កម្ពុជាគ្រោងនឹងទទួលបានវ៉ាក់សាំងកូវីដ-១៩ជាង៤១ម៉ឺនដូសពីប្រទេសអង់គ្លេស។ ក្រសួងការបរទេស អង់ គ្លេសថ្ងៃទី២៩កក្កដាឆ្នាំ២០២១ បានឲ្យដឹងថាអង់គ្លេសនឹងបរិច្ចាគវ៉ាក់សាំងកូវីដ-១៩ ប្រភេទ AstraZeneca ចំនួន ៤១ម៉ឺន៥ពាន់ដូសដល់ប្រទេសកម្ពុជា តាមរយៈកិច្ចព្រមព្រៀងទ្វេភាគី។ រដ្ឋមន្ត្រីការបរទេសអង់គ្លេសលោក ដូ មីនីក រ៉ាអាប់ បានថ្លែងថា វ៉ាក់សាំង AstraZeneca ៤១ម៉ឺន៥ពាន់ដូស មកកាន់ប្រទេសកម្ពុជានោះ គឺជាផ្នែក មួយ នៃការផ្ដល់វ៉ាក់សាំងចំនួន១០០លានដូសដំបូង ដែលអង់គ្លេសបានប្ដេជ្ញាឧបត្ថម្ភឲ្យតំបន់ដែលក្រីក្របំផុតនៃពិភព លោកបានទទួលការចាក់វ៉ាក់សាំងក្នុងករណីបន្ទាន់។ ឯកអគ្គរាជទូតអង់គ្លេសប្រចាំនៅកម្ពុជា លោកស្រី Tina Redshaw បានមានប្រសាសន៍ថា វ៉ាក់សាំង AstraZeneca ចំនួន៤១ម៉ឺន៥ពាន់ដូសនោះ នឹងជួយដល់សហ គមន៍ក្នុងមូលដ្ឋានដើម្បីចាប់ផ្ដើមអាជីវកម្មការពារសេវាសុខភាព និងស្ដារជីវភាពរស់នៅរបស់ប្រជាជនកម្ពុជា ឡើងវិញ។ នៅមិនទាន់មានសេចក្តីរាយការណ៍ជុំវិញកាលបរិច្ឆេទមកដល់នៃវ៉ាក់សាំងប្រទេសអង់គ្លេសនោះទេ។

រាជរដ្ឋាភិបាលបានដាក់ចេញនូវចំណាត់ការបិទខ្ទប់រយៈពេល១៤ថ្ងៃ ការចេញចូលក្នុងខេត្តចំនួន៨ដែលនៅជាប់ ព្រំដែនប្រទេសថៃ និងការពិចារណាបិទច្រកព្រំដែនជាបណ្តោះអាសន្នថែមទៀត ក្រោយការឆ្លងរាលដាល វីរុសបំប្លែងថ្មី Delta ត្រូវគេរកឃើញជាបន្តបន្ទាប់នាំចូលមកពីពលករ ឆ្លងដែនមកពីប្រ ទេសថៃ។ ប្រទេសថៃ វេលាចុងក្រោយនេះ បានរងនឹងការផ្ទុះឆ្លងខ្លាំងជាពិសេសការឆ្លងដោយ វិរុសបំប្លែងថ្មី Delta។ សេចក្តីរាយការណ៍ថ្ងៃនេះពីប្រទេសថៃបានឲ្យដឹងថាការឆ្លងក្នុងរយៈពេល២៤ម៉ោងចុង ក្រោយនេះ មានចំនួន ១ម៉ឺន៧ពាន់៦៦៩ករណី ដែលជាករណីឆ្លងខ្ពស់បំផុតមិនធ្លាប់មាន។ យោងតាម ក្រសួង មហាផ្ទៃ ពលករខ្មែរធ្វើ ចំណាកស្រុកមកពីប្រទេសថៃ រវាងពី ខែមករាដល់មិថុនាឆ្នាំ២០២១ មានចំនួន ច្រើន ដល់៦ម៉ឺន៣ពាន់២៦៩ នាក់ ។ ចំណាត់ការបិទខ្ទប់ ខេត្ត កោះកុង, ពោធិ៍សាត់, ខេត្តបាត់ ដំបង, ខេត្តប៉ៃលិន, ខេត្ត បន្ទាយមានជ័យ, ខេត្តឧត្តរ មានជ័យ, ខេត្តព្រះវិហារ និងខេត្តសៀមរាប រវាងពីថ្ងៃទី២៩កក្កដា រហូតដល់ថ្ងៃទី១២ សីហា ឆ្នាំ២០២១ បានធ្វើ តាមរយៈសេចក្តីសម្រេចមួយចុះថ្ងៃទី២៨ កក្កដារបស់ប្រមុខដឹកនាំរាជ រដ្ឋាភិបាល។ ខេត្តទាំង៨ដែលជាប់ព្រំដែនថៃ គឺជាខេត្តដែលតែងមានសេចក្តីរាយ…

