១. ក្រសួងទេសចរណ៍ បានសម្រេចបង្កើតក្រុមការងារមួយ ដើម្បីសម្របសម្រួលនូវការអនុវត្តគម្រោងផ្នែកទេសចរណ៍របស់ដៃគូអភិវឌ្ឍ ពីអង្គការជាតិ និងអន្តរជាតិនានា ក្នុងការចូលរួមស្តារនិងលើកកម្ពស់វិស័យទេសចរណ៍ – RFI ២. ៩ខែ ឆ្នាំ២០២១នេះ ការនាំចេញបន្លែរបស់កម្ពុជាទៅកាន់ទីផ្សារក្រៅប្រទេសមានត្រឹមតែ ៧៧,៥តោនប៉ុណ្ណោះ ថយចុះចំនួន ១១,៥% ខណៈគោលដៅនាំចេញគឺមានតែទៅបារាំង – រស្មីកម្ពុជា ៣. រាជរដ្ឋាភិបាល ប្តេជ្ញាបញ្ចប់បញ្ហារថយន្តមិនបង់ពន្ធ និងអាករនាំចូល និងរថយន្តចង្កូតស្តាំខុសច្បាប់ ចាប់ពីថ្ងៃទី១ ខែកក្កដា ឆ្នាំ២០២២ – កោះសន្តិភាព ៤. អាមេរិកនឹងទទួលយកភ្ញៀវទេសចរអន្ដរជាតិឡើងវិញ ដែលបានទទួលការចាក់វ៉ាក់សាំងបង្ការជំងឺកូវីដ១៩ ដែលបានអនុម័តឱ្យប្រើប្រាស់ដោយនិយតករអាមេរិក ឬអង្គការសុខភាពពិភពលោក (WHO) – SCMP ៥. ប្រធានាធិបតីចិនលោក Xi Jinping សន្យាថានឹងសម្រេចការបង្រួបបង្រួមជាតិជាមួយកោះតៃវ៉ាន់ដោយសន្តិវិធី ហើយលោកក៏មិនបានលើកឡើងពីការប្រើប្រាស់កម្លាំងយោធាដែរ – Reuters

១. គ្រោះថ្នាក់ចរាចរណ៍ ១២ករណី ស្លាប់ ៥នាក់ និងរបួសធ្ងន់ស្រាល ២៨នាក់។ ២. បទល្មើសព្រហ្មទណ្ឌ ១០ករណី ឃាត់ខ្លួនជនសង្ស័យ ១៤នាក់។ ៣. គ្រឿងញៀន ៨ករណី ឃាត់ខ្លួនជនសង្ស័យ ១៦នាក់។ ៤. កូវីដ ២២០ករណី និងជាសះស្បើយ ៥៣៧នាក់។ អ្នកឆ្លងសរុប ១១៤ ៥៧១នាក់ អ្នកជាសះស្បើយ ១០៧ ៣៧៦នាក់ អ្នកស្លាប់ ២ ៤៨២នាក់ ៥. បទល្មើសនឹងវិធានការសុខាភិបាលសរុប ៥ករណី។ ឃាត់ខ្លួនអប់រំ និងពិន័យសរុប ៥នាក់ ឃាត់យានយន្ដ គ្មាន ពិន័យជាប្រាក់ ២០០ ០០០រៀល ចេញផ្សាយ ១២:១៥ ថ្ងៃទី៩ តុលា ២០២១

រកឃើញករណីឆ្លងថ្មី ២២០នាក់ ជាសះស្បើយ ៥៣៧នាក់ ស្លាប់ ២៣នាក់ គិតត្រឹមថ្ងៃទី៩ តុលា ២០២១ ចំនួនអ្នកឆ្លងសរុប៖ ១១៤.៥៧១នាក់ ចំនួនអ្នកជាសះស្បើយ៖ ១០៧.៣៧៦នាក់ ចំនួនអ្នកស្លាប់សរុប៖ ២.៤៨២នាក់

📷-មរតកខ្មែរអង្គរ

១. ក្រសួងបរិស្ថាន ប្រគល់ជូនរថយន្ត និងម៉ូតូដឹកសំរាមសំណល់រឹងចំនួន ១៧គ្រឿង ដល់អង្គភាពរដ្ឋបាលក្រុង-ស្រុកចំនួន ១៦ មកពីរាជធានី-ខេត្តចំនួន ៨ និងអង្គការចំនួន ១ – ភ្នំពេញបុស្តិ៍ ២. សហគមន៍កសិកម្មចំនួន ១១ នៅខេត្តកំពង់ធំ បានទទួលម៉ាស៊ីនដាំស្រូវពីមន្ទីរកសិកម្មខេត្ត ដែលនឹងធ្វើឱ្យប្រសើរឡើងនូវផលិតភាពដោយបង្កើនល្បឿនផលិតកម្មស្រូវ និងកាត់បន្ថយកម្លាំងពលកម្ម – ខ្មែរថាមស៍ ៣. ស្លឹកគ្រៃភ្លុកដំរី កំពុងមានតម្រូវការទីផ្សារល្អ សម្រាប់នាំចេញទៅថៃ ដោយប្រទេសនេះមានតម្រូវការប្រមាណ ១០០តោន ក្នុង១សប្តាហ៍ តែកសិករខ្មែរមានលទ្ធភាពផ្គត់ផ្គង់ស្លឹកគ្រៃក្រៀម ប្រមាណ ៥តោនប៉ុណ្ណោះ ក្នុង១សប្ដាហ៍ – FN ៤. គ្រោះរញ្ជួយដីកម្រិត ៦,១ រ៉ិចទ័របានវាយប្រហារទីក្រុងតូក្យូ ប្រទេសជប៉ុន និងតំបន់ជុំវិញកាលពីល្ងាចថ្ងៃទី៧ ខែតុលា និងបណ្តាលឱ្យរបួសមនុស្សជាង ២០នាក់ – CNA ៥. អ្នកកាសែតជនជាតិហ្វីលីពីនលោកស្រី Maria Ressa និងអ្នកកាសែតរុស្ស៊ីលោក Dmitry Muratov បានឈ្នះពានរង្វាន់សន្តិភាពសម្រាប់ការតស៊ូយ៉ាងក្លាហានដើម្បីសេរីភាពក្នុងការបញ្ចេញមតិនៅក្នុងប្រទេសហ្វីលីពីន និងប្រទេសរុស្ស៊ី…