ភ្នំពេញ៖ គម្រោងស្ថាបនាផ្លូវជាតិលេខ១០មានប្រវែងសរុប១៩៨,៥១៨ គីឡូម៉ែត្រ​(PK000+000 – PK198+518) ចាប់ពីផ្លូវជាតិ​លេខ៥៧-៧ ត្រង់ PK35+900 ស្ថិតក្នុងភូមិកញ្ចាំង ឃុំស៊ុង ស្រុកសំឡូត ខេត្តបាត់ដំបង ឆ្លងកាត់​ឃុំប្រម៉ោយ ស្រុកវាលវែង ខេត្តពោធិ៍សាត់ រហូតដល់ផ្លូវជាតិលេខ៤៨(ចាស់) ត្រង់ PK1+700 នៃសង្កាត់ស្មាច់មានជ័យ ក្រុងខេមរភូមិន្ទ ខេត្ត​កោះកុង គិតត្រឹមថ្ងៃទី២០ ខែមករា ឆ្នាំ២០២៥ សម្រេចបានលទ្ធផលជារួម ៩៦,១៦​ភាគរយហើយ។ លើបណ្ដាញសង្គមផ្លូវការនៅថ្ងៃទី២០ ខែមករា ឆ្នាំ២០២៥ ឯកឧត្តម ផន រឹម អ្នកនាំពាក្យក្រសួងសាធារណការនិង​ដឹក​ជញ្ជូនបានឱ្យដឹងថាបច្ចុប្បន្ន​ផ្លូវ​ជាតិលេខ១០ ប្រជាពលរដ្ឋអាចធ្វើដំណើរបានដោយរលូន តែត្រូវមាន​ការប្រុងប្រយ័ត្ន ដោយសារកំណាត់ផ្លូវខ្លះនៅជាក្រួសក្រហម មានសភាពហុយ ពិបាកក្នុងការមើលផ្លូវ ។បច្ចុប្បន្ន​​ការដ្ឋាន​កំណាត់ផ្លូវ​លេខ​១០កំពុងតែមាន​វឌ្ឍនភាព ហើយគ្រោងនឹងបញ្ចប់នាខែមិថុនា ឆ្នាំ២០២៥នេះ ។ ផ្លូវជាតិលេខ១០នេះ ជាប្រភេទផ្លូវ Grade III ក្រាលកៅស៊ូពីរស្រទាប់ (DBST) មានប្រវែង​ផ្លូវសរុប១៩៨,៥១៨គីឡូម៉ែត្រ និងទទឹង ៩ម៉ែត្រ។ គម្រោងសាង​សង់​ផ្លូវនេះមានរយៈពេល ៦៦ខែ និងបានចាប់ផ្ដើម​សាងសង់ពីថ្ងៃទី១៨ ខែធ្នូ…

សៀមរាប៖ រដ្ឋបាលខេត្តសៀមរាបបានប្រារព្ធសន្និបាតបូកសរុបលទ្ធផល​ការងារ​ឆ្នាំ២០២៤ និងលើកទិសដៅ​ការងារ​ឆ្នាំ២០២៥ ក្រោមអធិបតីភាព ឯកឧត្តម តោ គឹមស៊ាន សមាជិកក្រុមប្រឹក្សាខេត្តតំណាងឯកឧត្តម លី សំរិទ្ធ ប្រធាន​ក្រុមប្រឹក្សាខេត្តសៀមរាប និងឯកឧត្តម ប្រាក់ សោភ័ណ អភិបាលខេត្ត​សៀមរាប។ សន្និបាតនេះរៀបចំឡើង​នៅសណ្ឋាគារ​បាយ័នអេរ៉ា ក្នុងរយៈពេល​ពីរថ្ងៃចាប់ពីថ្ងៃទី២០ ខែមករា ឆ្នាំ២០២៥ ។ ឯកឧត្តម ប្រាក់ សោភ័ណ បានបញ្ជាក់ថា សន្និបាតបូកសរុបលទ្ធផល​ការងារ​ឆ្នាំ២០២៤ គឺជាការត្រួតពិនិត្យ និងវាយតម្លៃ​លទ្ធផលការងារដែលបានសម្រេច និងបញ្ហាប្រឈមដែលនៅសេសសល់។ ពិនិត្យប្រសិទ្ធភាពដើម្បីរៀបចំ​ផែនការ​ច្បាស់​លាស់សម្រាប់ឆ្នាំ២០២៥ ដោយផ្ដោតលើវិស័យសេដ្ឋកិច្ចសំខាន់ៗ​ដូចជា​ទេសចរណ៍ កសិកម្ម សេវាកម្ម និងសង្គមកិច្ច។ ឯកឧត្តម ប្រាក់ សោភ័ណ បានលើកទឹកចិត្តអាជ្ញាធរថ្នាក់មូលដ្ឋាន និងអ្នក​ចូលរួម ឱ្យបង្ហាញភាពស្វាហាប់ក្នុងការ​អនុវត្ត​កម្មវិធីនយោបាយ និងសកម្មភាព​ជាប្រចាំដោយប្រកបដោយប្រសិទ្ធភាព តម្លាភាព និងឆ្លើយតបតាមតម្រូវការ​ចាំបាច់។ អភិបាលខេត្តបានស្នើឱ្យយកចិត្តទុកដាក់លើការគ្រប់គ្រងការងារសេវាសង្គម និងបញ្ហាប្រឈម ដើម្បីលើកកម្ពស់ជោគជ័យ​ប្រកបដោយចីរភាពនៅឆ្នាំថ្មីនេះ។ ឯកឧត្តមបានបញ្ជាក់ថា ទោះបីរដ្ឋបាលខេត្តសម្រេចបានសមិទ្ធផល​ជាច្រើន​ក៏ដោយ ក៏រដ្ឋបាលខេត្តនៅតែជួបប្រទះ​បញ្ហា​ប្រឈមមួយចំនួន។ ដូច្នេះ​ការប្រមូលផ្ដុំទិន្នន័យ និងការរៀបចំយុទ្ធសាស្ត្រថ្មីគឺជាការចាំបាច់ដើម្បីធានាឱ្យ​មានលទ្ធផល​ល្អប្រសើរនៅឆ្នាំ២០២៥៕ដោយ៖​ប៊ុន​រដ្ឋា

កំពត៖ឯកឧត្តមសមាជិកអចិន្ត្រៃយ៍គណៈកម្មាធិការគណបក្សខេត្ត និងជា​ប្រធាន​គណៈប្រចាំការ គណបក្សប្រជាជនកម្ពុជា​ខេត្តកំពត បានបញ្ជាក់ថា គណៈកម្មាធិការគណបក្សខេត្តកំពតបានដាក់ការងារសំខាន់ៗមួយចំនួន ដល់​សមាជិក​សមាជិកា ក្រុមការងារយុវជនគណបក្សខេត្ត ក្រុងស្រុក ឃុំសង្គាត់ អនុវត្តដើម្បីធានារក្សាឱ្យបាននូវសុខសន្តិភាព និងការអភិវឌ្ឍ​ប្រទេស​ឱ្យ​កាន់តែរីកចម្រើន តទៅថ្ងៃអនាគត។ មានប្រសាសន៍នៅក្នុងក្នុងពិធីសំណេះសំណាល និងប្រកាសសមាស​ភាព​ក្រុមការងារយុវជន​គណបក្សខេត្តដែល​បាន​រៀបចំធ្វើឡើងនៅមន្ទីរ​បក្សខេត្ត​កាលពីថ្ងៃទី១៩ ខែមករា ឆ្នាំ២០២៥លោក ដួង សាវណ្ណ សមាជិកអចិន្ត្រៃយ៍​គណៈ​កម្មា​ធិការគណបក្សខេត្ត និងជាប្រធានគណៈប្រចាំការ គណបក្ស​ប្រជាជន​កម្ពុជាខេត្តកំពត