ខេត្តឧត្តរមានជ័យ បានរកឃើញអ្នកឆ្លងកូវីដ១៩ថ្មីចំនួន៧៥នាក់ ក្នុងរយៈពេល ២៤ម៉ោង ចុងក្រោយនេះ ដែល ជាតួលេខថយចុះម្នាក់ បើធៀបនឹងម្សិលមិញ ។

ខេត្តព្រៃវែង បានរកឃើញអ្នកឆ្លងកូវីដ១៩ ចំនួន ៧០នាក់ថែមទៀត ក្នុងរយៈពេល ២៤ម៉ោង ចុងក្រោយនេះ ដែលជាតួលេខកើនឡើង ២៣នាក់ ប្រៀបធៀបនឹងម្សិលមិញ ដែលបានរកឃើញអ្នកឆ្លងចំនួន ៤៧នាក់ ។

តួលេខឆ្លងក្នុងខេត្តស្វាយរៀង បានកើនឡើងខ្ពស់វិញនៅថ្ងៃនេះដែលមានការឆ្លងថ្មី១២៣នាក់។ នេះជាតួលេខ ឆ្លងខ្ពស់ច្រើនថ្ងៃជាប់គ្នាមកហើយនៅក្នុងខេត្តស្វាយរៀង។ កាលពីថ្ងៃអង្គារការឆ្លងក្នុងខេត្តមាន១២៤នាក់ស្លាប់២ នាក់, និងការឆ្លងថ្ងៃពុធមានចំនួន៩៣នាក់ និងស្លាប់ម្នាក់ផងដែរ។

អ្នកដែលមិនទាន់ចាក់វ៉ាក់សាំងក្នុងអំឡុងយុទ្ធនាការកំពុងសម្រុកនៅទូទាំងប្រទេសនាពេលនេះទេ នឹងត្រូវរង់ចាំ រហូតដល់ឆ្នាំ២០២៣បើសិនជាចង់ចាក់វ៉ាក់សាំងបង្កាកូវីដ១៩នោះ។ កម្ពុជាក្នុងអំឡុងពេលដែលពិភពលោកកំពុង ខ្វះវ៉ាក់សាំង បានព្យាយាមនូវវិធីប៉ិនប្រសប់ការទូតដើម្បីស្វែងរកវ៉ាក់សាំងយកមកចាក់លើពលរដ្ឋរបស់ខ្លួន។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន៤ម៉ឺន៥ពាន់ ៩៥៣ ករណី និងការស្លាប់ថ្មីមានចំនួន៨២១នាក់។ កម្ពុជាក្នុងរយៈពេល២៤ម៉ោងចុងក្រោយនេះ មានការឆ្លងថ្មីសរុប ចំនួន៩៩៩ករណី, ក្នុងនោះ៨៦៧ករណីជាការឆ្លងក្នុងសហគមន៍, និង១៣២ករណីទៀតជាការនាំចូល ពីក្រៅ ប្រទេស។ ចំណែកការស្លាប់ថ្មីនៅក្នុងប្រទេសកម្ពុជាក្នុងរយ:ពេល២៤ម៉ោងកន្លងមកនេះ មានចំនួន២៦នាក់ និងការជាសះស្បើយ មានចំនួន៧១៥នាក់។

ការឆ្លងកូវីដ១៩ដែលកើនឡើងឈានចូលជាង៥ម៉ឺននាក់ក្នុងសប្តាហ៍នេះ បាននាំឲ្យមានភាពខ្វល់ខ្វាយនិង បារម្ភខ្លាចក្រែងសន្ទុះឆ្លងខ្ពស់នៅតែបន្តទៅមុខ។ ក្នុងសប្តាហ៍មកដល់នេះ ការឆ្លងថ្ងៃទី៣០មិថុនាបានកើនដល់ ១ពាន់១៣០ករណី និងថ្ងៃទី១កក្កដាឆ្នាំ២០២១ ការឆ្លងមានចំនួន៩៩៩ករណី, ចំណែកការស្លាប់ទាំង២ថ្ងៃជាប់ នេះ មានចំនួន៥៣នាក់ដែលជាតួលេខឆ្លងខ្ពស់មិនធ្លាប់ជួបប្រទះចាប់តាំងពីកម្ពុជាបានរងនឹងការឆ្លងកូវីដ១៩ កាលពីដើមឆ្នាំ២០២០នោះមក។ មន្ត្រីជាន់ខ្ពស់ក្រសួងសុខាភិបាលក្នុងសប្តាហ៍នេះ បានថ្លែងបង្ហាញក្តីបារម្ភថា ការឆ្លងមិនស្រាកស្រាន្តនេះ បានដើរមកដល់គំនូសក្រហមហាមឃាត់ហើយ។

ប្រធានគណបក្សប្រជាជនកម្ពុជាសម្តេចតេជោ ហ៊ុន សែន បានធ្វើលិខិតមួយទៅប្រធានាធិបតីចិននៅថ្ងៃនេះ ដោយការបញ្ជាក់ការប្តេជ្ញាចិត្តក្នុងការពង្រឹងកាន់តែខ្លាំងរវាងទំនងប្រទេសកម្ពុជានិងប្រទេសចិន។

ការប្រមូលសម្រាមក្នុងរាជធានីភ្នំពេញ នឹងលែងមានភាពផ្តាច់មុខរបស់ក្រុមហ៊ុនស៊ិនទ្រីតែមួយទៀតនោះហើយ។ យោងតាមរដ្ឋបាលរាជធានីភ្នំពេញថ្ងៃទី៣០ ខែមិថុនានេះ ការប្រមូលសម្រាមក្នុងរាជធានីភ្នំពេញ ដែលមានក្នុងមួយថ្ងៃប្រមាណ៣ពាន់តោន នឹងត្រូវមានក្រុមហ៊ុនចំនួន៣ធ្វើការប្រមូលតាមខណ្ឌផ្សេងៗខុសគ្នា។

ខេត្តព្រះវិហារបានរកឃើញអ្នកឆ្លងកូវីដ១៩ថ្មីចំនួន ១០នាក់ ថែមទៀត ក្នុងរយៈពេល ៤៨ម៉ោង ចុងក្រោយនេះ ។ យោងតាមរដ្ឋបាលខេត្តអ្នកទើបរកឃើញឆ្លងថ្មិទាំង ១០នាក់ នោះ ជាពលរដ្ឋនៅក្នុងក្រុងព្រះវិហារ និងស្រុក ជាំក្សាន្ត ។

ខេត្តប៉ៃលិន បានរកឃើញអ្នកកូវីដ១៩ថ្មី ចំនួន ៤នាក់ ក្នុងរយៈពេល ២៤ម៉ោង ចុងក្រោយនេះ ដែលជាតួលេខថយចុះជាងពីម្សិលម៉ិញចំនួន ៤នាក់ ។ យោងតាមរដ្ឋបាលខេត្តអ្នកឆ្លងថ្មីនថ្ងៃនេះ អ្នកទើបរកឃើញឆ្លងថ្មីទាំង ៤នាក់នោះ ជាពលរដ្ឋនៅក្នុងក្រុងប៉ៃលិន អ្នកជាអ្នកដំណើរមកពីខេត្តកណ្តាល ។