ខេត្តកោះកុង មានការឆ្លងថ្មីចំនួន៦០នាក់នៅថ្ងៃនេះដែលជាតួលេខឆ្លងថយចុះ៥នាក់បើប្រៀបធៀបនឹងម្សិល មិញ។ យោងតាមរដ្ឋបាលខេត្តអ្នកឆ្លងថ្មីទាំងនេះ គឺជាពលរដ្ឋ ដែលបានឆ្លងនៅក្នុងស្រុកស្រែអំបិល, ស្រុក មណ្ឌលសីមា, និងស្រុកគិរីសាគរ។ ខេត្តកោះកុងមានការព្យាបាល ជាសះស្បើយថ្ងៃនេះ ចំនួន១០៤នាក់។

ខេត្តកំពតមានករណីឆ្លងថ្មី១៣៣នាក់ក្នុងរយៈពេល២៤ម៉ោងចុងក្រោយនេះ។ យោងតាមរដ្ឋបាលខេត្តអ្នកឆ្លងថ្មី ទាំងនោះរួមមានក្នុងក្រុងកំពត, ស្រុកកំពង់ត្រាច, ស្រុកឈូក, ស្រុកទឹកឈូរ, ស្រុកដងទង់, ស្រុកបន្ទាយមាស, ស្រុកអង្គរជ័យ, ស្រុកដំណាក់ចង្អើរ, អ្នកធ្វើដំណើរមកពីខេត្តកែប, ខេត្តតាកែវ, កំពង់ស្ពឺ, ខេត្តព្រះសីហនុ, កណ្តាល, និងខេត្តបាត់ដំបង។

ខេត្តព្រះវិហារបានរកឃើញអ្នកឆ្លងកូវីដ១៩ ចំនួន ៧នាក់ ថែមទៀត ក្នុងរយៈពេល ២៤ម៉ោង ចុងក្រោយនេះ ។ យោងតាមរដ្ឋបាលខេត្ត អ្នកទើបរកឃើញឆ្លងថ្មីនៅថ្ងៃនេះ ជាពលរដ្ឋរស់នៅក្នុងក្រុងព្រះវិហារ ស្រុកជាំក្សាន្ត និង ស្រុកគូលែន ។

ខេត្តក្រចេះបានរកឃើញអ្នកឆ្លងកូវីដ១៩ថ្មីចំនួន ១១នាក់ថែមទៀត ក្នុងរយៈពេល ២៤ម៉ោងចុងក្រោយនេះ ដែល ជាតួលេខកើនឡើង៣នាក់បើប្រៀបធៀបនឹងម្សិលមិញ ។

ខេត្តកំពង់ស្ពឺ មានករណីស្លាប់ថ្មីម្នាក់ដែលនាំឲ្យចំនួនមនុស្សស្លាប់មានសរុប៤៣នាក់ហើយនៅក្នុងខេត្ត។ យោងតាមរដ្ឋបាលខេត្តអ្នកស្លាប់ថ្មីម្នាក់នោះគឺជាអ្នកបើកបររថយន្តរបស់អនុប្រធានសាលាដំបូងខេត្ត។ ខេត្ត កំពង់ស្ពឺ មានអ្នកឆ្លងសរុប២ពាន់៥២១នាក់រួមទាំងអ្នកឆ្លងថ្មីថ្ងៃនេះ៣១នាក់ និងព្យាបាលជាសះស្បើយចំនួន ១ពាន់៩១៧នាក់។

ខេត្តកំពង់ធំបានរកឃើញអ្នកឆ្លងកូវីដ១៩ថ្មីចំនួន ៣៦នាក់ និងស្លាប់២នាក់ក្នុងរយៈពេល ២៤ម៉ោងចុងក្រោយ នេះ។ នេះជាតួ លេខឆ្លងថយចុះចំនួន ៥នាក់ បើធៀបនឹងការរកឃើញកាលពីម្សិលមិញ ។

ខេត្តត្បូងឃ្មុំ មានករណីឆ្លងខ្ពស់ដល់១០៥នាក់ក្នុងរយៈពេល២៤ម៉ោងចុងក្រោយនេះ។ យោងតាមរដ្ឋបាលខេត្ត អ្នកឆ្លងថ្មីទាំង១០៣នាក់នោះ គឺជាពលរដ្ឋនៅស្រុកមេមត់, ស្រុកក្រូចឆ្មារ, ស្រុកពញាក្រែក, ស្រុកតំបែរ, ស្រុក អូររាំងឳ, នៅក្រុងសួង និងស្រុកត្បូងឃ្មុំ។ ខេត្តត្បូងឃ្មុំនៅថ្ងៃនេះ មានការព្យាបាលជាសះស្បើយចំនួន៣នាក់។

ខេត្តកំពង់ចាមមានអ្នកឆ្លងថ្មីចំនួន៥១នាក់និងមានករណីស្លាប់ចំនួន២នាក់ថែមទៀតក្នុងរយៈពេល២៤ម៉ោងចុង ក្រោយនេះ។ នេះជាតួលេខឆ្លងថយចុះ៨នាក់និងតួលេខស្លាប់ថយចុះម្នាក់បើប្រៀបធៀបនឹងម្សិលមិញ។

ខេត្តបន្ទាយមានជ័យមានអ្នកឆ្លងថ្មី៦៣នាក់នៅថ្ងៃនេះ ដែលជាតួលេខថយចុះចំនួន២នាក់បើប្រៀបធៀបនឹង ម្សិលមិញ។ យោងតាមរដ្ឋបាលខេត្ត អ្នកឆ្លងថ្មីទាំងនោះ គឺជាពលរដ្ឋរស់នៅក្នុងក្រុងប៉ោយប៉ែត, ក្រុងសិរីសោភ័ណ, ស្រុកម៉ាឡៃ, ស្រុកមង្គលបុរី, ស្រុកថ្មពួក, ស្រុកអូរជ្រៅ, និងមកពីរាជធានីភ្នំពេញ។ ខេត្តបន្ទាយមានជ័យ នៅថ្ងៃនេះ មានករណីព្យាបាលជាសះស្បើយចំនួន៣៨នាក់។

ខេត្តសៀមរាប បានរកឃើញវិជ្ជមានជំងឺកូវីដ-១៩ ថ្មីចំនួន៥០នាក់នៅថ្ងៃនេះ។ នេះជាតួលេខថយចុះ១០នាក់ បើប្រៀបធៀបនឹងការឆ្លងម្សិលមិញ។