ចាប់តាំងពីឆ្នាំ១៩៥៤មក ថៃបានឈ្លានពាន និងរំលោភអធិបតេយ្យភាពរបស់កម្ពុជាជាបន្តបន្ទាប់ ពិសេសបានដណ្ដើមយកប្រាសាទព្រះវិហារ។ នៅឆ្នាំ១៩៦២ តុលាការយុត្តិធម៌អន្តរជាតិបានចេញសេចក្តីសម្រេចថាកម្ពុជាមានអធិបតេយ្យភាពលើទីតាំងនោះ។ ថៃត្រូវបានបញ្ជាឲ្យដកទ័ពចេញពីប្រាសាទព្រះវិហារ។ ភាពគន្លើនរបស់ថៃនៅតែបន្ត កាលពីឆ្នាំ២០០៨ នៅពេលដែលប្រាសាទព្រះវិហារ ត្រូវបានចុះក្នុងបញ្ជីបេតិកភណ្ឌពិភពលោក ការផ្ទុះអាវុធកើតឡើងម្តងទៀត ហើយឆ្នាំ២០១៣ តុលាការ ICJ បានបញ្ជាក់ជាថ្មីនូវអ្វីដែលគួរគោរពជាយូរយារណាស់មកហើយ គឺប្រាសាទព្រះវិហារ និងតំបន់ជុំវិញនោះជារបស់កម្ពុជា។ ចុងក្រោយនៅថ្ងៃទី២៤ កក្កដា ២០២៥ នេះ ថៃបានឆ្លងកាត់ខ្សែបន្ទាត់ម្តងទៀត ដោយពង្រាយទ័ពនៅជិតប្រាសាទតាមាន់ធំ និងប្រាសាទព្រះវិហារ ហើយបើកការវាយប្រហារដោយមិនគោរពច្បាប់អន្តរជាតិ។ ✍🏼 Jean-François Tain #ams1minute

សហភាពអឺរ៉ុបមានការព្រួយបារម្ភយ៉ាងខ្លាំងចំពោះភាពតានតឹងនៃស្ថានភាពព្រំដែនរវាងកម្ពុជា និងថៃ និងផលប៉ះពាល់ដល់ប្រជាជនស៊ីវិលនៃប្រទេសទាំងពីរ ព្រមទាំងអំពាវនាវឱ្យមានការចរចាបញ្ចប់ជម្លោះដោយសន្ដិវិធី។ ✍️ European Union in Cambodia #ams1minute

បុគ្គលិកឆ្មាំ និងភ្នាក់ងារទេសចរណ៍ដែលបំពេញការងារនៅលើប្រាសាទព្រះវិហារ ៤៥ នាក់ កំពុងជាប់គាំងនៅលើប្រាសាទតាំងពីម្សិលមិញមក ប៉ុន្តែនៅមានសុវត្ថិភាព”។ #ams1minute