ខេត្តមណ្ឌលគីរី បានរកឃើញអ្នកឆ្លងកូវីដ១៩ ចំនួន៤នាក់ ថែមទៀត ក្នុងរយៈពេល ២៤ម៉ោង ចុងក្រោយនេះ ដែលជាតួលេខកើនឡើងម្នាក់ បើធៀបនឹងម្សិលម៉ិញ ។

ខេត្តស្ទឺងត្រែង ក្នុងរយៈពេល ២៤ម៉ោងចុងក្រោយនេះ បានរកឃើញអ្នកឆ្លងកូវីដ១៩ ច្រើនរហូតដល់ ៣០នាក់ ដែលឆ្លងតួលេខឆ្លងច្រើនបំផុតមិនធ្លាប់មានពីមុនមកក្នុងខេត្តស្ទឹងត្រែងនេះឡើយ ។ កាលពីម្សិលខេត្តស្ទឹងត្រែង មិនមានរកឃើញករណីឆ្លងកូវីដ១៩ នោះទេ ។

ខេត្តសៀមរាប រកឃើញអ្នកវិជ្ជមានជំងឺកូវីដ-១៩ ថ្មី ចំនួន៤៩នាក់ និងស្លាប់ម្នាក់ ក្នុងរយៈពេល២៤ម៉ោងចុង ក្រោយនេះ។

ខេត្តប៉ៃលិនមានអ្នកឆ្លងថ្មីចំនួន៧នាក់ក្នុងរយៈពេល២៤ម៉ោងចុងក្រោយ។ នេះគឺជាតួលេខឆ្លងថយចុះម្នាក់បើ ប្រៀបធៀបនឹងការឆ្លងម្សិលមិញ។

ខេត្តបន្ទាយមានជ័យ បានរកឃើញអ្នកឆ្លងកូវីដ១៩ចំនួន ៤៨នាក់ ក្នុងរយៈពេល ២៤ម៉ោង ចុងក្រោយនេះ ។ យោងតាមរដ្ឋបាលខេត្ត ការរកឃើញឆ្លងថ្មីនៅថ្ងៃនេះ ជាករណីឆ្លងនៅក្នុងសហគមន៍ ដែលឆ្លងលើពលរដ្ឋនៅ ក្នុង ក្រុងប៉ោយប៉ែត ស្រុកថ្មីពួក និងស្រុកមង្គលបុរី ។

ខេត្តបាត់ដំបងមានការឆ្លងថ្មីចំនួន៣២នាក់ក្នុងរយៈពេល២៤ម៉ោងចុងក្រោយនេះ។ យោងតាមរដ្ឋបាលខេត្តអ្នក ឆ្លងថ្មីទាំងនេះ រួមមាននៅស្រុកសង្កែ, ក្រុងបាត់ដំបង, ស្រុកថ្មគោល, ស្រុកមោងឫស្សី, ស្រុកសំពៅលូន, ស្រុក ភ្នំព្រឹក, ស្រុកកំរៀង, និងការឆ្លងមកពីពលរដ្ឋធ្វើដំណើរពីបន្ទាយមានជ័យ, និងខេត្តប៉ៃលិនផងដែរ។

ខេត្តកំពង់ឆ្នាំងមានករណីឆ្លង១០នាក់ និងស្លាប់ម្នាក់ក្នុងរយៈពេល២៤ម៉ោងចុងក្រោយនេះ។ យោងតាមរដ្ឋ បាលខេត្ត អ្នកឆ្លងថ្មីទាំងនោះ គឺជាពលរដ្ឋរស់នៅក្នុងស្រុកកំពង់ត្រឡាច, នៅក្រុងកំពង់ឆ្នាំង, និងស្រុករលា ប្អៀរ។

ខេត្តកំពង់ធំបានរកឃើញ អ្នកឆ្លងកូវីដ១៩ថ្មី ចំនួន ៧នាក់ ក្នុងរយៈពេល២៤ម៉ោងចុងក្រោយនេះ ដែលជាតួ លេខថយចុះច្រើនរហូតដល់ ៤២នាក់ បើធៀបនឹងម្សិលម៉ិញ ដែលបានរកឃើញអ្នកឆ្លងចំនួន ៤៧នាក់ ។

ខេត្តកំពង់ឆ្នាំង ទើបបានតែងតាំងអភិបាលខេត្តថ្មី យោងតាមព្រះរាជក្រឹត្យត្រាស់បង្គាប់របស់ព្រះមហាក្សត្រ ខ្មែរ នៅថ្ងៃទី២៥មិថុនា។ លោក ឈួរ ច័ន្ទឌឿន ត្រូវបានបញ្ចប់តួនាទីជាតំណែងអភិបាលខេត្ត និងផ្លាស់ជំនួសវិញ ដោយលោក ស៊ុន សុវណ្ណារិទ្ធិ ដែលធ្លាប់កាន់តំណែងជាអភិបាលរងខេត្តកំពង់ឆ្នាំងកន្លងមកនេះ។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន៣ម៉ឺន៦ពាន់ ៧៣៧ករណី និងការស្លាប់ថ្មីមានចំនួន៦៨៥នាក់។ កម្ពុជាក្នុងរយៈពេល២៤ម៉ោងចុងក្រោយនេះ មានការឆ្លងថ្មី សរុបចំនួន៦៩៩ករណី ក្នុងនោះ៥៨៦ករណីជាការឆ្លងក្នុងសហគមន៍, និង១១៣ករណីទៀតជាការនាំចូល ពីក្រៅប្រទេស។