ខេត្តកំពង់ធំ បានរកឃើញអ្នកឆ្លងជំងឺកូវីដ១៩ថ្មី ចំនួន ៤៥នាក់ ថែមទៀតហើយ ក្នុងរយៈពេល ២៤ម៉ោង ចុង ក្រោយនេះ ។ នេះជាតួលេខបន្តកើនខ្ពស់រហូតដល់ ២០នាក់ ធៀបនឹងម្សិលមិញ ដែលបានរកឃើញអ្នកឆ្លង ចំនួន ២៥នាក់ ។

ខេត្តសៀមរាប បានរកឃើញអ្នកឆ្លងកូវីដ១៩ថ្មី ចំនួន ៥១នាក់ ថែមទៀត ក្នុងរយៈពេល ២៤ម៉ោង ចុងក្រោយ នេះ ដែលជាតួលេខថយចុះចំនួន១០៩នាក់ ប្រៀបធៀបនឹងម្សិលមិញ ។ កាលពីថ្ងៃអង្គារម្សិលមិញ ខេត្តសៀម រាប បានរកឃើញអ្នកឆ្លងកូវីដ១៩ ចំនួន ១៦០នាក់ ។

ការធ្វើសំណង់ប្រាសាទថ្មីមួយ នៅក្នុងប្រទេសថៃជាមួយការចោទប្រកាន់ថាបានយកលំនាំតាមប្រាសាទអង្គរវត្ត ខ្មែរ បានប្រញាប់ឲ្យក្រសួងវប្បធម៌ នៃប្រទេសកម្ពុជាបានចាត់ក្រុមតាមដាននិងធ្វើការស៊ើបអង្កេត។

ចំនួនមនុស្សដែលបានចាក់វ៉ាក់សាំងរយៈពេល២៤ម៉ោងកន្លងមកនេះ មានចំនួន៥ម៉ឺន៤ពាន់៨០៣នាក់ ដែល នាំឲ្យចំនួនអ្នកចាក់វ៉ាក់សាំងទូទាំងប្រទេសកម្ពុជាបានកើនឡើង៤លាន៦សែន៥ម៉ឺន៤ពាន់៤៥១នាក់ហើយ។ ចំនួននេះ គឺស្មើនឹងជាង៤៦ភាគរយនៃតួលេខចាក់លើពលរដ្ឋចំនួន១០នាក់ទូទាំងប្រទេស, ក្នុងនោះអ្នកបាន ចាក់វ៉ាក់សាំងដូសទី២រួចមានចំនួន៣លាន៣សែន៧ម៉ឺន៦ពាន់៦៨៧នាក់។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន៥ម៉ឺន ៧ពាន់ ២​រយ ករណី និងការ ស្លាប់ថ្មីមានចំនួន១៤២៧នាក់។ ប្រទេសដែលមានការឆ្លងថ្មីក្នុងរយៈ ពេល២៤ម៉ោងចុងក្រោយនេះនៅអាស៊ាន ក្រៅពីប្រទេសកម្ពុជា នៅមានប្រ ទេសចំនួន១០ ប្រទេសដែលមានការស្លាប់ថ្មីរយៈពេល២៤ម៉ោងចុងក្រោយនេះ មានចំនួន៧ប្រទេស។

ការឆ្លងជំងឺកូវីដ១៩ក្នុងប្រទេសកម្ពុជានៅមិនទាន់ថយចុះឡើយដោយតួលេខឆ្លងខ្ពស់មានចំនួន៩៨១ករណី។ តួលេខឆ្លងក្នុងរយៈពេលមួយសប្តាហ៍ដំបូងក្នុងខែកក្កដានេះ តួលេខឆ្លងស្ថិតនៅក្នុងរង្វង់ជាង៩០០ចំនួន៦ដង​ និងជាង៨០០ម្តង។

ប្រធានគណបក្សប្រជាជនកម្ពុជាសម្តេច ហ៊ុន សែន បានអញ្ជើញចូលរួមកិច្ចប្រជុំកំពូលរវាងថ្នាក់ដឹកនាំនៃគណ បក្សកុម្មុយនីស្តចិននិងគណបក្សនយោបាយលើពិភពលោកដែលអញ្ជើញចូលរួមដោយមេដឹកនាំកំពូលនៃប្រ ទេសចិនលោកស៊ីជីនពីងនិងបណ្តាមេដឹកនាំគណបក្សនយោបាយចំនួន៥០០បក្ខនៅជុំវិញពិភពលោករួមនឹង បណ្តាអង្គការក្រៅរដ្ឋាភិបាលមកពីជាង១៦០ប្រទេស។ កិច្ចប្រជុំកំពូលនេះ បានរៀបចំធ្វើតាមប្រព័ន្ធ Online នា យប់ថ្ងៃទី៦កក្កដាម៉ោងក្នុងប្រទេសកម្ពុជា ក្រោមប្រធានបទ «ការបំពេញការងារដើម្បីសុភមង្គលប្រជាជន៖ ការទទួលខុសត្រូវរបស់គណបក្សនយោបាយ» និងកិច្ចប្រជុំកំពូលនេះទៀតបានប្រព្រឹត្តទៅទន្ទឹមនឹងពិភពលោក កំពុងតែងរងការគម្រាមពីវិបត្តិកូវីដ១៩ និងក្នុងរង្វង់ស្ថានការណ៍នៃ និន្នាការពហុភាគីនិយមកំពុងស្ថិត ក្រោមការ គំរាមកំហែងពីសំណាក់ការកើនឡើងនៃនិន្នាការ ឯកតោភាគីនិយម, ប្រជានិយម និងគាំពារនិយម ។