បានណែនាំសមាជិក​សមាជិកា​ទាំងអស់ ដែលទទួល​បាននូវភារកិច្ចថ្មីតាមសេចក្តីសម្រេច  អនុវត្តសកម្មភាពសំខាន់មួយចំនួន។ក្នុងនេះមានដូចជា ត្រូវបង្កើន​​ការ​អប់រំ និងបំពាក់បំប៉ន សមាជិក សមាជិកា របស់យុវជនគណបក្ស គ្រប់ថ្នាក់ គ្រប់ផ្នែក និងបង្កើនការត្រួតពិនិត្យ ការអនុវត្ត​គោលការណ៍ ផែនការ ដែលគណបក្សប្រជាជន បានដាក់ចុះសំដៅលើក​កម្ពស់ស្មារតី ទទួលខុសត្រូវរបស់​យុវជននិងប្រសិទ្ធភាពការងារ។ លើកកម្ពស់​ស្មារតីប្រុងប្រយ័ត្នខ្ពស់ ទប់ស្កាត់ និងវាយបកឱ្យទាន់ពេលវេលា ចំពោះ រាល់ព័ត៌ មានប្រឌិតព័ត៌មានក្លែងក្លាយ នៃពួកអគតិពួកទាំងក្នុង និងក្រៅប្រទេស។លើកកម្ពស់មនសិការស្នេហាជាតិ ត្រូវមានវិន័យ​ត្រឹមត្រូវ ដោយប្រកាន់ជំហរ​ក្នុងការអនុវត្ត របបសមូហភាពដឹកនាំ ម្នាក់ៗទទួលខុសត្រូវ ថែរក្សាធ្លុងសាមគ្គី​ឯកភាពជាដើម។ លោក ពេញ ធារម្យ សមាជិកគណៈអចិន្ត្រៃយ៍ នៃគណៈកម្មាធិការគណបក្ស​ខេត្ត ជាសមាជិកយុវជនគណ​បក្សថ្នាក់​កណ្តាល…

កំពង់ធំ៖ដើម្បីពង្រឹងប្រព័ន្ធអត្រានុកូលដ្ឋាន និងការចុះបញ្ជីស្មារតីឯកសារ​របស់ប្រជាជន រដ្ឋបាលខេត្តកំពង់ធំបានបើក​វគ្គបណ្តុះបណ្តាលស្តីពីការ​អនុវត្តការងារអត្រានុកូលដ្ឋាន ស្របច្បាប់នៅសាលប្រជុំសាលាខេត្តកំពង់​ធំកាលពីព្រឹកថ្ងៃទី ២០ ខែមករា ឆ្នាំ ២០២៥។ លោក ញឹក បានខេង អភិបាលរងខេត្តកំពង់ធំដែលអញ្ជើញចូលរួមបើក​វគ្គបណ្តុះបណ្តាល​បានបញ្ជាក់ថា គោលបំណង​នៃវគ្គបណ្តុះបណ្តាល​នេះគឺដើម្បីលើកស្ទួយសមត្ថភាពមន្ត្រីក្នុងការដោះស្រាយបញ្ហាកំហុសទិន្នន័យដែលកើតមានលើប្រជាពលរដ្ឋ។ជាក់ស្តែង សេចក្តីណែនាំលេខ ០៤២ បានឱ្យការណែនាំច្បាស់លាស់អំពីការចុះបញ្ជីឯកសារសំខាន់ៗដូចជា កំណើតរស់ មរណភាព និងអាពាហ៍ពិពាហ៍ ដោយដោះស្រាយកំហុស​ដែលអាចកើតមាន។ លោកបានអំពាវនាវដល់អាជ្ញាធរមូលដ្ឋានឱ្យប្រើប្រាស់សក្ដានុពលនិងស្វែងយល់អំពីច្បាប់ និងលិខិតបទដ្ឋានស្តីពី​អត្រានុកូលដ្ឋានឱ្យបានទូលំទូលាយ ដើម្បីធានាថាប្រព័ន្ធការងារនេះអាចដំណើរការបានសមរម្យ និងមានប្រសិទ្ធភាព​ជាងមុន។សូមជម្រាបថា វគ្គនេះមានការចូលរួមដោយមន្ត្រីអាជ្ញាធរមូលដ្ឋានគ្រប់ជាន់ថ្នាក់ អភិបាលក្រុង-ស្រុក មេឃុំ ចៅសង្កាត់ និងអធិការដ្ឋាននគរបាលក្រុង-ស្រុក ដែលមានតួនាទីសំខាន់ក្នុងការចុះបញ្ជី និងកែតម្រូវទិន្នន័យអត្រានុកូលដ្ឋាន៕ដោយ៖ប៊ុន រដ្ឋា

ភ្នំពេញ៖អង្គការ WWF-កម្ពុជាបានប្រកាសឱ្យដឹងនៅល្ងាចថ្ងៃចន្ទទី២០ ខែមករា ឆ្នាំ២០២៥នេះថា ក្រុមការងារត្រួតពិនិត្យ និងតាមដានរបស់អង្គការ WWF-កម្ពុជា បានប្រទះឃើញកូនក្រពើភ្នំ២ក្បាល នៅទន្លេស្រែពកក្នុងអំឡុងពេល​នៃដំណើរ​ចុះល្បាតរយៈ​ពេលប្រាំថ្ងៃទៅកាន់ទន្លេស្រែពកនៃខេត្តរតនគិរី​និងនៅតាមដង​ទន្លេនេះ ។ លើបណ្ដាញសង្គមផ្លូវការ អង្គការ WWF-កម្ពុជាបានគូសបញ្ជាក់ថាក្រុមការងារ​យើងបានប្រទះឃើញកូនក្រពើភ្នំចំនួនពីរ​ក្បាល ដែលនេះជាការរកឃើញដ៏កម្រ​នៃ​ប្រភេទសត្វ​ល្មូនដែលជិតផុតពូជ។ ក្រុមស្រាវជ្រាវ និងតាមដានជីវៈចម្រុះ​របស់​​យើងប៉ាន់ស្មានថា ក្រពើទាំងនេះមានអាយុពី ៥ ទៅ ៦ ខែ។ ប្រភពដដែលបន្ថែមថា តំបន់នេះក៏ធ្លាប់ជាកន្លែងដែលក្រុមការងារត្រួតពិនិត្យ និងតាមដានរបស់អង្គការ WWF-កម្ពុជា​ធ្លាប់ប្រទះឃើញពួកវាកាល​ពីឆ្នាំមុន ហើយកិច្ចការស្រាវជ្រាវ​នេះប្រព្រឹត្តទៅក្នុងគោលបំណងតាមដានពី​របៀបដែល​សត្វ​ក្រពើកំពុងរស់នៅ ក៏ដូចជាពង និងញាស់កូនថ្មី ដែលនេះបានបង្ហាញពីការ​យក​ចិត្តទុកដាក់របស់យើងជាខ្លាំង​ក្នុង​កិច្ចការ​ល្បាត ព្រមទាំងការដក​ហូត​ឧបករណ៍​​នេសាទខុសច្បាប់នានាជាដើមពីដំបន់នេះ។ អង្គការ WWF-កម្ពុជាបន្តថា តាមរយៈការងារអភិរក្សប្រកបដោយភាព​ជោគជ័យ​នាពេលនេះអាចសម្រេចទៅបានក៏ដោយ​សារមាន​ការចូលរួមពីមន្ត្រី​ឧទ្យានុរក្សរបស់មន្ទីរបរិស្ថានខេត្ត ក្រុមស្រាវជ្រាវសហគមន៍ និងតំណាង​សហគមន៍​តំបន់ការពារ​ផងដែរ ។ សូមជម្រាបថា អ្នកជំនាញបានអធិប្បាយថាក្រពើភ្នំ​បានដើរតួនាទីសំខាន់​​ក្នុងប្រព័ន្ធអេកូឡូស៊ី ។នៅកម្ពុជា​ ឧទ្យានជាតិ​ជួរភ្នំ​ក្រវាញក៏ជាទីជម្រក​ធម្មជាតិមានសុវត្ថិភាព និងសមស្របសម្រាប់​ការរស់នៅរបស់​ប្រភេទ​សត្វដ៏កម្រនេះផងដែរ។ ​ក្រពើភ្នំជាប្រភេទសត្វជិតផុតពូជបំផុត និងគំរាមកំហែងដល់ការផុតពូជពី​ធម្មជាតិ។ សត្វក្រពើភ្នំមានចំនួនប្រមាណជាង ១ ០០០ក្បាលប៉ុណ្ណោះ​នៅលើពិភពលោក ។កម្ពុជាត្រូវបានគេចាត់ទុកថាមានវត្តមាន​សត្វក្រពើ​ភ្នំច្រើនជាង​គេដែល​ប្រមាណជាង ៣០០ក្បាលកំពុងរស់នៅ និងស្ថិតក្រោម​ការឃ្លាំមើល និងការពារដោយក្រុមអ្នកជំនាញ៕ ដោយ៖ម៉ាដេប៉ូ

(ព្រះវិហារ)៖ ប្រជាពលរដ្ឋក្នុងខេត្តព្រះវិហារ បានអបអរសាទរ ជាមួយសមិទ្ធផលថ្មីៗជាច្រើននៅក្នុងខេត្តព្រះវិហារ ដូចជាផ្លូវជាតិជាង ២០០គីឡូម៉ែត្រ ត្រូវបានរដ្ឋាភិបាលប្រគល់សិទ្ធិជូនក្រុមហ៊ុន ក្លូប៊លហ្រ្គីនខេមបូឌា អុិននើជី ឌីវេឡុបមែន ឯ-ក ក្នុងការថែទាំនិងជួសជុលឡើងវិញ ដោយផ្លូវជាតិលេខ ៩៥ មានប្រវែង ៨០គីឡូម៉ែត្រ ពីទីរួមស្រុកឆែប ចូលស្រុកជយ័សែន និងស្រុករវៀង ត្រូវបានស្ថាបនាថ្មីឡើងវិញ ដោយសាផ្លូវចាស់មានអាយុកាលជិត ៣០ឆ្នាំខូចខាតស្ទើរទាំងស្រុង ។ ដើម្បីប្រើប្រាស់បានយូរអង្វែង ក្រុមហ៊ុនសម្រេចស្ថាបនាផ្លូវថ្មីឡើងវិញ ដោយមានទទឹង ១២ម៉ែត្រ ចាក់អ៊ុតកៅស៊ូ DBST ក្នុងនោះក៍មានស្ថាបនាលូវប្រអប់ និងស្ពានជាច្រើនកន្លែង ។ ចំណែកផ្លូវជាតិលេខ ៦២ ពីភ្នំដែក ទៅដល់ខេត្តកំពង់ធំ ផ្លូវជាតិលេខ ៥០C និង ផ្លូវជាតិលេខ ៥០C1 ពីខេត្តកំពង់ធំទៅស្រុកកំពងលែង ខេត្តកំពង់ឆ្នាំង ត្រូវបានក្រុមហ៊ុនទទួលសិទ្ធថែទាំ និងជួសជុលឡើងវិញផងដែរ ។ ប្រជាពលរដ្ឋរស់នៅក្នុងស្រុកខាងលើត្រេកអរជាពន់ពេក ដោយសាបានផ្លូវល្អ ក្នុងការដឹកជញ្ជូនដំណាំកសិផលផ្សេងៗមកកាន់ទីផ្សាបានយ៉ាងឆាប់រហ័ស ។ផ្លូវ ១ខ្សែនេះ ត្រូវបានក្រុមហ៊ុនចំណាយថវិកា រាប់សិនលានដុល្លា ក្នុងការថែទាំជួសជុលឡើងវិញ ផ្លូវនៅតំបន់ខាងលើនារដូវវស្សាមានការលិចទឹក…

