ប្រធានគណៈកម្មការចំពោះកិច្ចចាក់វ៉ាក់សាំងលោកស្រីឳវណ្ឌឌីន បានថ្លែងនៅថ្ងៃនេះដាស់តឿនការប្រុងប្រយ័ត្នជុំវិញការឆ្លងកូវីដ១៩ដោយសារតែករណីឆ្លងវេលាចុងក្រោយនេះ បានស្ថិតចូលក្នុងគំនូសក្រហមហើយ។ កម្ពុជាក្នុងរយៈពេលពេញមួយឆ្នាំ២០២០, ការឆ្លងកូវីដ១៩ មានមិនដល់៤០០ករណីទេ ប៉ុន្តែការឆ្លងក្នុងព្រឹត្តិការណ៍សហគមន៍ជាលើកទី៣ចាប់តាំងពីខែកុម្ភៈឆ្នាំ២០២១ តួលេខឆ្លងបាន ស្ទុះកើនខ្លាំងដោយគ្រាន់តែក្នុងរយៈ ពេល១២៩ថ្ងៃកន្លងមកនេះ ការឆ្លងមានចំនួន៤ម៉ឺន៦ពាន់៨៤៦នាក់ ដែលជាទំហំធំធេង និងបានឆ្លងចូលក្នុង​បន្ទាត់ក្រហមហាមឃាត់របស់កម្ពុជាហើយ។ ដូចប្រសាសន៍របស់លោកស្រីឳវណ្ណឌីន ដែលបានបញ្ជាក់ប្រាប់ បណ្តាញព័ត៌ មានក្នុងស្រុកនៅថ្ងៃនេះ ។ ការដាស់តឿនប្រុងប្រយ័ត្នរបស់លោកស្រីឳវណ្ណឌីន ដែលជារដ្ឋលេខាធិការក្រសួងសុខាភិបាលបានធ្វើឡើង ក្នុងពេលដែលកម្ពុជាទើបបានរកឃើញជាបន្តបន្ទាប់នូវវីរុសបំប្លែងប្រភេទ Delta Variant ដែលមានប្រភពដើមមកពី ប្រទេសឥណ្ឌា។ វិរុសបំប្លែង Delta បាននិងកំពុងឆ្លងចូលក្នុងប្រទេសកម្ពុជាដែលត្រូវបានគេរកឃើញយ៉ាងហោច ចំនួន២២ករណីដែលជាករណីនាំចូលមកពីក្រៅប្រទេស។ វីរុសបំប្លែងប្រភេទ Delta នេះគឺជាវីរុសដែលធ្លាប់បង្ក គ្រោះមហន្តរាយកូវីដ១៩ក្នុងប្រទេសឥណ្ឌានាពេលថ្មីៗនេះ និងបានធ្វើឲ្យមានមនុស្សស្លាប់និងឆ្លងច្រើនសែន លាននាក់ក្នុងប្រទេសឥណ្ឌានោះ។ ពិភពលោកនៅជាមួយគ្នានេះ បានប្រញាប់បញ្ចេញនូវ សញ្ញាព្រមានចំពោះ ពិភពលោកដើម្បីការបង្កាការពារនិងទប់ទល់ចំពោះ វីរុសបំប្លែង Delta នេះ។ លោកស្រីឳវណ្ណឌីន បានថ្លែង​បញ្ជាក់ប្រាប់អ្នកសារព័ត៌មានក្នុងស្រុកថាពិភពលោកនៅមិនទាន់បានរកឃើញថាតើភាពធ្ងន់ធ្ងរនៃវិរុសបំប្លែង Delta នោះ នឹងអាចមានសភាពធ្ងន់ធ្ងរដល់កម្រិតណានោះឡើយ (សម្លេងឳវណ្ណឌីនទី៤) តាមរយៈការឆ្លងនៃរលកទី៣ក្នុងសហគមន៍ចាប់តាំងពីថ្ងៃទី២០កុម្ភៈកន្លងមកនេះ ការឆ្លងតាមខែនីមួយត្រូវគេ កត់សម្គាល់ថា មានការកើនឡើងស្រឺតៗដោយមិនទាន់មានការធ្លាក់ចុះឡើយ។ យោងតាមទិន្នន័យពីប្រភពក្រសួងសុខាភិបាលគិតនៅក្នុងខែមីនា តួលេខឆ្លងចូលក្នុងសហគមន៍មានចំនួន តែ…

