ភ្នំពេញ៖កៀកនឹងរួចរាល់គម្រោងស្ដារនិងលើកកម្រិតគុណភាពផ្លូវជាតិ​លេខ៤១ ប្រវែងសរុប ៩៥,២៧ គីឡូម៉ែត្រ (PK000+000 – PK095+270)​ចាប់ផ្តើមពីភូមិថ្នល់ទទឹង ឃុំដំណាក់អំពិល ស្រុកអង្គ​ស្នួល នៃខេត្តកណ្ដាល (ចំណុចប្រសព្វផ្លូវជាតិលេខ ៤) រហូតដល់​ភូមិល្អាង ឃុំល្អាង ស្រុកដងទង់ នៃខេត្តកំពត(ចំណុចផ្លូវជាតិលេខ ៣)គិតត្រឹមដំណាច់ខែវិច្ឆិកា ឆ្នាំ២០២៤ ការអនុវត្ត​គម្រោងសម្រេច​បានលទ្ធផលជារួម ៩៧,០១%ហើយ។ ឯកឧត្តម ផន រឹម អ្នកនាំពាក្យក្រសួងសាធាណរណការ និងដឹកជញ្ជូន បានឱ្យដឹងនៅរាត្រីថ្ងៃទី៣ ខែធ្នូ នេះ​ដោយបង្ហាញ​សកម្មភាពនៃ​ការចុះពិនិត្យលើវឌ្ឍនភាពការរងារនៅព្រឹកថ្ងៃទី៣ ខែធ្នូ។ ឯកឧត្តម ស៊ុយ សាន រដ្ឋលេខាធិការក្រសួងសាធារណការ និង​ដឹកជញ្ជូន និងជានាយកគម្រោងស្ដារ និងលើកកម្រិតផ្លូវ​ជាតិ​លេខ៤១ នៅព្រឹកថ្ងៃទី៣ ខែធ្នូ បានដឹកនាំក្រុមការងារចុះពិនិត្យការងារសាងសង់​ផ្លូវជាតិលេខ៤១ ដោយមានការចូលរួម​អម​ដំណើរដោយ ឯកឧត្តម​អនុរដ្ឋលេខាធិការ ឯកឧត្តមទីប្រឹក្សា ក្រុមការងារ PMU PIU ក្រុមហ៊ុនសាជីវកម្មស្ពាន-ថ្នល់​ចិន​​(CRBC) និងក្រុមហ៊ុនទីប្រឹក្សាបច្ចេក​ទេស WACC ផងដែរ។ការចុះពិនិត្យលើវឌ្ឍនភាពការងារនៅថ្ងៃនេះ ដើម្បីឈាន​ទៅដំណាក់កាល នៃការប្រគល់-ទទួល នាពេលខាងមុខ។​​គិតត្រឹមដំណាច់ខែវិច្ឆិកាឆ្នាំ២០២៤ ការអនុវត្តគម្រោងសម្រេចបាន​លទ្ធផលជារួមបាន ៩៧,០១% ហើយ…

ភ្នំពេញ៖ក្រសួងប្រៃសណីយ៍និងទូរគមនាគមន៍ (ក.ប.ទ.)ប្រកាស​ជាផ្លូវការ​ស្តីពីការដាក់ដំណើរ​ការម៉ាស៊ីនបកប្រែ TranslateKh ជំនាន់ទី១ ដល់សាធារណជនដោយឥតគិតថ្លៃ ។ ក្រសួងប្រៃសណីយ៍បានបញ្ជាក់ថា ក.ប.ទ. បានបង្កើតម៉ាស៊ីនបកប្រែ TranslateKh ដែលជាជំនួយការឆ្លាតមានលទ្ធភាព​អាចជួយ​ដល់ការ​បកប្រែពាក្យ ឃ្លាប្រយោគ ឬអត្ថបទ ពីភាសាខ្មែរទៅ​ភាសាអង់គ្លេស និងពីភាសាអង់គ្លេសមកភាសាខ្មែរវិញ។ម៉ាស៊ីនបកប្រែ TranslateKH គឺជាបច្ចេកវិទ្យាបញ្ញាសិប្បនិម្មិត​(AI)មួយ ដែលត្រូវបានបង្កើតឡើងប្រើប្រាស់​វិធីសាស្ត្រសិក្សា​ស៊ីជម្រៅ(Deep Learning)។សាធារណជនអាចប្រើប្រាស់ម៉ាស៊ីនបកប្រែ TranslateKh ជំនាន់ទី១ ជាជំនួយការបកប្រែ​កិច្ចសន្ទនានិងសារព័ត៌មានទូទៅ​។ ក.ប.ទ. នឹងបន្តអភិវឌ្ឍបន្ថែមដើម្បីឱ្យ TranslateKh អាចបកប្រែជាមួយ​លទ្ធផល​ល្អប្រសើរជាមួយនិងវិស័យផ្សេងទៀត។ ក្រសួងប្រៃសណីយ៍បានបញ្ជាក់បន្ថែមថា ម៉ាស៊ីនបកប្រែ TranslateKh អាចចូលប្រើប្រាស់បានតាមរយៈវេប https://translatekh.mptc.gov.kh ឬតេឡេក្រាម https://t.me/TranslateKH_bot៕ដោយ៖ង៉ាន ទិត្យ

ភ្នំពេញ៖ក្រសួងវប្បធម៌ និងវិចិត្របានឱ្យដឹងថា បុណ្យរំលឹកគុណអង្គរ លើកទី៤ ឆ្នាំ២០២៤​នឹងប្រារព្ធនៅថ្ងៃទី១៤ ដល់ថ្ងៃទី១៦ ខែធ្នូ ។ជាកត់សម្គាល់ថ្ងៃទី១៤ ខែធ្នូឆ្នាំ​នេះដែរ ក៏ជាគម្រប់ខួប៣២ឆ្នាំ​នៃ​ការដាក់​ប្រាសាទអង្គរវត្តចូលក្នុង​បញ្ជី​បេតិកភណ្ឌពិភព​លោករបស់​អង្គការយូណេស្កូ(១៤ ធ្នូ ១៩៩២ -១៤ ធ្នូ ២០២៤)។ ខេត្តសៀមរាបដែលទើបនឹងបញ្ចប់ព្រឹត្តិការណ៍មានលក្ខណៈអន្តរជាតិធំៗចំនួន២ដោយជោគជ័យកាលពីពេលកន្លង​ទៅថ្មីៗ​នេះ​ នៅរមណីយ​ដ្ឋានអង្គរខេត្តសៀមរាបដដែល នឹងប្រារព្ធបុណ្យរំលឹកគុណអង្គរលើក​ទី៤ ឆ្នាំ២០២៤​ចាប់ពីថ្ងៃទី១៤ ដល់​ថ្ងៃទី១៦ ខែធ្នូ ។ យោងតាមរយៈសារាចរណែនាំរបស់រាជរដ្ឋាភិបាលកម្ពុជា បានយល់​ព្រមជាគោលការណ៍ឱ្យរៀបចំពិធីបុណ្យ​រំលឹក​គុណអង្គរ​នៅរមណីយ​ដ្ឋានអង្គរបេតិកភណ្ឌពិភពលោករយៈពេល៣ថ្ងៃចាប់ពីថ្ងៃទី១៤-១៦ ខែធ្នូ ជារៀងរាល់ឆ្នាំគិតចាប់ពីឆ្នាំ​២០២២​តទៅ។ ដោយឡែក បុណ្យរំលឹកគុណអង្គរឆ្នាំ២០២៣កន្លងទៅ បាន​ប្រារព្ធរយៈពេល១០ថ្ងៃចាប់ផ្តើមពីថ្ងៃទី៧ រហូតដល់ថ្ងៃទី១៦ ខែធ្នូ។ ខណៈពិធីបើកព្រឹត្តិការណ៍ជាផ្លូវការបានប្រព្រឹត្តទៅនៅថ្ងៃទី៧ ខែធ្នូក្រោមអធិបតីភាពដ៏ខ្ពង់ខ្ពស់លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត និងលោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួង វប្បធម៌និងវិចិត្រសិល្បៈ និងជាប្រធានក្រុមប្រឹក្សា​ភិបាលអាជ្ញាធរជាតិអប្សរា ព្រមទាំងវត្តមានថ្នាក់ ដឹកនាំសំខាន់ៗ​ជាច្រើនរូបទៀត។ ពិធីបុណ្យរំលឹកគុណអង្គរ គឺជាព្រឹត្តិការណ៍ប្រចាំឆ្នាំមួយ ដែលក្រសួង​វប្បធម៌ និងវិចិត្រសិល្បៈ រួមជាមួយអាជ្ញាធរជាតិអប្សរា បានរៀប​ចំឡើង ក្នុងគោលបំណងសំខាន់បំផុតគឺ សម្តែងការដឹងគុណ ចំពោះបុព្វការីជន​គ្រប់ជំនាន់ ដែលបានខិតខំបូជាកម្លាំង​កាយចិត្ត ក្នុងការងារថែរក្សា​អង្គរតាំងពីដើមរៀងមករហូតដល់បច្ចុប្បន្ន។ពិធីដ៏មានសារៈសំខាន់​មួយនេះ…

