អគ្គិភ័យមួយនារសៀលថ្ងៃទី៣០កក្កដាក្នុងចំណតក្រុមហ៊ុនរថយន្តដឹកជញ្ជូន វីរៈប៊ុនថាំ ក្នុងខណ្ឌជ្រោយចង្វារ រាជធានីភ្នំពេញ បានបណ្តាលឲ្យមនុស្សម្នាក់ស្លាប់ និងបានឆាបឆេះរថយន្តដឹកជញ្ជូនអស់២៣គ្រឿង។ មិនមាន សេចក្តីរាយការណ៍ បញ្ជាក់ថាតើអគ្គិភ័យឆេះរថយន្តដឹកអ្នកដំណើរប្រមាណជិត២០គ្រឿងកាលពីរសៀលថ្ងៃ ទី៣០កក្កដានោះ បាន បណ្តាលមកពីអ្វីនោះទេ។ មនុស្សដែលស្លាប់ម្នាក់ នៅមិនទាន់ស្គាល់អត្តសញ្ញាណនៅ ឡើយទេ ប៉ុន្តែសេចក្តីរាយការណ៍បានបញ្ជាក់ថាអ្នកស្លាប់ម្នាក់នោះ គឺជាអ្នកកំពុងដេកនៅក្នុងឡានក្នុងហេតុ ការណ៍ដែលមានអគ្គិភ័យឆាបឆេះក្នុងចំណតក្រុមហ៊ុនរថយន្តដឹកជញ្ជូនវីរៈប៊ុនថាំនោះ។

តុលាការបានធ្វើសវនាការលើសំណុំរឿងលោករ៉ុងឈុនដែលបានជាប់ចោទពីបទ«ញុះញង់បង្កឱ្យមានភាពវឹកវរ ដល់សន្តិសុខសង្គម» ។ លោក រ៉ុង ឈុន ត្រូវបានសមត្ថកិច្ចចាប់ខ្លួន កាលពីថ្ងៃទី៣១ ខែកក្កដា ឆ្នាំ២០២០ ក្រោយ ការប្រព្រឹត្តបទល្មើសញុះញង់បង្កឱ្យមានភាពវឹកវរ អំឡុងពេលចុះទៅកាន់ព្រំដែនកម្ពុជា-វៀតណាម ក្នុងខេត្តត្បូង ឃ្មុំ។ លោក រ៉ុង ឈុន បានចេញសេចក្តីថ្លែងការណ៍ញុះញង់ប្រាប់សាធារណជនថា ការបោះបង្គោលព្រំដែនថ្មី រវាងកម្ពុជា-វៀតណាម បានចូលដីកម្ពុជា ប្រហែល៥០០ម៉ែត្រ។ គណៈកម្មាធិការចម្រុះកិច្ចការព្រំដែនកម្ពុជា ភ្លាមនោះ បានប្រកាសទាត់ចោលនូវសេចក្តីថ្លែងការណ៍របស់លោក រ៉ុង ឈុន ដោយចាត់ទុកថា ជាការផ្សាយ ព័ត៌មានមិនពិត និងបំផ្លើស។ គណៈកម្មាធិការចម្រុះកិច្ចការព្រំដែនចាត់ទុកថា ការផ្សាយរបស់លោក រ៉ុង ឈុន មានចេតនាទុច្ចរិត ក្នុងគោលបំណងបំភ័ន្ត សាធារណៈមតិជាតិ និងអន្តរជាតិ។ អំពើញុះញង់ព្រំដែនប្រឆាំងនឹង ប្រទេសវៀតណាម គឺ ជាទង្វើនៃកលល្បិចនយោបាយរបស់ក្រុមធ្វើនយោបាយប្រឆាំងដើម្បីស្វែងរកប្រជា ប្រីយ៍ភាពនយោបាយ។ មន្ត្រី ចៅក្រមជំនុំជំរះ លោកលី សុខា ត្រូវបានគេដកស្រង់សម្តីក្រោយសវនាការនៅ ថ្ងៃនេះថាសាលក្រមពាក់ព័ន្ធនឹង ករណីលោករ៉ុងឈុន នឹងត្រូវប្រកាសនៅថ្ងៃទី១៨ ខែសីហា ឆ្នាំ២០២១។

