“ទម្លាប់ថ្មី និងទម្លាប់ស្អាត” មិនត្រឹមតែសំដៅដល់ទម្លាប់ការទុកដាក់សំរាមឱ្យបានត្រឹមត្រូវប៉ុណ្ណោះទេ តែជាការជំរុញ និងការលើកកម្ពស់ការរស់នៅដោយស្មារតីប្រុងប្រយ័ត្ន និងការបំពេញការងារ ការប្រកបវិជ្ជាជីវៈផ្សេងៗឱ្យមានប្រសិទ្ធភាពក្នុងពេលកូវីដ១៩។ នេះជាការលើកឡើងរបស់ប្រធានសហភាពសហព័ន្ធយុវជនកម្ពុជា និងជាសហស្ថាបនិកនៃគម្រោងស្អាត លោក ហ៊ុន ម៉ានី ក្នុងកម្មវិធីបើកយុទ្ធនាការភ្នំពេញស្អាត ២០២១ ក្រោមប្រធានបទ “ទម្លាប់ថ្មី ទម្លាប់ស្អាត” នៅព្រឹកថ្ងៃទី០១ វិច្ឆិកា ២០២១ តាមរយៈប្រព័ន្ធវីដេអូ។ ប្រភព៖ UYFC

សម្ព័ន្ធគណបក្សកាន់អំណាចកាន់កាប់អាសនៈនៅសភាជាន់ទាបសរុប ២៩៣ ក្នុងចំណោម ៤៦៥អាសនៈសរុប ដោយក្នុងនោះគណបក្ស LDP ឈ្នះបានអាសនៈសរុប ២៦១។ ដោយឡែក គណបក្សប្រជាធិបតេយ្យរដ្ឋធម្មនុញ្ញ នៅតែជាគណបក្សប្រឆាំងដ៏ធំជាងគេដដែល ដោយរក្សាបាននូវអាសនៈចំនួន ៩៦។ ទោះបីជាគណបក្ស LDP ឈ្នះឆ្នោតក្នុងប្រព័ន្ធសមាមាត្រក្ដី អគ្គលេខាធិការគណបក្ស លោក Akira Amari សម្រេចលាលែងពីតំណែង ក្រោយពេលដែលលោកបានចាញ់ឆ្នោតក្នុងមណ្ឌលរបស់ខ្លួន។ ប្រភព៖ NHK News

មេដឹកនាំកំពូលតាលីបង់ Haibatullah Akhudzada បានថ្លែងសេចក្ដីថ្លែងការណ៍ទៅកាន់អ្នកគាំទ្រនៅទីក្រុង Kandahar ប្រទេសអាហ្វហ្គានីស្ថាន កាលពីថ្ងៃអាទិត្យដែលជាការបង្ហាញខ្លួនជាសាធារណៈលើកដំបូងរបស់លោករាប់ចាប់តាំងពីឡើងធ្វើជាមេដឹកនាំក្រុមនេះក្នុងឆ្នាំ២០១៦។ តាមសារសំឡេងដែលបានចែកចាយដោយប្រព័ន្ធផ្សព្វផ្សាយបណ្តាញសង្គមលោកនិយាយថា៖ សូមព្រះជាម្ចាស់ប្រទានពរដល់ប្រជាជនអាហ្វហ្គានីស្ថានដែលត្រូវបានសង្កត់សង្កិន និងបានតស៊ូប្រយុទ្ធនឹងពួកក្បត់ជាតិនិងអ្នកជិះជាន់អស់រយៈពេល២០ ឆ្នាំ និងបានបន់ស្រន់ដល់ទុក្ករបុគ្គលតាលីបង់ យុទ្ធជនដែលរងរបួស និងសុំភាពជោគជ័យដល់មន្ត្រីដែលពាក់ព័ន្ធនឹងការសាកល្បងដ៏ធំនៃការកសាងអេមីរ៉ាតអ៉ីស្លាមនៃអាហ្វហ្គានីស្ថានឡើងវិញ។ ប្រភព៖ CNA

១ វិច្ឆិកា ២០២១

១. កម្ពុជាកំពុងពិភាក្សាគ្នាដើម្បីយកវ៉ាក់សាំងទៅចាក់ជូនពលករខ្មែរកំពុងធ្វើការនៅប្រទេសថៃ ២. កម្ពុជាស្ថិតក្នុងស្ថានភាពរឹងមាំក្នុងការចាកចេញពីជំងឺកូវីដ១៩ ទៅតាមប្រក្រតីភាពថ្មី ដើម្បីបើកឡើងវិញនូវសកម្មភាពសង្គមសេដ្ឋកិច្ច ៣. បើគិតចំនួនប្រជាពលរដ្ឋ ១៦លាននាក់ និងចំនួនឆ្លងបច្ចុប្បន្ននេះ អត្រាឆ្លងជំងឺកូវីដ១៩ មាន ០.៧៤ភាគរយ, ខណៈអត្រាអ្នកស្លាប់មានត្រឹម ០.០១៧ភាគរយ ៤. នៅអំឡុងពេលកូវីដផ្ទុះឡើង កម្ពុជាបានឆ្លងកាត់ ៤ដំណាក់កាល ទាំងការទប់ស្កាត់ការឆ្លង, ទប់ស្កាត់ការឆ្លងចូលសហគមន៍, បង្កើនភាពស៊ាំ និងបើកដំណើរការឡើងវិញនូវសេដ្ឋកិច្ច ៥. កម្ពុជាចាយលុយសម្រាប់សង្គ្រោះប្រជាពលរដ្ឋក្រីក្រក្នុងដំណាក់កាលកូវីដ១៩ ប្រមាណជា៤០០លាន ៦. កម្ពុជាទទួលបានការសន្យាផ្គត់ផ្គង់ និងផ្តល់វ៉ាក់សាំងរហូតដល់ជាង ៤៧.២លានដុល្លារ ប៉ុន្តែរហូតដល់ពេលនេះ យើងទទួលបានជាង ៣៨លានដូស ក្នុងនោះកម្ពុជាទិញផ្ទាល់២៨លានដូស ៧. កម្ពុជាបានទិញឱសថព្យាបាលជំងឺកូវីដ១៩ របស់អាមេរិក សម្រាប់ព្យាបាលអ្នកជំងឺ ៥ម៉ឺននាក់ កម្ពុជាមិនមែនប្រើប្រាស់តែឱសថចិននោះទេ ៨. កម្ពុជានឹងបន្តចាក់ដូសទី៤ បើស្ថានភាពតម្រូវ ៩. សិស្សថ្នាក់ទី១២ ត្រូវតែប្រឡង មិនអាចឱ្យជាប់ដោយស្វ័យប្រវត្តិទេ