សៀវភៅ Base Nation: How U.S. Military Bases Abroad Harm America and the World បានអះអាងថា អាមេរិកជាមហាអំណាចយោធាលំដាប់ទី១ មានកញ្ចប់ថវិកាយោធាប្រចាំឆ្នាំជាង ៧០០ពាន់លានដុល្លារ ហើយមានមូលដ្ឋានទ័ពនៅបរទេសជាង ៨០០ទីតាំង នៅក្នុង ៧០ប្រទេសទូទាំងពិភពលោក។ ទិន្នន័យនេះប្រហាក់ប្រហែលនឹងទិន្នន័យចេញផ្សាយដោយសារព័ត៌មាន Al Jazeera ដែលថាអាមេរិកមានមូលដ្ឋានទ័ពនៅបរទេសជាង ៧៥០ទីតាំង នៅក្នុងប្រទេសយ៉ាងតិច ៨០។ ដោយឡែក កងទ័ពអាមេរិកជាង ១៧ម៉ឺននាក់ត្រូវបានដាក់ពង្រាយនៅតាមប្រទេសចំនួន ១៥៩។

ប្រទេសចិនមានវប្បធម៌ប្រពៃណីទន់ភ្លន់ ចង់គ្រប់គ្រងតែប្រទេសរបស់ខ្លួនឱ្យបានល្អប៉ុណ្ណោះ។ Wang Wentian អគ្គរដ្ឋទូតចិនប្រចាំនៅកម្ពុជា

នៅក្នុងប្រទេសចិន ជាពិសេសក្នុងខេត្តយូណាន ចំនួនសត្វដំរីអាស៊ី ដែលត្រូវបានចុះក្នុងបញ្ជី IUCN ថាជាសត្វជិតផុតពូជនោះ បានកើនឡើងពី១៨០ ទៅជាង ៣០០ក្បាល ហើយនឹងបន្តកើនឡើងបន្ថែមទៀត ដោយសារតែកិច្ចខិតខំប្រឹងប្រែងការពារក្នុងរយៈពេល៣០ឆ្នាំកន្លងមក។ 📸 Wang Wenbin

សង្គ្រាមនេះបានបង្ហាញច្បាស់ពីការវិលត្រឡប់មកវិញនៃការប្រកួតប្រជែងយ៉ាងស្រួចស្រាល់រវាងប្រទេសមហាអំណាចធំៗ ដែលបាននិងកំពុងធ្វើឱ្យពិភពលោក ឈានចូលទៅរបត់ថ្មីមួយនៃការបែកបាក់ និងការបែងចែកប៉ូលមនោគមន៍វិជ្ជា និងភូមិសាស្ត្រនយោបាយ និងធ្វើឱ្យរដ្ឋតូចៗ ត្រូវធ្វើការជ្រើសរើសរវាងប្រទេសមហាអំណាចពាក់ព័ន្ធ សម្តេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្ត្រីក្រសួងការពារជាតិកម្ពុជា

មូលដ្ឋានសមុទ្ររាមដែលកម្ពុជាកំពុងធ្វើទំនើបកម្មនេះ គឺនៅមានទំហំតូច កំពង់ផែមានទឹករាក់ អាចប្រើប្រាស់បានត្រឹមតែនាវាតូចៗ និងមធ្យម សម្រាប់ឱ្យកងទ័ពជើងទឹកកម្ពុជាបំពេញភារកិច្ចការពារជាតិក្នុងដែនអធិបតេយ្យរបស់ខ្លួនតែប៉ុណ្ណោះ ពោលគឺមិនសម្រាប់បម្រើឱ្យផលប្រយោជន៍ផ្សេងៗណាដែលជាការគំរាមកំហែងដល់សន្តិសុខប្រទេសជិតខាង ឬនៅក្នុងតំបន់នោះឡើយ។ ការធ្វើទំនើបកម្មនេះក៏ដើម្បីជួយដល់ប្រជានេសាទកម្ពុជា ជួយដល់នាវាដឹកទំនិញក្នុងស្រុក និងបរទេសដែលចូលចតហើយមានការខូចខាត អាចមានលទ្ធភាពជួសជុលបានក្នុងកម្រិតតូច និងមធ្យម ព្រមទាំងដើម្បីចូលរួមនៅក្នុងប្រតិបត្តិការលម្ហសមុទ្រ ការពារសន្តិសុខ ស្ថេរភាព សណ្ដាប់ធ្នាប់ ការជួយសង្គ្រោះគ្រោះមហន្តរាយ អំពើភេវរកម្មហិង្សា ការជួញដូរអាវុធ គ្រឿងញៀនខុសច្បាប់ ទប់ស្កាត់រាល់បាតុភាពដែលអាចកើតឡើងក្នុងតំបន់-អន្តរជាតិ និងជំនួយមនុស្សធម៌ជាសកលតែប៉ុណ្ណោះ។ សម្តេចពិជ័យសេនា ទៀ បាញ់ រដ្ឋមន្ត្រីការពារជាតិកម្ពុជា