ឧត្តមសេនីយ៍ទោយោធាម្នាក់ ត្រូវសមត្ថកិច្ចចាប់ខ្លួនក្រោយការប្រព្រឹត្តអំពើហិង្សាលើស្ត្រី។ ឧត្តមសេនីយ៍ទោ សូយចាន់សឿន នាយករងទីចាត់ការអភិវឌ្ឍន៍ អគ្គបញ្ជាការដ្ឋាន នៃក្រសួងការពារជាតិ ត្រូវបានចាប់ខ្លួននៅ ព្រឹកថ្ងៃទី៣០ខែកក្កដានេះ ដោយកម្លាំងសមត្ថកិច្ចនគរបាលខេត្តកំពង់ស្ពឺ ក្រោយការវាយធ្វើបាបលើស្ត្រីអាយុ ៤១ឆ្នាំម្នាក់ដែលជាសង្សាររបស់ខ្លួន។  ស្ត្រីរងគ្រោះឈ្មោះ ឌួង ហេម៉ាលីស ត្រូវបានឧត្តមសេនីយ៍ទោយោធា រូបនោះ បានប្រើអំពើហិង្សាវាយដំនិងគំរាមរកបាញ់សម្លាប់ និងបានបង្ខាំងទុកនៅក្នុងបន្ទប់ក្នុងផ្ទះមួយនៅភូមិ ទឹកចេញ, ឃុំត្រែងត្រយឹង, ស្រុកភ្នំស្រួច ខេត្តកំពង់ស្ពឺ។ ឈ្មោះ សូយ ចាន់សឿន ត្រូវបានតំណាងអយ្យការ ចោទប្រកាន់ ពី «ប្រើ ហិង្សាដោយមានស្ថានទម្ងន់ទោស និងបង្ខាំងមនុស្សដោយខុសច្បាប់» ទៅលើស្រ្តីរងគ្រោះ ឈ្មោះ ឌួង ហេម៉ាលីស កាលពីថ្ងៃទី២៦ ខែមករា ឆ្នាំ២០២១។

ម៉ាសចំនួន១លានម៉ាស់ ដែលជាជំនួយរបស់សាធារណរដ្ឋកោះ ម៉ាស្ហាល់ ត្រូវបានប្រគល់ជូនដល់ក្រសួងសុខា ភិបាលកម្ពុជាដើម្បីបង្កាជំងឺកូវីដ១៩។ សាធារណរដ្ឋកោះម៉ាស្ហាល់ គឺជាប្រទេសមួយដែលស្ថិតក្នុងតំបន់អាស៊ីប៉ា ស៊ីចន្លោះប្រទេសហ្វីលីពីននិងកោះហាវ៉ៃរបស់សហរដ្ឋអាមេរិក។  ពិធីប្រគល់និងទទួលនេះគឺបានធ្វើឡើងនៅ រសៀលថ្ងៃទី៣០កក្កដាឆ្នាំ២០២១នេះ នៅទីស្តីការក្រសួងសុខភិបាលក្រោមវត្តមានរបស់រដ្ឋមន្រ្តីក្រសួងសុខាភិ បាលកម្ពុជាលោក សាស្រ្តា ចារ្យម៉ម ប៊ុនហេង និងទីប្រឹក្សាពិសេសនៃអគ្គកុងស៊ុលសាធារណរដ្ឋកោះម៉ាស្ហាល់ លោក Richmond GUAN (ហ្គ័ន)។ លោករដ្ឋមន្រ្តីក្រសួងសុខាភិបាល បានថ្លែងអំណរគុណយ៉ាងជ្រាល