ប្រទេសអាស៊ានទាំង១០ នៅតែមានតួលេខឆ្លង និងស្លាប់ដោយសារកូវីដ១៩ជាបន្តក្នុងរយៈ ពេល៧២ម៉ោងចុងក្រោយនេះ។ ករណីឆ្លងថ្មីកូវីដ១៩ ក្នុងប្រទេសអាស៊ាន ក្នុងរយៈពេល ៣ថ្ងៃមកនេះមានចំនួន ៧ម៉ឺន ២ពាន់ ៩៤ករណី និងការស្លាប់ថ្មីមានចំនួន ១៩២នាក់ ។ ប្រទេសសឹង្ហបុរី គឺជាប្រទេសដែលមានតួលេខឆ្លងច្រើនជាងគេបង្អស់ដដែល ក្នុងរយៈពេល ៧២ម៉ោងចុងក្រោយនេះ ។ អប្សរាណិតរាយការណ៍ជុំវិញការឆ្លងក្នុងប្រទេសទាំង១០ ក្នុងរយៈពេល ៧២ម៉ោងចុងក្រោយ

តួលេខឆ្លងថ្មីនៃជម្ងឺកូវីដ១៩ បានកើនឡើងតិចតួចជារៀងរាល់ថ្ងៃ ខណៈរយៈពេល២៤ ម៉ោងចុងក្រោយនេះ អ្នកឆ្លងថ្មីមានចំនួន២៤នាក់។ កាលពីថ្ងៃសៅរ៍ តួលេខឆ្លងមាន២០នាក់ និងថ្ងៃអាទិត្យមានចំនួន២៣នាក់។ តួលេខឆ្លង២៤ម៉ោងកន្លងមកនេះ មានចំនួន ២៤នាក់ ដែលជាករណី ឆ្លងនៅក្នុងសហគមន៍ទាំងអស់ ។

ក្រសួងសុខាភិបាលកំពុងយកចិត្តទុកដាក់ព្យាបាលបុរសជាតិនីហ្សេរីយ៉ាដែលផ្ទុកនូវមេរោគ អុតស្វា និងទើបមានជាលើកដំបូងក្នុងប្រទេសកម្ពុជា។

តួលេខភ្ញៀវទេសចរក្នុងចុងសប្តាហ៍នេះ បានថយចុះ ដែលករណីនេះត្រូវគេបន្ទោសលើ កត្តាអាកាសធាតុមិនអំណោយផលដោយសារការធ្លាក់ភ្លៀងច្រើនពេក។

នាវាចម្បាំងកងទ័ពជើងទឹកប៉ាគីស្ថានមួយគ្រឿង បានចូលចតក្នុងកំពង់ផែស្វយ័តក្រុងព្រះ សីហនុនៅថ្ងៃម្សិលមិញនេះ ដែលជាការចូលចតលើកដំបូងក្នុងកំពង់ផែរបស់កម្ពុជានេះ។ នាវាចម្បាំង ឈ្មោះ ភីអិនអិស តាយមៀ វ៉ស្ហ៊ីប (PNS TAIMUR WARSHIP) លេខF-262 នឹង ស្ថិតក្នុងកំពង់ផែសមុទ្ទកម្ពុជារយៈពេល០៤ថ្ងៃ គឺចាប់ថ្ងៃទី២៥-២៨ ខែកក្កដា ឆ្នាំ២០២២។

កម្ពុជានិងប្រទេសនីហ្សេរីយ៉ា បានបង្ហាញនូវជំហរចង់ពង្រឹងកិច្ចសហប្រតិបត្តិការគ្នាលើវិស័យ យោធា។ ប្រទេសនីហ្សេរីយ៉ា គឺជាប្រទេសដែលមានកងកម្លាំងប្រមាណ២២ម៉ឺន ៣ពាន់នាក់ ដែលជាកម្លាំងទ័ពប្រយុទ្ធមួយដ៏ធំលំដាប់ទី៤ក្នុងទ្វីប អាហ្វ្រិកនិងមានលំដាប់ទី៣៥ក្នុងលំដាប់ បញ្ជីយោធាជាអន្តរជាតិ។ អប្សរាណិតធ្វើសេចក្ដីរាយការណ៍

នាយបេសកកម្មអាស៊ានប៉ារ៉ាហ្គេមកម្ពុជាលោក យី វាសនា បានថ្លែងរំពឹងថាកម្ពុជានឹងអាច ឈ្នះមេដាយមាសយ៉ាងតិច ៣គ្រឿងក្នុងការប្រកួតអាស៊ានប៉ារ៉ាហ្គេមលើកទី១១ ដែលនឹងប្រព្រឹត្តទៅនាចុងសប្តាហ៍នេះ ក្នុងប្រទេសឥណ្ឌូណេស៊ី។

ព្រឹទ្ធសភានៃប្រទេសកម្ពុជាបានចេញសេចក្តីថ្លែងការណ៍បដិសេធសេចក្តីព្រាងច្បាប់ដាក់ ចេញដោយសមាជិកព្រឹទ្ធសភាអាមេរិក២រូបស្តីពី “ប្រជាធិបតេយ្យ និងសិទ្ធិមនុស្សនៅកម្ពុជា”។