ខេត្តរតនគិរី បានរកឃើញអ្នកឆ្លងកូវីដ១៩ ចំនួន ៩នាក់ ក្នុងរយៈពេល ២៤ម៉ោង ចុងក្រោយនេះ ដែលជា តួ លេខឆ្លងថយចុះចំនួន៧ នាក់ បើធៀបនឹងម្សិលមិញដែលបានរកឃើញអ្នកឆ្លងចំនួន ១៦នាក់ ។

ខេត្តព្រះវិហារ បានរកឃើញអ្នកឆ្លងជំងឺកូវីដ១៩ ថ្មីចំនួន ២៤នាក់ ថែមទៀត ក្នុងរយៈពេល ២៤ម៉ោងចុងក្រោយ នេះដែលជាតួលេខឆ្លងកើនខ្ពស់ជាងម្សិលមិញរហូតដល់ចំនួន ២១នាក់ ។

ខេត្តក្រចេះ បានរកឃើញអ្នកឆ្លងកូវីដ១៩ ចំនួន ១០នាក់ ថែមទៀត ក្នុងរយៈពេល ២៤ម៉ោង ចុងក្រោយនេះ ដែលជាតួលេខឆ្លងកើនឡើងចំនួន៤នាក់ បើធៀបនឹងម្សិលមិញ ។

ខេត្តត្បូងឃ្មុំ មានអ្នកឆ្លងថ្មី៦៥នាក់នៅថ្ងៃនេះ ដែលជាតួលេខកើនខ្ពស់ចំនួន ៣០នាក់ ធៀបនឹងម្សិលមិញ។ យោងតាមរដ្ឋបាលខេត្ត ការរកឃើញឆ្លងថ្មីនៅថ្ងៃនេះ បានឆ្លងលើពលរដ្ឋនៅក្នុងស្រុកក្រូចឆ្មា ស្រុកត្បូងឃ្មុំ ក្រុងសួង ស្រុកពញាក្រែក ស្រុកមេមត់ ស្រុកអូរាំងឪ និងស្រុកតំបែរ ៕

ខេត្តកំពង់ចាម រកឃើញអ្នកវិជ្ជមានជំងឺកូវីដ-១៩ ថ្មី ៤២នាក់ និងស្លាប់៥នាក់ ក្នុងរយៈពេល២៤ម៉ោងចុង ក្រោយនេះ។ តួលេខនៃការឆ្លងបានថយចុះ៥នាក់បើប្រៀបធៀបនឹងម្សិលមិញ ប៉ុន្តែចំនួនមនុស្សស្លាប់៥នាក់ មានស្មើគ្នានឹងការស្លាប់ពីម្សិលមិញ។

ខេត្តកំពង់ធំ បានរកឃើញអ្នកឆ្លងកូវីដ១៩ ចំនួន ២៥នាក់ ថែមទៀត ក្នុងរយៈពេល ២៤ម៉ោងចុងក្រោយនេះ ដែលជាតួលេខឆ្លងច្រើនជាងម្សិលមិញចំនួន ៣នាក់ ។

ខេត្តកំពង់ឆ្នាំងបានរកឃើញអ្នកឆ្លងកូវីដ១៩ ចំនួន ១៣នាក់និងស្លាប់ម្នាក់នៅថ្ងៃនេះ។ យោងតាមរដ្ឋបាលខេត្ត អ្នកឆ្លងថ្មីនៅថ្ងៃនេះ រួមមានពលរដ្ឋនៅក្នុងក្រុងកំពង់ឆ្នាំង, ស្រុកបរិបូណ៌, ស្រុករលាប្អៀរ ,ស្រុកកំពង់ត្រឡាច និងពលរដ្ឋដែលធ្វើដំណើរមកពី ខេត្ដកណ្ដាល ។ យោងតាមរដ្ឋបាលខេត្ដ អ្នកស្លាប់នោះ គឺជាបុរសអាយុ៤០ឆ្នាំ នៃស្រុកកំពង់ត្រឡាច ។

ខេត្តបាត់ដំបងរកឃើញអ្នកឆ្លងជំងឺកូវីដ-១៩ថ្មីចំនួន៥០នាក់ និងស្លាប់២នាក់ ក្នុងរយៈពេល២៤ម៉ោងចុងក្រោយ។

ខេត្តព្រៃវែងរកឃើញអ្នកឆ្លងជំងឺកូវីដ-១៩ថ្មីចំនួន២៨នាក់ និងស្លាប់២នាក់ ក្នុងរយៈពេល២៤ម៉ោងចុងក្រោយ។ នេះជាតួលេខឆ្លងថយចុះ១៤នាក់បើប្រៀបធៀបនឹងម្សិលមិញ។