អត្តសញ្ញាណអ្នកវិជ្ជមានកូវីដ១៩ចំនួន ១៩នាក់ និងជាសះស្បើយចំនួន ១នាក់ នៅខេត្តកំពង់ឆ្នាំង រកឃើញថ្ងៃទី២៦ ឧសភា ២០២១ អ្នកឆ្លងសរុប ២១៦នាក់ ជាសះស្បើយសរុប ៣២នាក់ ស្លាប់ ៣នាក់

២៧ ឧសភា ២០២១

ស្ថានទូតចិនប្រចាំនៅអាមេរិកថាការស្រាវជ្រាវប្រភពដើមនៃមេរោគកូវីដ១៩ ជាភារកិច្ចរបស់អ្នកវិទ្យាសាស្ត្រ ហើយការប្រើប្រាស់ការស៊ើបអង្កេត ដើម្បីចំណេញនយោបាយនឹងបំផ្លាញដល់កិច្ចសហប្រតិបត្តិការប្រយុទ្ធប្រឆាំងនឹងជំងឺដ៏កាចសាហាវនេះ។ នេះបើតាម Reuters នៅថ្ងៃទី២៧ ឧសភា។ ប្រធានាធិបតីអាមេរិកលោក ចូ បៃដិន នៅថ្ងៃពុធសប្ដាហ៍នេះ បានបញ្ជាឱ្យទីភ្នាក់ងារស៊ើបការណ៍សម្ងាត់អាមេរិក តាមដានរកប្រភពដើមនៃកូវីដ១៩ ហើយរាយការណ៍មកកាន់លោកវិញក្នុង ៩០ថ្ងៃ។ អង្គការសុខភាពពិភពលោក WHO បានច្រានចោលអំណះអំណាងដែលថា វីរុសកូវីដ១៩ត្រូវបានធ្លាយចេញពីមន្ទីរពិសោធន៍ បន្ទាប់ពីអ្នកជំនាញរបស់ WHO បានធ្វើដំណើរទស្សនកិច្ចរយៈពេល ១២ ថ្ងៃទៅប្រទេសចិន ដើម្បីស៊ើបអង្កេតពីប្រភពដើមនៃជំងឺកូវីដ១៩ក្នុងទីក្រុងវូហាន។ WHO ធ្លាប់បានបញ្ជាក់ថា វាមានលទ្ធភាពខ្ពស់ជាទីបំផុត ដែលវីរុសកូរ៉ូណាមានប្រភពដើមចេញពីសត្វ រួចទើបចម្លងទៅកាន់មនុស្ស។ ប្រភព៖ Reuters

ប្រធានាធិបតីម៉ាលី 🇲🇱 លោក Bah N’Daw និងនាយករដ្ឋមន្រ្តី លោក Moctar Ouane នៅថ្ងៃព្រហស្បតិ៍នេះ ត្រូវបានយោធាដោះលែងវិញហើយ ក្រោយបានចាប់ខ្លួនកាលពីថ្ងៃទី២៤ ឧសភាកន្លងទៅ។ ប្រភព៖ AFP

អូស្រ្តាលី 🇦🇺 ប្រកាសបិទស្ថានទូតរបស់ខ្លួននៅទីក្រុងកាប៊ុល ដោយលើកឡើងពីកង្វល់បញ្ហាសន្ដិសុខ និងសុវត្ថិភាពរបស់មន្ដ្រីការទូតរបស់ខ្លួន ខណៈដែលអាមេរិក និងអង្គការ NATO នឹងដកកម្លាំងទ័ពចេញទាំងស្រុងនៅថ្ងៃទី១១ កញ្ញាខាងមុខ។ នេះបើតាមការចេញផ្សាយរបស់សារព័ត៌មាន The Diplomat កាលពីថ្ងៃទី២៦ ឧសភា។ ស្ថានទូតនានា បាននិងកំពុងបញ្ជូនមន្ដ្រីការទូតរបស់ខ្លួនត្រលប់ទៅប្រទេសកំណើតវិញជាបណ្ដើរៗ និងជំរុញឱ្យប្រជាជនរបស់ខ្លួនពិចារណាចាកចេញពីអាហ្វហ្កានីស្ថាន 🇦🇫 ខណៈក្រុមឧទ្ទាមតាលីបង់បង្កើនការវាយប្រហារខិតចូលជិតរដ្ឋធានីកាប៊ុល។ ក្រសួងការបរទេសអាហ្វហ្កានីស្ថានបានប្តេជ្ញាបន្តការពារសន្តិសុខជូនមន្រ្តីការទូតបរទេស ព្រមទាំងសង្ឃឹមថាអូស្ត្រាលីនឹងពិចារណាផ្លាស់ប្តូរជំហររបស់ខ្លួនវិញ។ ប្រភព៖ The Diplomat

ប្រភព៖ AMS Economy

សមាជិកសភាជាន់ទាបអាមេរិក 🇺🇸 បានណែនាំច្បាប់ថ្មីឈ្មោះថា “ការធានាភាពជាអ្នកដឹកនាំនិងការចូលរួមជាសកលរបស់អាមេរិក” ឬ EAGLE ដែលមានគោលបំណងប្រឆាំងបញ្ហាប្រឈមខាងគោលនយោបាយការបរទេសដែលបង្កឡើងដោយចិន 🇨🇳 ជរុញសណ្តាប់ធ្នាប់អន្តរជាតិ និងរួមចំណែកក្នុងការថែរក្សាសន្តិភាពពិភពលោក។ ប្រភព៖ SCMP

ប្រធានាធិបតីបេឡារុសលោក Alexander Lukashenko បានថ្លែងសុន្ទរកថាទៅកាន់សភាកាលពីថ្ងៃទី២៦ ឧសភាថា អ្នកកាសែតប្រឆាំង Roman Protasevich ដែលត្រូវបានចាប់ខ្លួន បានរៀបចំផែនការបះបោរបង្ហូរឈាមមួយ ប៉ុន្តែ Lukashenko មិនទាន់បានផ្តល់ព័ត៌មានលម្អិតជុំវិញផែនការនេះឡើយ។ ការអំពាវនាវឱ្យដោះលែងអ្នកកាសែតរូបនេះ និងសំណើរបិទជើងហោះហើរបេឡារុសរបស់លោកខាងលិច ក៏ត្រូវបានលោក Lukashenko មើលឃើញថាជាការបង្កាត់ភ្លើងសង្គ្រាមប្រឆាំងនឹងរដ្ឋាភិបាលលោក។ Roman Protasevich ដែលជាអ្នកកាសែតប្រឆាំងប្រធានាធិបតីបេឡារុស ត្រូវបានចាប់ខ្លួនកាលពីថ្ងៃទី២៣ ឧសភា បន្ទាប់ពីយន្ដហោះដែលគាត់ជិះត្រូវបានបង្ខំឱ្យចុះចតនៅទីក្រុង Minsk បេឡារុស ក្រោយមានការគំរាមបំផ្ទុះគ្រាប់បែកនៅលើយន្ដហោះនោះ។ ប្រភព៖ Reuters

២៧ ឧសភា ២០២១ 📷 AFP