សត្វខ្ទីងឈ្មោលមួយក្បាល ដែលជាសត្វកម្រជិតផុតពូជនៅក្នុងប្រទេសកម្ពុជា ត្រូវបាន គេប្រទះឃើញស្លាប់មួយក្បាលគ្រាដែលសត្វព្រៃនេះ បានជាប់ផុងរណ្តៅក្នុងអណ្ដូងចាស់មួយ កន្លែងក្នុងព្រៃនៃខេត្តឧត្តរមានជ័យ។

ប្រទេសសឹង្ហបុរី គឺជាប្រទេសដែលមានតួលេខឆ្លងកូវីដ១៩ច្រើនជាងគេដដែលក្នុងរយៈពេល ២៤ម៉ោងកន្លងមកនេះ។ នៅថ្ងៃនេះមានប្រទេសតែ ៧ប៉ុណ្ណោះ នៅអាស៊ាន ដែលមាន ករណីឆ្លង និងស្លាប់ថ្មី។ អប្សរាណិតរាយការណ៍ជុំវិញការឆ្លងក្នុងប្រទេសអាស៊ាន ក្នុង រយៈ ពេល ២៤ម៉ោងចុងក្រោយ

ការបង្ក្រាបបទល្មើសល្បែងស៊ីសងខុសច្បាប់ក្នុងរាជធានី បានចំនួនជាមួយពាន់ទីតាំង ហើយប៉ុន្តែអភិបាលរាជធានី បានជម្រុញបង្កើនកិច្ចខិតខំបង្ក្រាបថែមទៀត។ បទល្មើសល្បែង ស៊ីសងខុសច្បាប់ គឺជាមេរោគសង្គមដែលចាំបាច់ត្រូវតែបង្ក្រាបឱ្យអស់ឫសគល់។

រដ្ឋបាលខេត្តបាត់ដំបង បានប្រកាសផ្អាករថយន្តដឹកទំនិញធុនធ្ងន់គ្រប់ប្រភេទ ដែលធ្វើចរា ចរណ៍ចូលក្នុងក្រុង ខណៈជំនន់ទឹកស្ទឹងសង្កែ បាននឹងកំពុងតែជន់ឡើង ។ រដ្ឋបាលខេត្តថ្លែង ថា ជំនន់ទឹកស្ទឹងសង្កែ អាចធ្វើឱ្យប៉ះពាល់ដល់ផ្លូវថ្នល់ ដែលមិនអាចទ្រនឹងទម្ងន់របស់រថយន្ត ធុនធ្ងន់បានដែលជាមូលហេតុចាំបាច់ត្រូវតែផ្អាកការដឹកជញ្ជួនរថយន្តប្រភេទធុនធ្ងន់នោះ។

មន្ត្រីគយបានថ្លែងថាការអនុវត្តកិច្ចព្រមព្រៀងពាណិជ្ជកម្មសេរីផ្សេងៗ នឹងធ្វើឱ្យកម្ពុជាប្រ ឈមការបាត់បង់ចំណូលពន្ធគយ ប៉ុន្តែវានឹងជួយទំនិញនាំចេញរបស់កម្ពុជាទទួលបានការអនុ គ្រោះពន្ធ ឬស្ថិតក្នុងអត្រាពន្ធទាប ដែលកត្តានេះនឹងជំរុញដល់ការនាំទំនិញចេញកាន់តែ កើន ឡើង។ អគ្គនាយកគយនិងរដ្ឋករ បណ្ឌិត គុណ ញឹម បានថ្លែងបញ្ជាក់បញ្ហាទាំងខាតនិង ចំណេញនេះក្នុងសន្និសីទកាសែតមួយនៅថ្ងៃនេះ។

ផ្ទះពលរដ្ឋចំនួន១ម៉ឺន៤ពាន់៣៨៥ខ្នង រួមនឹងហេដ្ឋារចនាសម្ព័ន្ធ និងដំណាំផ្សេងៗ នៅ ក្នុងខេត្ដក្រចេះ បានរងរងផលប៉ះ ពាល់ដោយសារជំនន់ទឹកភ្លៀង។ អភិបាលស្រុកឆ្លូង លោកស្រី គង់ លឹមហូ បានឲ្យដឹងនៅថ្ងៃទី៥តុលានេះថា ទឹកភ្លៀងបន្តធ្លាក់ជាប់ៗគ្នារយៈពេលយូរ បានបណ្ដាល ឱ្យកម្ពស់ទឹកទន្លេមគង្គបានហក់ឡើងខ្ពស់និងបង្កឱ្យគ្រោះទឹកជំនន់ដល់ភូមិករ នៃទីទំនាបរបស់ពលរដ្ឋ។

កីឡាករម៉ូតូទឹកកម្ពុជាលោក កៃ វ៉ាន់ស៊ីដែន បានឈ្នះមេដាយមាសJet Ski World Series Season 2022 ក្នុងការប្រកួតមួយនៅសហរដ្ឋអាមេរិក។ កម្ពុជាមុននេះ ការប្រកួតកីឡាម៉ូតូទឹក មានតែកីឡាករលោកសាលី អ៊ូមើត តែម្នាក់ប៉ុណ្ណោះដែលតែងមានឈ្មោះល្បីល្បាញក្នុងរង្វង់ កីឡាករម៉ូតូទឹកអន្តរជាតិដោយសារតែលោកបានទទួលមេដាយមាសជាច្រើនជុំវិញនឹងការប្រ កូតកីឡានេះ។ ការទទួលបានមេដាយមាសរបស់លោក កៃ វ៉ាន់ស៊ីដែន ត្រូវគេចាត់ទុកថាជា ការបោះជំហានមួយទៅមុខថែមទៀតនៃក្រុមកីឡាករម៉ូតូទឹកកម្ពុជា។

រុស្ស៊ីបានបញ្ចប់រួចរាល់នូវនីតិវិធីច្បាប់ដាក់តំបន់ដូណេតស៍, លូហានស៍, ហ្សាប៉ូរីហ្សៀនិង Kherson ក្លាយជាទឹកដីរណបរបស់ខ្លួន ដែលការបញ្ចប់នូវនីតិវិធីនេះ កំពុងតែបង្ខិតការយក ចិត្តទុកដាក់របស់ពិភពលោកដែលចង់ដឹងថាតើវិមានក្រឹមឡាំងនឹងធ្វើអ្វីជាបន្ទាប់មកទៀត។ តើរុស្ស៊ីនឹងបាញ់អាវុធនុយក្លេអ៊ែ័រដើម្បីការពារទឹកដីក្នុងតំបន់ទាំង៤នោះដែរឬទេ? លោកម៉ារ យ៉ារិទ្ធិ រាយការណ៍ជុំវិញព្រឹត្តិការណ៍នេះ