ស្ទឹងត្រែង៖ក្រុមការងារនៃលេខាធិការរដ្ឋានត្រួតពិនិត្យគ្រឿងញៀនខេត្ត​បានចុះពិនិត្យធ្វើតេស្តរកសារធាតុញៀន​តាមរយៈ​ទឹកមូត្រលើ​ថ្នាក់ដឹក​នាំ មន្ត្រីរាជការ បុគ្គលិក និងមន្ត្រីជាប់កិច្ចសន្យានៅរតនាគារខេត្ត​ស្ទឹងត្រែង។ ក្នុងសកម្មភាពពិនិត្យធ្វើតេស្តរកសារធាតុញៀន​នៅរតនាគារ​ខេត្តនា​ព្រឹកថ្ងៃទី១៩ ខែវិច្ឆិកា លោក សេង ម៉ៅ ប្រធានរតនា​គារខេត្តស្ទឹងត្រែង​បានបញ្ជាក់ថា ដោយអនុវត្តទៅតាមអនុសាសន៍ដ៏ខ្ពង់ខ្ពស់របស់​ឯកឧត្ដមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថ ដើម្បីរួមចំណែកជាមួយរាជរដ្ឋា​ភិបាលក្នុងការប្រយុទ្ធប្រឆាំង នឹងគ្រឿង​ញៀន។លោកបន្តថា ការធ្វើតេស្តស្វែងរកសារធាតុញៀននាពេលនេះប្រសិនបើថ្នាក់ដឹកនាំ មន្ត្រីរាជការ បុគ្គលិក និងមន្ត្រីជាប់​កិច្ចសន្យា​ណាម្នាក់រកឃើញថា មានសារធាតុញៀននោះនឹងត្រូវបញ្ឈប់ពីការងារ ។ លោក ធូ ចាន់ពៅ អភិបាលរងខេត្ត និងជាប្រធានលេខាធិការ​ដ្ឋានត្រួតពិនិត្យគ្រឿញៀននៃគណៈ​កម្មាធិការ​ត្រួតពិនិត្យគ្រឿង​ញៀនខេត្តនិយាយថា ការធ្វើតេស្តរកសារធាតុញៀននេះ ដើម្បីបង្ហាញពីភាពស្អាតស្អំ និងភាពជាគំរូសម្រាប់មន្រ្តីរាជការគ្រប់រូប។ក៏ ដើម្បីក្រើនរម្លឹកមន្ត្រីទាំងអស់សូមជៀសឆ្ងាយពីគ្រឿងញៀន ។ សូមបញ្ជាក់ថា ក្រោយតេស្តរកសារធាតុញៀនតាមរយៈទឹកមូត្រ​ចំពោះថ្នាក់ដឹកនាំ មន្ត្រីរាជការ បុគ្គលិក និងមន្ត្រីជាប់កិច្ចសន្យា​ពេញមួយព្រឹក លទ្ធផលអវិជ្ជមានទាំងអស់ ៕អត្ថបទនិងរូបភាព៖ដេង ម៉ាវិន

(ភ្នំពេញ)៖ ផ្លែទុំរបស់ដំណាំចន្ទី គេអាចប្រើជាគ្រឿងស្រវឹង ភេសជ្ជៈច្រើនមុខ និងចំណែក សំបកគ្រាប់ផ្លែចន្ទីវិញគេអាចប្រើបានទាំងប្រេង គ្រឿងសំអាង ធ្យូងអនាម័យ និងពិសេសនោះគឺធ្វើជីសរីរាង្ក។ កាលពីមុននេះផ្លែចន្ទី គេគ្រាន់តែគិតថាផ្លៃទុំរបស់វា គេអាចប្រើយកមកបរិភោគ​បាន​ខ្លះៗ និងពិសេសគ្រាប់របស់វា គេអាចលីងទុកបរិភោគយ៉ាងឈ្ងុយឆ្ងាញ់ពិសារ។ទោះ​បី​យ៉ាងណាដំណាំមួយប្រភេទនេះមិនដូច្នេះទេ គេអាចគេកែច្នៃផ្លែចន្ទី និងសំបក​រប​ស់​​វាមកធ្វើជារបស់ហូបចុក