បាត់ដំបង៖ម្ចាស់ក្រុមហ៊ុន ស៊ីធី រ៉ាយ(City Rice) លោក លី លាង អគ្គនាយករងនៃរោងម៉ាស៊ីនកិនស្រូវ ឡាយ សែ ដែលមាន​ទីតាំងក្នុងស្រុកថ្មគោល ខេត្តបាត់ដំបង បានឱ្យដឹងថា មកដល់ពេលនេះ រោងម៉ាស៊ីនកិនស្រូវ ឡាយ សែ បាន​និងកំពុង​ប្រមូល​ទិញស្រូវប្រភេទ ស្រូវស្រងែ និងស្រូវអូអឹម(OM) ដែលយ៉ាងហោចណាស់ក្នុងចន្លោះពី១ ៥០០តោនទៅ១ ៨០០​តោនក្នុងមួយថ្ងៃ ហើយថ្ងៃខ្លះក្រុមហ៊ុន បានទិញរហូតដល់ជាង ២ ០០០តោន ក្នុងមួយថ្ងៃទៀតផង។ លោក លី លាង បានឱ្យដឹងថា រោងម៉ាស៊ីនកិនស្រូវ ឡាយ សែ មិនមានគោលការណ៍ ក្នុងការផ្អាកការ​បញ្ជាទិញ​នោះ​ទេគឺ ក្រុមហ៊ុនរបស់លោក នៅតែបន្តប្រមូលទិញស្រូវ ឱ្យអស់ពីសមត្ថភាពនូវក្នុងតម្លៃសមរម្យ ជូនបងប្អូនកសិករ ទោះបីជាក្រុមហ៊ុនCityRiceទិញស្រូវរហូតឡើងចាល់និងពេញឃ្លាំង ហើយក៏ដោយ។ លោក លី លាង  បន្ថែមថាសម្រាប់រដូវកាលទី៣ក្នុងការប្រមូលផលស្រូវនេះ រោងម៉ាស៊ីនស្រូវ ឡាយ សែ បានប្រមូល​ទិញស្រូវ ប្រភេទOM បានប្រមាណ​មួយម៉ឺនតោន និង ស្រូវស្រងែស្រាលជាងពីរម៉ឺនតោន…

(ភ្នំពេញ)៖ ក្រុមហ៊ុន សោម៉ា គ្រុប មានកិត្តិយសសូមជម្រាបជូនដំណឹងដល់សាធារណៈជនមេត្តាជ្រាបថា គម្រោងបង្កើត និងចែករំលែកគុណតម្លៃរបស់ក្រុមហ៊ុន សោម៉ា គ្រុប និងបុត្រសម្ព័ន្ធ (Soma Initiative) នឹងសហការជាមួយយុទ្ធនាការ Blood of Kind និងមជ្ឃមណ្ឌលជាតិផ្ដល់ឈាម ដើម្បីរៀបចំកម្មវិធីបរិច្ចាគឈាមរយៈពេលពេញមួយថ្ងៃចាប់ពីម៉ោង៩ព្រឹក ដល់ម៉ោង៤រសៀលថ្ងៃទី២៧ ខែមករា ឆ្នាំ២០២៥ នៅអគារ TheCommune ទួលគោក ដែលមានអាសយដ្ឋានស្ថិតនៅផ្លូវ៣៤៧ សង្កាត់បឹងកក់១ ខណ្ឌទួលគោក រាជធានីភ្នំពេញ។ អាស្រ័យដូចបានគោរពជម្រាបជូនខាងលើ សូមសាធារណៈជនមេត្តាជ្រាបជាព័ត៌មាន និងសូមចូលរួមបរិច្ចាគឈាមតាមលទ្ធភាពដើម្បីជួយដល់ជនរងគ្រោះដែលមានតម្រូវការឈាមដើម្បីសង្គ្រោះជីវិត។ ព័ត៌មានបន្ថែមសូមទាក់ទងទូរសព្ទ/តេលេក្រាមលេខ ០៨៦ ៩៧ ៥៦ ៤៦ ៕ ដោយ ៖ គ្រី សម្បត្តិ

