ខេត្តកំពតបានរកឃើញការឆ្លងថ្មីចំនួន២២នាក់ នៅថ្ងៃនេះ។ នេះជាតួលេខឆ្លង កើនឡើងចំនួន៥ នាក់ បើប្រៀប ធៀប នឹងម្សិលមិញ។ យោងតាមរដ្ឋបាលខេត្តការឆ្លងថ្មីថ្ងៃនេះ រួមមាននៅស្រុកំពង់ត្រាច២នាក់, ក្រុងកំពតម្នាក់, ស្រុកជុំគីរី៣នាក់,ស្រុកឈូក៧នាក់,ស្រុកទឹកឈូ៦នាក់ និងស្រុកដងទង់ចំនួន៣នាក់។ ខេត្តកំពតមានអ្នកឆ្លង សរុប៣ពាន់៨នាក់, ព្យាបាលជាសះស្បើយ ២ពាន់៦៣២នាក់ និងអ្នកស្លាប់បានកើនដល់៤៥នាក់។

ខេត្តស្ទឹងត្រែង បានរកឃើញអ្នកឆ្លងថ្មីថ្ងៃនេះចំនួន៥នាក់ក្នុងរយៈពេល២៤ម៉ោងចុងក្រោយនេះ។ យោងតាមរដ្ឋ បាលខេត្ត អ្នកឆ្លងថ្មីទាំង៥នាក់នោះ គឺជាពលរដ្ឋរស់នៅក្នុងក្រុងស្ទឹងត្រែង៤នាក់ និងពលរដ្ឋដែលរស់នៅក្នុង ស្រុកថាឡាបរិវ៉ាត់ម្នាក់។ ខេត្តស្ទឹងត្រែង មានអ្នកឆ្លងកូវីដ១៩សរុប៤៨៣នាក់, ព្យាបាលជាសះ ស្បើយ ៤១៨ នាក់ និងការស្លាប់មានចំនួន១នាក់។

ខេត្តព្រះវិហារ បានរកឃើញអ្នកឆ្លងជំងឺកូវីដ១៩ ចំនួន ៣៣នាក់ ក្នុងរយៈពេល ២៤ម៉ោង ចុងក្រោយនេះ ដែលជា តួលេខឆ្លងខ្ពស់ជាងពីម្សិលមិញចំនួន ២៩នាក់ ។ យោងតាមរដ្ឋបាលខេត្ត អ្នកទើបរកឃើញឆ្លងថ្មីនៅថ្ងៃនេះ គឺ ជាពលរដ្ឋរស់នៅក្នុងស្រុកសែនជ័យចំនួន៧នាក់, ស្រុកជាំក្សាន្ត ២៥នាក់ និងបានឆ្លងលើអ្នកដំណើរមកពី ខេត្តស្វាយម្នាក់ ។ ខេត្តព្រះវិហារ គិតរហូតមកទល់នឹងពេលនេះ មានអ្នកឆ្លងជំងឺកូវីដ១៩ សរុបចំនួន ៥៤៤នាក់ ក្នុងនោះមានអ្នកជាសះស្បើយចំនួន ៣១៦ និងមានអ្នកស្លាប់ចំនួន ម្នាក់។ ខេត្តព្រះវិហារដែលជាប់នឹងព្រំដែនថៃ ត្រូវរាជរដ្ឋាភិបាល បានដាក់ចេញការបិទ ខ្ទប់រយៈពេល១៤ថ្ងៃ ដើម្បីបង្កាការឆ្លងកូវីដ១, ជាពិសេសវីរុសបំប្លែងថ្មី Delta ។

ខេត្តបាត់ដំបងបានរកឃើញអ្នកឆ្លងកូវីដ១៩ថ្មីចំនួន១២៥នាក់នៅថ្ងៃនេះដែលជាតួលេខកើនឡើងចំនួន៦៣នាក់បើប្រៀបធៀបនឹងការឆ្លងម្សិលមិញ។ យោងតាមរដ្ឋបាលខេត្ត អ្នកឆ្លងថ្មីទាំង១២៥នោះ រួមមាននៅ ស្រុកឯកភ្នំ ,ស្រុកបវេល,ស្រុកសង្កែ,ស្រុកថ្មគោល ,ក្រុងបាត់ដំបង,ស្រុកបាណន់ ,ស្រុកកំរៀង,ស្រុកភ្នំព្រឹក ,ស្រុកមោង ឬស្សី, ស្រុកសំឡូត,សំពៅលូន,ស្រុករុក្ខគីរី ,ស្រុក និងអ្នកដំណើរមកពីខេត្ដពោធិ៍សាត់ ,បន្ទាយមានជ័យ ,ខេត្ដ ប៉ៃលិន ,ត្បូងឃ្មុំ និងខេត្ដកំពង់ស្ពឺ។ ខេត្តបាត់ដំបង មានការឆ្លងសរុប១ពាន់៣ពាន់១៦៦ នាក់ ព្យាបាល ជា សះ ស្បើយចំនួន ១ពាន់៩៣០នាក់ និងមានអ្នកស្លាប់ចំនួន ៤០នាក់។

