លទ្ធផលបឋមនៃការបោះឆ្នោតឃុំនិងសង្កាត់ បានឆ្លុះបញ្ចាំងនូវកម្លាំងគាំទ្រ សន្តិភាពនិងការ អភិវឌ្ឍដែលកំពុងតែមានឧត្តមភាពលើសលប់ ទៅលើក្រុមមនុស្សមួយក្តាប់ តូចតំណាង ឲ្យការបំផ្លិចបំផ្លាញ​។

សន្និបាតគណៈកម្មាធិការកណ្តាលវិសាមញ្ញរបស់គណបក្សប្រជាជនកម្ពុជាត្រូវបានផ្លាស់ប្តូរ កាលបរិច្ឆេទថ្មីដែលនឹងត្រូវធ្វើនៅថ្ងៃទី១៦-១៧ ខែកក្កដា ឆ្នាំ២០២២។

កម្ពុជានិងចិនបានរៀបចំធ្វើពិធីបញ្ចុះបឋមសិលានិងបើកការដ្ឋានសាងសង់រោងជាងជួស ជុលនាវាផែសំចតនិងស្តារឃ្លោងនៅមូលដ្ឋានសមុទ្ទរាមថ្ងៃទី៨មិថុនា ខណៈប្រទេសក្នុងដៃគូ សន្ទនាសន្តិសុខ QUAD បានសម្តែងក្តីបារម្ភខ្លាចក្រែងការធ្វើសំណង់នោះ បំរើជាមូលដ្ឋាន យោធាជើងទឹកប្រទេសចិននោះទៅវិញ។

បាតុភូតភ្លៀង ផ្គរ រន្ទះ និងខ្យល់កន្ត្រាក់ នៅតែបន្ដកើតមានថែមទៀត ក្នុងសប្ដាហ៍ទៅមុខ ទៀតនេះ ខណៈកម្ពុជាទទួលរងនូវឥទ្ធិពលពីជ្រលងនៃប្រព័ន្ធសម្ពាធទាប ដែលអូសបន្លាយ នៅលើភាគខាងជើងប្រទេសឡាវ និងប្រទេសវៀតណាម ជាមួយនឹងខ្យល់មូសុងនិរតី បក់ ក្នុងល្បឿនមធ្យម ។

កម្ពុជាគឺជាប្រទេសតែមួយគត់ក្នុងអាស៊ានដែលគ្មានតួលេខឆ្លងនិងគ្មានមនុស្សស្លាប់ដោយ សារជម្ងឺកូវីដ១៩ក្នុងរយៈពេល២៤ម៉ោងចុងក្រោយនេះ។ ប្រទេសថៃ គឺជាប្រទេស ដែលមាន តួលេខឆ្លងច្រើនជាងគេបង្អស់នៅថ្ងៃនេះ។

ក្រសួងសុខាភិបាលបានអំពាវនាវពលរដ្ឋត្រូវបន្តទទួលយកវ៉ាក់សាំងដូសជំរុញដោយមិន ត្រូវខកខានឡើយដើម្បីការចូលរួមបង្កើតភាពស៊ាំក្នុងសហគមន៍។ កម្ពុជាត្រៀមនឹងចាប់ផ្តើម ចាក់វ៉ាក់សាំងដូសទី៥នៅថ្ងៃទី៩មិថុនាខាងមុខនេះហើយ។

តំបន់អាស៊ីខាងកើតកំពុងតែប្រឈមមុខនឹងភាពតានតឹង ខណៈដែលសង្គ្រាមក្នុងប្រទេស អ៊ុយក្រែនក្នុងអឺរ៉ុបខាងកើតនៅមិនទាន់អាចមានច្រកដោះស្រាយចេញរួចឡើយ។