នេះជាជោគជ័យធំធេងណាស់នៅក្នុងក្របខណ្ឌនៃខឿនការពារសុខភាពរបស់ប្រជាជនយើង។ ក្រៅពីប្រជាជនដែលមានអាយុ១៨ឡើងចំនួនជាង១០លាននាក់បានចាក់វ៉ាក់សាំង យើងក៏បានចាក់វ៉ាក់សាំងជូនកុមារ និងយុវវ័យអាយុ១២-១៨ឆ្នាំបានចំនួន ១ ៧៨៨ ៨០២នាក់ ដែលស្មើនឹង ៩៧.៨% និងកុមារអាយុពី៦-១២ឆ្នាំបានចំនួន ១ ៩២០ ៥៩៩នាក់ ស្មើនឹង ១០១.២២%។ គិតសរុប យើងបានចាក់វ៉ាក់សាំងជូនជនរួមជាតិយើងចំនួន ១៣ ៧០៩ ៤៨៧នាក់ ស្មើនឹង ៨៥.៦% នៃប្រជាជនសរុប១៦លាននាក់។ កិច្ចការបន្តរបស់យើងគឺត្រូវបញ្ចប់ការចាក់ដូសទី២ សម្រាប់អ្នកដែលបានចាក់ដូសទី១ និងបន្តចាក់ជូនប្រជាជនដែលមិនទាន់បានចាក់វ៉ាក់សាំងដូសទី១។ វាកាន់តែសំខាន់ជាងនេះទៀតគឺយើងត្រូវតែបន្តការខិតខំចាក់វ៉ាក់សាំងដូសទី៣ជូនប្រជាជនយើងឱ្យខាងតែបាន ដែលមកដល់ពេលនេះយើងមានវ៉ាក់សាំងក្នុងដៃប្រមាណជិត១០លានដូស និងមានមនុស្សបានចាក់វ៉ាក់សាំងដូសទី៣ប្រមាណជិត២លាននាក់រួចមកហើយ។ វ៉ាក់សាំងនឹងមកដល់ជាបន្តបន្ទាប់ទៀត។ នៅថ្ងៃទី១ វិច្ឆិកា យើងចាប់ផ្តើមចាក់ជូនកុមារអាយុ៥ឆ្នាំដែលមានជាង៣០មុឺននាក់បន្តទៀត។ ✍🏽 SPM

https://www.facebook.com/109417220955491/posts/349665763597301/?d=n ១ វិច្ឆិកា ២០២១

ចក្រភពអង់គ្លេសសង្ឃឹមថា កិច្ចប្រជុំកំពូលនៅទីក្រុង Glasgow នឹងអនុម័តផែនការដើម្បីខិតទៅជិតគោលដៅនៃការកំណត់ការកើនឡើងនៃសីតុណ្ហភាពសកលជាមធ្យមត្រឹម ១,៥ អង្សាសេ និងដើម្បីសម្រេចបាននូវការបំភាយកាបូននៅកម្រិតសូន្យ ឬអព្យាក្រឹត្យកាបូននៅឆ្នាំ២០៥០ ខណៈក្រុមប្រទេសអភិវឌ្ឍ G20 ទទួលខុសត្រូវលើការបំភាយកាបូនជាសកលប្រមាណ ៨០%។ ប្រភព៖ Reuters