ខេត្តកំពង់ធំ បានរកឃើញអ្នកឆ្លងជំងឺកូវីដ១៩ ចំនួន ៥២នាក់ និងមានអ្នកស្លាប់ថ្មីចំនួន ៤នាក់ ថែមទៀត ក្នុង រយៈពេល ២៤ម៉ោង ចុងក្រោយនេះ ។ នេះជាតួលេខឆ្លងកើនខ្ពស់ជាងពីម្សិលមិញចំនួន ២៤នាក់ ធៀបនឹង ម្សិលមិញដែលបានរកឃើញឆ្លងចំនួន ២៨នាក់ ។ យោងតាមរដ្ឋបាលខេត្ត អ្នកឆ្លងថ្មីដែលទើបរកឃើញអ្នកនោះ រួមមានការឆ្លងលើពលករដែលទើបត្រលប់មកពីប្រទេសថៃចំនួន ២នាក់ និង៥០នាក់ដទៃទៀត ជាករណីឆ្លងនៅ ក្នុងសហគមន៍ ។ អ្នកជំងឺថ្មីទាំងនោះ មានអាសយដ្ឋាននៅក្នុងស្រុកស្ទោង ១៣នាក់, ស្រុកកំពង់ស្វាយ ២នាក់, ស្រុកប្រាសាទបល្ល័ង្គ ម្នាក់, ស្រុកសំបូរ ម្នាក់, ស្រុងសណ្តាន់ ម្នាក់, ស្រុកតាំងគោក ៩នាក់, ស្រុកបារាយណ៍ ២៣នាក់, និងឆ្លងលើពលរដ្ឋនៅស្រុកសន្ទុកចំនួន ២នាក់ ។ ខេត្តកំពង់ធំ គិតរហូតមកទល់នឹងពេលនេះ មានអ្នក ឆ្លងជំងឺកូវីដ១៩ សរុបចំនួន ១ពាន់ ៨៣០នាក់ ក្នុងនោះមានអ្នកជាសះស្បើយចំនួន ១ពាន់ ១៣៦នាក់ និងមាន…

ខេត្តត្បូងឃ្មុំ មានការឆ្លងថ្មី៤១នាក់ក្នុងរយៈពេល២៤ម៉ោងចុងក្រោយនេះ ដែលជាតូលេខកើនឡើងចំនួន ១២នាក់ បើប្រៀបធៀបនឹងម្សិលមិញ។ យោងតាមរដ្ឋបាលខេត្ត ការឆ្លងថ្ងៃនេះ រួមមានពលរដ្ឋនៅក្រុងសួង, ស្រុកក្រូចឆ្មា,ស្រុកមេមត់, ស្រុកញាក្រែក ,ស្រុកអូររាំងឳ ,ស្រុកត្បូងឃ្មុំ និងអ្នកដំណើរមកពី ខេត្ដកំពង់ចាម។ ខេត្តត្បូងឃ្មុំ មានអ្នកជាសះ ស្បើយចំនួន៤០នាក់ថ្ងៃនេះ។

