ការដាច់ភ្លើងនៅចុងសប្តាហ៍ បានមកដល់ទៀតហើយ ដែលមានរយៈពេល៤ថ្ងៃ គឺមាននៅថ្ងៃព្រហស្បតិ៍ ថ្ងៃសុក្រ ថ្ងៃសៅរ៍ និងថ្ងៃអាទិត្យ។ តើការដាច់ភ្លើងប្រចាំសប្តាហ៍នេះ មាននៅកន្លែងណាខ្លះ? សូមស្ដាប់សេចក្ដីរាយការណ៍

សមត្ថកិច្ចនគរបាលបានថ្លែងនៅថ្ងៃនេះថា ក្មេងទំនើងចំនួន ២៧នាក់ ដែលជិះបង្ហោះម៉ូតូ និងបំពងសម្លេងរំខាន ត្រូវបានឃាត់ខ្លួននៅក្នុងខណ្ឌចំនួន៧ នៃភូមិសាស្រ្តទូទាំងរាជធានីភ្នំពេញ។ ក្មេងទំនើងបង្ហោះម៉ូតូ គឺជាគោលដៅបង្ក្រាបដាក់ចេញដោយសម្តេចធិបតីនាយករដ្ឋមន្ត្រី ហ៊ុន ម៉ាណែត ដើម្បីភូមិឃុំមានសុវត្ថិភាព។ យោងតាមបទបញ្ជាម៉ូតូរបស់ក្មេងទំនើងនឹងត្រូវឃាត់ទុករយៈពេល៣ខែ ក្នុងបទល្មើសលើក ទី១ និងឃាត់ទុកដល់៦ខែ ចំពោះបទល្មើសដដែលជាលើកទី២។ ម៉ូតូចំនួន ២០គ្រឿង របស់ក្មេងទំនើងទាំង ២៧នាក់ ត្រូវបានដកហូតរក្សាទុក។ ការបង្ក្រាបក្មេងទំនើងបង្ហោះម៉ូតូនេះ បានធ្វើនៅក្នុងខណ្ឌជ្រោយចង្វារ, នៅខណ្ឌមានជ័យ, នៅខណ្ឌកំបូល, ខណ្ឌបឹងកេងកង, ខណ្ឌចំការមន, ខណ្ឌច្បារអំពៅ និងខណ្ឌព្រែកព្នៅ។

សម្តេចធិបតីនាយករដ្ឋមន្ត្រី បានទទួលជួបអគ្គរដ្ឋអាជ្ញា នៃអយ្យការប្រជាជនកំពូល នៃសាធារណរដ្ឋប្រជាធិបតេយ្យប្រជាមានិតឡាវ លោក សាយសាណា ឃុតភូនថន ដែលបានជំរាបជូនប្រមុខរាជរដ្ឋាភិបាល លើលទ្ធផល នៃដំណើរទស្សនកិច្ច ក្នុងប្រទេសកម្ពុជា។ គួរបញ្ជាក់ថា តុលាការកំពូលកម្ពុជា និងឡាវ បានចុះអនុស្សរណៈរួមគ្នានៅថ្ងៃទី៣១កក្កដានេះ ស្ដីពីកិច្ចសហប្រតិបត្តិការជាមិត្តភាព និងការយោគយល់គ្នាទៅវិញទៅមក រវាងប្រទេសទាំងពីរ ក្នុងនាមអ្នកជិតខាងល្អ និងការបង្កើនប្រសិទ្ធភាព ចំពោះការជួយគ្នាទៅវិញទៅមក ផ្នែកច្បាប់ ក្នុងវិស័យព្រហ្មទណ្ឌ។ អគ្គរដ្ឋអាជ្ញាឡាវ បានលើកឡើងនូវលទ្ធផលបីចំណុច ដែលសម្រេចបានក្នុងដំណើរទស្សនកិច្ចនេះ រួមមាន៖ (១) ការសម្រេចបាននូវការចុះអនុស្សរណៈ នៃការយោគយល់គ្នា ក្នុងការបន្តពង្រឹងកិច្ចសហប្រតិបត្តិការរវាងអយ្យការប្រជាជនកំពូល នៃសាធារណរដ្ឋប្រជាធិបតេយ្យប្រជាមានិតឡាវ និងមហាអយ្យការអមតុលាការកំពូល នៃព្រះរាជាណាចក្រកម្ពុជា (២) ការបណ្តុះបណ្តាល និងការបន្តការផ្លាស់ប្ដូរទស្សនកិច្ច ព្រមទាំងការបន្តការចែករំលែកបទពិសោធន៍ និងព័ត៌មាន ក្នុងការប្រយុទ្ធប្រឆាំងនឹងឧក្រិដ្ឋកម្មឆ្លងដែន និងការជួញដូរគ្រឿងញៀន (៣) ការបន្តជួយគាំទ្រគ្នាទៅវិញទៅមកនៅក្នុងវេទិកាតំបន់ និងអន្តរជាតិ។ អគ្គរដ្ឋអាជ្ញា បានប្ដេជ្ញាចិត្តក្នុងការបន្តពង្រឹង និងពង្រីកកិច្ចសហប្រតិបត្តិការ ជាមួយមហាអយ្យការអមតុលាការកំពូលកម្ពុជា ឱ្យកាន់តែរឹងមាំបន្ថែមទៀត។ សម្ដេចធិបតីក្នុងប្រសាសន៍ឆ្លើយតប បានគូសបញ្ជាក់អំពីទំនាក់ទំនងដ៏ល្អ និងមិត្តភាពដ៏យូរអង្វែងរវាងកម្ពុជា និងឡាវ ព្រមទាំងបានវាយតម្លៃខ្ពស់ ចំពោះការរីកចម្រើន…

តុលាការកំពូលកម្ពុជា និងឡាវ បានចុះអនុស្សរណៈរួមគ្នា ស្ដីពីកិច្ចសហប្រតិបត្តិការជាមិត្តភាព និងការយោគយល់គ្នាទៅវិញទៅមក រវាងប្រទេសទាំងពីរ ក្នុងនាមអ្នកជិតខាងល្អ និងការបង្កើនប្រសិទ្ធភាព ចំពោះការជួយគ្នាទៅវិញទៅមក ផ្នែកច្បាប់ក្នុងវិស័យព្រហ្មទណ្ឌ។ អប្សរាណិតរាយការណ៍

សម្តេចធិបតី ហ៊ុន ម៉ាណែត បានទទួលជួបអនុរដ្ឋមន្ត្រីក្រសួងការពារជាតិ នៃប្រទេសឡាវ លោកឧត្តមសេនីយ៍ឯក ខាំលៀង ឧថាក់កៃសន ដែលបំពេញទស្សនកិច្ចបី ថ្ងៃក្នុងប្រទេសកម្ពុជា។ ថ្ងៃទី៣១កក្កដានេះ គឺជាថ្ងៃចុងក្រោយហើយ នៃដំណើរបំពេញទស្សនកិច្ច របស់គណៈប្រតិភូក្រសួងការពារជាតិឡាវ ដឹកនាំដោយលោកឧត្តមសេនីយ៍ឯក ខាំលៀង ឧថាក់កៃសន នេះ។ អប្សរាណិតរាយការណ៍

ប្រធានប្រតិបត្តិ នៃតំបន់រដ្ឋបាលពិសេសហុងកុងលោក ចន លី កំពុងបំពេញទស្សនកិច្ច នៅកម្ពុជា រយៈពេលពីរថ្ងៃ ដើម្បីពង្រឹង និងពង្រីកចំណងទំនាក់ទំនង រវាងតំបន់រដ្ឋបាលពិសេសហុងកុង និងកម្ពុជា ជាពិសេសក្នុងវិស័យធុរកិច្ច វិនិយោគ និងការតភ្ជាប់រវាងប្រជាជន និងប្រជាជន។ លោក ចន លី ដែលបានធ្វើដំណើរជាមួយនឹងក្រុមហ៊ុនហុងកុងធំៗមួយចំនួន បានអញ្ជើញជួបសម្តេចមហាបវរធិបតី ហ៊ុន ម៉ាណែត នាព្រឹកថ្ងៃពុធ ទី៣១ ខែកក្កដា នៅវិមានសន្តិភាព។ អប្សរាណិតរាយការណ៍

