ខេត្តឧត្តរមានជ័យ បានរកឃើញអ្នកឆ្លងជំងឺកូវីដ១៩ ចំនួន១២៧នាក់ និងមានអ្នកស្លាប់ម្នាក់ថែមទៀត ក្នុងរយៈ ពេល ២៤ម៉ោងចុងក្រោយនេះ ។ នេះជាតួលេខឆ្លងកើនខ្ពស់រហូតដល់ទៅ៣១នាក់ ធៀបនឹងម្សិលម៉ិញ ដែល មានអ្នកឆ្លងចំនួន ៩៦នាក់ ។ យោងតាមរដ្ឋបាលខេត្ត អ្នកជំងឺកូវីដ១៩ទាំង១២៧នាក់នោះ ជាករណីឆ្លងក្នុងសហគមន៍ចំនួនតែ ៤នាក់ប៉ុណ្ណោះ , ចំណែក១២៣នាក់ ដទៃទៀត បានឆ្លងលើពលករដែលទើបត្រឡប់មកពីប្រទេសថៃ ។ អ្នកឆ្លងថ្មីនៅថ្ងៃនេះ គឺជាពលរដ្ឋជាអ្នកស្រុកអន្លង់វែង, នៅក្រុងសំរោង, ស្រុកបន្ទាយអំពិល, ស្រុកចុងកាល់ ស្រុកត្រពាំងប្រាសាទ និងឆ្លងលើពលករជាអ្នកខេត្តសៀមរាប, ខេត្តកំពង់ធំ, ខេត្តតាកែវ, ខេត្តពោធិ៍សាត់ ខេត្តក្រ ចេះ ខេត្តបន្ទាយមានជ័យ ខេត្តត្បូងឃ្មុំ ខេត្តបាត់ដំបង ខេត្តសៀមរាប ខេត្តព្រៃវែង និងខេត្តកំពង់ចាម ។ ខេត្តឧត្តរមានជ័យ គិតត្រឹមថ្ងៃនេះមានអ្នកឆ្លងជំងឺកូវីដ១៩ សរុបចំនួន ១ពាន់ ៣១៨នាក់ អ្នកកំពុងទទួលការព្យា បាលមានចំនួន ១ពាន់ ២៣នាក់ ៕

ការផ្ទុះឆ្លងក្នុងពន្ធនាគារក្នុងខេត្តកំពង់ឆ្នាំង បានប្រញាប់ឲ្យមន្ត្រីតុលាការបានជួនដំណឹងការលើកពេលសវនាការ តុលាការ។ សេចក្តីជូនដំណឹងរបស់សាលាដំបូងខេត្តកំពង់ឆ្នាំងថ្ងៃទី៩កក្កដាបានសរសេរថាមានការផ្ទុះឆ្លងក្នុង ពន្ធនាគារដែលតម្រូវឲ្យមន្ត្រីខ្លះ ត្រូវធ្វើចត្តាឡីស័ករយៈពេល១៤ថ្ងៃ។ សេចក្តីជូនដំណឹងបានបន្តថាការផ្ទុះឆ្លង នេះ បានបង្កផលលំបាកសម្រាប់ការចាត់ចែងកម្លាំងមន្ត្រីក្នុងកិច្ចការពារនិងការបញ្ជួនជនជាប់ឃុំមកតុលាការក៏ ដូចជាការបង្កាទប់ស្កាត់ការឆ្លងកូវីដ១៩ក្នុងទ្រង់ទ្រាយធំដល់អ្នកជាប់ឃុំផងដែរ។ សេចក្តីជូនដំណឹងដដែលបានបន្តថា ដូច្នេះ សវនាការតុលាការក្នុងចន្លោះពីថ្ងៃទី៩រហូតដល់២២កក្កដា នឹងត្រូវ លើកពេលទៅថ្ងៃក្រោយលើកលែងតែករណី ចាំបាច់បន្ទាន់ណាមួយ។ សេចក្តីជូនដំណឹងមិនបានបញ្ជាក់ ច្បាស់លាស់ថាតើការឆ្លងជម្ងឺកូវីដ១៩ចូលក្នុងពន្ធនាគារនោះ បានជាប់ពាក់ព័ន្ធនឹងមនុស្សប៉ុន្មាននាក់ ហើយ មានករណីឆ្លងលើអ្នកទោសដែរឬយ៉ាងណានោះឡើយ។ ខេត្តកំពង់ឆ្នាំងថ្ងៃនេះ មានការឆ្លងថ្មី១៥នាក់និងមាន ករណីស្លាប់ម្នាក់។ ខេត្តកំពង់ឆ្នាំង គិតត្រឹមថ្ងៃនេះបានរកឃើញអ្នកឆ្លងកូវីដ១៩សរុបចំនួន ៧៣៩នាក់,  អ្នកជា សះស្បើយចំនួន ៤៣៣នាក់ និងមានអ្នកស្លាប់១៦នាក់ហើយ ។

