តួលេខឆ្លងថ្មីកូវីដ១៩ ក្នុងប្រទេសអាស៊ាននៃរយៈពេល ២៤ម៉ោងចុងក្រោយនេះ បានបន្តកើនឡើងចំនួន ៣០០ករណី បើប្រៀបធៀបនឹងតួលេខឆ្លងកាលពីម្សិលមិញ ។ តួលេខឆ្លងកូវីដ១៩ នៅអាស៊ានថ្ងៃនេះ បើទោះបីបានកើនឡើងជាងម្សិលមិញក៏ដោយ ប៉ុន្តែតួលេខឆ្លងសរុបប្រចាំថ្ងៃនារយៈពេល៣សប្តាហ៍ចុងក្រោយនេះ បានថយចុះគួរឲ្យកត់សម្គាល់ ដែលពីមុនធ្លាប់តែមានតួលេខឆ្លងច្រើនដល់ ៥ខ្ទង់ បានធ្លាក់មកនៅត្រឹមតែ៤ខ្ទង់ស្តើង ប៉ុណ្ណោះ ។ តួលេខឆ្លងថ្មីកូវីដ១៩ នៅអាស៊ានរយៈពេល ២៤ម៉ោងចុងក្រោយនេះ មានចំនួន តែ ២ពាន់៦០៤ករណី ។ ការឆ្លងថ្ងៃនេះ បានកើតលើប្រទេសចំនួន ៩ នៅអាស៊ាន រួមមានប្រទេស ឥណ្ឌូនេស៊ី, ម៉ាឡេស៊ី, វៀតណាម, មីយ៉ាន់ម៉ា, សឹង្ហបុរី, ហ្វីលីពីន, ឡាវ, ថៃ និងប្រទេសកម្ពុជា ។ ប្រទេសថៃ គឺជាប្រទេសដែលមានតួលេខឆ្លងច្រើនជាង ដែលមានចំនួន ៩៩៧ ករណី។ តួលេខឆ្លងតិចជាងគេ គឺប្រទេសកម្ពុជា ដែលមានចំនួនតែ ៣ករណីប៉ុណ្ណោះ ។ ប្រទេសប្រុយណេ ជាប្រទេសដែលគ្មានសេចក្តីរាយការណ៍ជុំវិញតួលេខឆ្លង និងស្លាប់ឡើយ ក្នុងរយៈពេល ២៤ម៉ោងចុងក្រោយនេះ ។…

ការឆ្លងថ្មីកូវីដ១៩ក្នុងរយៈពេល២៤ម៉ោងចុងក្រោយនេះ បានថយចុះមកវិញចំនួន ៤ករណី បើប្រៀបធៀបនឹងតួលេខឆ្លងកាលពីម្សិលមិញ ។ យោងតាមក្រសួងសុខាភិបាល តួលេខឆ្លង ថ្មី២៤ម៉ោងចុងក្រោយ មានចំនួន ៣ករណីផងដែរ ។ តួលេខឆ្លងថ្មីទាំង ៣ករណី នាវេលា ២៤ម៉ោងចុងក្រោយនេះ គឺកើតឡើងក្នុងរង្វង់សហគមន៍ទាំងអស់ ។ កម្ពុជាបានចាប់ផ្តើមចាក់ដូសជំរុញទី៦ ក្នុងសប្តាហ៍នេះ ខណៈពិភពលោកកំពុងប្រុងប្រយ័ត្ន នូវវីរុសបំបែ្លងថ្មីម្យ៉ាងឈ្មោះ XBB។ វីរុសនេះ នៅមិនទាន់មានសេចក្តីរាយការណ៍អំពីការឆ្លង ចូលមកដល់ប្រទេសកម្ពុជានៅឡើយទេ។ កម្ពុជាបច្ចុប្បន្នកំពុងរៀនរស់នៅជាមួយនឹងជម្ងឺកូវីដ១៩ ខណៈដែលការចាក់វ៉ាក់សាំងដូសមូលដ្ឋានទូទាំងប្រទេសមានប្រមាណជាង ៩៥ភាគរយ រួចមកនេះ។