ភ្នំពេញ៖ក្នុងបទបង្ហាញពីស្ថានភាពប្រព័ន្ធផ្សព្វផ្សាយនៅកម្ពុជារបស់ឯកឧត្តម ហួត ឃាងវេង រដ្ឋលេខាធិការក្រសួងព័ត៌មាន សម្រាប់សន្និបាតក្រសួង​ព័ត៌មាននៅថ្ងៃទី២០ ខែមករា ឆ្នាំ២០២៥ ឯកឧត្តមរដ្ឋលេខាធិការ​បានទាញ​អារម្មណ៍សមាជិកអង្គ​សន្និបាតនូវផលប៉ះពាល់ធំដល់​អាជីវកម្មរបស់ទូរទស្សន៍​ឌីជីថលនៅកម្ពុជា(ទូរទស្សន៍បង់ប្រាក់)គឺប្រព័ន្ធផ្សព្វផ្សាយ​ប្រភេទ​OTT ឬ ទូរទស្សន៍ប្រព័ន្ធOTT? ។ តើអ្វីទៅជាទូរទស្សន៍ប្រព័ន្ធOTT?ឯកឧត្តម ហួត ឃាងវេង បានបញ្ជាក់ក្នុង​បទបង្ហាញថា ប្រព័ន្ធទូរទស្សន៍OTT មកពី​ពាក្យOver-The-Top ។ការប្រើប្រាស់បច្ចេកវិទ្យាទំនើប OTT ផ្សាយតាមរយៈប្រព័ន្ធអ៊ីនធឺណិត រួមមាន ទូរទស្សន៍ និងវិទ្យុ និងបណ្តាញចំនួនបីរួមបញ្ចូលគ្នា (ខ្លឹមសារ និង កម្មវិធី, ប្រព័ន្ធអ៊ីនធឺណិត, ឧបករណ៍ទទួល)។ប្រព័ន្ធនេះទាក់​ទាញមតិ​សាធារណៈ ,កាត់បន្ថយភាពខុសគ្នារវាងទីក្រុង និងប្រទេស។ ប្រព័ន្ធនេះដោះស្រាយបញ្ហា​លំបាក​របស់​ប្រជា​ពលរដ្ឋ​ក្នុង​ការប្រើប្រាស់ទូរទស្សន៍ ទូរសព្ទ អ៊ីនធឺណិត និងព័ត៌មានរបស់ប្រទេសទាំងមូល ដើម្បីធានាឱ្យបាននូវការប្រកួត​ប្រជែងស្មើ​ភាពគ្នារវាងប្រព័ន្ធផ្សព្វផ្សាយគ្រប់ទម្រង់ ។ ឯកឧត្តមរដ្ឋលេខាធិការបានបន្ថែមថា ទូរទស្សន៍ប្រព័ន្ធOTT គឺការអភិវឌ្ឍថ្នាល​ទូរទស្សន៍ផ្សាយតាមអ៊ិនធឺណិត OTT Platform in Mobile App ជំនាន់ថ្មី។ប្រព័ន្ធមាននៅគ្រប់ឧបករណ៍ប្រើប្រាស់ទាំងអស់ដូចជា ទូរសព្ទឆ្លាតវៃ, ថេបប្លែត, កុំព្យូទ័រ និងទូរទស្សន៍ឆ្លាតវៃ អាចបញ្ចូលកម្មវិធី OTT Platform in Mobile…