១. គ្រោះថ្នាក់ចរាចរណ៍ ៩ករណី ស្លាប់ ៥នាក់ និងរបួសធ្ងន់ស្រាល ៦នាក់។ ២. បទល្មើសព្រហ្មទណ្ឌ ៩ករណី ឃាត់ខ្លួនជនសង្ស័យ ១២នាក់។ ៣. គ្រឿងញៀន ៩ករណី ឃាត់ខ្លួនជនសង្ស័យ ២៦នាក់។ ៤. កូវីដ ៤៨ករណី និងជាសះស្បើយ ៤៥នាក់។ អ្នកឆ្លងសរុប ១១៩ ៦៣៦នាក់ អ្នកជាសះស្បើយ ១១៦ ០២៤នាក់ អ្នកស្លាប់ ២ ៨៧៦នាក់ ៥. បទល្មើសនឹងវិធានការសុខាភិបាលសរុប គ្មាន។ ចេញផ្សាយ ១២:១៥ ថ្ងៃទី១៦ វិច្ឆិកា ២០២១

រកឃើញករណីឆ្លងថ្មី ៤៨នាក់ ជាសះស្បើយ ៤៥នាក់ ស្លាប់ ៤នាក់ គិតត្រឹមថ្ងៃទី១៦ វិច្ឆិកា ២០២១ ចំនួនអ្នកឆ្លងសរុប៖ ១១៩.៦៣៦នាក់ ចំនួនអ្នកជាសះស្បើយ៖ ១១៦.០២៤នាក់ ចំនួនអ្នកស្លាប់សរុប៖ ២.៨៧៦នាក់

ផែនទី: Bos Ream Templehttps://goo.gl/maps/rsGt83Uw1axjpBwB6 📸-គឹម បញ្ញារ័តន៍ Sponsored by: Camma Microfinance

កម្ពុជាបន្តទទួលរងនូវឥទ្ធិពលជ្រលងសម្ពាធទាប មកពីសមុទ្រចិនខាងត្បូងរុញទូលមកលើតំបន់វាលទំនាបភាគខាងក្រោមប្រទេស និងទ្រនុងសម្ពាធខ្ពស់ពីភាគខាងជើង (ចិន) បន្តធ្លាក់ចុះគ្របដណ្តប់លើភាគខាងលើ តំបន់ជួរភ្នំដងរែក និងខ្ពង់រាបភាគឦសានប្រទេស ចាប់ពីថ្ងៃទី១៧-២៣ វិច្ឆិកា ២០២១

📷 Asian Amazing Culture and Community

សូមអំពាវនាវដល់ប្រជាពលរដ្ឋដែលរស់នៅរ៉បមាត់ស្ទឹង សូមមានការប្រុងប្រយ័ត្នខ្ពស់ និងថែទាំកូនចៅ សត្វពាហនៈឱ្យបានត្រឹមត្រូវ ជៀសវាងមានគ្រោះថ្នាក់កើតឡើងជាយថាហេតុ។ ១៦ វិច្ឆិកា ២០២១

១. អ្នកជំនាញទឹកស្អាតជប៉ុន មកបំពេញទស្សនកិច្ចសិក្សាស្វែងយល់ និងរកដំណោះស្រាយក្នុងការកែលម្អធ្វើទំនើបកម្មវិស័យទឹកស្អាតនិងបំពាក់ប្រព័ន្ធបច្ចេកវិទ្យាថ្មី នៅក្នុងខេត្តបាត់ដំបង – AMS Central ២. គម្រោងស្ថាបនាហេដ្ឋារចនាសម្ព័ន្ធផ្លូវចំនួន៣៨ ខ្សែក្នុងក្រុងសៀមរាប នឹងត្រូវបញ្ចប់ការសាងសង់ជាស្ថាពរនៅថ្ងៃទី២៩ ធ្នូ ដើម្បីត្រៀមទទួលភ្ញៀវទេសចរដែលបានចាក់វ៉ាក់សាំងរួចនាខែមករា ឆ្នាំ២០២២ ខាងមុខនេះ – ខ្មែរថាមស៍ ៣. មន្រ្តីជាន់ខ្ពស់ក្រសួងដែនដី៖ វិស័យសំណង់នឹងងើបឡើងវិញ ខណៈ១០ខែឆ្នាំនេះ គម្រោងសាងសង់ថ្មីមានជាង៣ពាន់គម្រោង ទុនជិត៥ពាន់លានដុល្លារ – FN ៤. ប្រធានទូរទស្សន៍ Al Jazeera ប្រចាំនៅស៊ូដង់ ត្រូវទាហានចាប់ខ្លួនដល់ក្នុងផ្ទះចំពេលមានការបង្ក្រាប់លើក្រុមអ្នកតវ៉ា – CGTN ៥. សេដ្ឋកិច្ចជប៉ុនបានស្រុតចុះហួសពីការរំពឹងទុក។ កូវីដ១៩ធ្វើអោយប៉ះពាល់ការចំណាយ និងខ្សែសង្វាក់ផ្គត់ផ្គង់ ដែលរំខានដល់សកម្មភាពធុរកិច្ច – Financial Times