និងគ្រឿង​សម្ភារៈប្រើប្រាស់បានច្រើនមុខ​ទៀតណាស់ ។ ទា​ក់ទិនក្នុងរឿងនេះ លោក អួន ស៊ីឡុត ប្រធានសមាគមស្វាយចន្ទីកម្ពុជាបានឱ្យដឹ​ង​ថា៖ផ្លែទុំរបស់គ្រាប់ចន្ទីគឺបានផ្តល់នូវអត្ថប្រយោជន៍ច្រើនយ៉ាងក្នុងនេះ​ដូចជា​ច្របាច់​យកទឹករបស់វាមកធ្វើជា ស្រា និងគ្រៀងភេសជ្ជៈ។ទោះបីយ៉ាងណាបើតាមអ្នក​ជំនាញ​បានឱ្យដឹងថាផ្លែទុំរបស់ចន្ទីដែលបេះ គេមិនអាចទុកបានយូរទេបើករណីយក​ទៅធ្វើ​​ការច្របាច់យកទឹកទេ ពោលគឺក្រោយការបេះហើយរយៈពេល ២ម៉ោង​គេនឹង​ត្រៀមធ្វើការច្របាច់យកទឹកហើយ បើពុំនោះទេវានឹងខូចគុណភាព។ ចំណែក​គ្រាប់​វាវិញក៏ដូច្នេះដែរបើជាផ្លែទុំបេះគឺពុំសូវមានរស់ជាតិឈ្ងុយឆ្ងាញ់ដែរ ហេតុនេះ​គេទុកឱ្យវាទុំជ្រុះទើបជាគ្រាប់ល្អបំផុត។ក្រៅពីនេះផ្លែទុំគេអាចហាល​យកមកប្រើធ្វើជាចំណីសត្វបានទៀតផង។ លោក អួន ស៊ីឡុតបានឱ្យដឹងបន្ថែមថា៖”គ្រាប់ចន្ទីខ្មែរមានលក្ខណៈល្អលើសគេ ពិសេសប្រភេទពូជ M23 គឺជាពូជគ្រាប់ធំជាងគេ និងឈ្ងុយឆ្ងាញ់ជាងគេដែរ។សម្រាប់ M23នេះគ្រាប់របស់វាធំ ហេតុនេះសំបកជាប់គ្រាប់របស់វានោះក៏ធំដែរ។ហេតុនេះនៅពេលសំបកគ្រាប់វាធំយើងក៏អាចគាបយកប្រេងបានច្រើន។សម្រាប់សំបកជាប់គ្រាប់ពី៣ទៅ៤គីឡូក្រាម គេអាចគាបយកគ្រាប់បាន ១គីឡូក្រាម។សម្រាប់ប្រេងនេះយើងអាចយកទៅកែច្នៃជា គ្រឿង សំអាង អាចយកទៅធ្វើប្រេងម៉ាហ្សូត ឬប្រេងលាបកប៉ាល់ដើម្បីកុំឱ្យវាជាប់ស្លែក្នុងទឹក។ ប្រធានសមាគមស្វាយចន្ទីកម្ពុជាបានលើកឡើងដោយបញ្ជាក់ដែរថាសំបករបស់គ្រាប់ចន្ទីនៅពេលដែលគេគាបចុងក្រោយនោះគឺគេអាចយកទៅធ្វើជាធ្យូងឧស្សាហកម្ម ឬធ្វើជាជីសរីរាង្គ។ លោកថា”មកដល់ពេលនេះសមាគមចន្ទីកម្ពុជាកំពុងនិយាយអំពីកាកសំណល់ចុងក្រោយ​នេះដោយយើងចង់ឱ្យសំណល់សូន្យ។សមាគមចន្ទីកម្ពុជា​កំពុងតែ​ទំនាក់​ទំនងជាមួយក្រុមហ៊ុនប្រទេសសិង្ហបុរីដើម្បីវិនិយោគលើផ្នែកមួយនេះ។អ្វីដែល​យើង​ត្រូវការគឺក្រុមហ៊ុនកែច្នៃ រោងចក្រកែច្នៃ ឱ្យបានច្រើន រោងចក្រគាប្រេង និង កាក​សំណល់ចុងក្រោយយើងអាចយកមកកែច្នៃវាបានទៀត”។ គួរបញ្ជាក់ថាស្វាយចន្ទី…