ឃ្លាំងស្តុករថយន្តមួយកន្លែងនៅក្នុងខណ្ឌទួលគោក ត្រូវបានឆាបឆេះនាវេលាម៉ោង៥ទាបភ្លឺ ថ្ងៃទី១០ មករានេះ។ រថយន្តសេរីទំនើបចំនួន ០៣គ្រឿង បានឆេះអស់ទាំងស្រុង ក្នុងហេតុការណ៍កើតឡើងនៅចំណុចឃ្លាំងលេខ២៣៤ ស្ថិតនៅតាមបណ្តោយផ្លូវ១៨៨ ក្នុងសង្កាត់ផ្សារដេប៉ូទី១។ ការិយាល័យបង្ការពន្លត់អគ្គិភ័យ បានបញ្ជាក់ថាមូលហេតុដែលបណ្តាលអោយមានគ្រោះអគ្គិភ័យនេះ គឺបណ្តាលមកពីការឆ្លងក្បាលអាគុយរថយន្ត ម៉ាកលុចស៊ីស LM300។ រថយន្តចំនួន ៣គ្រឿង ម៉ាកលុចស៊ីស LM300, រថយន្តតូយ៉ូតា និងរថយន្តម៉ាកបេល និងសម្ភារៈមួយចំនួន បានឆេះ ប៉ុន្តែអគ្គិភ័យមិនបានឆេះរាលដល់កន្លែងផ្សេងទេ ខណៈអាជ្ញាធរបានប្រើប្រាស់រថយន្តពន្លត់អគ្គិភ័យអស់ចំនួន១៧គ្រឿង ទើបគ្រប់គ្រងអគ្គិភ័យបានរលត់ជាស្ថាពរ៕

ឡានដឹកកម្មករចំនួន៦៥នាក់ បានក្រឡាប់ក្នុងហេតុការណ៍គ្រោះថ្នាក់ចរាចរណ៍មួយកើតឡើងនៅថ្ងៃទី១០ មករា ឆ្នាំ២០២៣ នៅក្នុងខេត្តកំពង់ស្ពឺ។ ក្នុងហេតុការណ៍នោះ មានអ្នករងរបួសជាកម្មការីនីចំនួន៥នាក់ ក្នុងហេតុការណ៍ក្រឡាប់រថយន្តវេលាព្រឹកម៉ោង៦និង ២០នាទី នៅចំណុចភូមិស្តុកស្លាត ឃុំភ្នំតូច នៃស្រុកឧដុង្គ។ យោងតាមសមត្ថកិច្ចគ្រោះថ្នាក់ចរាចរណ៍ក្រឡាប់ឡាននោះ គឺដោយសារតែមានរថយន្តមួយគ្រឿងម៉ាក HINO ពណ៌ស ពាក់ផ្លាកលេខកណ្តាល 3G-0470 បានបើកកៀររថយន្តដឹកកម្មករទាំង៦៥នាក់ បណ្តាញឱ្យរថយន្តដឹកកម្មករនោះ បានបើកធ្លាក់ផ្លូវក្រឡាប់ផ្ងារជើង។ អ្នកបើកបររថយន្តទាំង២ ត្រូវគេរាយការណ៍ថា បានរត់គេចខ្លួនក្រោយហេតុការណ៍នោះ បានកើតឡើង។

សីតុណ្ហភាពកម្ដៅបានឡើងពី១ទៅ២អង្សាសេ ក្នុងមួយសប្តាហ៍ទៅមុខទៀតនេះ ជាមួយនឹង ការព្យាករណ៍ការធ្លាក់ភ្លៀងខ្លះក្នុងកម្រិតខ្សោយ ដោយសារតែកម្ពុជា នឹងទទួលរងនូវឥទ្ធិពល ពីទ្រនុងសម្ពាធខ្ពស់ចិន និងខ្យល់មូសុងឦសាន្តក្នុងកម្រិត ពីខ្សោយទៅមធ្យម ។ យោងតាមការព្យាករណ៍របស់ក្រសួងធនធានទឹក និងឧតុនិយម…រវាងពីថ្ងៃទី១១ រហូតដល់ ថ្ងៃទី១៧ ខែមករា ឆ្នាំ២០២៣ នៅតាមតំបន់ទំនាបកណ្ដាល សីតុណ្ហភាពត្រជាក់អប្បបរមា នឹងមានរវាងពី២២ទៅ២៤អង្សាសេ, សីតុណ្ហភាពកម្ដៅអតិបរមាមានរវាងពី ៣០ទៅ៣២ អង្សាសេ ដែលសីតុណ្ហភាពទាំងពីរនេះ បើប្រៀបធៀបទៅនឹងសប្ដាហ៍មុន គឺមានការកើនឡើងកម្ដៅរវាងពី១ទៅ២ អង្សាសេ។ យោងតាមការព្យាករណ៍ តំបន់ទំនាបកណ្ដាល អាចនឹង មានភ្លៀងធ្លាក់នៅក្នុងកម្រិតខ្សោយដោយអន្លើ ។ នៅតំបន់ខ្ពង់រាប, សីតុណ្ហភាពត្រជាក់អប្បបរមានឹងមាន រវាងពី១៩ទៅ២២អង្សាសេ, សីតុណ្ហភាពកម្ដៅអតិបរមា នឹងមានរវាងពី ២៩ទៅ៣១ អង្សាសេ។ បើប្រៀបធៀបនឹងសប្ដាហ៍មុន សីតុណ្ហភាពទាំងពីរនេះ គឺមានការកើនកម្ដៅ ១ អង្សាសេ។ ការព្យាករណ៍នៅតំបន់ខ្ពង់រាបនេះ នឹងអាចមានភ្លៀងធ្លាក់នៅក្នុងកម្រិតខ្សោយដោយអន្លើ ខណ:ធាតុអាកាស អាចចុះត្រជាក់ ក្នុងកម្រិតខ្សោយ នាពេលព្រឹក ។ ចំណែកតំបន់មាត់សមុទ្រនោះវិញ នឹងមានសីតុណ្ហភាពត្រជាក់អប្បបរមា រវាងពី២២ទៅ២៤ អង្សាសេ, សីតុណ្ហភាពកម្ដៅអតិបរមា…