ខេត្តកំពង់ចាមបានរកឃើញអ្នកឆ្លងជំងឺកូវីដ-១៩ថ្មីចំនួន៥៥នាក់ និងស្លាប់៣នាក់ ក្នុងរយៈពេល២៤ម៉ោងចុង ក្រោយ។ នេះជាតួលេខឆ្លងថយចុះ១៧នាក់បើប្រៀបធៀបនឹងម្សិលមិញ។ យោងតាមរដ្ឋបាលខេត្តការឆ្លងថ្មី ទាំង៥៥នាក់ថ្ងៃនេះ រួមមាននៅក្រុងកំពង់ចាម១២នាក់, ស្រុកកំពង់សៀម៩នាក់, ស្រុកកងមាសម្នាក់, ស្រុកចំការ លើម្នាក់, ស្រុកជើងព្រៃ៦នាក់, ស្រុកបាធាយ៥នាក់, ស្រុកព្រៃឈរ៥នាក់, ស្រុកស្ទឹងត្រង់១០នាក់, ស្រុកស្រីសន្ធរ ៣នាក់, មកពីរាជធានីភ្នំពេញ២នាក់ និងខេត្តក្រចេះម្នាក់ ។  ចំណែកអ្នកស្លាប់ទាំង៣នាក់រួមមាន ទី១  បុរស អាយុ៣១ឆ្នាំនៅស្រុកបាធាយ, ទី២ ស្ត្រីអាយុ៧២ឆ្នាំនៅក្រុងកំពង់ចាម និងទី៣ បុរសអាយុ៣៧ឆ្នាំនៅស្រុកសន្ទុក ខេត្តកំពង់ធំ។

ខេត្តព្រៃវែងបានរកឃើញអ្នកឆ្លងជំងឺកូវីដ-១៩ថ្មីចំនួន៩៣នាក់ និងស្លាប់ម្នាក់ក្នុងរយៈពេល២៤ម៉ោងចុងក្រោយ។ នេះជាតួលេខឆ្លងកើនឡើង៤១នាក់បើប្រៀបធៀបនឹងម្សិលមិញ។ យោងតាមរដ្ឋបាលខេត្តការឆ្លងថ្មីទាំង ៩៣ នាក់ថ្ងៃនេះ រួមមាននៅក្រុងព្រៃវែង១១នាក់, ស្រុកកំពង់ត្របែក១៦នាក់, ស្រុកពាមជរ១២នាក់, ស្រុកពាមរក៍ ១២នាក់, ស្រុកព្រះសេ្ដច១០នាក់, ស្រុកកំចាយមារ៧នាក់, ស្រុកស្វាយអន្ទរ៦នាក់, ស្រុកមេសាង៥នាក់, ស្រុក ពារាំង៤នាក់, ស្រុកពោធិ៍រៀង៤នាក់, ស្រុកកញ្ជ្រៀច៣នាក់ និង ស្រុកបាភ្នំ៣នាក់។ ខេត្តព្រៃវែង មានអ្នកឆ្លង ជំងឺ កូវីដ-១៩សរុប៤ពាន់៤០នាក់ ក្នុងនោះបានជាសះស្បើយចំនួន៣ពាន់២៧នាក់ និងស្លាប់៦៨នាក់។

ខេត្តស្វាយរៀងបានរកឃើញអ្នកឆ្លងជំងឺកូវីដ-១៩ថ្មីចំនួន៧២នាក់ និងស្លាប់២នាក់ក្នុងរយៈពេល២៤ម៉ោងចុង ក្រោយ។ នេះជាតួលេខឆ្លងកើនឡើង២៦នាក់បើប្រៀបធៀបនឹងម្សិលមិញ។ យោងតាមរដ្ឋបាលខេត្ត ការឆ្លងថ្មី ទាំង៧២នាក់នោះ រួមមាន៦នាក់ជាកម្មកររោងចក្រ, ១១នាក់រកឃើញវិជ្ជមាននៅផ្សារកំពង់ត្រាចនៃស្រុករមាស ហែក, ១៣នាក់ជាអ្នកប៉ះពាល់នឹងអ្នកជំងឺកូវីដ១៩, ១៨នាក់លើប្រជាជនចំណាកស្រុកមកពីប្រទេសវៀតណាម, និង២៤នាក់ដទៃទៀត បានឆ្លងលើពលរដ្ឋក្នុងក្រុងនិងស្រុកមួយចំនួន និងបានឆ្លងលើ អ្នកដំណើរមួយ ចំនួនមក ខេត្តក្រៅ។ ចំណែកអ្នកស្លាប់ទាំង២នាក់ រួមមានទី១ ស្ត្រីអាយុ៤៧ឆ្នាំនៅស្រុកកំពង់រោទិ៍, និងទី២ បុរសអាយុ៥៧ ឆ្នាំ នៅក្រុងស្វាយរៀង។ ខេត្តស្វាយរៀង មានអ្នកឆ្លងជំងឺកូវីដ-១៩សរុបចំនួន៤ពាន់៧៥៦នាក់, ព្យាបាលជាសះ ស្បើយចំនួន៣ពាន់៩០៨នាក់ និងមានអ្នកស្លាប់សរុបចំនួ៨៦នាក់។