នៅក្នុងកិច្ចប្រជុំកំពូលក្រុមប្រទេស G20 កាលពីថ្ងៃទី៣០ តុលា រដ្ឋមន្ត្រីការបរទេសចិនលោកWang Yi បាននិយាយថា កោះតៃវ៉ាន់គ្មានអនាគតអ្វីផ្សេងពីការបង្រួបបង្រួមឡើងវិញជាមួយចិនដីគោកទេ។ ”ប្រវត្តិសាស្ត្រ និងអង្គហេតុផ្លូវច្បាប់នៃ ‘ចិនតែមួយ’ គឺមិនអាចប្រកែកបានទេ ហើយវឌ្ឍនភាពសម្រាប់ប្រជាជន ១,៤ ពាន់លាននាក់របស់ប្រទេសចិន ដើម្បីលើកកម្ពស់ការបង្រួបបង្រួមជាតិដោយសន្តិភាពនៃមាតុភូមិ គឺមិនអាចបញ្ឈប់បានទេ”។ កាលពីដើមសប្ដាហ៍មុន ក្រុងប៉េកាំងរិះគន់ការអំពាវនាវរបស់រដ្ឋមន្ត្រីការបរទេសអាមេរិកលោក Blinken ដែលគាំទ្រឱ្យមានការចូលរួមរបស់កោះតៃវ៉ាន់ក្នុង UN ហើយក្រុងប៉េកាំងក៏បានព្រមានថា ការគាំទ្រកោះតៃវ៉ាន់នឹងបង្កហានិភ័យដ៏ធំធេងក្នុងទំនាក់ទំនងរវាងចិន និងអាមេរិក។ ដោយឡែក ចិនក៏បានផ្ញើរសារមួយទៅកាន់លីទុយអានីផងដែរ បន្ទាប់ពីប្រទេសនេះយល់ព្រមជាមួយកោះតៃវ៉ាន់ក្នុងការបើកការិយាល័យការទូតទៅវិញទៅមក។ ប្រភព៖ The Straits Times

📸 ASEAN urbanist

អ្នកនាំពាក្យក្រុមតាលីបង់ លោក Zabihullah Mujahid បាននិយាយថា “សាររបស់យើងចំពោះអាមេរិកគឺ ប្រសិនបើនៅតែមិនទទួលស្គាល់ក្រុមតាលីបង់ បញ្ហាអាហ្វហ្កានីស្ថាននៅតែកើតមានក្នុងតំបន់ ហើយអាចរាលដាលជាបញ្ហាសម្រាប់ពិភពលោក” ។ មកទល់ពេលនេះ គ្មាន ប្រទេស ណា មួយ ទទួល ស្គាល់រដ្ឋាភិបាល ក្រុម តាលីបង់ជាផ្លូវការឡើយ ចាប់ តាំង ពី ពួកគេបាន ឡើង កាន់ អំណាច ក្នុង ប្រទេស អាហ្វហ្កានីស្ថាន នា ខែ សីហាមក។ ប្រភព៖ CGTN

១. គ្រោះថ្នាក់ចរាចរណ៍ ១១ករណី ស្លាប់ ៧នាក់ និងរបួស ១២នាក់។ ២. បទល្មើសព្រហ្មទណ្ឌ ៩ករណី ឃាត់ខ្លួនជនសង្ស័យ ១១នាក់។ ៣. គ្រឿងញៀន ១០ករណី ឃាត់ខ្លួនជនសង្ស័យ ២៥នាក់។ ៤. កូវីដ ៩៥ករណី និងជាសះស្បើយ ១៩៣នាក់។ អ្នកឆ្លងសរុប ១១៨ ៥២២នាក់ អ្នកជាសះស្បើយ ១១៤ ៧២៧នាក់ អ្នកស្លាប់ ២ ៧៨៨នាក់ ៥. បទល្មើសនឹងវិធានការសុខាភិបាលសរុប គ្មាន។ ចេញផ្សាយ ១២:១៥ ថ្ងៃទី៣១ តុលា ២០២១

រកឃើញករណីឆ្លងថ្មី ៩៥នាក់ ជាសះស្បើយ ១៩៣នាក់ ស្លាប់ ៧នាក់ គិតត្រឹមថ្ងៃទី៣១ តុលា ២០២១ ចំនួនអ្នកឆ្លងសរុប៖ ១១៨.៥២២នាក់ ចំនួនអ្នកជាសះស្បើយ៖ ១១៤.៧២៧នាក់ ចំនួនអ្នកស្លាប់សរុប៖ ២.៧៨៨នាក់

ប្រភព៖ CGTN