(ភ្នំពេញ)៖ នៅថ្ងៃទី១៩ ខែវិច្ឆិកា ឆ្នាំ២០២៤ ឯកឧត្តម ឃួន ផុនរតនៈ រដ្ឋលេខាធិការ​ក្រសួង​ការបរទេស និងសហប្រតិបត្តិការអន្តរជាតិ បានជួបជាមួយឯកឧត្តម Felipe DE MORENA CASADO ឯកអគ្គរាជទូតវិសាមញ្ញ និងពេញសមត្ថភាពនៃព្រះរាជា​ណាចក្រ​អេស្ប៉ាញ ប្រចាំព្រះរាជាណាចក្រកម្ពុជា ដែលមាននិវេសនដ្ឋាន​នៅទីក្រុង​បាងកក ព្រះរាជាណាចក្រថៃ។ ភាគីទាំងពីរបានកត់សម្គាល់ដោយពេញចិត្តចំពោះទំនាក់ទំនងជាប្រពៃណី និងកិច្ច​សហប្រតិបត្តិការល្អរវាងព្រះរាជាណាចក្រទាំងពីរ ហើយបានពិភាក្សាអំពីមធ្យោបាយ ដើម្បីលើកកម្ពស់បន្ថែមទៀតនូវកិច្ចសហប្រតិបត្តិការទ្វេភាគីលើវិស័យពាណិជ្ជកម្ម វិនិយោគ និងវិស័យនានា ដែលជាផលប្រយោជន៍រួម។ ឯកឧត្តមរដ្ឋលេខាធិការ បានថ្លែងអំណរគុណដោយស្មោះ ដល់រដ្ឋាភិបាលអេស្ប៉ាញ ចំពោះជំនួយដ៏មានតម្លៃ ជូនកម្ពុជា ជាពិសេសជំនួយដល់អង្គជំនុំជម្រះវិសាមញ្ញ​ក្នុងតុលាការកម្ពុជា។ ឆ្លៀតឱកាសនោះ ឯកឧត្តមរដ្ឋលេខាធិការ បានចូលរួម​រំលែកទុក្ខដ៏ក្រៀមក្រំបំផុតរបស់កម្ពុជាទៅកាន់រដ្ឋាភិបាល និងប្រជាជនអេស្ប៉ាញ ចំពោះករណីគ្រោះទឹកជំនន់នាពេលថ្មីៗនេះ នៅក្នុងតំបន់ Valencia។ ឯកឧត្តមឯកអគ្គរាជទូត បានអបអរសាទរកម្ពុជាក្នុងការធ្វើជាម្ចាស់ផ្ទះ នៃកិច្ច​ប្រជុំ​កំពូលសៀមរាប-អង្គរនាពេលខាងមុខ ស្តីពីពិភពលោកគ្មានមីន និងបានកោត​សរសើរចំពោះការរួមចំណែករបស់កម្ពុជាក្នុងបេសកកម្មរក្សាសន្តិភាពរបស់អង្គការសហប្រជាជាតិ។ ឯកឧត្តមឯកអគ្គរាជទូត បានបញ្ជាក់សារជាថ្មីនូវការប្ដេជ្ញាចិត្តឥត​ងាករេ ក្នុងការជំរុញពាណិជ្ជកម្ម និងវិនិយោគ រវាងប្រទេសទាំងពីរ ។ ភាគីទាំង​ពីរក៏បានផ្លាស់ប្តូរទស្សនៈ​​លើបញ្ហាតំបន់ និងអន្តរជាតិ ដែលជាកង្វល់រួម ៕ ដោយ/សួងពិសិដ្ឋ

ព្រះវិហារ៖រដ្ឋបាលខេត្តព្រះវិហារឯកឧត្តម គីម រិទ្ធី អភិបាលខេត្ត​ព្រះវិហារ ,ឯកឧត្តម ប្រាក់ សុវណ្ណ ប្រធានក្រុមប្រឹក្សាខេត្ត ព្រមទាំង​មន្ត្រីរាជការនៃមន្ទីរ អង្គភាព កងកម្លាំងប្រដាប់អាវុធ លោកគ្រូ អ្នកគ្រូ សិស្សានុសិស្ស និងប្រជាពលរដ្ឋយ៉ាងច្រើនកុះករ បានប្រារព្ធ​ពិធី​អបអរសាទរទូកង”កោះកេរធិបតី” ដែលឈ្នះលើការប្រកួត និង​ទទួល​ជ័យលាភីពានរង្វាន់លេខ៣ ទូទាំងប្រទេស ក្នុងព្រះរាជ​ពិធីបុណ្យ​អុំទូក បណ្តែតប្រទីប និងសំពះព្រះខែ អកអំបុក រយៈពេល ៣ថ្ងៃ (១៤-១៥-១៦ វិច្ឆិកា ២០២៤) នៅរាជធានីភ្នំពេញ ។ ពិធីអបអរបានប្រព្រឹត្តទៅកាលពីថ្ងៃទី១៨ ខែវិច្ឆិកា ។ទូកង”កោះ​កេរធិបតី” ត្រូវបានដង្ហែនៅតាមដងផ្លូវសំខាន់ៗជាច្រើនក្នុងក្រុងមុន នឹងយកមកតម្កល់នៅជាប់គោបុរៈទី៥ នៃប្រាសាទព្រះវិហារ នៅក្នុង​បរិវេណសាលាខេត្ត ។ គួរបញ្ជាក់ថា ក្នុងព្រះរាជពិធីបុណ្យអុំទូកបីថ្ងៃ គឺនៅថ្ងៃទី១៦ ខែវិច្ឆិកា ដែលជាថ្ងៃផ្តាច់ព្រ័ត្រ ទូកអុំគូរពិសេស ជាប់ចំណាត់ថ្នាក់​លេខ១ បានទៅលើទូកង «តេជោកែវវិជ័យបារមីចៅសែន» មកពីខេត្ត​ពោធិ៍សាត់, ទូកលេខ២ បានទៅលើទូកង «សារាយតេជោ​សែនជ័យ» មកពីខេត្តកណ្ដាល និងជ័យលាភីលេខ៣ បានទៅលើទូកង «កោះកេរ​ធិបតី»…

សៀមរាប៖ក្រសួងអប់រំ យុវជន និងកីឡា បានប្រជុំបូកសរុបចលនា ប្រឡងប្រណាំង៣ល្អ”កូនល្អ សិស្សល្អ មិត្តល្អ”ថ្នាក់ជាតិរបស់​ក្រុម ប្រឹក្សាយុវជនកម្ពុជានិងក្រុមប្រឹក្សាកុមារកម្ពុជារយៈពេល២ថ្ងៃ នៅថ្ងៃ ទី១៩ និងទី២០ ខែវិច្ឆិកា ឆ្នាំ២០២៤ នៅសណ្ឋាគារ​រីជិនស៊ី​អង្គរ​ ខេត្តសៀមរាប។ ចលនាប្រឡងប្រណាំង៣ល្អ ក្រោមប្រធានបទ ៖ “ការចាប់ផ្តើមរបស់​កុមារ និងយុវជនដើម្បីក្លាយខ្លួនជាប្រជាពលរដ្ឋ ឌីជីថល” ។កិច្ច​ប្រជុំ​ប្រព្រឹត្តទៅក្រោមអធិបតីលោក​ជំទាវ ស្រូយ សុជាតិ អគ្គនាយកនៃអគ្គ​នាយកដ្ឋានយុវជន ​និង​មានការចូលរួមពីប្រធាន​ប្រតិភូដឹក​នាំ និង​បេក្ខជន​ជាសមាជិកក្រុមប្រឹក្សាយុវជនកម្ពុជានិងសមាជិក​ក្រុមប្រឹក្សា​កុមារកម្ពុជាដែលជាសិស្សានុសិស្សមកពីរាជធានី ខេត្ត ទាំង២៥ ។ លោក ម៉ិល ផនសីហា ប្រធាននាយកដ្ឋានអប់រំ យុវជន និងកុមារបាន​លើកឡើងពីគោលបំណងនៃការបង្កើតចលនាប្រឡងប្រណាំង​គឺដើម្បី​លើកទឹកចិត្ត និងគាំទ្រដល់សមាជិក និងក្រុមប្រឹក្សាឆ្នើមប្រចាំឆ្នាំសិក្សា​នីមួយៗ។ទន្ទឹមនេះក្រសួងអប់រំ តែងតែរៀបចំកិច្ច​ប្រជុំបូកសរុប​ចលនាប្រឡងប្រណាំង៣ល្អ “កូនល្អ សិស្សល្អ និងមិត្តល្អ” នេះឡើង ក្នុងគោលបំណងផ្តល់ឱកាសដល់​ក្រុមប្រឹក្សា​យុវជនកម្ពុជា និងក្រុម​ប្រឹក្សាកុមារកម្ពុជា ធ្វើការចែករំលែកបទពិសោធន៍ពីគ្នាទៅវិញ​ទៅមក​ទៅលើការអនុវត្តសកម្មភាព​ក្រុមប្រឹក្សា​នៅក្នុងសាលារៀន ។តាមការបញ្ជាក់របស់លោកប្រធាននាយកដ្ឋាន សកម្មភាពលើបរិស្ថាន អនាម័យ សោភណសាលារៀន ការគាំទ្រដល់ការរៀននិងការ​បង្រៀន​ក្រៅម៉ោងសិក្សា ការលើកកម្ពស់បំណិន ការគោរពវិន័យ និងសីលធម៌​វិជ្ជមានសម្រាប់យុវជន និងកុមារជាដើម…

(ទីក្រុងបាគូ ប្រទេសអាស៊ែបៃហ្សង់)៖ ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន ថ្ងៃទី១៩ ខែវិច្ឆិកា ឆ្នាំ២០២៤ បានដឹកនាំគណៈប្រតិភូកម្ពុជា ទទួលជួបពិភាក្សាការងារជាមួយលោកបណ្ឌិត Benedict Augustine Vickers មន្ត្រីជាន់ខ្ពស់ផ្នែកគ្រប់គ្រងការប្រើប្រាស់ដីនិងព្រៃឈើ របស់មូលនិធិអាកាសធាតុបៃតង (Green Climate Fund : GCF)។ ក្នុងឱកាសជំនួបពិភាក្សា ឯកឧត្តមរដ្ឋមន្ត្រីបានជម្រាបជូនអំពីវឌ្ឍនភាពការងារ និងកិច្ចខិតខំប្រឹងប្រែងរបស់កម្ពុជាក្នុងការដោះស្រាយបញ្ហាការប្រែប្រួលអាកាសធាតុ ដោយបាន និងកំពុងរៀបចំក្របខណ្ឌគោលនយោបាយជាតិ ផែនការយុទ្ធសាស្ត្រប្រែប្រួលអាកាសធាតុកម្ពុជា ដំណាក់កាលទី ២ (២០២៤-២០៣៣) និងយុទ្ធសាស្ត្ររយៈពេលវែងអព្យាក្រឹត្យកាបូន របាយការណ៍ការតម្លាភាព ២ឆ្នាំម្តង និងការពង្រឹងសមត្ថភាពស្ថាប័នដើម្បីក្លាយជាស្ថាប័នដែលមានសម្បទាក្នុងការទទួលបានមូលនិធិដោយផ្ទាល់ពីមូលនិធិអាកាសធាតុបៃតង។ លោកបណ្ឌិត Benedict Augustine Vickers បានអបអរសាទរ និងកោតសរសើរនូវកិច្ចខិតខំប្រឹងប្រែងរបស់រាជរដ្ឋាភិបាលកម្ពុជាក្នុងដោះស្រាយបញ្ហាការប្រែប្រួលអាកាសធាតុ តាមរយៈការអនុវត្តគម្រោងនានា និងកិច្ចសហការជាមួយដៃគូអភិវឌ្ឍ និងលើកទឹកចិត្តឱ្យកម្ពុជាបង្កើនល្បឿនរៀបចំសំណើសុំជាស្ថាប័នមានសម្បទា (Accredited Entity)សម្រាប់ GCF ជាមួយគ្នានេះដែរកម្ពុជាគួរដាក់សំណើគម្រោងសុំការគាំទ្រពីហិរញ្ញប្បទានពីមូលនិធិអាកាសធាតុបៃតង តាមរយៈ Direct Access Window សម្រាប់ប្រទេសកម្ពុជា៕ ដោយ ៖ ង៉ាន់…