ក្មេងទំនើង១០នាក់ ដែលបានបង្ហោះម៉ូតូ នៅខណ្ឌសែនសុខ ត្រូវបានចាប់ឃាត់ខ្លួន ខណៈសម្តេចនាយករដ្ឋមន្ត្រីដាក់បទបញ្ជាបង្កើនចំណាត់ការជាបន្ថែមទៀត ចំពោះក្មេងទំនើងបង្ហោះម៉ូតូនេះ។ ការបង្រ្កាបបានធ្វើឡើងកាលពីវេលាម៉ោង៤កន្លះរសៀលថ្ងៃទី២៩ ខែកក្កដា ឆ្នាំ២០២៤ នៅទីតាំងពីរផ្សេងគ្នា ក្នុងខណ្ឌសែនសុខ រាជធានីភ្នំពេញ។ អធិការនគរបាលខណ្ឌសែនសុខ លោកវរសេនីយ៍ឯក ហួរ ម៉េងវ៉ាង បានថ្លែងថា ការបង្ក្រាបក្មេងទំនើងបង្ហោះម៉ូតូទាំង ១០នាក់ ត្រូវបានបង្ក្រាបនៅសង្កាត់អូរបែកក្អម មួយករណី និងនៅសង្កាត់ឃ្មួញ មួយករណី។ សមត្ថកិច្ចបានធ្វើកំណត់ហេតុ ដកហូតម៉ូតូរក្សាទុក នៅអធិការខណ្ឌសែនសុខចំនួន៣ខែ។

អ្នកសម្របសម្រួលតំណាងអង្គការសហប្រជាជាតិ ប្រចាំកម្ពុជា បានថ្លែងកោតសសើរកងទ័ពមួកខៀវកម្ពុជាថា មានភាពក្លាហាន សេចក្តីថ្លៃថ្នូរ និងវិជ្ជាជីវៈ ក្នុងបេសកកម្ម ដើម្បីសន្តិភាពពិភពលោក។ ប្រសាសន៍ថ្លែងកោតសសើររបស់ លោក ចូសេហ្វ ស៊ូអើ បានធ្វើឡើងនៅថ្ងៃទី៣០កក្កដា ក្នុងឱកាសអញ្ជើញជាអធិបតីក្នុងពិធីបំពាក់គ្រឿងឥស្សរិយយស ជូនកងអនុសេនាធំវិស្វកម្មពហុជំនាញលេខ ៤២៣ ដែលបានបញ្ចប់បេសកកម្ម ពីសាធារណរដ្ឋអាហ្វ្រិកកណ្តាល និងជាកងកម្លាំងចុងក្រោយ ដែលបញ្ចប់បេសកកម្មរក្សាសន្តិភាព ក្រោមឆត្ររបស់អង្គការសហប្រជាជាតិ នៅប្រទេសម៉ាលី។ ក្នុងពិធីនោះ ក៏មានការផ្ទេរប្រគល់ថវិការបបគោលនយោបាយ អ.ស.ប ដល់យោធិនរបួស និងប្រកាសដាក់ឲ្យប្រើប្រាស់របាយការណ៍ គម្រោងវិភាគឧបសគ្គ នៃការចូលរួមរបស់ស្រ្តី ក្នុងបេសកកម្មរក្សាសន្តិភាព MOWIP ផងដែរ។ លោក ចូសេហ្វ ស៊ូអើ បានកោតសរសសើរថា «កម្ពុជាមានប្រពៃណីល្អ ក្នុងការរក្សាសន្តិភាព ដែលមានកងរក្សាសន្តិភាពកម្ពុជាជាង ៩៥០០នាក់ ដែលបានបំពេញបេសកកម្មក្នុង ១០ប្រទេស »។ តំណាងអង្គការសហប្រជាជាតិរូបនេះ នៅបានលើកឡើងផងដែរថា កម្ពុជាជារដ្ឋសមាជិកអាស៊ានឈានមុខគេមួយ ក្នុងការជំរុញរបៀបវារៈសន្តិភាព និងសន្តិសុខស្ត្រី ក្នុងតំបន់។ រដ្ឋមន្ត្រីក្រសួងការពារជាតិនាយឧត្តមសេនីយ៍ ទៀ សីហា បានថ្លែងបញ្ជាក់ការប្តេជ្ញាថា រាជរដ្ឋាភិបាលអាណត្តិទី៧ នីតិកាលរដ្ឋសភានេះ…

ប្រធានអគ្គសេនាធិការកងទ័ពប្រជាជនឡាវ និងអគ្គមេបញ្ជាការកងយោធពលខេមរភូមិន្ទ បានជួបប្រជុំពិភាក្សាទ្វេភាគីនៅថ្ងៃទី៣០ កក្កដា ឆ្នាំ២០២៤ ជាមួយការប្តេជ្ញាពង្រឹងកិច្ចសហប្រតិបត្តិការរឹងមាំ រវាងកងទ័ព នៃប្រទេសទាំង២។ អប្សរាណិតរាយការណ៍