ខាវ៉ាន់ ទទួលបានជម្រកថ្មីក្នុងតំបន់អភិរក្សនៃដែនជម្រកសត្វព្រៃគូលែន-ព្រហ្មទេព នៃខេត្តឧត្តរមានជ័យ។ កម្ពុជាបានផ្តល់ជម្រកថ្មី ផ្តល់ជីវិត និងក្តីសង្ឃឹមថ្មីដល់ដំរីដ៏ឯកោមួយនេះ ចាប់តាំងពីការមកដល់របស់ដំរីខាវ៉ាន់ កាលពីថ្ងៃទី៣០ វិច្ឆិកា ២០២០។ ជាង១ឆ្នាំក្រោយពីបានមកនៅជម្រកថ្មី ខាវ៉ាន់មានសុខភាពល្អ និងមានអារម្មណ៍ល្អប្រសើរ។ ១៣ កុម្ភៈ ២០២២ 📷 MoE

“យើងជាជនរងគ្រោះនៃសង្គ្រាមត្រជាក់ និងនយោបាយមហាអំណាច។ ការរៀនសូត្រពីបទពិសោធន៍កន្លងមកគឺថា យើងត្រូវតែពឹងផ្អែកលើខ្លួនឯង ដើម្បីការពារផលប្រយោជន៍ជាតិរបស់យើង និងស្វែងរកសន្តិភាពជូនប្រជាជនយើង។ ការផ្សះផ្សាជាតិត្រូវតែកើតចេញពីខាងក្នុង ជាមួយភាពជាម្ចាស់លើប្រទេសជាតិ ជាកត្តាកំណត់ និងចាំបាច់។ គ្មានអ្វីមានតម្លៃជាងឯករាជ្យភាព និងការសម្រេចចិត្តដោយខ្លួនឯងនោះទេ”។ សម្តេចតេជោថ្លែងនៅមហាសន្និបាតសកល នៃក្រុមប្រឹក្សាកិច្ចប្រជុំកំពូលពិភពលោក ដើម្បីសន្តិភាព (ISCP) ដែលប្រារព្ធនៅសេអ៊ូល ប្រទេសកូរ៉េខាងត្បូងថ្ងៃទី១៣ កុម្ភៈ ២០២២

សម្តេចតេជោ ហ៊ុន សែន នាយករដ្ឋមន្ត្រីកម្ពុជា ជាសហប្រធាន នៃកិច្ចប្រជុំកំពូលពិភពលោកឆ្នាំ២០២២ រួមនឹងសហប្រធាន២រូបទៀត គឺ លោកស្រីបណ្ឌិត Hak Ja Han Moon សហស្ថាបនិកនៃសហព័ន្ធសន្តិភាពសកល (UPF) និងលោក Ban Ki-moon អតីតអគ្គលេខាធិការអង្គការសហប្រជាជាតិ បានអញ្ជើញចុះហត្ថលេខាលើគំនិតផ្តួចផ្តើម “រដ្ឋពីរ ឆ្ពោះទៅជាតិតែមួយ ឧបទ្វីបតែមួយ ប្រជាជនតែមួយ វប្បធម៌តែមួយ” ក្នុងពិធីបិទកិច្ចប្រជុំកំពូលពិភពលោកឆ្នាំ២០២២ សេអ៊ូល ១៣ កុម្ភៈ ២០២២

🇰🇭🇰🇷

១៣ កុម្ភៈ ២០២២