បរទេស ៖ ការបោះឆ្នោតជ្រើសរើសប្រធានាធិបតីអាមេរិកត្រូវបានរំខាន នៅក្នុងរដ្ឋសមរភូមិ ជាច្រើន ដោយសារតែការគម្រាមកំហែងគ្រាប់បែក ជាបន្តបន្ទាប់ នេះបើតាម AP។ ការគម្រាមបំផ្ទុះគ្រាប់បែកនៅផ្នែកខ្លះនៃរដ្ឋ Arizona, រដ្ឋ Georgia និង Pennsylvania បានក្លាយជាការបោកបញ្ឆោត ប៉ុន្តែ ការជម្លៀសដោយបង្ខំ នៅកន្លែងបោះឆ្នោតមួយចំនួន នាំឲ្យមានការអូសបន្លាយពេលវេលា។ ការគម្រាមកំហែងនេះត្រូវបានគេរាយការណ៍ថា ក៏បានកើតមាននៅទីតាំងបោះឆ្នោត ក្នុងសង្កាត់ដែលមានផ្លូវរថភ្លើងក្រោមដី ឬ Metro ចំនួនបី នៅក្នុងទីក្រុង Atlanta រដ្ឋ Georgia ដែលមានអ្នកបោះឆ្នោតគាំទ្រខាងបក្សប្រជាធិបតេយ្យ យ៉ាងច្រើន។ ​ក្រៅពីនេះ ក៏មានគំរាម នៅការិយាល័យបោះឆ្នោត នៅក្នុងរដ្ឋ Pennsylvania ផងដែរ ។ អភិបាលរដ្ឋ Pennsylvania លោក Josh Shapiro បាននិយាយ នៅក្នុងសន្និសីទសារព័ត៌មានថា ការបោកបញ្ឆោត មិនបង្កគ្រោះថ្នាក់ដល់សាធារណជន ឬ ដល់ការបោះឆ្នោតនោះទេ។ FBI និយាយថា ការគំរាមកំហែងគ្រាប់បែកបោកបញ្ឆោតជាច្រើន នៅក្នុងរដ្ឋជាច្រើន ហាក់ដូចជាមានប្រភពចេញពីដែនអ៊ីមែល…