ស្ថានភាពជំនន់ទឹកឡើងដោយសារភ្លៀងក្នុងខេត្តភាគឧត្តរនិងពាយព្យ នៅមិនទាន់បានស្ងប់ នៅឡើយទេ។ ក្នុងខេត្តបន្ទាយមានជ័យ មនុស្សដែលបានស្លាប់ដោយសារករណីទឹកជំនន់ បានកើនដល់១៣នាក់ហើយ។ នៅថ្ងៃនេះ លោកឧបនាយករដ្ឋមន្ត្រីកែគឹមយ៉ាន បាននាំយក អំណោយ ចុះពិនិត្យស្ថានភាពពលរដ្ឋក្នុងកន្លែងមួយចំនួនដែលរងគ្រោះដោយសារគ្រោះធម្ម ជាតិនេះ។ អប្សរាណិតរាយការណ៍

មហាសន្និបាតក្រុមប្រឹក្សាកីឡាអូឡាំពិកអាស៊ីលើកទី៤១ រយៈពេល៥ថ្ងៃបានបញ្ចប់ទៅនៅ ថ្ងៃទី៥តុលាឆ្នាំ២០២២។ ប្រធានស្ដីទីក្រុមប្រឹក្សាកីឡាអូឡាំពិកអាស៊ីលោក រាចា រ៉ាន់ធៀ ស៊ិញ Raja Randhir Singh បាន ថ្លែងអំណរគុណចំពោះរាជរដ្ឋាភិបាលកម្ពុជា និងគណៈកម្មាធិការ ជាតិអូឡាំពិកកម្ពុជាសម្រាប់ការទទួលរៀបចំ និងអញ្ជើញបណ្ដាប្រទេសចលនាអូឡាំពិក មក ចូលរួមក្នុងមហាសន្និបាតដែលចាប់ផ្តើមតាំងពីថ្ងៃទី១តុលានោះមក។

អាជ្ញាធរបានថ្លែងថាក្នុងរយៈពេល២៤ម៉ោងកន្លងមកនេះ, គេបានទទួលសំណើរកកិច្ចជួយ អន្តរាគមន៍ស្វែងរកនិងជួយសង្គ្រោះជនបរទេស៧៥នាក់។ កម្ពុជាកំពុងស្ថិតក្នុងយុទ្ធការបង្ក្រាបអំពើជួញដូរមនុស្ស ក្រោយមានសេចក្តីរាយការណ៍ថាមាន ក្រុមទុច្ចរិតដែលមានប្រ ភពមកពីក្រៅប្រទេស បានសហការជាមួយនឹងបក្ខពួកក្នុងប្រទេសកម្ពុជា បង្កនូវអំពើចាប់ បង្ខាំងមនុស្ស ក្រោមរូបភាពល្បួងមកធ្វើការក្នុងប្រទេស កម្ពុជាដោយសន្យាឱ្យកម្រៃពល កម្មច្រើន។

មេបញ្ជាការកងទ័ពជើងគោកកម្ពុជាលោកឧត្តមសេនីយ៍ឯក ហ៊ុន ម៉ាណែតដែលបំពេញ ទស្សនកិច្ចការងារក្នុងប្រទេសអូស្ត្រាលី បានជួបសំណេះសំណាលពិភាក្សាការងារជាមួយ សមភាគហ្វីលីពីន គឺលោកឧត្តមសេនីយ៍ ឯក រ៉ូម៉េអូ ប្រនណឺ ជូញៀ។

កម្ពុជាបានជម្រុញរកកិច្ចសហប្រតិបត្តិការខ្លាំងជាមួយគុយបាលើវិស័យកិច្ចសហប្រតិបត្តិ ការផ្នែកវិស័យសុខាភិបាល។ គុយបា បើទោះបីជាប្រទេសដ៏តូចមួយមានពលរដ្ឋប្រមាណជាង ១១លាននាក់នៅក្នុងតំបន់អឌ្ឍគោលខាងលិចនោះមែន ប៉ុន្តែជាប្រទេសដែលផលិតវ៉ាក់សាំង កូវីដ១៩ដោយខ្លួនឯង និងក៏ជាប្រទេសដែលមានវិធីការពារទប់ទល់ការឆ្លងបានល្អប្រសើរលើ ការទប់ស្កាត់និងការឆ្លងនៃជម្ងឺកូវីដ១៩ផងដែរ។