ជ្រៅ ចំពោះជំនួយមនុស្សធម៌ដ៏ថ្លៃថ្លារបស់រដ្ឋាភិបាលនិងប្រជាជននៃសាធារណរដ្ឋកោះម៉ាស្ហាល់ និងបានចាត់ទុកថា ជំនួយនេះ គឺជាកាយវិការនៃវប្បធម៌ចែករំលែកជាមួយរាជរដ្ឋាភិបាល និងប្រជាជនកម្ពុជា ក្នុងកាល:ទេស: បច្ចុ ប្បន្នដែលកម្ពុជាបាននឹងកំពុងខិតខំប្រឹងប្រែងរួមគ្នាដើម្បីជំរុញវិធានការការពារ ទប់ស្តាត់ និងឆ្លើយតបការ រីក រាលដាលនៃជំងឺកូវីដ១៩។ យោងតាមវ៉េបសាយ Wolrddometerសាធារណរដ្ឋកោះម៉ាស្ហាល់ គឺជាប្រទេសមួយ ដែលមានការឆ្លងកូវីដ១៩តែ៤ករណី និងមិនមានមនុស្សស្លាប់ឡើយ។

ឧបករណ៍និងសម្ភារៈប្រឆាំងជំងឺកូវីដ១៩របស់ប្រទេសថៃបានប្រគល់ជូនដល់ក្រសួងសុខាភិបាលកម្ពុជាដើម្បី ប្រឆាំងនឹងជំងឺកូវីដ១៩។ ពិធីប្រគល់និងទទួលនេះ បានធ្វើឡើងនៅរសៀលថ្ងៃទី៣០កក្កដាឆ្នាំ២០២១នេះ នៅ ទីស្តីការក្រសួងសុខភិបាលក្រោមវត្តមានរបស់លោករដ្ឋមន្រ្តី ម៉ម ប៊ុនហេង និងឯកអគ្គរាជទូតថៃប្រចាំកម្ពុជា លោកបញ្ញារ៉ាក់ ពលធិប។ ឧបករណ៍និងសម្ភារៈផ្តល់ដោយប្រទេសថៃរួមមាន ម៉ាស៊ីនធ្វើតេស្តរកវីរុសកូវីដ១៩ PCR Machine ចំនួនមួយគ្រឿង និងគ្រឿងបន្ទាប់បន្សំមួយចំនួន រួមនឹងសម្លៀកបំពាក់សុវត្ថិភាពPPE ចំនួន១ពាន់ ២០០កំផ្លេ។ លោករដ្ឋមន្រ្តីក្រសួងសុខាភិបាលកម្ពុជា បានថ្លែងអំណរគុណយ៉ាងជ្រាលជ្រៅចំពោះជំនួយមនុស្ស ធម៌ដ៏ថ្លៃថ្លារបស់ទីភ្នាក់ងារសហប្រតិ្តបត្តិការអន្តរជាតិថៃនិងចាប់ទុកជំនួយនេះជាកាយវិការនៃវប្បធម៌ចែករំលែកជាមួយរាជរដ្ឋាភិបាលនិងប្រជាជនកម្ពុជា ជាពិសេសក្នុងកាល:ទេស:បច្ចុប្បន្នដែលកម្ពុជា បាននឹងកំពុងខិតខំ ប្រឹងប្រែងរួមគ្នាដើម្បីជំរុញវិធានការការពារ, ទប់ស្តាត់ និងឆ្លើយតបការាលដាលនៃជំងឺកូវីដ១៩ឲ្យបានកាន់តែ ឆាប់រហ័ស។

