ខេត្តកំពង់ឆ្នាំងបានចាប់ផ្តើមប្រគល់ថវិកាដល់គ្រួសារសពស្លាប់ដោយសារកូវីដ១៩ក្នុងជំហានទី១នៅថ្ងៃនេះ បន្ទាប់ពីខេត្តជាប់នឹងដងទន្លេសាបនេះ មានមនុស្សស្លាប់ចំនួន២១នាក់ហើយ។ យោងតាមអភិបាលខេត្ត លោក ស៊ុនសុវណ្ណារិទ្ធ ថវិកាជួយទ្រទ្រង់ដល់ក្រុមគ្រួសារសពនីមួយមានចំនួន៥លានរៀល, ចំណែកការឧបត្ថម្ភជំហាន ទី១នេះ បានធ្វើចំពោះក្រុមគ្រួសារ៨សព។ ខេត្តកំពង់ឆ្នាំងគិតត្រឹមថ្ងៃច័ន្ទម្សិលមិញ, ការឆ្លងកូវីដ១៩ត្រូវគេរាយការណ៍ថា មានចំនួនសរុប៩២១នាក់។ អភិបាលខេត្តកំពង់ឆ្នាំង បានថ្លែងថាយុទ្ធនាការចាក់វ៉ាក់សាំងបានធ្វើនៅទូទាំងស្រុកហើយនា ពេល នេះដើម្បី បង្កាការឆ្លងកូវីដ១៩។ ខេត្តកំពង់ឆ្នាំង គឺជាខេត្តមួយក្នុងចំណោមបណ្តាខេត្តនិងរាជធានីទូទាំងប្រទេសដែលបានរងនឹងការផ្ទុះឆ្លងនិង ការស្លាប់ដោយសារជម្ងឺកូវីដ១៩។ ការឆ្លងក្នុងខេត្តកំពង់ឆ្នាំង ក្នុងរយៈពេល២៤ម៉ោងចុងក្រោយនេះមានចំនួន ៤២នាក់ដែលនាំឲ្យចំនួនឆ្លងបានកើន៩៦៣នាក់ និងការស្លាប់ម្នាក់បាននាំឲ្យចំនួនមនុស្សស្លាប់កើនដល់២១នាក់ ហើយ។

ខេត្តព្រៃវែងបានរកឃើញអ្នកឆ្លងជំងឺកូវីដ-១៩ថ្មីចំនួន១៧៧នាក់ និងស្លាប់ម្នាក់ ក្នុងរយៈពេល២៤ម៉ោងចុង ក្រោយ។ យោងតាមរដ្ឋបាលខេត្ត ការឆ្លងថ្មី ទាំង១៧៧នាក់ថ្ងៃនេះ រួមមាននៅក្រុងព្រៃវែង៥នាក់, ស្រុកកំចាយ មារ៦៨នាក់, ស្រុកពាមរក៍៣៤នាក់, ស្រុកបាភ្នំ៩នាក់, ស្រុកពោធិ៍រៀង៩នាក់, ស្រុកព្រះសេ្ដច៨នាក់, ស្រុកពារាំង ៨នាក់, ស្រុកមេសាង៦នាក់, ស្រុកស្វាយអន្ទរ៦នាក់, ស្រុកកំពង់ត្របែក៣នាក់, ស្រុកពាមជរ២នាក់, ស្រុក កញ្ជ្រៀច២នាក់, ស្រុកស៊ីធរកណ្ដាល២នាក់, មកពីខេត្តស្វាយរៀង១២នាក់, មកពីខេត្តត្បូងឃ្មុំ២នាក់ និង មក ពីខេត្តកំពង់ឆ្នាំងម្នាក់។ ចំណែកអ្នកស្លាប់ដោយសារ ជំងឺកូវីដ-១៩នោះ គឺជាស្រ្តីអាយុ៧៨ឆ្នាំនៃស្រុកពារាំង។ ខេត្តព្រៃវែង មានអ្នកឆ្លងជំងឺកូវីដ-១៩ចំនួន២ពាន់៤៧៨នាក់, ព្យាបាលជាសះស្បើយចំនួន១ពាន់៤៥៩០នាក់ និងមានអ្នកស្លាប់ សរុបចំនួន៣៨នាក់។

ខេត្តកំពង់ធំ បានរកឃើញអ្នកឆ្លងជំងឺកូវីដ១៩ ចំនួន ២៩នាក់ ថែមទៀតហើយ ក្នុងរយៈពេល ២៤ម៉ោងចុង ក្រោយនេះដែលជាតួលេខឆ្លងខ្ពស់ជាងម្សិលមិញចំនួន ៧នាក់ ។ យោងតាមរដ្ឋបាលខេត្ត អ្នកឆ្លងថ្មីនៅថ្ងនេះ បានកើតឡើងលើពលរដ្ឋនៅក្រុងស្ទឹងសែន១៤នាក់, អ្នកស្រុកសន្ទុក៤នាក់, អ្នកស្រុកបារាយណ៍៤នាក់, អ្នក ស្រុកតាំងគោកម្នាក់, អ្នកស្រុកស្ទោង៥នាក់ និងម្នាក់ទៀតបានឆ្លងលើពលរដ្ឋចំណូលថ្មីមកពីខេត្តកណ្តាល ។ រហូតមកដល់ពេលនេះ ខេត្តកំពង់ធំមានអ្នកឆ្លងជំងឺកូវីដ១៩ចំនួន១ពាន់២៥០នាក់, អ្នកកំពុងទទួលការព្យាបាល ចំនួន ៥១៣នាក់ និងមានអ្នកស្លាប់ចំនួន ២០នាក់៕

