កង់បេរ៉ា៖ ប៉ូលិសនិយាយថា ក្រុមជួយសង្គ្រោះបានជម្លៀសមនុស្សជាង ២០០នាក់ពេញមួយយប់ទៅកាន់តំបន់មានសុវត្ថិភាព និងបានបញ្ជូនឧទ្ធម្ភាគចក្រយោធា ទៅចូលរួមក្នុងប្រតិបត្តិការជួយជម្លៀសមនុស្ស នៅតំបន់ដែលត្រូវកាត់ផ្តាច់ដោយទឹកជំនន់។ រដ្ឋ Queensland បានរងផលប៉ះពាល់ធ្ងន់ធ្ងរពីខ្យល់បក់បោកខ្លាំង និងភ្លៀងធ្លាក់យ៉ាងសន្ធាប់ បន្ទាប់ពីការវាយប្រហារពីព្យុះស៊ីក្លូនត្រូពិក Jasper នៅចុងសប្តាហ៍មុន។ មជ្ឈមណ្ឌលទេសចរណ៍នៃទីក្រុង Cairns ត្រូវហ៊ុព័ទ្ធស្ទើរតែទាំងស្រុងដោយទឹកជំនន់ ដែលបានជន់លិចផ្លូវហាយវេសំខាន់ៗ និងហូរចូលទៅក្នុងទីក្រុង ដែលមានមនុស្សប្រមាណ ១៥០,០០០នាក់រស់នៅនេះ។ ទឹកជំនន់ក៏បានរាំងស្ទះដល់ការហោះហើរនៅឯអាកាសយានដ្ឋានអន្តរជាតិទីក្រុងCairns កាលពីថ្ងៃអាទិត្យចុងសប្តាហ៍មុនផងដែរ។ ជាការឆ្លើយតប អភិបាលរដ្ឋ Queensland លោក Steven Miles បានប្រាប់អ្នកយកព័ត៌មានថា យើងបានដាក់ពង្រាយទូកតូច-ធំក្នុងទីក្រុង Cairns ដើម្បីជម្លៀសប្រជាជន ដែលមិនអាចជម្លៀសខ្លួនបានដោយសុវត្ថិភាព។ ជាមួយនឹងភ្លៀងធ្លាក់កាន់តែច្រើន ដែលរំពឹងទុកនឹងកើតមាននៅក្នុងថ្ងៃចន្ទនេះ រដ្ឋមន្រ្តីរតនាគាររដ្ឋ Queensland លោក Cameron Dick បាននិយាយថា គ្រោះមហន្តរាយដែលកើតឡើង នឹងបង្កការខាតបង់សេដ្ឋកិច្ចរាប់ពាន់លានដុល្លាររបស់រដ្ឋ។ សូមជម្រាបថា អូស្ត្រាលីស្ថិតនៅក្រោមឥទ្ធិពលនៃបាតុភូត El Nino នៅរដូវក្តៅនេះ ដែលអាចបង្កឲ្យមានគ្រោះមហន្តរាយ រាប់ចាប់តាំងពីភ្លើងឆេះព្រៃរហូតដល់ព្យុះស៊ីក្លូនត្រូពិច និងគ្រោះរាំងស្ងួតក្នុងរយៈពេលវែង៕ ប្រភព៖ AFP ប្រែសម្រួលដោយ៖…

តូក្យូ៖ អំឡុងកិច្ចប្រជុំកំពូលជប៉ុន-អាស៊ាន ក្នុងទីក្រុងតូក្យូ នៅថ្ងៃអាទិត្យសប្តាហ៍មុន មេដឹកនាំមកពីបណ្ដាប្រទេសអាស៊ាន និងជប៉ុន បានឈានដល់ការឯកភាពគ្នាលើការពង្រឹងកិច្ចសន្ទនា និងកិច្ចសហប្រតិបត្តិការ នៅក្នុងវិស័យសន្តិសុខដែនសមុទ្រ។ យោងតាមសេចក្តីថ្លែងការណ៍រួម មេដឹកនាំជប៉ុន និងអាស៊ាន នឹងពង្រឹងចំណេះដឹងកិច្ចសហប្រតិបត្តិការរវាងឆ្មាំសមុទ្រ និងទីភ្នាក់ងារអនុវត្តច្បាប់ពាក់ព័ន្ធនឹងដែនសមុទ្រ រួមទាំងធានានូវការដោះស្រាយជម្លោះដោយសន្តិវិធី ដោយមិនសម្លុតគំរាម ឬប្រើប្រាស់កម្លាំងបាយនោះឡើយ ស្របទៅតាមគោលការណ៍ច្បាប់អន្តរជាតិ។ អាស៊ាន និងជប៉ុន នឹងពង្រឹងកិច្ចសន្ទនា និងកិច្ចសហប្រតិបត្តិការ ដើម្បីការពារសន្តិសុខ និងសុវត្ថិភាព រួមទាំងសណ្ដាប់ធ្នាប់សមុទ្រ ផ្អែកលើច្បាប់ជាមូលដ្ឋាន ក្នុងនោះរួមមានទាំងសេរីភាព និងសុវត្ថិភាពនៃការធ្វើនាវាចរ ក៏ដូចជាការហោះហើរ និងសេរីភាពពណិជ្ជកម្ម។ បន្ថែមលើនេះ មេដឹកនាំជប៉ុន និងអាស៊ាន ក៏បានព្រមព្រៀងគ្នា ក្នុងការពង្រឹងភាពធន់នៃខ្សែសង្វាក់ផ្គត់ផ្គង់ ក៏ដូចជាធ្វើឱ្យកិច្ចសហប្រតិបត្តិការស៊ីជម្រៅ លើការដោះស្រាយបញ្ហាប្រែប្រួលអាកាសធាតុ ថាមពល សារធាតុរ៉ែសំខាន់ៗ ទីអវកាស និងវិស័យផ្សេងៗទៀតដូចជា បញ្ញាសិប្បនិម្មិត (AI) និងសន្តិសុខតាមអ៊ីនធឺណិតជាដើម៕ ប្រភព៖ AFP ប្រែសម្រួលដោយ៖ ឈឹម ទីណា

ភ្នំពេញ៖ នាយកវិទ្យាស្ថានស្រាវជ្រាវ និងអភិវឌ្ឍន៍កសិកម្មកម្ពុជា(កាឌី,CARDI)បានប្រាប់ឱ្យដឹងថាសាកលវិទ្យាល័យ Queensland ប្រទេសអូស្រ្តាលី និងវិទ្យាស្ថានកាឌី កំពុងជំរុញការបណ្តុះបណ្តាលដល់អ្នកផ្តល់សេវាកម្មដ្រូន សម្រាប់ការបាញ់ថ្នាំកសិ​កម្មដើម្បីលើកកម្ពស់ប្រសិទ្ធភាព និងសុវត្ថិភាព ក្នុងការប្រើប្រាស់ថ្នាំពុលកសិកម្ម។ លោក ឡោ ប៊ុណ្ណា នាយក​វិទ្យាស្ថានស្រាវជ្រាវ និងអភិវឌ្ឍន៍កសិកម្មកម្ពុជាបានប្រាប់ឱ្យដឹងនៅថ្ងៃទី១៧ ខែធ្នូ ឆ្នាំ២០២៣​ថា សាកលវិទ្យាល័យ Queensland ប្រទេសអូស្រ្តាលី បានបញ្ជូនអ្នកជំនាញបច្ចេកទេសរបស់ខ្លួនមកជួយបណ្តុះ​បណ្តាល​ស្តីពី​ការប្រើប្រាស់ដ្រូនសម្រាប់ការបាញ់ថ្នាំកសិកម្មត្រូវបានរៀបចំនៅប្រទេសកម្ពុជា កាលពីដើមខែធ្នូ ឆ្នាំ២០​២៣នេះ។ លោកបន្តថា ការប្រើប្រាស់ដ្រូនសម្រាប់ការបាញ់ថ្នាំកសិកម្មនៅមិនទាន់មានការសុំច្បាប់បានត្រឹមត្រូវ ដូចនេះវិទ្យាស្ថានបានផ្តល់វគ្គបណ្តុះបណ្តាលនេះក្នុងគោលបំណង​ក្នុង​ការប្រើប្រាស់ថ្នាំប្រកបដោយប្រសិទ្ធភាព,សុវត្ថិភាព និងផលចំណេញសេដ្ឋកិច្ច និងពេលវេលា ដោយវគ្គបណ្តុះបណ្តាលនេះបានផ្តល់ចំណេះដឹងដល់អ្នកផ្តល់សេវាកម្មបាញ់ថ្នាំដ្រូន និងមន្រ្តីកសិកម្មខេត្ត ស្រុក និងកសិករ។ លោក ឡោ ប៊ុណ្ណា បានបន្ថែមថា តាមរយៈវគ្គបណ្តុះបណ្តាលនេះ អ្នកផ្តល់សេវាកម្មដ្រូន មន្រ្តីកសិកម្ម និងកសិករបានរៀនសូត្រពីការប្រើប្រាស់បច្ចេកវិទ្យាដ្រូន និងបង្កើនចំណេះដឹងក្នុងការគ្រប់គ្រងស្មៅចង្រៃដើម្បីធ្វើការកំចាត់ស្មៅប្រក​បដោ​យប្រសិទ្ធិភាពនៅក្នុងផលិតកម្មស្រូវនៅកម្ពុជា។ លោកនាយកវិទ្យាស្ថានបានបញ្ជាក់ថា ៖ «ការប្រើប្រាស់ដ្រូនសម្រាប់ការបាញ់ថ្នាំកសិកម្ម មានការកើនឡើងចាប់ពីឆ្នាំ២០​២​១រហូតមកដល់ពេលបច្ចុប្បន្ន។ វគ្គបណ្តុះបណ្តាលនេះគឺជាផ្នែកមួយរបស់គម្រោង បច្ចេកទេសគ្រប់គ្រងស្មៅចង្រៃ សម្រា​ប់ប្រព័ន្ធផលិតកម្មស្រូវពង្រោះដោយប្រើប្រាស់គ្រឿងយន្តកសិកម្មនៅក្នុងប្រទេសកម្ពុជា និងប្រទេសឡាវ ដែលជាគម្រោ​ងសហការណ៍រវាងវិទ្យាស្ថានកាឌី និងសាកលវិទ្យាល័យ Queensland ប្រទេសអូស្រ្តាលី ដែលមានរយៈពេលប្រាំឆ្នាំ ចា​ប់ពីឆ្នាំ២០២១…