កម្ពុជាបានដាស់តឿនពលករក្នុងទឹកដីថៃ មិនត្រូវចល័តធ្វើដំណើរផ្តេសផ្តាសឬធ្វើដំណើរមកប្រទេសកម្ពុជា ឡើយក្នុងអម្លុងពេលដែលកម្ពុជាកំពុងបិទខ្ទប់បណ្តាខេត្តទាំងអស់រយៈពេល១៤ថ្ងៃដែលជាប់នឹងព្រំដែននៃប្រ ទេសថៃ។ រាជរដ្ឋាភិបាលបានប្រកាសបិទខ្ទប់ខេត្តចំនួន៨ដែលជាប់នឺងព្រំដែនថៃ និងបានបិទទ្វារឆ្លងកាត់ព្រំ ដែនផងដែរ ដែលជាវិធានការទប់ស្កាត់ការឆ្លងកូវីដ១៩ជាពិសេសវិរុសបំប្លែងថ្មី Delta ដែលមានប្រភពឆ្លងមក ពីក្រៅប្រទេស។ ក្រសួងការងារនិងបណ្តុះបណ្តាលវិជ្ជាជីវៈ នៅថ្ងៃទី៣០កក្កដា បានជួនដំណឹងពលករខ្មែរក្នុង ទឹកដីថៃជុំវិញការបិទធ្វើដំណើរឆ្លងចេញចូលព្រំដែនកម្ពុជាថៃ និងដាស់តឿនមិនត្រូវចល័តចេញពីកន្លែង កំពុង ស្នាក់នៅធ្វើការក្នុងប្រទសថៃ ឆ្ពោះមកព្រំដែនកម្ពុជា-ថៃ ឡើយ ។ ការបិទបណ្តោះអាសន្នរយៈ១៤ថ្ងៃ នឹងចាប់ពី ថ្ងៃទី៣០ ខែកក្កដា នេះ រហូតដល់ថ្ងៃទី១២ ខែសីហា ឆ្នាំ ២០២១ ។ លិខិតដាស់តឿនថា បើសិនជាពលករនៅតែ បន្តធ្វើដំណើរចង់ឆ្លងកាត់ព្រំដែននោះ ក៏អាជ្ញាធរនៃប្រទេសសាមី គង់តែនឹងបញ្ជួនឲ្យត្រឡប់ទៅកន្លែងដើមវិញ ដែរ។ ចំពោះម្ចាស់រថយន្ត ឬមេខ្យល់ ដែលបំផុស ឬដឹកជញ្ជូនពលករ ដែលល្មើសនឹងបម្រាមរបស់អាជ្ញាធរថៃ នឹងត្រូវប្រឈមនឹងការចាប់វិធានការតាមច្បាប់ ។ សេចក្តីជូនដំណឹងដដែលនៅបានក្រើនរំលឹកដល់ពលករថែម ទៀតបើសិនជាមានការលំបាកផ្នែកជីវភាព ពួកគេអាចទំនាក់ទំនងទៅស្ថានឯកអគ្គរាជទូតកម្ពុជាប្រចាំ ប្រទេស ថៃ ឬទំនាក់ទំនងទៅក្រុមការងារស្ម័គ្រចិត្តនៃ ក្រុមការងារទឹកចិត្តពលករនៅថៃ ដើម្បបីទទួលការជួយអន្តរាគមន៍ ដោះស្រាយ ៕

ធនាគារអភិវឌ្ឍន៍កូរ៉េ KDB បានថ្លែងអំណរគុណរដ្ឋមន្ត្រីក្រសួងបរិស្ថានកម្ពុជា លោកសាយ សំអាល់ ដែលបានចូលរួមសហការរៀបចំគម្រោងមូលនិធិអាកាសធាតុបៃតង Green Climate Fund។ មូលនិធិអាកាស ធាតុបៃតងគឺជា មូលនិធិបង្កើតក្នុងគម្រោងរបស់អនុសញ្ញា ក្នុងក្របខណ្ឌអង្គការសហប្រជាជាតិស្តីពីការប្រែ ប្រួលអាកាសធាតុ, និង