ខេត្តបន្ទាយមានជ័យ មានការឆ្លងកូវីដថ្មីចំនួន៦៧នាក់ក្នុងរយៈពេល២៤ម៉ោងចុងក្រោយនេះ។ នេះជាតួលេខ ឆ្លងនេះគឺមានការថយចុះមកវិញចំនួន២២នាក់ បើធៀបនឹងម្សិលមិញ ដែលបានរកឃើញអ្នកឆ្លងចំនួន ៨៩នាក់ ។ យោងតាមរដ្ឋ បាលខេត្ត, ការឆ្លងថ្ងៃនេះ បានកើតលើពលរដ្ឋស្រុកមង្គលបូរី១ម្នាក់, ក្រុងប៉ោយប៉ែត៤៨នាក់, ស្រុកម៉ាឡៃ៤នាក់, ស្រុកសិរីសោភ័ណ១១នាក់ ,ស្រុកអូជ្រៅ២នាក់ និងស្រុកស្វាយចេក១ម្នាក់។ ខេត្តបន្ទាយ មានជ័យថ្ងៃនេះ បានព្យាបាលជាសះស្បើយចំនួន១៩០នាក់ផងដែរ។

ខេត្តបាត់ដំបងក្នុងរយៈពេល ២៤ម៉ោងចុងក្រោយនេះ បានបន្តរកឃើញអ្នកឆ្លងជំងឺកូវីដ១៩ ចំនួន៤៦នាក់ បន្ថែម ទៀតហើយ ដែលជាតួលេខឆ្លងទាបជាងម្សិលមិញចំនួន ៣នាក់ ។ យោងតាមរដ្ឋបាលខេត្ត អ្នកឆ្លងកូវីដ១៩ ទាំង នោះ គឺជាករណីឆ្លងពីក្នុងសហគមន៍ចំនួន ៤៣នាក់ និង ៣នាក់ ផ្សេងទៀតជាករណីឆ្លងលើពលករដែលទើប ត្រឡប់មកពីប្រទេសថៃ ។ ពលរដ្ឋទាំងនោះ នៅមានទីលំនៅក្នុងស្រុកបាណន់ ៦នាក់, ក្រុងបាត់ដំបង ២៥នាក់, ស្រុកឯកភ្នំ ២នាក់, ស្រុកសង្កែ ៤នាក់, ស្រុកមោងឬស្សី ម្នាក់, ស្រុកថ្មីគោល ៣នាក់, ស្រុកសំពៅលូន ម្នាក់, ស្រុកបវេល ម្នាក់, ស្រុកំរៀង ម្នាក់ និងអ្នកដំណើរមកពីខេត្តបន្ទាយមានជ័យ ចំនួន ២នាក់ ផងដែរ ។ ខេត្តបាត់ដំបង គិតត្រឹមថ្ងៃនេះមានអ្នកឆ្លងជំងឺកូវីដ១៩ សរុបកើនដល់ ១ពាន់ ៦២០នាក់ អ្នកកំពុងសម្រាកព្យាបាលចំនួន ៨២៤នាក់ និងមានអ្នកស្លាប់ចំនួន ១១នាក់ ហើយ ៕

ខេត្តសៀមរាបមានការឆ្លងខ្ពស់ចំនួន១០៦ករណី និងស្លាប់ម្នាក់ក្នុងរយៈពេល២៤ម៉ោងចុងក្រោយ។ យោងតាម រដ្ឋបាលខេត្ត អ្នកឆ្លងថ្មីទាំងនោះ គឺរួមមានពលរដ្ឋក្នុងក្រុង សៀមរាប៦១នាក់, ស្រុកជីក្រែង១៧នាក់, ស្រុកប្រា សាទបាគង៣នាក់, ស្រុកសូទ្រនិគម១៥នាក់, ស្រុកពួក៣នាក់, ស្រុកអង្គរធំម្នាក់, មកពីខេត្តព្រៃវែងម្នាក់ និងឆ្លង លើពលករមកពីប្រទេសថៃចំនួន៥នាក់។ចំណែកអ្នកស្លាប់ម្នាក់នោះ គឺជាបុរសអាយុ៤៩ឆ្នាំ នៃស្រុកអង្គរធំ ខេត្ត សៀមរាប។ ខេត្តសៀមរាប មានអ្នកឆ្លងជំងឺកូវីដ-១៩សរុបចំនួន២ពាន់៥៥៣នាក់, ព្យាបាលជាសះ ស្បើយចំនួន ៩២៧នាក់និងការស្លាប់បានកើនដល់២៥នាក់។

ផ្សារឯកជនមួយឈ្មោះ ងិនអាន ក្នុងខណ្ឌឬស្សីកែវនៅថ្ងៃនេះ ក៏ត្រូវបានបិទបណ្តោះអាសន្នផងដែរនៅថ្ងៃនេះ ក្រោយការរកឃើញមានករណីឆ្លងកូវីដ១៩។ អភិបាលខណ្ឌឬស្សីកែវលោក ជា ពិសី បានចេញសេចក្ដីជូន ដំណឹងការបិទបណ្តោះអាសន្នផ្សារ «ងិន អាន» ហៅផ្សារទំនប់រយៈពេល១៤ថ្ងៃ ដែលជាផ្សារមានទីតាំង នៅ សង្កាត់ទួលសង្កែទី១ ដើម្បីបង្ការទប់ស្កាត់ការឆ្លងរីករាលដាលវីរុសកូវីដ១៩ ក្នុងសហគមន៍។