ខេត្តព្រៃវែងបានរកឃើញអ្នកឆ្លងជំងឺកូវីដ-១៩ថ្មីចំនួន៤៥នាក់ ក្នុងរយៈពេល២៤ម៉ោងចុងក្រោយ។ នេះជាតួ លេខឆ្លងថយចុះ២៥នាក់បើប្រៀបធៀបនឹងការឆ្លងម្សិលមិញ។

ខេត្តបន្ទាយមានជ័យ បានរកឃើញអ្នកឆ្លងកូវីដ១៩ ចំនួន ៨៨នាក់ បន្ថែមទៀត ក្នុងរយៈពេល ២៤ម៉ោងចុងនេះ ដែលជាតួលេខកើនខ្ពស់ចំនួន ២៥នាក់ ធៀបនឹងម្សិលមិញដែលបានរកឃើញអ្នកឆ្លង ៦៣នាក់ ។

ខេត្តសៀមរាប បានរកឃើញអ្នកវិជ្ជមានជំងឺកូវីដ១៩ ថ្មី១២៣នាក់ និងស្លាប់២នាក់ថែមទៀត ក្នុងរយៈពេល២៤ ម៉ោងចុង ក្រោយនេះ។ នេះជាតួលេខឆ្លងកើនឡើងជាងម្សិលមិញចំនួន៧៣នាក់។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន៤ម៉ឺន៨ពាន់ ៤៩៦ ករណី និងការស្លាប់ថ្មីមានចំនួន៨៩៥នាក់។ កម្ពុជាក្នុងរយៈពេល២៤ម៉ោងចុងក្រោយនេះ មានការឆ្លងថ្មីសរុប ចំនួន៩៦៦ករណី និងការស្លាប់ថ្មី មានចំនួន៣២នាក់។

អ្នកដែលធ្លាប់បានទៅ ហាងលក់សម្លៀកបំពាក់ LEVI’S សាខាផ្សារទំនើប AEON 1 ត្រូវប្រញាប់ធ្វើ ចត្តាឡីស័ក និងតាមដានសុខភាព។ ហាងលក់សម្លៀកបំពាក់ LEVI’S សាខាផ្សារទំនើប AEON 1 មានទីតាំងស្ថិត នៅក្នុង ផ្សារ AEON1 លើផ្លូវសុធារស សង្កាត់ទន្លេបាសាក់ ខណ្ឌចំការមន រាជធានីភ្នំពេញ។

អ្នកដែលធ្លាប់បានទៅមន្ទីរសំរាកព្យាបាល និងសម្ភព អូរ៉រ៉ា ត្រូវប្រញាប់ធ្វើ ចត្តាឡីស័ក និងតាមដានសុខភាព។ មន្ទីរសំរាកព្យាបាលនិងសម្ភព អូរ៉រ៉ា មានទីតាំងស្ថិតនៅផ្លូវលេខ ១១៣ សង្កាត់បឹងព្រលិត ខណ្ឌ៧មករា រាជធា នីភ្នំពេញ។

ចំណូលពីការលក់ប័ណ្ណចូលទស្សនារមណីយដ្ឋានអង្គរ បានចំនួនជិត ២២ម៉ឺនដុល្លារ ក្នុងរយ:ពេល ឆមាស ទី១ឆ្នាំ២០២១នេះ ដែលជាចំនួនធ្លាក់ចុះខ្លាំងជាដដែលលើវិស័យទេសចរណ៍។

អភិបាលថ្មីនៃខេត្តកំពង់ឆ្នាំងបានឡើងកាន់តំណែងរបស់ខ្លួនហើយនៅថ្ងៃនេះហើយក្នុងពិធីមួយក្រោមអធិបតី ភាពសម្តេចក្រឡាហោមសខេង។

សម្តេចនាយករដ្ឋមន្ត្រី បានថ្លែងបំភ្លឺតបជុំវិញការផ្សាយមិនពិតរបស់មជ្ឈដ្ឋានប្រឆាំងដែលព្យាយាមស្រែកបំពង ថាសម្តេចបានទទួលមរណភាព។ ការផ្សាយមិនពិតក្នុងរង្វង់មជ្ឈដ្ឋានប្រឆាំង បានធ្វើឡើងក្នុងអំឡុងពេលដែល សម្តេចបានស្ថិតក្នុងគេហស្ថានធ្វើចត្តាឡីស័កបន្ទាប់ពីបានប៉ះពាល់ដោយប្រយោលជាមួយនឹងអ្នកឆ្លងកូវីដ១៩។