ពលរដ្ឋកម្ពុជានៅតែបន្តការសម្រុកចាក់វ៉ាក់សាំងប្រឆាំងកូវីដ១៩ បើទោះបីជាតួលេខបាន បង្ហាញថាជាប្រទេសដែលគ្មានអ្នកឆ្លងនិងអ្នកស្លាប់ដោយសារកូវីដ១៩ក៏ដោយ។ កម្ពុជាដោយ សារគោលនយោបាយចាក់វ៉ាក់ សាំងរបស់រាជរដ្ឋាភិបាលនេះហើយ, បាននាំឲ្យតួលេខឆ្លង និងស្លាប់បានធ្លាក់ក្នុងចំណុចសូន្យ ប្រមាណជិត ២ខែមកហើយ។

បណ្តាប្រទេសក្នុងអាស៊ាននៅតែបន្តឆ្លង និងមានករណីស្លាប់ដោយសារជម្ងឺកូវីដ១៩គួរឱ្យកត់ សម្គាល់ខណៈកម្ពុជាជាប្រទេសដែលអស់ការឆ្លងជាង៤០ថ្ងៃរួចមកហើយ។ ក្នុងរយៈពេល ២៤ម៉ោងចុងក្រោយនេះ នៅក្នុងអាស៊ាន មានចំនួនឆ្លង ១ម៉ឺន ៥ពាន់ ១៩ករណី និងការស្លាប់ ថ្មីមានចំនួន ៣៥នាក់ ។ ប្រទេសសឹង្ហបុរី គឺជាប្រទេសដែលមានតួលេខឆ្លងច្រើនជាងគេបង្អស់ ដដែល ក្នុងរយៈពេល ២៤ម៉ោងចុងក្រោយនេះ ។

តួលេខអ្នកឆ្លងជំងឺកូវីដ១៩ក្នុងប្រទេសកម្ពុជារយៈពេល២៤ម៉ោងនេះ បានស្ថិតក្នុងចំណុច សូន្យជាដដែល ដែលនាំឱ្យការមិនឆ្លងសោះមានចំនួន៤៦ថ្ងៃជាប់គ្នាជាបន្តបន្ទាប់។

ខេត្តស្ទឹងត្រែងបានប្រារព្ធខួបលើកទី១៥ឆ្នាំនៃទិវាអតីតយុទ្ធជន។ សម្តេចតេជោ ហ៊ុន សែន កាលពីម្សិលមិញបានធ្វើសារលិខិតអបអរខួបទិវាអតីតយុទ្ធជននោះផងដែរ ដោយបញ្ជាក់ថា ទិវាខួបនោះ គឺជាទិវាប្រវត្តិសាស្ត្រ រំលឹកដល់គំរូវីរភាពដ៏មោះមុតនិងគុណបំណាច់ដ៏ធំធេង របស់វីរយុទ្ធជន យុទ្ធនារីនៃកងកម្លាំងប្រដាប់ អាវុធនិងប្រជាពលរដ្ឋគ្រប់ស្រទាប់ដែល បាន ពលិកម្មយ៉ាងអង់អាចក្លាហាន បូជាសាច់ស្រស់ ឈាមស្រស់ ដើម្បីបុព្វហេតុជាតិនិងមាតុ ភូមិជាទីស្នេហា។

សាលាដំបូងរាជធានីភ្នំពេញ បានសម្រេចលើការកែតម្រូវថ្ងៃខែឆ្នាំកំណើតរបស់ប្រមុខដឹកនាំ រាជរដ្ឋាភិបាលបច្ចុប្បន្ន យោងតាមសំណើសុំរបស់សម្តេចតេជោ ហ៊ុន សែន។ ដីកាសម្រេច ៥ ចំណុច បានសរសេររៀបរាប់អំពីមូលហេតុនៃការផ្លាស់ប្តូរផ្អែកតាមអង្គហេតុនៃដំណើររឿងក្តី, ការអះអាងរបស់ភាគីនិងភស្ថុតាង និងការសំអាងហេតុ។

សម្តេចតេជោ ហ៊ុន សែន បានទទួលជួបរដ្ឋមន្ត្រីការពារជាតិអាស៊ាន និងបានវាយតម្លៃខ្ពស់ ចំពោះលទ្ធផលកិច្ចប្រជុំរដ្ឋមន្ត្រីការពារជាតិអាស៊ានលើកទី១៦ដែល បានបិទបញ្ចប់ដោយ ជោគជ័យនៅថ្ងៃទី២២ ខែមិថុនានេះ។

ទាហានអ៊ុយក្រែនត្រូវបានលើកទឹកចិត្តប្រយុទ្ធសាឡើងវិញខណៈដែលអាវុធអាល្លឺម៉ង់បាន បញ្ជួនទៅដល់។ ប្រទេសអាល្លឺម៉ង់បានសន្យាផ្តល់កាំភ្លើងផ្លោង Artillery ចល័តទំនើបចំនួន ៧គ្រឿងដល់អ៊ុយក្រែន។ ក្រសួងការបរទេសអ៊ុយក្រែនបាន ថ្លែងថាកាំភ្លើងផ្លោង Artillery ចល័តទំនើប៧គ្រឿងនោះបានមកដល់ហើយដើម្បីចូលរួមជា មួយអាវុធដទៃទៀតសម្រាប់ការ ធ្វើសង្គ្រាមជាមួយនឹងទាហានរុស្ស៊ី។

អគ្គលេខាធិការនៃអង្គការសម្ព័ន្ធពិភពឥស្លាម បណ្ឌិត មហាំម៉ាត់ អាប់ ឌុល ការីម ដែលកំពុង បំពេញទស្សនកិច្ច៦ថ្ងៃក្នុងប្រទេសកម្ពុជាបានថ្លែងថា កម្ពុជាអាចធានាបាននូវការ រួម រស់ប្រកបដោយសន្តិសហវិជ្ជមានរវាងប្រជាជនដែលមានសាសនាផ្សេងៗគ្នា។

សម្ដេចតេជោ ហ៊ុន សែន បានគាំទ្រការបង្ហាត់ឥណ្ឌូនេស៊ីនូវកីឡាបញ្ចសីលាដល់កម្ពុជា, ចំណែកកម្ពុជានឹងបង្ហាត់កីឡាល្បុក្កតោដល់ឥណ្ឌូណេស៊ីវិញ។ ប្រសាសន៍គាំទ្រនេះបាន ធ្វើឡើង ក្នុងឱកាសដែលប្រមុខរាជរដ្ឋាភិបាល បានអនុញ្ញាតទទួលជួបរដ្ឋមន្ត្រីការពារជាតិ ឥណ្ឌូនេស៊ី លោកឧត្តមសេនីយ៍ ប្រាបូវ៉ូ ស៊ូប៊ីយ៉ាន់តូ នារសៀល ថ្ងៃទី២២ ខែមិថុនា នៅវិមាន សន្តិភាព។