ខេត្តព្រះវិហារ បានរកឃើញអ្នកឆ្លងកូវីដ១៩ថ្មី ចំនួន ១៥ នាក់ ថែមទៀត ក្នុងរយៈពេល ២៤ ម៉ោងចុងក្រោយនេះ ។ យោងតាមរដ្ឋបាលខេត្ត អ្នកឆ្លងថ្មីនៅថ្ងៃនេះ ត្រូវបានរកឃើញនៅក្នុងមូលដ្ឋានស្រុកជាំក្សាន្ត ស្រុកគូលែន និងស្រុកឆែប ។ អ្នកឆ្លងវិជ្ជមានកូវីដ១៩ សរុប១០៩ នាក់ និងជាសះស្បើយ សរុប៤៤នាក់ និងអ្នកកំពុងទទួល ការព្យាបាលមានចំនួន ៦៥ នាក់ ៕

ខេត្តរតនគិរី បានរកឃើញអ្នកឆ្លងកូវីដ១៩ ចំនួន ៤០នាក់ ថែមទៀត ក្នុងរយៈពេល ២៤ម៉ោងចុងក្រោយនេះ ។ យោងតាមរដ្ឋបាលខេត្ត គិតត្រឹមថ្ងៃនេះ ខេត្តរតនគិរី បានរកឃើញអ្នកឆ្លងកូវីដ១៩ សរុបមានចំនួន ៥០៥នាក់ ក្នុងនោះមានអ្នកជាសះស្បើយចំនួនសរុបចំនួន ៦១នាក់ ដោយបូកបញ្ចូលទាំងអ្នកជាសះស្បើយថ្មីចំនួន ៣៤ នាក់ថែមទៀត នៅថ្ងៃនេះ, អ្នកកំពុងសម្រាកព្យាបាលមានចំនួន ៤៤០នាក់ និងមានអ្នកស្លាប់ចំនួន ៤នាក់ ហើយ ។

ខេត្តប៉ៃលិន រកឃើញការឆ្លងជំងឺកូវីដ១៩លើមនុស្សចំនួន ៤នាក់ ថែមទៀត ក្នុងរយៈពេល ២៤ម៉ោង ចុងក្រោយ នេះ ដែលជាតួលេខកើនខ្ពស់ជាងម្សិលមិញចំនួន៤នាក់ ។

ខេត្តឧត្តរមានជ័យ បានរកឃើញអ្នកឆ្លងកូវីដ១៩ ចំនួន ៧១នាក់ ថែមទៀត ក្នុងរយៈពេល ២៤ម៉ោងចុង ក្រោយ នេះដែលជាតួលេខថយចុះមកវិញចំនួន ៤នាក់ បើធៀបនឹងម្សិលមិញដែលបានរកឃើញអ្នកឆ្លងច្រើនរហូតដល់ ៧៥នាក់ ។

មនុស្ស៣នាក់ស្លាប់ដោយសារជំងឺកូវីដ១៩នៅខេត្តតាកែវក្នុងរយៈពេល២៤ម៉ោងចុងក្រោយ។ យោងតាម រដ្ឋ បាលខេត្ត អ្នកស្លាប់ទាំង៣នាក់រួមមានបុរស អាយុ៧០ឆ្នាំ នៅស្រុកទ្រាំង, ស្ត្រីអាយុ៦៥ឆ្នាំ នៅស្រុកគីរីវង់ និង ស្ត្រី អាយុ៦២ឆ្នាំ នៅស្រុកសំរោង។ ក្រុមគ្រូពេទ្យសន្និដ្ឋានថា អ្នកទាំង៣បានស្លាប់ដោយសារជំងឺរលាកសួត ធ្ងន់ធ្ងរ បង្កមកពីជំងឺកូវីដ១៩។

ខេត្តកំពង់ឆ្នាំង មានករណីឆ្លង២០នាក់និងការស្លាប់២នាក់ក្នុងរយៈពេល២៤ម៉ោងចុងក្រោយនេះ។ យោងតាម រដ្ឋបាលខេត្ត អ្នកឆ្លងថ្មី ទាំង២០នាក់នោះ គឺជាពលរដ្ឋនៅក្រុងកំពង់ឆ្នាំង ,ស្រុករលាប្អៀ និងស្រុកបរិបូរណ៍។ ចំណែកអ្នកស្លាប់ថ្មីទាំង២នាក់ គឺជាស្ត្រីអាយុ៦១និងបុរសវ័យចំណាស់អាយុ៨០ឆ្នាំ។

ខេត្តកំពង់ធំ បានបន្តរកឃើញអ្នកវិជ្ជមានជំងឺកូវីដ១៩ចំនួន ២៦នាក់ ថែមទៀតក្នុងរយៈពេល ២៤ម៉ោង ចុង ក្រោយនេះ ដែលជាតួលេខឆ្លងទាបជាង១០នាក់ធៀបនឹងម្សិលមិញ ដែលបានរកឃើញអ្នកឆ្លងចំនួន ៣៦នាក់ ។

ខេត្តកំពង់ចាម បានរកឃើញអ្នកវិជ្ជមានជំងឺកូវីដ-១៩ ថ្មី ចំនួន៤៣នាក់ និងមានមនុស្សស្លាប់២នាក់ ក្នុងរយៈ ពេល២៤ម៉ោងចុង ក្រោយនេះ។

ស្វាយរៀងបានរកឃើញការឆ្លងថ្មីថ្ងៃនេះ៩៥នាក់ដែលជាតួលេខថយចុះ២៨នាក់បើប្រៀបធៀបការឆ្លងម្សិលមិញ ។ យោងតាមរដ្ឋបាលខេត្តការឆ្លងថ្ងៃនេះ រួមមាននៅស្រុករំដួល, ស្រុកស្វាយជ្រំ,​នៅក្រុងស្វាយរៀង, ស្រុកស្វាយ ទាប, ក្រុងបាវិត, ស្រុកកំពង់រោទិ៍ និង ស្រុកចន្ទ្រា។