ការឆ្លងកូវីដ១៩ថ្មីចូលក្នុងសហគមន៍ក្នុងរយ:ពេល២៤ម៉ោងកន្លងមកនេះមានការថយចុះចំនួន១២៣ករណី បើ ប្រៀបធៀបនឹងម្សិលមិញ។ការឆ្លងចូលក្នុងសហគមន៍នៅថ្ងៃនេះ មានចំនួន៦២៥ករណី, ចំណែកការឆ្លងចូលក្នុង សហគមន៍កាលពីម្សិលមិញមានចំនូន៧៤៨ករណី។ ចំនួនមនុស្សដែលបានឆ្លងក្នុងព្រឹត្តិការណ៍សហគមន៍ ២០កុម្ភៈ រយៈពេល១២៩ថ្ងៃកន្លងមកនេះ បានកើនឡើងដល់៤ម៉ឺន៦ពាន់៨៤៦នាក់ហើយ ។

មន្ត្រីគន្លឹះដឹកនាំវិស័យសេដ្ឋកិច្ចជាតិ បានថ្លែងថាប្រទេសចិនគឺជាប្រទេសនៃប្រភពវិនិយោគនិងជាប្រទេស បានជួយកម្ពុជាជាច្រើនក្នុងដំណើរការរៀបចំសមាហរណកម្មសេដ្ឋកិច្ចជាតិ។ រដ្ឋមន្ត្រីប្រតិភូអមនាយករដ្ឋមន្ត្រី លោកវង្សី វិសុទ្ធ ដែលជារដ្ឋលេខាធិការប្រចាំការនៃក្រសួងសេដ្ឋកិច្ចនិងហិរញ្ញវត្ថុ បានប្រាប់អ្នកសារព័ត៌មានក្នុង ស្រុកនាពេលថ្មីៗនេះថា សេដ្ឋកិច្ចរបស់កម្ពុជាដែលមានច្រកកិច្ចសហប្រតិបត្តិការជាមួយនឹងប្រទេសចិន នៅតែ បន្តដំណើររឹងប៉ឺងទៅមុខនិងអាចទ្រទ្រង់ប្រទេសជាតិបានក្នុងបច្ចុប្បន្ន បើទោះ បីជាកម្ពុជាបាននិងកំពុងរងវិបត្តិ កូវីដ១៩យ៉ាងធ្ងន់ធ្ងរ​នាពេលនេះក្តី ។

ប្រធានាធិបតីប្រទេសចិនលោក ស៊ីជីនពីង បានថ្លែងបញ្ជាក់ការ« បន្តគាំទ្រជាមួយភាគីកម្ពុជាក្នុងការធ្វើដំណើរ ឆ្ពោះទៅកាន់មាគ៌ាអភិវឌ្ឍន៍…» ដែលការសន្យានេះ បានធ្វើឡើងក្នុងសារលិខិតមួយអបអរសាទរខួបលើកទី៧០ នៃការបង្កើតគណបក្សប្រជាជនកម្ពុជា។

នាយករដ្ឋមន្ត្រីនៃប្រទេសកម្ពុជា បានអញ្ជើញចូលរួមក្នុងសន្និសីទតុមូលមួយនៅថ្ងៃនេះតាមប្រព័ន្ធវីដេអូ Online ដែលជាសន្និសិទមួយរៀបចំរវាងប្រធានគណបក្សរួបរួមរុស្ស៊ីលោក Dmitry Medvedev អនុប្រធានក្រុមប្រឹក្សា សន្តិសុខនៃសហព័ន្ធរុស្ស៊ី ជាមួយនឹងតំណាងគណបក្សនៃបណ្តាប្រទេសអាស៊ាន។