ប្រទេសអាស៊ានខ្លះ ត្រូវគេរាយការណ៍នៅថ្ងៃនេះថាមិនមានករណីឆ្លងកើតឡើងឡើយ។ នៅថ្ងៃនេះផងដែរ ប្រទេសសឹង្ហបុរី គឺជាប្រទេសដែលមានករណីឆ្លងថ្មីច្រើនជាងគេ នៅ ក្នុងអាស៊ាន នារយៈ ពេល ២៤ម៉ោងចុងក្រោយនេះ ។ នៅថ្ងៃនេះមានប្រទេសតែ ៧ប៉ុណ្ណោះ នៅអាស៊ាន ដែលមានករណីឆ្លង និងស្លាប់ថ្មី ។ តើប្រទេសបីដែលមិនមានករណីឆ្លង និង ស្លាប់ថ្មីនោះជាប្រទេសណាខ្លះ ? អប្សរាណិតរាយការណ៍ជុំវិញការឆ្លងក្នុងប្រទេសទាំង១០ ក្នុងរយៈពេល ២៤ម៉ោងចុងក្រោយ

តួលេខឆ្លងថ្មីនៃជម្ងឺកូវីដ១៩ ក្នុងរយៈពេល ២៤ម៉ោងចុងក្រោយ នេះ នៅកម្ពុជា មានការថយ ចុះ ៤នាក់ បើប្រៀបធៀបនឹងម្សិលមិញ ។ តួលេខឆ្លង ក្នុងរយៈពេល ២៤ម៉ោងមកនេះ មាន ៤នាក់ ដែលជាការឆ្លងនៅក្នុងសហគមន៍ទាំងអស់។ កម្ពុជាមានតួលេខអ្នកចាក់វ៉ាក់សាំងដូស មូលដ្ឋានទូទាំងប្រទេសកម្ពុជា គិតត្រឹមថ្ងៃទី០៤ តុលា បានកើនដល់ចំនួន ១៥លាន ១៩ម៉ឺន ៧ពាន់ ៩១១នាក់ ដែលស្មើនឹង ៩៤,៩៩ភាគរយ ។

ផ្ទះពលរដ្ឋចំនួន៥១៣គ្រួសារ នៅខេត្តកំពត បានរងការខូចខាតដោយបាតុភូតខ្យល់កន្ត្រាក់។ យោងតាមអភិបាលស្រុកទឹកឈូ លោក អ៊ឹម ច័ន្ទសោធន ការរងគ្រោះនឹងបាតុភូតធម្មជាតិនេះ បានកើតឡើងតាំងពីល្ងាចថ្ងៃទី៣តុលា ដោយភ្លៀងនិងខ្យល់កន្ត្រាក់ បានបោកបក់មកលើឃុំ ចំនួន៣ នៃស្រុកទឹកឈូ រួមមាន ឃុំត្រពាំងព្រីង ,ឃុំកណ្តោល និងឃុំត្រពាំងសង្កែ។ គ្រោះ ធម្មជាតិនេះ បានបណ្តាលឱ្យខូចខាតផលដំណាំ និងផ្ទះសំបែងប្រជាពលរដ្ឋសរុប៥១៣ គ្រួសារ ក្នុងនោះផ្ទះប្រជាពលរដ្ឋចំនួន ៩គ្រួសារ ត្រូវបានដួលរលំទាំងស្រុង ប៉ុន្តែមិនមាន ការបង្កឱ្យពលរដ្ឋណាម្នាក់រងការបាត់បង់ជីវិត ឬរងរបួសនោះឡើយ។