ខេត្តព្រៃវែងរកឃើញអ្នកឆ្លងជំងឺកូវីដ-១៩ថ្មីចំនួន៤២នាក់ និងស្លាប់ម្នាក់ក្នុងរយៈពេល២៤ម៉ោងចុងក្រោយ។ យោងតាមរដ្ឋបាលខេត្តការឆ្លងថ្មីទាំង៤២នាក់រួមមាននៅក្រុងព្រៃវែងម្នាក់, ស្រុកស្វាយអន្ទរចំនួន២០នាក់, ស្រុក ពាមរក៍៤នាក់, ស្រុកស៊ីធរកណ្តាល៤នាក់, ស្រុកបាភ្នំ៣នាក់, ស្រុកមេសាង៣នាក់, ស្រុកព្រះសេ្តច២នាក់, ស្រុក កញ្ច្រៀច២នាក់, ស្រុកពារាំងម្នាក់,ស្រុកពោធិ៍រៀង និងស្រុកកំចាយមារម្នាក់។ ចំណែកអ្នកស្លាប់ថ្មីម្នាក់នោះគឺជាស្ត្រីអាយុ៧៧ឆ្នាំនៅភូមិស្វាយទោល ឃុំជៃកំពក ស្រុកព្រះស្តេច ។

ប្រទេសអាស៊ានទាំង១០ក្នុងរយៈពេល៧២ម៉ោងចុងក្រោយនេះ ការឆ្លងកូវីដ១៩ មានចំនួន១១ម៉ឺន៨ពាន់២៣៨ ករណី និងការស្លាប់ថ្មីមានចំនួន១ពាន់៨៨១នាក់។ កម្ពុជាក្នុងរយៈពេល៧២ម៉ោងចុងក្រោយនេះ មានការឆ្លងថ្មី សរុបចំនួន ២ពាន់៤៦៧ ករណីក្នុងនោះការឆ្លង២ពាន់១៩៤ករណី គឺជាការឆ្លងក្នុងសហគមន៍, និង២៧៣ករណី ទៀតជាការឆ្លងលើ អ្នកដំណើរមកពីក្រៅប្រទេស។ កម្ពុជាក្នុងរយៈពេល ៧២ម៉ោងចុងក្រោយនេះមានការស្លាប់ ថ្មី ៤៧នាក់ និងការព្យាបាលជាសះស្បើយថ្មីមានចំនួន១ពាន់៩៩៥នាក់។

ក្រសួងសុខាភិបាលបានបញ្ជាក់ការរកឃើញវីរុសកូវីដបំប្លែងថ្មីប្រភេទ Delta ដែលជាវីរុសធ្លាប់បង្កមហន្តរាយ ក្នុងប្រទេសឥណ្ឌា។ វិរុសបំប្លែងថ្មីប្រភេទ Delta នោះ ត្រូវបានគេរកឃើញបានឆ្លងមកលើពលករជាច្រើនមកពីប្រ ទេសថៃ។ សេចក្តីរាយការណ៍ពីប្រទេសថៃបានបញ្ជាក់ថាវិរុសបំប្លែងថ្មីមកពីប្រទេសឥណ្ឌានោះ ថែមទាំងអាច ឆ្លងមកលើពលរដ្ឋដែលធ្លាប់បានចាក់វ៉ាក់សាំងបង្ការួចមកហើយនោះទៀត។

ការឆ្លងកូវីដ១៩ថ្មីចូលក្នុងសហគមន៍ក្នុងរយៈពេល២៤ម៉ោងកន្លងមកនេះ មានការថយចុះចំនួន១៥ករណីបើ ប្រៀបធៀបនឹងម្សិលមិញ។ ការឆ្លងចូលក្នុងសហគមន៍នៅថ្ងៃនេះមានចំនួន៧៤៨ករណី, ចំណែកការឆ្លងចូល ក្នុងសហគមន៍កាលពីម្សិលមិញមានចំនូន៧៦៣ករណី។ ចំនួនមនុស្សដែលបានឆ្លងក្នុងព្រឹត្តិការណ៍សហគមន៍ ២០កុម្ភៈ រយៈពេល១២៨ថ្ងៃកន្លងមកនេះ បានកើនឡើងដល់៤ម៉ឺន៦ពាន់២២១នាក់ហើយ ។

វ៉ាក់សាំង២លានដូសបន្ថែមទៀតពីប្រទេសចិន បានដឹកជញ្ជូនមកដល់កម្ពុជាជាបន្តបន្ទាប់ ដែលបង្ហាញនូវ នយោបាយការទូតដ៏ប៉ិនប្រសប់របស់ប្រមុខដឹកនាំរាជរដ្ឋាភិបាលកម្ពុជា។

បុរសជនពិការអាយុ៦៥ឆ្នាំ ដែលជាអ្នកទទួលការចាក់វ៉ាក់សាំងទី៤លាន បានទទួលរង្វាន់១០លានរៀល។ សម្ដេចតេជោ ហ៊ុន សែន នៅថ្ងៃទី២៨ ខែមិថុនា ឆ្នាំ២០២១នេះ បានសរសេរជុំវិញការរកឃើញអ្នកចាក់វ៉ាក់សាំង ទី៤លាននាក់ នេះ ដែលជាយុទ្ធជនពិការនៅស្រុកបុទុមសាគរ ខេត្តកោះកុង។

គណបក្សប្រជាជនកម្ពុជា ដែលកាន់អំណាចក្នុងរាជរដ្ឋាភិបាលបានរំលឹកខួបលើកទី៧០នៃថ្ងៃបង្កើតគណបក្ស ប្រជាជនកម្ពុជានៅថ្ងៃទី២៨មិថុនានេះ នៅជាមួយនឹងការបញ្ចេញសារលិខិតអបអររបស់សម្តេចអគ្គមហាសេនាបតីតេជោហ៊ុនសែនដែលជាប្រធានដឹកនាំគណបក្សក្នុងពេលបច្ចុប្បន្ននិងសារលិខិតរបស់សម្តេចអគ្គមហាពញា ចក្រីហេងសំរិនប្រធានកិត្តិយសគណបក្សប្រជាជនកម្ពុជា។