គ្រោះថ្នាក់ចរាចរណ៍នៅថ្ងៃទី២៥មិថុនាឆ្នាំ២០២១ បានបណ្តាលអោយមានមនុស្សស្លាប់០៣នាក់ និងបានបង្កឲ្យ មានអ្នករងរបួសធ្ងន់និងស្រាល០៣នាក់ ។ សេចក្តីរាយការណ៍ទិន្នន័យគ្រោះថ្នាក់ចរាចរណ៍ផ្លូវគោកទូទាំង ប្រទេស បានបញ្ជាក់ថាគ្រោះថ្នាក់ដែលបង្កឲ្យមានមនុស្សស្លាប់ និងរបួសសរុប០៦នាក់នៅថ្ងៃនេះ គឺកើតឡើង ដោយសារហេតុការណ៍ប៉ះទង្គិចចំនួន០៤លើក។

សមត្ថកិច្ចបានឃាត់ខ្លួនបានជនសង្ស័យចំនួន៩៥នាក់ នៅក្នុងការបង្រ្កាបគ្រឿងញៀនទូទាំងប្រទេស នៅថ្ងៃទី ២៥មិថុនា ។ ក្នុងចំណោមជនសង្ស័យដែលបានឃាត់ខ្លួនទាំង៩៥នាក់មានមុខសញ្ញាជួញដូរគ្រឿងញៀនចំនួន ៨២នាក់ និងអ្នកប្រើប្រាស់១៣នាក់ ។ វត្ថុតាំងដែលបានចាប់សរុបក្នុងថ្ងៃទី២៥មិថុនានេះ រួមមាន មេតំហ្វេតាមីន ICE ទម្ងន់ជាង៤៦ក្រាម និង១កញ្ចប់តូច។

សមត្ថកិច្ចបង្រ្កាបបានអាល់កុលក្លែងក្លាយជាង៧ពាន់លីត្រ នៅខណ្ឌពោធិ៍សែនជ័យរាជធានីភ្នំពេញ។ ការ បង្រ្កាបនោះបានធ្វើឡើងកាលពីថ្ងៃទី២៤ ខែមិថុនា ឆ្នាំ២០២១ ស្ថិតនៅទីតាំងមួយកន្លែង ក្នុងសង្កាត់ចោមចៅ២ នៃខណ្ឌពោធិ៍សែនជ័យ។ អាល់កុលក្លែងក្លាយ ឬមេតាណុល ត្រូវបានដកហូតចំនួន ១២១កាន និង ៨០០ដប ដែលស្មើនឹង៤ពាន់៣០លីត្រ។

មនុស្ស៦នាក់ ត្រូវបានចាប់ខ្លួនក្រោយអំពើឃាតកម្មសម្លាប់មនុស្សម្នាក់នៅសង្កាត់ចោមចៅ១នៃខណ្ឌពោធិ៍ សែនជ័យ។

ប្រទេសភាគច្រើនក្នុងអាស៊ីអាគ្នេយ៍មិនយល់ព្រមនឹងការលើកពេលការធ្វើម្ចាស់ផ្ទះស៊ីហ្គេមរបស់វៀតណាម ក្នុង ចុងឆ្នាំ២០២១នេះឡើយ។ កីឡាស៊ីហ្គេមក្នុងប្រទេសវៀតណាមឆ្នាំនេះ គ្រោងនឹងធ្វើរវាងពីថ្ងៃទី២១វិច្ឆិកាដល់ថ្ងៃ ទី២ធ្នូ ប៉ុន្តែភាពពុះកញ្ជ្រោលនៃការឆ្លងកូវីដ១៩ក្នុងប្រទេសប្រទេសវៀតណាមនោះ បាននាំឲ្យអាជ្ញាធរវៀតណាម រៀបចំការប្រកួតកីឡាស៊ីហ្គេមនេះ ស្នើលើកពេលទៅខែកក្កដាឆ្នាំ២០២២វិញ។ សំណើនោះត្រូវបានជំទាស់ដោយ សម្លេងភាគច្រើននៃប្រទេសជាសមាជិក។