ទិវារត់ប្រណាំងម៉ារ៉ាតុងអន្ដរជាតិ ចក្រភពខ្មែរ លើកទី៧ នឹងគ្រោងរៀបចំធ្វើសាជាថ្មី ក្រោយ ការខកខានរៀបចំរយៈពេល២ឆ្នាំមក ដោយសារជំងឺរាតត្បាតជាសកលកូវីដ-១៩។

ព្រះករុណាព្រះមហាក្សត្រខ្មែរ បានត្រាស់បង្គាប់តែងតាំងអភិបាលថ្មីនៃខេត្តព្រះវិហារគឺលោក គីម រិទ្ធី។ លោក គីម រិទ្ធី គឺជាអគ្គនាយករងនៃអគ្គនាយកដ្ឋានរដ្ឋបាលក្រសួងមហាផ្ទៃ។ យោង តាមព្រះរាជក្រឹត្យព្រះមហាក្សត្រចុះថ្ងៃទី២៧កក្កដាឆ្នាំ២០២២, លោក គីម រិទ្ធី ត្រូវបានតែងតាំង ជាអភិបាលនៃគណៈអភិបាលខេត្តព្រះវិហារ។ គួរបញ្ជាក់ថាអភិបាលខេត្តព្រះវិហារមុននេះ គឺ លោក ប្រាក់ សុវណ្ណ។

កម្ពុជាបានអំពាវនាវរកការវិនិយោគបន្ថែមលើវិស័យប្រេងខណៈដែលតម្រូវការរបស់កម្ពុជា នឹងកើនឡើងជិត២ដងក្នុងឆ្នាំ២០៣០។

មន្ត្រីក្រសួងការបរទេសបានថ្លែងថា រដ្ឋមន្ត្រីការបរទេសអាមេរិក និងចិន បានបញ្ជាក់ វត្តមានចូលរួមកិច្ចប្រជុំរដ្ឋមន្ត្រីការបរទេសអាស៊ានលើកទី៥៥ និងកិច្ចប្រជុំពាក់ព័ន្ធដែលនឹងប្រព្រឹត្តទៅនៅរាជធានីភ្នំពេញ។

វិសោធនកម្មលើកទី១០ នៃរដ្ឋធម្មនុញ្ញរបស់ព្រះរាជាណាចក្រកម្ពុជា នឹងត្រូវលើកពិភាក្សា ដេញដោលរកការអនុម័តនៅថ្ងៃទី២៨កក្កដានេះហើយ។ មន្ត្រីនាំពាក្យរដ្ឋសភាលោក ឡេង ប៉េងឡុង បានថ្លែងថាសម័យប្រជុំពេញអង្គរដ្ឋសភាដែលនឹងពិភាក្សាលើការអនុម័តនេះ នឹងប្រព្រឹត្តទៅក្រោមអធិបតីភាពសម្តេចអគ្គមហាពញាចក្រី ហេង សំរិន។

រថភ្លើងបានកិនបុរសម្នាក់ដាច់ជើងនិងបានធ្វើឱ្យគ្នីគ្នា៦នាក់ទៀតរងរបួសក្នុងហេតុការណ៍ មួយដែលមនុស្សទាំង៧នាក់រួមមានមនុស្សប្រុស និងស្រីកំពុងអង្គុយផឹកស៊ីលើផ្លូវដែក។

សមត្ថកិច្ចជំនាញមន្ទីរប្រឆាំងគ្រឿងញៀនបានធ្វើការបង្រ្កាបជនសង្ស័យម្នាក់រួមនឹងគ្រឿង ញៀនចំនួនជាង៤៥គីឡូក្រាម នៅ៤ទីតាំងផ្សេងគ្នានៅក្នុងរាជធានីភ្នំពេញ ។