កម្ពុជាបានបន្តបញ្ជូនកងកម្លាំងកម្ទេចគ្រឿងផ្ទុះនាំមុខ១៥នាក់ទៀត ដើម្បីបំពេញបេសកកម្ម មនុស្សធម៌ក្រោមឆត្រអង្គការសហប្រជាជាតិនៅប្រទេសអាហ្វ្រិកកណ្តាល។ បេសកកម្មថែរក្សាសន្តិភាពរបស់អង្គការសហប្រជាជាតិ ក្នុងសាធារណរដ្ឋអាហ្វ្រិកកណ្តាល មានឈ្មោះកាត់ ហៅថាមីនៀកា MINURCA ។ ពិធីជូនដំណើរកងកម្លាំងមួកខៀវកម្ពុជា នៅថ្ងៃទី១០មករា នេះ បានធ្វើឡើងក្រោមវត្តមានលោកឧត្តមសេនីយ៍ទោ ប្រាក់ សុទ្ធ ដែលជាអគ្គនាយករងមជ្ឈមណ្ឌលជាតិ រក្សាសន្តិភាព។ កងកម្លាំងកម្ទេចគ្រឿងផ្ទុះនាំមុខ១៥នាក់នេះគឺជា កងកម្លាំង កម្ទេចគ្រឿងផ្ទុះលេខ៩៨។ ឧត្តមសេនីយ៍ទោ ប្រាក់ សុទ្ធ បានក្រើនរំឮកដល់កងកម្លាំងមួកខៀវកម្ពុជា ដែលចេញទៅ បំពេញបេសកកម្មមនុស្សធម៌ក្រោមឆត្រ អង្គការសហប្រជាជាតិនៅសាធារណរដ្ឋអាហ្វ្រិកកណ្តាល ត្រូវអនុវត្តឱ្យបានម៉ឹងម៉ាត់ចំពោះប្រសាសន៍ណែនាំរបស់ថ្នាក់ដឹកនាំនៃប្រទេស កម្ពុជា។ កម្ពុជាគិតចាប់តាំងពីឆ្នាំ២០០៦ រហូតមកដល់ពេលនេះ បានបញ្ជូនកងកម្លាំងរក្សា សន្តិភាពជាង៧ពាន់នាក់ក្នុងការបំពេញបេសកកម្មមនុស្សធម៌ជាមួយអង្គការសហប្រជាជាតិ នៅក្នុងប្រទេសចំនួន៩ គឺប្រទេស ស៊ូដង់, ស៊ូដង់ខាងត្បូង, ឆាដ, លីបង់, ស៊ីរី, ម៉ាលី, អាហ្វ្រិក កណ្តាល សាយប្រឺស និងយ៉េមែន។

មន្ត្រីគយបានថ្លែងថាសហរដ្ឋអាមេរិក គឺជាប្រទេស ដែលកម្ពុជាបាននាំចេញទំនិញច្រើនគេ ក្នុងឆ្នាំ២០២២កន្លងមកនេះ ក្នុងទំហំជិត៩ពាន់លានដុល្លារ។ តួលេខបង្ហាញទំហំ និងតម្លៃនាំចេញទំនិញទៅក្រៅប្រទេសនេះ បានផ្អែកតាមរបាយការណ៍របស់អគ្គនាយកដ្ឋានគយ និងរដ្ឋាករកម្ពុជា ដែលទទួលបាននៅថ្ងៃទី១០ មករា ឆ្នាំ២០២៣។ របាយការណ៍បានសរសេរថាពេញមួយឆ្នាំ២០២២ គឺកម្ពុជាបាននាំចេញទំនិញជាង២២ពាន់លានដុល្លារ កើនឡើង១៦.៤% បើធៀប នឹងឆ្នាំ២០២១។ របាយការណ៍សរសេរថាសហរដ្ឋអាមេរិក គឺជាប្រទេសដែលកម្ពុជាបាននាំចេញទំនិញច្រើនជាងគេ, ចំណែកប្រទេសក្នុងលំដាប់ទី២គឺវៀតណាម ដែលបានកម្ពុជាបាននាំ ចេញទំនិញ ក្នុងតម្លៃជាង២ពាន់លានដុល្លារ និងបាននាំចេញទៅប្រទេសចិន ក្នុងតម្លៃជាង ១ពាន់២០០ លានដុល្លារ រួមនឹងបណ្តាប្រទេស ដែលជាដៃគូនាំចេញទំនិញសំខាន់មួយចំនួនទៀត។