(ភ្នំពេញ)៖ ការទទួលព័ត៌មានក្លែងក្លាយនឹងទទួលនូវគ្រោះមហន្តរាយដ៏ធំ សម្រាប់សុខភាព ទ្រព្យសម្បត្តិក្រុមគ្រួសារ និងសង្គមជាតិ។ ដូច្នេះត្រូវរួមគ្នាប្រយុទ្ធប្រឆាំងនឹងព័ត៌មានក្លែងកាយ ដើម្បីឲ្យ មានសន្តិភាពផ្លូវកាយ ផ្លូវចិត្ត សន្តិភាពក្នុងគ្រួសារនិងសង្គមជាតិទាំងមូល ។ នេះជាការលើកឡើងរបស់ ឯកឧត្ដម កើត ឆែ អភិបាលរងរាជធានីភ្នំពេញ តំណាងឯកឧត្ដមឃួងស្រេង អភិបាលនៃគណៈអភិបាលរាជធានីភ្នំពេញ ក្នុងកម្មវិធីបើកបណ្តុះបណ្តាលការប្រយុទ្ធប្រឆាំងនិងការឆ្លើយតបព័ត៌មានក្លែងក្លាយ នាព្រឹកថ្ងៃទី០៣ ខែធ្នូ ឆ្នាំ២០២៣ នៅសាលារាជធានីភ្នំពេញ ។ ពិធីនេះមានការចូលរួមពី ឯកឧត្ដម ជុំ កុសល រដ្ឋលេខាធិការក្រសួងព័ត៌មាន តំណាង ឯកឧត្ដម នេត្រ ភ័ត្រា រដ្ឋមន្ត្រីក្រសួងព័ត៌មាន ឯកឧត្ដមបណ្ឌិត ឆាយ សុផល រដ្ឋលេខាធិការក្រសួងព័ត៌មាន និងជាគ្រូបង្គោលនិង ឯកឧត្ដមទេព អស្ចារិទ្ធ អនុរដ្ឋលេខាធិការក្រសួង ព័ត៌មាន ជាគ្រូបង្គោលផងដែរ ។ ឯកឧត្ដម កើត ឆែ បានមានប្រសាសន៍លើកឡើងថា ៖ វគ្គបណ្ដុះបណ្ដាលពាក់ព័ន្ធនឹងវិស័យព័ត៌មាននេះ រដ្ឋបាលរាជធានីភ្នំពេញ បានរៀបចំឡើងចំនួន ៧វគ្គរួចមកហើយ ដោយមានសិក្ខាកាមដែលជាមន្ត្រីរាជការជាង…

(ភ្នំពេញ)៖ កន្លងមករដ្ឋបាលរាជធានីភ្នំពេញ បានដាក់ចេញនូវគោលការណ៍ណែនាំជាបន្តបន្ទាប់ ដោយបានកំណត់តម្រាយផ្លូវ និងពេលវេលាធ្វើចរាចរសម្រាប់រថយន្តដឹកជញ្ជូនធុនធ្ងន់គ្រប់ប្រភេទ ចេញ-ចូលក្នុងភូមិសាស្រ្តរាជធានីភ្នំពេញ ដើម្បីសំដៅធានា និងរក្សាបាននូវសណ្តាប់ធ្នាប់របៀប រៀបរយសាធារណៈកាត់បន្ថយនូវការកកស្ទះ និងគ្រោះថ្នាក់ចរាចរណ៍នៅតាមដងផ្លូវ ។ ក្នុងសេចក្តីណែនាំរបស់រដ្ឋបាលរាជធានីភ្នំពេញដែលបានចេញនៅថ្ងៃទី២ ខែធ្នូ ឆ្នាំ២០២៤នេះបានបញ្ជាក់ថា ផ្អែកតាមស្ថានភាពបច្ចុប្បន្ននេះ ចំនួនប្រជាពលរដ្ឋក៏ដូចជាបរិមាណយានយន្តក្នុងរាជធានី ភ្នំពេញមានការកើនឡើងខ្ពស់គួរឱ្យកត់សម្គាល់ ធ្វើឱ្យតំបន់មួយចំនួន និងតម្រាយផ្លូវនៅក្នុង ភូមិសាស្ត្រជាយរាជធានីភ្នំពេញដែលពីមុនមានសភាពស្ងប់ស្ងាត់ ចរាចរមិនសូវមមាញឹកក៏បាន ប្រែក្លាយទៅជាតំបន់មានប្រជាពលរដ្ឋរស់នៅច្រើនកុះករ ហើយការធ្វើដំណើរលើដងផ្លូវមាន ការកកស្ទះ និងកើតមាននូវគ្រោះថ្នាក់ចរាចរជាញឹកញាប់ ដែលភាគច្រើនបង្កឡើងដោយរថយន្ត ធុនធ្ងន់ ។ ដើម្បីដោះស្រាយបញ្ហាប្រឈមខាងលើ រដ្ឋបាលរាជធានីភ្នំពេញ ចាំបាច់ត្រូវធ្វើការកែ សម្រួលឡើងវិញនូវតម្រាយផ្លូវ ពេលវេលា និងប្រភេទរថយន្តដឹកជញ្ជូនធុនធ្ងន់ចេញ-ចូលក្នុង ភូមិសាស្រ្តរាជធានីភ្នំពេញ តាមការណែនាំដូចខាងក្រោម ៖ ដោយ ៖ ហេង សម្បត្តិ+ថេត វិចិត្រ

