាញ់ និងនេសាទ មានចក្ខុវិស័យ កសិកម្មគឺបន្តធានាសន្តិសុខស្បៀងកម្ពុជា ភាពប្រកួតប្រជែងប្រកបដោយនិរន្តរភាព ហើយវិស័យកសិកម្មនៅតែ រួមចំណែកយ៉ាងសំខាន់ក្នុងសេដ្ឋកិច្ចជាតិ។ ក្នុងន័យនេះគោលនយោបាយកសិកម្មគឺ៖ ទី១.កសិករមានហូប ទី២.មានប្រើ ទី៣.មានបាន និងទី៤.មានរហូត។ មានហូបគឺសំដៅទៅលើសន្តិសុខស្បៀង មានប្រើ សំដៅ…