មូលនិធិនេះទៀត បានជួយអភិវឌ្ឍន៍ប្រទេសក្នុងការកាត់បន្ថយការបញ្ចេញសាយភាយ ឧស្ម័ន្ធផ្ទះកញ្ចក់ និងការជួយសម្របទៅនឹងការប្រែប្រួលអាកាសធាតុ។ នាយកប្រតិបត្តិនៃធនាគារអភិវឌ្ឍន៍កូរ៉េ KDB លោក គីម បុក ឃ្យុង កាលពីថ្ងៃទី២៦កក្កដា បានសរសេរលិខិតថ្លែងអំណរគុណដល់រដ្ឋមន្រ្តីក្រសួង បរិស្ថានកម្ពុជាលោក សាយ សំអាល់ ដែលបានចូលរួមសហការរៀបចំគម្រោងមូលនិធិអាកាសធាតុបៃតង ស្តី ពីកិច្ចសហប្រតិបត្តិការស្រាវ ជ្រាវនិងអភិវឌ្ឍន៍អាជីវកម្មដើម្បីលើកកម្ពស់នវានុវត្តន៍នៃភាពជាម្ចាស់សម្រាប់ បច្ចេកវិទ្យាប្រែប្រួលអាកាសធាតុ ។ លិខិតបានវាយតម្លៃខ្ពស់ ចំពោះការគាំទ្រ របស់ក្រសួងបរិស្ថានសម្រាប់ ដំណើរការគាំទ្រ និងចូលរួមរបស់ កម្ពុជាសម្រាប់រៀបចំគម្រោង អនុម័តដោយមូល និធិអាកាសធាតុបៃតង នោះកាលពីថ្ងៃទី២៩ មិថុនាឆ្នាំ២០២១។  ធនាគារកូរ៉េដដែលបានចាត់ទុកការណែនាំ និងការគាំទ្ររបស់ លោក រដ្ឋមន្រ្តីសាយសំអាល់ ថាមានសារៈសំខាន់  សម្រាប់ធនាគារអភិវឌ្ឍន៍កូរ៉េKDB និងវិទ្យាស្ថានអភិវឌ្ឍន៍ បៃតង សកល…

ខេត្តកែប បានរកឃើញអ្នកឆ្លងជំងឺកូវីដ១៩ ចំនួន៨នាក់ បន្ថែមទៀតហើយក្នុងរយៈពេល២៤ម៉ោង ចុងក្រោយ នេះដែលជាតួលេខឆ្លងខ្ពស់ជាងថ្ងៃម្សិលមិញចំនួន៤ ។ យោងតាមរដ្ឋបាលខេត្ត អ្នកជំងឺកូវីដ១៩ ថ្មីទាំង៨នាក់ នោះ គឺជាពលរដ្ឋដែលនៅស្រុកដំណាក់ចង្អើរចំនួន៧នាក់ និងពលរដ្ឋដែលរស់នៅសង្កាត់ព្រែកធំ ក្រុងកែប ម្នាក់។

ខេត្តកោះកុងបានរកឃើញអ្នកឆ្លងថ្មីថ្ងៃនេះចំនួន៤៦នាក់។ នេះជាតួលេខឆ្លងកើន២៣នាក់បើប្រៀបធៀប នឹងម្សិលមិញ។ យោងតាមរដ្ឋបាលខេត្ត ការឆ្លងថ្មី៤៦នាក់ថ្ងៃនេះ បានកើតនៅក្រុមខេមរភូមិន្ទ, ស្រុកមណ្ឌល សីមា , ស្រុកកោះកុងស្រុកបូទុមសាគរ និងស្រុកស្រុកស្រែអំបិល។ ខេត្តកោះកុងថ្ងៃនេះ បានព្យាបាលជា សះស្បើយ អ្នកជម្ងឺកូវីដ១៩បានចំនួន៧៧នាក់។