ចិននឹងបន្តផ្ដល់ជូនកម្ពុជានូវវ៉ាក់សាំងដើម្បីជួយទប់ស្កាត់ជំងឺកូវីដ១៩ និងជំនួយពាក់ព័ន្ធនឹងវិស័យសុខាភិបាល។ ចិននឹងផ្ដល់អាហារូបករណ៍ដល់កម្ពុជាសម្រាប់ឆ្នាំ២០២២-២០២៣ ចំនួន ៥៥០អាហារូបករណ៍ និងពិចារណាបើកឱ្យនិស្សិតកម្ពុជាត្រឡប់ទៅសិក្សានៅចិនវិញ។ ចិននឹងចូលរួមប្រជុំអាស៊ី-អឺរ៉ុបនាពេលខាងមុខ និងគាំទ្រកម្ពុជាពេលធ្វើជាប្រធានអាស៊ាន ឆ្នាំ២០២២។ សម្តេចតេជោ ហ៊ុន សែន បានផ្តាំផ្ញើសួរសុខទុក្ខប្រធានាធិបតី Xi Jinping និងអរគុណចិនដែលតែងតែបដិសណ្ឋារកិច្ចយ៉ាងកក់ក្ដៅចំពោះព្រះមហាក្សត្រ និងសម្ដេចព្រះមហាក្សត្រី ក្នុងអំឡុងពេលព្រះរាជទស្សនកិច្ចពិនិត្យព្រះរាជសុខភាព។ សម្ដេចតេជោអបអរសាទរចំពោះកំណើនសេដ្ឋកិច្ចចិន ៩,៨ភាគរយ សម្រាប់ ៩ខែដំបូង នៅឆ្នាំ២០២១។ ប្រភព៖ SPM

មានតែ ៤១% ប៉ុណ្ណោះគាំទ្រប្រធានាធិបតីអាមេរិក លោក Joe Biden នៅក្នុងការវាយតម្លៃលើប្រធានាធិបតីរូបនេះ ខណៈដែលទំនុកចិត្តលើរូបលោកនៅតែបន្តធ្លាក់ចុះក្នុងកំឡុងពេលមានវិបត្តិអតិផរណា និងបញ្ហាលើចង្វាក់ផ្គត់ផ្គង់នៅអាមេរិក។ ទិន្នន័យដែលចេញផ្សាយក្រោយជ័យជំនះលើការអនុម័តកញ្ចប់ថវិកាផែនការហេដ្ឋារចនាសម្ព័ន្ធ ១,២ ទ្រីលានដុល្លារ និងការរំពឹងទុកកញ្ចប់ចំណាយសង្គម ១,៧ ទ្រីលានដុល្លារ ធ្វើឱ្យមានការព្រួយបារម្ភកាន់តែខ្លាំងឡើងសម្រាប់គណបក្សប្រជាធិបតេយ្យដែលនៅសល់ពេលតិចជាងមួយឆ្នាំ មុនឈានដល់ការបោះឆ្នោតពាក់កណ្តាលអាណត្តិខាងមុខនេះ។ ជាក់ស្ដែង មានតែ ៣៩% នៃអ្នកឆ្លើយតបប៉ុណ្ណោះ ដែលគាំទ្រការគ្រប់គ្រងសេដ្ឋកិច្ចរបស់លោក Biden។ តម្លៃទំនិញប្រើប្រាស់របស់អាមេរិកកើនឡើងក្នុងអត្រាប្រចាំឆ្នាំ ៦,២% ក្នុងខែតុលា ដែលជាការកើនឡើងខ្ពស់បំផុតចាប់តាំងពីឆ្នាំ១៩៩០។ រដ្ឋមន្រ្តីរតនាគារ អ្នកស្រី Yellen ស្តីបន្ទោសបញ្ហាកូវីដ១៩ លើបញ្ហាអតិផរណា និងបញ្ហាខ្សែចង្វាក់ផ្គត់ផ្គង់ ហើយព្យាករណ៍ថា តម្លៃទំនិញទំនងជានឹងត្រឡប់ទៅធម្មតានៅឆមាសទី២ ក្នុងឆ្នាំក្រោយ ប្រសិនបើអាមេរិកយកឈ្នះជំងឺរាតត្បាតនេះបាន។ ប្រភព៖ The Guardian

កូនប្រុសអតីតមេដឹកនាំលីប៊ី 🇱🇾 លោក Saif al-Islam Gadhafi វ័យ ៤៩ឆ្នាំ ឈរជាបេក្ខជនប្រធានាធិបតីសម្រាប់ការបោះឆ្នោតនៅខែធ្នូខាងមុខ ដោយគ្រោងនឹងបញ្ចប់ភាពចលាចលជាច្រើនឆ្នាំ ចាប់តាំងពីឪពុករបស់លោកត្រូវបានផ្តួលរំលំ។ លោក Saif al-Islam ដែលទទួលបានការអប់រំនៅសាលាសេដ្ឋកិច្ចទីក្រុង London គឺជាឥស្សរជនលេចធ្លោជាងគេ ថែមទាំងធ្លាប់ត្រូវបានរដ្ឋាភិបាលជាច្រើនមើលឃើញថាជាមុខមាត់ដែលអាចទទួលយកបាន និងរួសរាយរាក់ទាក់របស់ប្រទេសលីប៊ី។ គេរំពឹងថាលោកនឹងឈរឈ្មោះជាប្រធានាធិបតី រួមជាមួយបេក្ខជនផ្សេងទៀតដូចចា មេបញ្ជាការយោធាភាគខាងកើតលោក Khalifa Haftar នាយករដ្ឋមន្ត្រីលោក Abdulhamid al-Dbeibah និងប្រធានសភាលោក Aguila Saleh ។ ថ្វីបើមានការគាំទ្រជាសាធារណៈពីភាគីនានាក្នុងស្រុកភាគច្រើន និងមហាអំណាចបរទេសសម្រាប់ការបោះឆ្នោតខាងមុខក្ដី ក៏គេនៅតែសង្កេតឃើញថា ការបោះឆ្នោតស្ថិតក្នុងភាពស្រពិចស្រពិល ខណៈដែលអង្គភាពគូប្រជែងឈ្លោះប្រកែកគ្នាលើការគ្រប់គ្រង និងកាលវិភាគ។ ប្រភព៖ CNN