ការសេចក្តីព្រាងច្បាប់លើវិសោធនកម្មមាត្រារដ្ឋធម្មនុញ្ញជាលើកទី១០ បានទទួលជោគជ័យ ទាំងស្រុងដោយរដ្ឋសភាបានអនុម័តនៅក្នុងកិច្ចប្រជុំពេញអង្គថ្ងៃទី២៨កក្កដានេះហើយ។ សេចក្តីព្រាងវិសោធនកម្មមាត្រាទាំង៨នៃច្បាប់រដ្ឋធម្មនុញ្ញ ទទួលបានអនុម័តពីសម្លេង១០៥ ក្នុងចំណោម១០៦សម្លេងដែលចូលរួមក្នុងកិច្ចប្រជុំពេញអង្គរដ្ឋសភាថ្ងៃទី២៨កក្កដាឆ្នាំ២០២២។ អប្សរាណិតធ្វើសេចក្ដីរាយការណ៍

សម្តេចនាយករដ្ឋមន្ត្រីកម្ពុជា នឹងអញ្ជើញជាអធិបតីក្នុងពិធីបើកជាផ្លូវការនៃកិច្ចប្រជុំរដ្ឋមន្ត្រី ការបរទេសអាស៊ានលើកទី៥៥ និងកិច្ចប្រជុំពាក់ព័ន្ធក្នុងក្របខ័ណ្ឌអាស៊ាន ដែលនឹងចាប់ផ្តើម ថ្ងៃទី២៩កក្កដានេះ។ កិច្ចប្រជុំរដ្ឋមន្ដ្រីការបរទេសអាស៊ាន លើកទី៥៥ និងកិច្ចប្រជុំពាក់ព័ន្ធ ក្នុងក្របខ័ណ្ឌអាស៊ានដែលកម្ពុជានឹងធ្វើជាម្ចាស់ផ្ទះ នឹងមានរវាងពីថ្ងៃទី ២៩កក្កដារហូត ដល់ ថ្ងៃទី៥ ខែសីហា ឆ្នាំ២០២២នៅរាជធានីភ្នំពេញ។ អប្សរាណិតធ្វើសេចក្ដីរាយការណ៍

ក្រុមហ៊ុនកែច្នៃត្រីនៅកម្ពុជា បានចាប់ផ្ដើមបញ្ជាទិញត្រីប្រាជាបន្ដបន្ទាប់ដែលនឹងត្រៀមនាំ ចេញទៅប្រទេសចិនលើកដំបូង ចំនួន៤០តោន។

ប្រទេសអាស៊ានទាំង១០ នៅតែមានតួលេខឆ្លង និងស្លាប់ដោយសារកូវីដ១៩ ជាបន្តដោយ ក្នុងរយៈពេល២៤ម៉ោងចុងក្រោយនេះមានចំនួន ៣ម៉ឺន ១ពាន់ ៨៩៨ករណី និងការស្លាប់ថ្មី មានចំនួន ៦០នាក់ ។ តួលេខឆ្លងនៅថ្ងៃនេះ មានការកើនឡើងចំនួន ១ម៉ឺន ១ពាន់ ៥៥៣ ករណី ប៉ុន្តែការស្លាប់មានការថយចុះចំនួន ១៦នាក់ បើប្រៀបធៀបនិងម្សិលមិញ ។ ប្រទេស សឹង្ហបុរី គឺជាប្រទេសដែលមានតួលេខឆ្លងច្រើនជាងគេបង្អស់នៅថ្ងៃនេះ ។ អប្សរាណិតរាយការណ៍ជុំវិញការឆ្លងក្នុងប្រទេសទាំង១០ ក្នុងរយៈពេល ២៤ម៉ោងចុងក្រោយ

តួលេខឆ្លងថ្មីនៃជម្ងឺកូវីដ១៩ ក្នុងរយៈពេល ២៤ម៉ោងកន្លងមកនេះ បានកើនឡើងចំនួន     ១ករណីបើធៀបនឹងម្សិលមិញ ។ តួលេខឆ្លង២៤ម៉ោងកន្លងមកនេះ មានចំនួន ២០នាក់ ដែល សុទ្ធជាករណីឆ្លងនៅក្នុងសហគមន៍ទាំងអស់ ។ កម្ពុជាក្នុងរយៈពេល២៩ថ្ងៃ ដែលទើបរក ឃើញការឆ្លងសាជាថ្មីនេះ មានអ្នកឆ្លងសរុបចំនួន២៩៦នាក់ហើយ។ 

ក្រុមគ្រូពេទ្យស័្មគ្រចិត្តរបស់សាកលវិទ្យាល័យវិទ្យាសាស្រ្តសុខាភិបាលបានចុះ ផ្តល់សេវា សុខភាពទូទៅមិនគិតថ្លៃ ជូនប្រជាពលរដ្ឋដែលបានជួបជុំគ្នាក្នុងបរិវេណវត្តសំរោងអណ្តែត រាជធានីភ្នំពេញ។

ធនាគារអភិវឌ្ឍន៍អាស៊ី ADBនិង ក្រុមហ៊ុន «ដេហឹស» De Heus TMH Company Limited បានចុះហត្ថលេខាលើប្រាក់កម្ចីចំនួន១៥លានដុល្លារ ដើម្បីជំរុញវិស័យចំណីសត្វរបស់កម្ពុជា តាមរយៈការពង្រីកសមត្ថភាពផ្ទុក និងកែច្នៃចំណីសត្វរបស់ក្រុមហ៊ុនដែលមានទីតាំងនៅក្នុង ខេត្តកំពង់ស្ពឺ។

រដ្ឋមន្ដ្រីក្រសួងសុខាភិបាល បានថ្លែងនៅថ្ងៃនេះថាបុរសជាតិនីហ្សេរីយ៉ាដែលកើតជំងឺអុតស្វា មានសុខភាពល្អធម្មតា និងរំពឹងថាអាចជាសះស្បើយក្នុងពេលឆាប់ៗខាងមុខនេះ។