(ភ្នំពេញ)៖ នាយករដ្ឋមន្ត្រីកម្ពុជា បានគូសបញ្ជាក់ថា វិស័យឯកជនរបស់ជប៉ុន បានចូលរួមចំណែកយ៉ាងច្រើន ក្នុងការជំរុញកំណើនសេដ្ឋកិច្ចរបស់កម្ពុជា ក្នុងរយៈពេលប៉ុន្មានទសវត្សរ៍កន្លងមកនេះ ។ ក្នុងន័យនេះ សម្ដេចធិបតី ហ៊ុន ម៉ាណែត បានសម្ដែងនូវការស្វាគមន៍ចំពោះបណ្ដាក្រុមហ៊ុនវិនិយោគជប៉ុន ដែលចាប់អារម្មណ៍វិនិយោគលើវិស័យកសិកម្ម ការកែច្នៃម្ហូបអាហារ និងវិស័យវារីវប្បកម្ម នៅកម្ពុជា ។ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានថ្លែងដូច្នេះ ក្នុងឱកាសអនុញ្ញាតឱ្យឯកឧត្តម តាកាហាស៊ី ហ្វូមីអាគី (TAKAHASHI Fumiaki) ប្រធានសមាគមជប៉ុន-កម្ពុជា ដឹកនាំបណ្តាក្រុមហ៊ុនវិនិយោគជប៉ុន ចូលជួបសម្ដែងការគួរសម និងពិភាក្សាការងារ នៅវិមានសន្តិភាព នាព្រឹកថ្ងៃទី១៩ ខែវិច្ឆិកា ឆ្នាំ២០២៤ ។ ក្នុងឱកាសនៃជំនួប ឯកឧត្តមប្រធានសមាគមជប៉ុន-កម្ពុជា បានគោរពរាយការណ៍ជូន សម្ដេចបវរធិបតី អំពីវឌ្ឍនភាពនៃការងាររបស់សមាគមក្នុងរយៈពេលកន្លងមក ដែលបានចូលរួមចំណែកក្នុងការជំរុញទំនាក់ទំនង និងកិច្ចសហប្រតិបត្តិការរវាងជប៉ុន និង កម្ពុជា។ ឯកឧត្តមប្រធានសមាគម បានគោរពជម្រាបជូន សម្ដេចបវរធិបតី ថា សមាគមក៏បានបើកដំណើរការិយាល័យរបស់ខ្លួន ប្រចាំនៅកម្ពុជាកាលពីខែមេសា ឆ្នាំ២០២៤ និងបានសហការជាមួយក្រសួង-ស្ថាប័នពាក់ព័ន្ធ…

(ភ្នំពេញ)៖ ទូតទីម័រឡេស្តេ បាននាំនូវការអញ្ជើញពីថ្នាក់ដឹកនាំ ជូនសម្ដេចតេជោ ហ៊ុន សែន ទៅបំពេញទស្សនកិច្ចផ្លូវការ និងទទួលមេដាយថ្នាក់ខ្ពស់បំផុតទីម័រឡេស្តេ នាពេលខាងមុខ ដើម្បីជាការអរគុណ និងដឹងគុណចំពោះ សម្តេច ដែលបានរួមចំណែកយ៉ាងសំខាន់ ក្នុងការកសាង និងរក្សាសន្តិភាព នៅក្នុងតំបន់ ក៏ដូចជាជួយដល់ប្រទេសទីម័រឡេស្តេ កន្លងមក ។ ការអញ្ជើញនេះ បានធ្វើឡើងក្នុងដែលឯកឧត្តម អ៊ឺមេណេហ្ស៊ីលដូ គុប៉ា ឡូប៉េស (Ermenegildo Kupa Lopes) ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋប្រជាធិបតេយ្យទីម័រឡេស្តេ (ទីម័រខាងកើត) ចូលជួបសម្តែងការគួរសម ចំពោះ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា នៅវិមានព្រឹទ្ធសភា រាជធានីភ្នំពេញ នៅព្រឹកថ្ងៃទី១៩ ខែវិច្ឆិកា ឆ្នាំ២០២៤ ។ ឯកឧត្តម ឯកអគ្គរដ្ឋទូត បានលើកឡើងថា គឺជាបុព្វសិទ្ធិ និងកិត្តិយសដ៏ធំធេង ដែលសម្ដេចតេជោ ប្រធានព្រឹទ្ធសភា បានអនុញ្ញាតឱ្យ ឯកឧត្តម និងសហការី បានចូលជួបសម្ដែងការគួរសមនៅពេលនេះ។ ឯកឧត្តម…

(ភ្នំពេញ)៖ ប្រជាពលរដ្ឋរស់នៅខណ្ឌដង្កោចំនួន៥រូបបានលើកឡើងពីកង្វល់របស់ខ្លូនមួយចំនួនដើម្បីឱ្យអាជ្ញាធររាជធានីភ្នំពេញជួយដោះស្រាយដែលមានទាំងការសុំពន្លឿននៃការប្រគល់ប្លង់កម្មសិទ្ធិ ដីធ្លីការសុំតបណ្តាញទឹកស្អាតចូល សុំធ្វើផ្លូវ ,ដោះស្រាយការលិចលង់ដោយជំនន់ទឹកភ្លៀងនិងស្នើសុំការស្តារប្រព័ន្ធលូជាដើម ។ ការស្នើសុំពីសំណាក់ពលរដ្ឋនេះបានធ្វើឡើង នាព្រឹកថ្ងៃទី១៩វិច្ឆិកា ឆ្នាំ២០២៤នេះ ក្នុងវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សារាជធានី អាណត្តិទី៤ ឆ្នាំ២០២៤ ក្រោមអធិបតីភាពឯកឧត្ដម ម៉ប់ សារិន ប្រធានក្រុមប្រឹក្សារាជធានីភ្នំពេញ ឯកឧត្ដម ឯក ឃុនដឿន អភិបាលរងរាជធានីតំណាង ឯកឧត្ដម ឃួង ស្រេង អភិបាលរាជធានីភ្នំពេញ និង ឯកឧត្ដមឧត្ដមសេនីយ រ័ត្ន ស្រ៊ាងមេបញ្ជាការរងកងរាជអាវុធហត្ថលើផ្ទៃប្រទេស,មេបញ្ជាការកងរាជអាវុធហត្ថរាជធានីភ្នំពេញនិងជាប្រធានក្រុមការងាររាជរដ្ឋាភិបាលចុះជួយមូលដ្ឋានខណ្ឌដង្កោ នៅសាលាខណ្ឌដង្កោ ។ ក្នុងវេទិកានោះ ប្រជាពលរដ្ឋនៅសង្កាត់ក្រាំងពង្រ បានស្នើឱ្យអាជ្ញាធររាជធានីភ្នំពេញ ពន្លឿនការប្រគល់ប្លង់កម្មសិទ្ធិដីធ្លីជាលក្ខណៈប្រព័ន្ធជូនប្រជាពលរដ្ឋឱ្យបានលឿន។ ប្រជាពលរដ្ឋនៅសង្កាត់កាំងពង្រដូចគ្នាបានស្នើឱ្យអាជ្ញាធររាជធានីភ្នំពេញជួយអន្តរាគន៍ តបណ្តាញទឹកស្អាតចូលក្នុងបុរីសាំលែន។ សុំធ្វើផ្លូវ២ខ្សែ, សុំដោះស្រាយការលិចលង់ដោយជំនន់ទឹកភ្លៀងនិងស្នើសុំការស្តារលូ នៅបឹងតាម៉ាត ជាមួយនិងការសុំផ្តល់ព័ត៌មានជុំវិញ គម្រោងសាងសង់ស្ថានីយ៍បូមទឹកបឹងតាម៉ាតជាដើម។ ឯកឧត្ដម ឯកឃុន ដឿន មានប្រសាសន៍ថា៖មានប្រជាពល៥នាក់បានលើកឡើងជាសំណើរនិងសំពរផ្ទាល់មាត់និង៥២ច្បាប់ជាលាយលក្ខអក្សដាក់ចូលក្នុងប្រអប់សំបុត្រ។ រាល់សំណើនិងសំណូមពរផ្ទាល់មាត់របស់ប្រជាពលរដ្ឋ យើងបានដោះស្រាយជូនភ្លាមៗ ចំពោះអ្វីដែលមិនទាន់ដោះស្រាយបាន ហើយចំពោះបងប្អូនប្រជាពលរដ្ឋដែលបានស្នើឡើងជាលាយលក្ខណ៍អក្សរ ដាក់ចូលក្នុងប្រអប់សំបុត្រ រដ្ឋបាលរាជធានីភ្នំពេញនឹងយកមកដោះស្រាយពេលក្រោយ។ ចំពោះប្រជាពលរដ្ឋ ដែលសុំការផ្តល់ព័ត៌មានជុំវិញ គម្រោងសាងសង់ស្ថានីយ៍បូមទឹកបឹងតាម៉ាត…

(ភ្នំពេញ)៖ ក្រសួងប្រៃសណីយ៍និងទូរគមនាគមន៍ សូមជម្រាបជូនគ្រប់ក្រសួង ស្ថាប័ន និងសាធារណជនទាំងអស់មេត្តាជ្រាបថា រាជរដ្ឋាភិបាលបានសម្រេចទទួលស្គាល់ ថ្នាលនិងកម្មវិធីរដ្ឋាភិបាលឌីជីថល (Digital Government Products – DGPs) ដែលអភិវឌ្ឍដោយ ក្រសួងប្រៃសណីយ៍និងទូរគមនាគមន៍ ចំនួន ៤ ជា ថ្នាលរបស់រាជរដ្ឋាភិបាល ដែលមានមុខងារនិងអត្ថប្រយោជន៍សំខាន់ៗ ដូចខាងក្រោម ៖ ក្រសួងប្រៃសណីយ៍ និងទូរគមនាគមន៍ អភិវឌ្ឍថ្នាលនិងកម្មវិធីរដ្ឋាភិបាលឌីជីថល (DGPs) ទាំង ៤ ឡើង ដើម្បីជំរុញការចាប់យកឌីជីថលក្នុងការផ្តល់សេវាសាធារណៈនិងការបង្កើនប្រសិទ្ធភាពការងារ ជំរុញឱ្យមានការចូលរួមប្រើប្រាស់ប្រព័ន្ធឌីជីថល ជាពិសេស អាចបង្កើនទំនុកចិត្តរបស់ប្រជាពលរដ្ឋទូទៅមកលើសេវាសាធារណៈតាមប្រព័ន្ធឌីជីថល ស្របតាមក្របខណ្ឌគោលនយោបាយសេដ្ឋកិច្ចនិងសង្គមឌីជីថល ២០២១-២០៣៥ គោលនយោបាយរដ្ឋាភិបាលឌីជីថលកម្ពុជា ២០២២-២០៣៥ និងយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាល នីតិកាលទី៧ នៃរដ្ឋសភា ក្រោមការដឹកនាំដ៏ឈ្លាសវៃប្រកបដោយគតិបណ្ឌិតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដែលបានកំណត់យក “បច្ចេកវិទ្យា” ជាពិសេស “បច្ចេកវិទ្យាឌីជីថល” ជាអាទិភាពគន្លឹះទី៥ សម្រាប់ឆ្លើយតបទៅនឹងនិន្នាការនៃបដិវត្តន៍ឧស្សាហកម្ម ៤.០ និងការធ្វើបរិវត្តកម្មសេដ្ឋកិច្ចនិងសង្គមឌីជីថលនៅកម្ពុជា។ សូមបញ្ជាក់ផងដែរថា…