ខេត្តមណ្ឌលគិរី បានរកឃើញអ្នកឆ្លងកូវីដ១៩ថ្មី ចំនួន ៣នាក់ ក្នុងរយៈពេល ២៤ម៉ោងចុងក្រោយនេះ ដែល ជាតួលេខថយចុះចំនួនម្នាក់ បើធៀបនឹងម្សិលម៉ិញ ។ យោងតាមរដ្ឋបាលខេត្ត អ្នកឆ្លងថ្មី៣នាក់នៅថ្ងៃនេះ គឺ ជាពលរដ្ឋនៅក្រុងសែនមនោរម្យ, នៅស្រុកកែវសីមា និងស្រុកពេជ្រាដា ៕

ខេត្តក្រចេះ ក្នុងរយៈពេល ២៤ម៉ោង ចុងក្រោយនេះបានរកឃើញអ្នកឆ្លងកូវីដ១៩ថ្មី ចំនួន ៩នាក់ ថែមទៀត ដែលជាតួលេខថយចុះជាងពីម្សិលម៉ិញចំនួន ៥នាក់ ។ យោងតាមរដ្ឋបាលខេត្តអ្នកទើបរកឃើញឆ្លងថ្មីនៅថ្ងៃនេះ ជាពលរដ្ឋរស់នៅក្នុងក្រុងក្រចេះ ស្រុកសំបូរ និងស្រុងស្នួល ។

ខេត្តស្ទឹងត្រែង បានរកឃើញអ្នកឆ្លងកូវីដ១៩ថ្មី ចំនួន៣៥នាក់ ក្នុងរយៈពេល ២៤ម៉ោងចុងក្រោយនេះ ដែល ជាតួលេខឆ្លងកើនខ្ពស់ជាងម្សិលម៉ិញ ចំនួន ៥នាក់ ។ យោងតាមរដ្ឋបាលខេត្ត អ្នកទើបរកឃើញឆ្លងថ្មី ទាំង ៣៥នាក់នោះ ជាពលរដ្ឋរស់នៅក្នុងក្រុងស្ទឹងត្រែង និងស្រុកសេសាន ។

ខេត្តឧត្តរមានជ័យ បានរកឃើញអ្នកឆ្លងកូវីដ១៩ថ្មី ច្រើនរហូតដល់ ៧៦នាក់ ថែមទៀត ក្នុងរយៈពេល ២៤ម៉ោង ចុងក្រោយនេះ ដែលជាចំនួនកើនឡើងរហូតដល់ទៅ៣០នាក់បើប្រៀបធៀបនឹងម្សិលម៉ិញ ដែលបានរកឃើញ អ្នកឆ្លងតែចំនួន៤៦នាក់ទេ ។

ខេត្តកំពង់ធំបានរកឃើញអ្នកឆ្លងកូវីដ១៩ថ្មី ចំនួន ៤១នាក់ ក្នុងរយៈពេល២៤ម៉ោងនេះ ដែលជាតួលេខឆ្លងកើន ខ្ពស់រហូតដល់ទៅ១៧នាក់ បើធៀបនឹងការឆ្លងពីម្សិលម៉ិញ។

ខេត្តកំពង់ឆ្នាំងបានប្រកាសជុំវិញករណីស្លាប់មនុស្ស២នាក់ដោយសារកូវីដ១៩នៅថ្ងៃនេះ ដែលនាំឲ្យការស្លាប់ បានកើនដល់ចំនួន១៣នាក់ហើយ។ ការស្លាប់ថ្មីចំនួន២នាក់នេះ ត្រូវគេរាយការណ៍ថាបានកើតលើបុរស២រូប អាយុ៦០ឆ្នាំនៃស្រុកសាមគ្គីមានជ័យ និងបុរសអាយុ៧៨ឆ្នាំនៃស្រុកកំពង់លែង។

ខេត្តបន្ទាយមានជ័យរកឃើញអ្នកវិជ្ជមានជំងឺកូវីដ-១៩ ថ្មីចំនួន៦៥នាក់ ក្នុងរយៈពេល២៤ម៉ោងចុងក្រោយនេះ។ នេះជាតួលេខថយចុះ៣៤នាក់បើប្រៀបនឹងការឆ្លងពីម្សិលមិញដែលមានចំនួនច្រើនដល់៩៩នាក់។

ខេត្តកំពង់ចាម បានរកឃើញការឆ្លងថ្មីថ្ងៃនេះចំនួន៥៩នាក់និងមនុស្សស្លាប់៣នាក់ក្នុងរយៈពេល២៤ម៉ោង កន្លងមកនេះ។ នេះជាតួលេខឆ្លងថយចុះ២២នាក់បើប្រៀបធៀបនឹង ម្សិលមិញ។ កាលពីថ្ងៃអង្គារម្សិលមិញ កំពង់ចាមបានរកឃើញការឆ្លងថ្មីច្រើនដល់៨១នាក់។

ខេត្តត្បូងឃ្មុំបានរកឃើញអ្នកវិជ្ជមានកូវីដ-១៩ ថ្មី ចំនួន៣៨នាក់ ក្នុងរយៈពេល២៤ម៉ោងចុង ក្រោយ។ នេះជាតួ លេខឆ្លងថយចុះ៦នាក់បើប្រៀបធៀបនឹងការឆ្លងម្សិលមិញដែលមានចំនួន៤៤នាក់។