(ភ្នំពេញ)៖ វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សារាជធានីភ្នំពេញ បានប្រារព្ធធ្វើឡើងក្នុងខណ្ឌ៧មករា នាព្រឹកថ្ងៃទី៣ ខែធ្នូ ឆ្នាំ២០២៤ នៅស្តាតអូឡាំពិកក្រោមអធិបតី ឯកឧត្តម ម៉ប់ សារិន ប្រធានក្រុមប្រឹក្សារាជធានីភ្នំពេញ និងឯកឧត្តម ហួត ហៃ អភិបាលរងរាជធានីភ្នំពេញ តំណាងឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ ។ ឯកឧត្តមម៉ប់ សារិន ថ្លែងថា វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សារាជធានីភ្នំពេញ ធ្វើឡើងដើម្បីផ្សព្វផ្សាយពីសមិទ្ធិផលការងាររបស់រដ្ឋបាលរាជធានីភ្នំពេញ និងផ្ដល់ឱកាសជូនប្រជាពលរដ្ឋបាន លើកឡើងនូវសំនួរ សំណើរនិងសំណូមពរ ទាំងផ្ទាល់មាត់ និងជាលាយលក្ខណ៍អក្សរដែលជាកង្វល់របស់ប្រជាពលរដ្ឋ ។ ឯកឧត្តម ម៉ប់ សារិន បានបញ្ជាក់ថា វេទិកាផ្សព្វផ្សាយ និងពិគ្រោះយោបល់នាពេលនេះបានផ្ដោតលើប្រធានបទចំនួន ៤រួមមាន ៖ទី១ កាងារសន្តិសុខ សណ្តាប់ធ្នាប់និងសុវត្ថភាពសាធារណៈ (ភូមិ សង្កាត់ មានសុវត្ថិភាព)ទី២ ការងារអភិវឌ្ឍមូលដ្ឋាន (ផ្លូវ ថ្នល់ លូ …)ទី៣ ការងារបរិស្ថាន(បញ្ហាសំរាម សុខុមាលភាពសង្គម)និងទី៤ ការផ្តល់សេវាសាធារណៈជូនប្រជាពលរដ្ឋ។…

(ភ្នំពេញ)៖ ក្នុងឱកាសទទួលជួបលោកស្រី Shan Li អគ្គលេខាធិការរង នៃអង្គការ Future Smile Charitable Foundation នៅទីស្តីការក្រសួង នារសៀលថ្ងៃទី០២ ខែធ្នូ ឆ្នាំ២០២៤ ឯកឧត្តម កាន់ ផារិទ្ធ រដ្ឋលេខាធិការ នៃក្រសួងការបរទេស និងសហប្រតិបត្តិការអន្តរជាតិ អរគុណអង្គការ Future Smile Charitable Foundation ចំពោះការអនុវត្តសកម្មភាព លើវិស័យអប់រំ សុខាភិបាល និងសង្គមកិច្ច ។ លោកស្រី Shan Li បានជម្រាបជូន អំពីគម្រោងសកម្មភាព ដែលផ្តោតសំខាន់លើវិស័យអប់រំ សុខាភិបាល និងសង្គមកិច្ចរវាងកម្ពុជា-ចិន តាមរយៈ ការឧបត្ថម្ភសម្ភារៈបរិក្ខារពេទ្យ និងផ្តល់សេវាវេជ្ជសាស្រ្ត ដោយឥតគិតថ្លៃដល់កុមារកម្ពុជា ។ លោកស្រីបានជម្រាបជូនបន្ថែមថា កាលពីឆ្នាំ២០២១ អង្គការធ្លាប់បានផ្តល់ជំនួយរថយន្តសង្រ្គោះបន្ទាន់ចំនួនបួនគ្រឿងមកកម្ពុជា ក្នុងអំឡុងពេលរីករាលដាល នៃជម្ងឺកូវីដ-១៩ សំដៅលើកកម្ពស់សុខុមាលភាពសង្គម និងពង្រឹងទំនាក់ទំនងរវាងប្រជាជននៃប្រទេសទាំងពីរ ។ ឯកឧត្តមរដ្ឋលេខាធិការ បានថ្លែងអំណរគុណ ចំពោះការខិតខំប្រឹងប្រែង របស់មូលនិធិ…