ករណីឆ្លង និងស្លាប់ដោយសារកូវីដ១៩ ក្នុងប្រទេសអាស៊ាន ក្នុងរយៈពេល ២៤ម៉ោងចុង ក្រោយនេះ មានចំនួន ១ម៉ឺន ៤១ករណី និងការស្លាប់ថ្មីមានចំនួន ២៧នាក់ ។ ប្រទេសសឹង្ហបុរី គឺជាប្រទេសដែលមានតួលេខឆ្លងច្រើនជាងគេបង្អស់ដដែល ក្នុងរយៈពេល ២៤ម៉ោងចុង ក្រោយនេះ ។

យុទ្ធនាការចាក់វ៉ាក់សាំងដូសទី៥ រយៈពេល ៩ថ្ងៃមកនេះ មានពលរដ្ឋទៅចាក់បានចំនួន ១៨ម៉ឺន ២ពាន់ ៨៨នាក់ហើយ ។ កម្ពុជាដោយសារគោលនយោបាយចាក់វ៉ាក់សាំងរបស់រាជ រដ្ឋាភិបាលនេះហើយ, បាននាំឲ្យតួលេខឆ្លង និងស្លាប់បានធ្លាក់ក្នុងចំណុចសូន្យ ប្រមាណជាង ១ខែមកហើយ។

វ៉ាក់សាំងសម្រាប់ចាក់ដូសទី៥ បានទៅដល់ខេត្តព្រះវិហារហើយ។ ខេត្តព្រះវិហារគឺជាខេត្ត ដែលជាប់នឹងព្រំដែនថៃ។ ប្រទេសថៃការឆ្លងកូវីដ១៩នៅតែបន្តមានច្រើននៅឡើយទេ ប៉ុន្តែ ខេត្តព្រះវិហារក្នុងប្រទេសកម្ពុជា តួលេខមិនមានការឆ្លងទៀតទេដោយសារតែនយោបាយ ចាក់វ៉ាក់សាំងស្រោចរបស់រាជរដ្ឋាភិបាល។

តួលេខមិនឆ្លងកូវីដ-១៩ក្នុងប្រទេសកម្ពុជា មានចំនួន៤១ថ្ងៃជាប់គ្នាមកហើយដោយសារតែ នយោបាយចាក់វ៉ាក់សាំងស្រោចរបស់ប្រមុខរាជរដ្ឋាភិបាលបង្កើតបានភាពស៊ាំក្នុងសហគមន៍ ។ គិតត្រឹមថ្ងៃទី១៧ខែ មិថុនា, តួលេខឆ្លងមានចំនួនដដែលគឺ ១៣ម៉ឺន ៦ពាន់២៦២ករណី។ តួលេខស្លាប់ថ្មី ក៏ពុំមានដែរនៅថ្ងៃនេះ។ តួលេខស្លាប់សរុប មានចំនួន៣ពាន់ ៥៦នាក់ជា ដដែល។

មនី្ទរពេទ្យហ្លួងម៉ែដែលជាមន្ទីរពេទ្យឈានមុខគេក្នុងការជួយសង្គ្រោះជីវិតពលរដ្ឋក្នុងគ្រា ដែលមានការឆ្លងខ្លាំងនូវជម្ងឺកូវីដ១៩នោះ នឹងត្រូវរៀបចំជាមនី្ទរពេទ្យព្យាបាលជំងឺមហារីកវិញ ខណៈដែលកម្ពុជាមានសមត្ថភាពអាចគ្រប់គ្រងបាននូវជម្ងឺកូវីដ១៩។