មនុស្ស៣នាក់ស្លាប់ដោយសារជំងឺកូវីដ១៩នៅខេត្តកំពង់ស្ពឺក្នុងរយៈពេល២៤ម៉ោងចុងក្រោយ។ យោងតាម រដ្ឋបាលខេត្ត ចំនួនមនុស្សស្លាប់ដោយសារកូវីដ១៩ក្នុងខេត្តមានចំនួនកើនឡើងដល់៦៣នាក់ហើយ។ ខេត្តកំពង់ ស្ពឺក្នុងរយៈពេល២៤ម៉ោងកន្លងមកនេះ មានអ្នកឆ្លងថ្មី៦៦នាក់ដែលនាំឲ្យ ចំនួនអ្នកឆ្លងជំងឺកូវីដ១៩បានកើនដល់ ២ពាន់៩៧០នាក់និងក្នុងនោះ ការព្យាបាលជាសះស្បើយ មានចំនួន២ពាន់២៣០នាក់។

ខេត្តព្រៃវែងមានអ្នកឆ្លងជំងឺកូវីដ១៩ថ្មីចំនួន៦៨នាក់ និងមានអ្នកស្លាប់៤នាក់ ក្នុងរយៈពេល២៤ម៉ោងចុងក្រោយ ។ នេះជាតួលេខកើនខ្ពស់ជាងម្សិលមិញដែលមានអ្នកឆ្លង៥១នាក់និងអ្នកស្លាប់តែ២នាក់នោះទេ។ យោងតាមរដ្ឋបាលខេត្ត ការឆ្លងថ្មីទាំង៦៨នាក់រួមមាននៅក្រុងព្រៃវែង៦នាក់, ស្រុកបាភ្នំ១៤នាក់, ស្រុកព្រះសេ្ដច១៤នាក់, ស្រុក ស្វាយអន្ទរ១០នាក់, ស្រុកពារាំង៧នាក់, ស្រុកពាមរក៍៥នាក់, ស្រុកកំពង់ត្របែក៤នាក់, ស្រុកស៊ីធរកណ្តាល ៣នាក់, ស្រុកមេសាង២នាក់, ស្រុកកញ្ច្រៀច២នាក់ និងស្រុកពាមជរម្នាក់។ ចំណែកអ្នកស្លាប់ទាំង៤នាក់នៅថ្ងៃ នេះទៀត បាននាំឲ្យចំនួនស្លាប់ក្នុងខេត្តព្រៃវែងនោះ បានកើនដល់៣៤នាក់ហើយ។ ខេត្តព្រៃវែង មានអ្នកឆ្លងជំងឺ កូវីដ-១៩ចំនួន១ពាន់៩៧២នាក់ និងព្យាបាលជាសះស្បើយចំនួន១ពាន់៣២៨នាក់។

