រាជរដ្ឋាភិបាលកម្ពុជា និងវិទ្យាស្ថានស្រាវជ្រាវសេដ្ឋកិច្ចសម្រាប់អាស៊ាន និងអាស៊ីបូព៌ា (ERIA) បានបោះពុម្ភផ្សាយរួមគ្នានូវសៀវភៅមានចំណងជើងថា “កិច្ចប្រជុំកំពូលអាស៊ី-អឺរ៉ុបលើកទី១៣៖ កិច្ចសហប្រតិបត្តិការពហុភាគីនិយមដើម្បីអនាគតដែលមានភាពធន់ មានចីរភាព និងផ្អែកលើច្បាប់សម្រាប់ ASEM”។ ដើម្បីបន្ស៊ីជាមួយមូលបទរបស់យើង “ការពង្រឹងពហុភាគីនិយមសម្រាប់កំណើនរួម” សៀវភៅនេះគូសបញ្ជាក់ពីសារៈសំខាន់នៃវិធីសាស្រ្ត និងសកម្មភាពរួម រវាងបណ្តាប្រទេសនៃទ្វីបអាស៊ី និងអឺរ៉ុប ដើម្បីដោះស្រាយបញ្ហាប្រឈមក្នុងតំបន់ និងពិភពលោក ព្រមទាំងឆ្ពោះទៅកាន់អនាគតរួមគ្នា។ ការតភ្ជាប់នៅតែស្នូលនៃដំណើរការ ASEM! ✍🏽 PSK

១. គ្រោះថ្នាក់ចរាចរណ៍ ៩ករណី ស្លាប់ ១០នាក់ និងរបួសធ្ងន់ស្រាល ៤នាក់។ ២. បទល្មើសព្រហ្មទណ្ឌ ១៣ករណី ឃាត់ខ្លួនជនសង្ស័យ ១៨នាក់។ ៣. គ្រឿងញៀន ១៥ករណី ឃាត់ខ្លួនជនសង្ស័យ ៣១នាក់។ ៤. កូវីដ ៦៣ករណី និងជាសះស្បើយ ៦៧នាក់។ អ្នកឆ្លងសរុប ១១៩ ៤២១នាក់ អ្នកជាសះស្បើយ ១១៥ ៧៩៧នាក់ អ្នកស្លាប់ ២ ៨៥៦នាក់ ៥. បទល្មើសនឹងវិធានការសុខាភិបាលសរុប គ្មាន។ ចេញផ្សាយ ១២:១៥ ថ្ងៃទី១២ វិច្ឆិកា ២០២១

រកឃើញករណីឆ្លងថ្មី ៦៣នាក់ ជាសះស្បើយ ៦៧នាក់ ស្លាប់ ៦នាក់ គិតត្រឹមថ្ងៃទី១២ វិច្ឆិកា ២០២១ ចំនួនអ្នកឆ្លងសរុប៖ ១១៩.៤២១នាក់ ចំនួនអ្នកជាសះស្បើយ៖ ១១៥.៧៩៧នាក់ ចំនួនអ្នកស្លាប់សរុប៖ ២.៨៥៦នាក់

លោក Patrice Talon ប្រធានាធិបតីបេណាំងថ្លែងក្នុងពិធីប្រគល់ទទួលនៅប្រទេសបារាំងថា “វត្ថុបុរាណទាំងនេះគឺជាដួងព្រលឹងរបស់យើង” ។ វត្ថុបុរាណទាំងនេះត្រូវបានលួចកាលពី ១៣០ឆ្នាំមុន នៅពេលដែលកងទ័ពបារាំងបានវាយឆ្មក់ចូលព្រះរាជាណាចក្រអាហ្រ្វិកខាងលិចនៃដាហូម៉ី បច្ចុប្បន្នហៅថា បេណាំង 🇧🇯។ រដ្ឋាភិបាលបេណាំង សង្ឃឹមថាវត្ថុបុរាណទាំង ២៦ នឹងបានជួបជុំជាមួយកំណប់ទ្រព្យជិត ៥ ០០០វត្ថុទៀតដែលពួកគេបានស្នើសុំជាផ្លូវការពីប្រទេសបារាំង។ កំណប់ទ្រព្យសម្បតិ្តអាណានិគមចំនួនសរុប ៩០ ០០០ កំពុងត្រូវបានកាន់កាប់ដោយបារាំង។ ប្រភព៖ Vice News