រាជរដ្ឋាភិបាល បានដាក់ចេញសាជាថ្មីនូវបំរាមគោចរក្នុងរាជធានីភ្នំពេញនិងបណ្តាខេត្តទូទាំងប្រទេសរយៈពេល ១៤ថ្ងៃចាប់ពីពាក់កណ្តាលអាធ្រាត្រថ្ងៃទី២៩កក្កដាឈានចូលថ្ងៃទី៣០កក្កដា។ ការដាក់ចេញនូវបំរាមគោចរសាជាថ្មីដែលនឹងមានរយៈពេលពីម៉ោង៩យប់ដល់ម៉ោង៣ទាបភ្លឺរហូតដល់ថ្ងៃទី១២សីហា បានធ្វើឡើងតាមសារាចរណែនាំមួយ របស់រាជរដ្ឋាភិបាលទន្ទឹមនឹងសន្ទុះឆ្លងរាលដាលជម្ងឺកូវីដ១៩ នៅតែមានសភាពធ្ងន់ធ្ងរ ជាពិសេសក្តី ព្រួយបារម្ភលើវីរុសបំប្លែងថ្មី Delta ដែលទើបត្រូវបានរកឃើញជាបន្តបន្ទាប់។

ព្រះមហាក្សត្រ និងសម្ដេចម៉ែ បានប្រោសព្រះរាជទានសារលិខិតអបអរសាទរសម្តេចតេជោ ហ៊ុន សែន ដែល ទទួលគ្រឿងឥស្សរិយយសថ្នាក់មិត្តភាព- The Order of Friendship» ពីប្រធានាធិបតីរុស្ស៉ី ។ ព្រះរាជសាររបស់ ព្រះអង្គទាំងទ្វេ ថ្ងៃទី២៨កក្កដាឆ្នាំ២០២១ បានបញ្ជាក់ថា ព្រះសូមអបអរសាទរ ចំពោះដំណឹងដ៏ល្អប្រពៃនេះ និងសូមកោតសរសើរដ៏កក់ក្ដៅចំពោះសម្តេចអគ្គមហាសេនាបតីតេជោដែលមានគុណបំណាច់ដ៏ថ្លៃថ្លា, វីរភាពដ៏ ឧត្តុង្គឧត្តម និងជាអគ្គមគ្គុទេសក៏ដឹកនាំប្រទេសដ៏ឆ្នើមបំផុត និងប្រកបដោយសក្តានុពល ទំនាក់ទំនងសហប្រតិ បត្តិការជាមួយប្រទេសនានាបានល្អប្រសើរ, ធ្វើឱ្យព្រះរាជាណាចក្រកម្ពុជាមានសុខសន្តិភាព ស្ថិរភាពសង្គម ការអភិវឌ្ឍន៍ជាតិ, រីកចម្រើន និងល្បីរន្ទឺលើសកលលោក»។ គ្រឿងឥសិរ្សយសថ្នាក់ មិត្តភាព The Order of Friendship គឺជាគ្រឿងឥសិរ្សយសថ្នាក់កំពូលរបស់សហព័ន្ធរុស្ស៊ីដែលបានបង្កើតឡើងដោយអតីតប្រធានា ធិបតីរុស្ស៊ី លោកបូរីស យ៉ែល ស៊ីន។ ឥស្សរជននយោបាយសំខាន់ៗ ដែលធ្លាប់បានទទូលឥស្សរយសនោះរួម មានអតីតនាយករដ្ឋមន្រ្តីម៉ាឡេស៊ី លោកមហាធៀ មហាម៉ាត់, អតីតប្រធានាធិបតីឥណ្ឌូណេស៊ី លោកស្រី ម៉េ ហ្គាវ៉ាទី ស៊ូកាណូ ពូទ្រី, អគ្គលេខាធិការអង្គការសហប្រជាជាតិលោកបាន គីមូន,…