ខេត្តស្វាយរៀងរកឃើញអ្នកឆ្លងជំងឺកូវីដ១៩ថ្មីចំនួន៨២នាក់ និងស្លាប់១នាក់ ក្នុងរយៈពេល២៤ម៉ោងចុងក្រោយ។ នេះជាតូលេខឆ្លងកើនឡើង២២នាក់ថែមទៀតបើប្រៀបធៀបនឹងម្សិលមិញ។ យោងតាមរដ្ឋបាលខេត្តការឆ្លងថ្មី ទាំង៨២នាក់នោះ រួមមាន៥៦នាក់ជាកម្មករតាមរោងចក្រនានា, ១៣នាក់ជាអ្នកប៉ះពាល់នឹងអ្នកជំងឺកូវីដ១៩, ៨នាក់បានឆ្លងក្នុងស្រុក និងក្រុងនៅក្នុងខេត្ត, ៣នាក់ទៀតជាអ្នកដំណើរមកពីរាជធានីភ្នំពេញ និងម្នាក់ទៀតជាពលករមកពីប្រទេសថៃ។ រីឯអ្នកស្លាប់ម្នាក់ថ្ងៃនេះ គឺជាបុរសអាយុ៧២ឆ្នាំក្នុងក្រុងបាវិត។ ខេត្តស្វាយរៀង មានអ្នកឆ្លង ជំងឺកូវីដ-១៩សរុបចំនួន៣ពាន់២១២នាក់, ព្យាបាលជាសះស្បើយចំនួន២ពាន់១៦នាក់ និងមានអ្នកស្លាប់សរុប ចំនួន៤០នាក់។

ខេត្តកំពង់ធំ បានរកឃើញអ្នកឆ្លង ជំងឺកូវីដ១៩ថ្មី ចំនួន ៣១នាក់ និងមានអ្នកស្លាប់ ២នាក់ថែមទៀត ក្នុងរយៈ ពេល ២៤ម៉ោងចុងក្រោយនេះ ។ ដែលជាតួលេខថយចុះចំនួន ៥នាក់ ធៀបនឹងម្សិលម៉ិញ ដែលមានអ្នកឆ្លង ចំនួន ៣៦នាក់ ។ យោងតាមរដ្ឋបាលខេត្ត អ្នកឆ្លងថ្មីនៅថ្ងៃនេះ ត្រូវបានគេរកឃើញឆ្លងលើពលរដ្ឋនៅក្នុង ក្រុងស្ទឹងសែន, ស្រុកកំពង់ស្វាយ, ស្រុកប្រាសាទបល្ល័ង្ក, ស្រុកតាំងគោក, ស្រុកបារាយណ៍, ស្រុកសន្ទុក និង ស្រុកស្ទោង ។ ខេត្តកំពង់ធំគិតរហូតមកដល់ពេលនេះ មានអ្នកឆ្លងជំងឺកូវីដ១៩សរុបចំនួន ១ពាន់ ១៥៥នាក់ កំពុងទទួលការព្យាបាលចំនួន ៥០៩នាក់ និងមានអ្នកស្លាប់ចំនួន ១៥នាក់ ហើយ ៕

ខេត្តសៀមរាប បានរកឃើញអ្នកវិជ្ជមានជំងឺកូវីដ-១៩ ថ្មី៧២នាក់ និងស្លាប់២នាក់ ក្នុងរយៈពេល២៤ម៉ោងចុង ក្រោយនេះ។ នេះជាតួលេខថយចុះ៨៥នាក់បើប្រៀបធៀបនឹងការឆ្លងម្សិលមិញមានចំនួន១៥៧នាក់នោះ។ យោងតាមរដ្ឋបាលខេត្ត អ្នកឆ្លងថ្មីទាំងនោះគឺជាអ្នកស្រុកជីក្រែង៥នាក់, ក្រុងសៀមរាប៥០នាក់, ស្រុកប្រាសាទ បាគង៣នាក់, ស្រុកសូទ្រនិគម៣នាក់,  ស្រុកពួក៤នាក់ និងពលករមកពីប្រទេសថៃចំនួន៧នាក់។ ចំណែកអ្នក ស្លាប់ទាំង២នាក់នោះ គឺរួមមានបុរសអាយុ៧៧ឆ្នាំ នៅក្រុងសៀមរាប និងស្ត្រី អាយុ៦២ឆ្នាំ នៃស្រុកប្រាសាទ បាគង។ ខេត្តសៀមរាប គិតមកដល់បច្ចុប្បន្នមាន អ្នកឆ្លងជំងឺកូវីដ១៩សរុបចំនួន២ពាន់៤៤នាក់, ព្យាបាលជាសះ ស្បើយចំនួន៧០៧នាក់ និងស្លាប់២១នាក់។