មនុស្ស ០៥នាក់បានស្លាប់ និង១២នាក់ទៀតបានរងរបួសធ្ងន់ស្រាល ក្នុងគ្រោះថ្នាក់ចរាចរណ៍ទូទាំងប្រទេស ថ្ងៃទី២៨មិថុនានេះ។ សេចក្តីរាយការណ៍ទិន្នន័យគ្រោះថ្នាក់ចរាចរណ៍ផ្លូវគោកទូទាំងប្រទេស បានបញ្ជាក់ថា គ្រោះថ្នាក់ដែលបង្កឲ្យមានមនុស្សស្លាប់ និងរបួសសរុប១៧នាក់នៅថ្ងៃនេះ គឺកើតឡើងដោយសារហេតុការណ៍ ប៉ះទង្គិច ចំនួន ០៩លើក។

សមត្ថកិច្ចបានឃាត់ខ្លួនជនសង្ស័យចំនួន១១នាក់ នៅក្នុងការបង្រ្កាបគ្រឿងញៀនទូទាំងប្រទេសនៅថ្ងៃទី២៨ មិថុនា ។ ក្នុងចំណោមជនសង្ស័យដែលបានឃាត់ខ្លួនទាំង១១នាក់មានមុខសញ្ញាជួញដូរគ្រឿងញៀនចំនួន៨ នាក់ និងអ្នកប្រើប្រាស់៣នាក់ ។ វត្ថុតាំងដែលបានចាប់សរុបក្នុងថ្ងៃទី២៨មិថុនា នេះ រួមមាន មេតំហ្វេតាមីន ICE ទម្ងន់ជាង ៤២ក្រាម និង៧កញ្ចប់តូច ។

កីឡាការិនីជឺជិតស៊ូជម្រើសជាតិកម្ពុជា ខាន់ ចេសា បានឈ្នះមេដាយមាស ក្នុងការប្រកួតកីឡាជឺជិតស៊ូជើងឯក ថ្នាក់ជាតិសហរដ្ឋអាមេរិកឆ្នាំ២០២១។ ការប្រកួតដ៏ធំប្រចាំឆ្នាំនេះ បានធ្វើឡើងរយៈពេល៣ថ្ងៃចាប់ពីថ្ងៃទី២៤ដល់ ២៦ខែមិថុនា នៅទីក្រុង Las Vegas ដោយមានអត្តពលិកចូលរួមប្រមាណជាង៤ពាន់នាក់ និងប្រកួតលើវិញ្ញាសា ជាច្រើន ។

សត្វតោមួយក្បាលដែលទើបបានរំដោះចេញពីការចិញ្ចឹមលាក់ទុកក្នុងវីឡាមួយនៃភូមិសាស្ត្រខណ្ឌបឹងកេងកង រាជធានីភ្នំពេញ ត្រូវបានព្រលែងនៅសួនសត្វភ្នំតៅម៉ៅ។ សត្វតោឈ្មោលទម្ងន់ជាង៧០គីឡូក្រាមនោះ ត្រូវបាន បុរសជាតិចិនម្នាក់ បានចិញ្ចឹមដោយលួចលាក់តាំងពីតូចនិងមានអាយុបច្ចុប្បន្នមួយឆ្នាំកន្លះក្នុងផ្ទះមួយ ស្ថិតក្នុង ភូមិ៧, សង្កាត់បឹងកេងកង១ នៃខណ្ឌបឹងកេងកង។

ខ្លាលឿងមាសជាប្រភេទសត្វជិតផុតពូជនៅលើពិភពលោក ត្រូវបានរកឃើញក្នុងតំបន់ការពារធម្មជាតិប្រទេស កម្ពុជា។ ខ្លាលឿងមាស ត្រូវបានចាត់ថ្នាក់ជាប្រភេទជិតផុតពូជនៅក្នុងបញ្ជីក្រហម IUCN និងចុះក្នុងបញ្ជីឧប សម្ព័ន្ធទី១នៃអនុសញ្ញាCITES។ សត្វខ្លាលឿងមាសដែលត្រូវគេរកឃើញក្នុងតំបន់ការពារធម្មជាតិប្រទេសកម្ពុជា នេះ គឺផ្អែកតាមទិន្នន័យរូបភាពនៃម៉ាស៊ីនថតស្វ័យប្រវត្តិពីឧទ្យានជាតិវីរៈជ័យក្នុងខេត្តរតនៈគិរី។