ផ្កាយរណបត្រួតពិនិត្យការបំភាយឧស្ម័នសកល (GHGSat) បានកត់ត្រាការកើនឡើងនៃឧស្ម័នមេតានដែលត្រូវបានបញ្ចេញពីទីតាំងពីរនៅជិតកណ្តាលទីក្រុង។ រូបភាពផ្កាយរណបពីវិទ្យាស្ថានសម្រាប់ការស្រាវជ្រាវអវកាស SRON Netherlands បានកត់ត្រាថាមេតានទាំងនោះកំពុងបញ្ចេញឧស្ម័នផ្ទះកញ្ចក់ (GHG) ក្នុងអត្រាប្រហែល ៥ ០០០គីឡូក្រាមក្នុងមួយម៉ោង។ មូលហេតុនៃការបំភាយឧស្ម័ននៅមិនទាន់ដឹងនៅឡើយទេ បុន្តែគេដឹងថាមេតានលេចធ្លាយពេលទីក្រុងម៉ាឌ្រីដមានសីតុណ្ហភាពខ្ពស់បំផុតមិនធ្លាប់មានគឺ ៤០,៧២ អង្សាសេ។ ១២ វិច្ឆិកា ២០២១ ប្រភព៖ CGTN

📷 Wildlife Alliance

ចម្ងាយ៖ ៩០ គម ទីកន្លែង៖ ភ្នំខ្នងវាល ភ្នំហប់ ក្បាលទឹកស្តេចក្សាន្ត ភ្នំខ្នងផ្សារ ខ្នងស្រូវ ខ្នងសំពៅ ខ្នងកាំភ្លើងធំ ព្រះបាតជាន់ទុក ភ្នំខ្នងក្រពើ ខ្នងវិហារ ទឹកធ្លាក់អូរខ្មែរក្រហម រូងជំនាង ល្អាងខ្មោច ទឹកធ្លាក់អន្លង់ស្វាយ វាលស្រង៉ាម តំបន់ព្រៃអារ៉ែង និង កោះកុងក្រៅ ( ខេត្តកំពង់ស្ពឺ-កោះកុងក្រៅ)។ 📸 Yon Seng Yeath

១. កម្ពុជាកំពុងមានការដ្ឋានអាជីវកម្មរ៉ែមាស ៧ទីតាំង នៅក្នុងខេត្តចំនួន៥ ខណៈការផលិតមាសនៅតំបន់អូរខ្វាវ ខេត្តមណ្ឌលគិរី បានជិត៨០០គីឡូក្រាម – AMS Central ២. តំណាងពាណិជ្ជកម្ឋអាមេរិក នឹងពិចារណាវាយតម្លៃក្នុងការបន្តផ្តល់ប្រព័ន្ធអនុគ្រោះទូទៅ GSP ឱ្យកម្ពុជាឡើងវិញ ក្រោយមានការអនុញ្ញាតពីសភាអាមេរិក – ថ្មីៗ ៣. ផ្សារគំរូ ឬផ្សារដាកម្ពុជា-វៀតណាម ដែល មានផ្ទៃដីទំហំជាង២ហិកតា គ្រោងនឹងបើកអាជីវកម្មនៅថ្ងៃទី១៦ វិច្ឆិកាខាងមុខនេះ – ខ្មែរថាមស៍ ៤. រដ្ឋមន្ត្រីការបរទេសថ្មីជប៉ុនលោក Yoshimasa Hayashi បានសង្កត់ធ្ងន់លើសារៈសំខាន់នៃទំនាក់ទំនងប្រកបដោយភាពស្ថាបនា និងស្ថិរភាពជាមួយប្រទេសចិន និងអំពាវនាវឱ្យចិនបង្ហាញអាកប្បកិរិយាប្រកបដោយទំនួលខុសត្រូវ – NDTV ៥. រដ្ឋមន្រ្តីការបរទេសគុយបាលោក Bruno Rodriguez បានចោទប្រកាន់រដ្ឋាភិបាលអាមេរិកបច្ចុប្បន្ន អំពីការព្យាយាមបំផុសឱ្យមានអស្ថិរភាពផ្ទៃក្នុងរបស់ប្រទេសខ្លួន – Xinhua

ក្រសួងការងារអាមេរិកថា ការកើនឡើងនេះបណ្ដាលមកពីការកើនឡើងយ៉ាងខ្លាំងនៃតម្លៃថាមពល កន្លែងស្នាក់នៅ អាហារ រថយន្តប្រើប្រាស់ និងឡានដឹកទំនិញ ខណៈយានជំនិះថ្មីក៏បានរួមចំណែកយ៉ាងធំ។ រីឯអ្នកសេដ្ឋកិច្ចថា ការកើនឡើងនេះ ផ្សារភ្ជាប់ទៅនឹងការស្ទុះងើបឡើងវិញនៃតម្រូវការអ្នកប្រើប្រាស់ទំនិញ និងសេវាកម្ម នៅពេលដែលជំងឺរាតត្បាតធ្លាក់ចុះ។ បញ្ហាខ្សែចង្វាក់ផ្គត់ផ្គង់ដែលកំពុងបន្តអូសបន្លាយ និងកង្វះខាតជាក់ស្តែងនៃកម្មករប្រាក់ឈ្នួលទាប ធ្វើឱ្យមានការព្រួយបារម្ភពីអតិផរណា។ ប្រភព៖ abc