រថយន្តដឹកវ៉ាក់សាំងចំនួន៣០គ្រឿងដែលជាអំណោយរប​ស់សម្តេចតេជោ ហ៊ុន សែន ត្រូវបានប្រគល់ជូនមន្ទីរ សុខាភិបាលរាជធានី-ខេត្តទាំង២៥ នៅព្រឹកថ្ងៃទី៩កក្កដានេះ នៅមួយថ្ងៃមុនការមកដល់វ៉ាក់សាំង៤លានដូសថ្មី ទៀតពីប្រទេសចិន។ កម្ពុជាកំពុងសម្រុកលើយុទ្ធនាការចាក់វ៉ាក់សាំងតាមបណ្តាខេត្តថ្មីៗដទៃទៀត ដែលជា ខេត្តគោលដៅនិងខេត្តដែលទើបនឹងមានការផ្ទុះឆ្លងរាលដាល។ ខេត្តសៀមរាបបានប្រកាសការចាប់ផ្តើមចាក់ វ៉ាក់សាំងលើកដំបូងចាប់ពីថ្ងៃទី១០កក្កដា, ចំណែកខេត្តប៉ៃលិនបានប្រកាសការចាក់លើកដំបូងរ​បស់ខ្លួនតាំងពី ថ្ងៃទី៨កក្កដានោះមក។ រថយន្តដឹកវ៉ាក់សាំងចំនួន៣០គ្រឿងដែលជាជាអំណោយរបស់សម្តេចតេជោ ហ៊ុន សែន ប្រគល់ជូនដល់មន្ទីរសុខាភិបាលរាជធានី-ខេត្តទាំង២៥ នៅព្រឹកថ្ងៃនេះ បានប្រព្រឹត្ត ទៅក្រោមវត្តមានប្រធាន គណៈកម្មការចាក់វ៉ាក់សាំងក្នុងក្របខណ្ឌទូទាំងប្រទេសលោកស្រីឳវណ្ណឌីន ដែលជារដ្ឋលេខាធិការក្រសួងសុខា ភិបាល ។ យោងតាមក្រសួងសុខាភិបាលបច្ចុប្បន្ននេះក្រុមការងារចាក់វ៉ាក់សាំងការពារជំងឺកូវីដ-១៩ កំពុងដំណើរ ការចាក់វ៉ាក់សាំងនាពេលនេះនៅខេត្តកណ្តាល កំពង់ស្ពឺ កំពង់ឆ្នាំង ពោធិសាត់ ស្វាយរៀង, កោះកុង, ព្រះសីហនុ កំពង់ចាម, ត្បូងឃ្មុំ, តាកែវ, បន្ទាយមានជ័យ, ប៉ៃលិន និងខេត្តព្រៃវែង។

កម្ពុជាកំពុងសម្រុកយុទ្ធនាការចាក់វ៉ាក់សាំងតាមបណ្តាខេត្តទន្ទឹមនឹងវ៉ាក់សាំងបានបន្តដឹកចូលមកក្នុងប្រទេស កម្ពុជាក្រោមនយោបាយការទូតដ៏ប៉ិនប្រសប់របស់ប្រមុខរាជរដ្ឋាភិបាលបច្ចុប្បន្ន។ កម្ពុជាបានដាក់គម្រោង ការណ៍ស្វែងរកវ៉ាក់សាំង២០លានដូស ដើម្បីការចាក់ជួនប្រជាពលរដ្ឋចំនួន១០លាននាក់ ដែលរំពឹងនឹងបញ្ចប់ក្នុង ខែវិច្ឆិកា។ វ៉ាក់សាំងទាំង២០លានដូសនោះ ត្រូវគេរំពឹងថានឹងមកដល់កម្ពុជាសព្វគ្រប់ទាំងអស់រហូតដល់ខែសីហា។