បុរសម្នាក់ដែលបានដើរឆ្លងដែនខុសច្បាប់ចូលក្នុងទឹកដីវៀតណាម ត្រូវបានគេបាញ់បណ្តាល ឱ្យរងរបួសចំជើង។ សេចក្តីរាយការណ៍ពីសាក្សីបាននិយាយថាហេតុការណ៍បានកើតឡើង វេលាទាបភ្លឺម៉ោងប្រមាណ៣កន្លះឈានចូលថ្ងៃទី៣១ឧសភា ខណៈបុរសឈ្មោះ ជឿង ហុង អាយុ២០ឆ្នាំនិងមនុស្ស១៣នាក់ទៀត បានលីបារីច្រើនកេស លួចឆ្លងដែនចូលក្នុងទឹកដីវៀត ណាមក្នុងចំណុចស្រុកកំពង់ត្រាចខេត្តកំពត។

មនុស្ស៥២នាក់រួមមានចាស់និងក្មេង ត្រូវបានគេបញ្ជូនទៅសង្គ្រោះភ្លាមៗក្រោយ ការ សង្ស័យពុលបន្លែក្នុងហេតុការណ៍មួយកើតឡើងក្នុងស្រុកគាស់ក្រឡ ខេត្តបាត់ដំបង។

ក្រសួងសុខាភិបាលបានអំពាវពលរដ្ឋខ្មែរប្រុងប្រយ័ត្នការឆ្លងជម្ងឺអុតស្វា ខណៈជម្ងឺនេះត្រូវ គេរាយការណ៍ថាបានឆ្លងមួយករណីហើយក្នុងប្រទេសថៃជាប់នឹងកម្ពុជា។

ដំណើរការឃោសនាបោះឆ្នោតជ្រើសរើសក្រុមប្រឹក្សាឃុំនិងសង្កាត់ ថ្ងៃនេះ មានសភាពរលូន ល្អធម្មតា ប៉ុន្តែក្នុងរយៈពេលឃោសនាចំនួន១១ថ្ងៃមកនេះ គជប បានទទួលបណ្តឹងចំនួន៤៥ ហើយ។

អតីតសកម្មជនម្នាក់រស់នៅក្រៅប្រទេសដែលស្ថិតក្នុងដីកាចាប់ខ្លួនរបស់តុការពីបទចោទ ប្រកាន់ «រូមគំនិតក្បត់» ត្រូវបានសមត្ថកិច្ចចាប់ខ្លួននៅក្នុងរាជធានីភ្នំពេញ។

កម្ពុជាដែលជាប្រធានអាស៊ាន បានប្តេជ្ញាថានឹងធ្វើកិច្ចការឱ្យកាន់តែខ្លាំងដើម្បីជម្រុញការ កសាងសហគមន៍អាស៊ាន។ ការប្តេជ្ញានេះ បានធ្វើឡើងដោយលោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេសក្នុងឱកាសសិក្ខាសាលាស្តីពី «ការរួមចំណែក របស់កម្ពុជា នៅក្នុងអាស៊ានចាប់តាំងពីការចូលជាសមាជិកអាស៊ាននៅឆ្នាំ១៩៩៩»។

តួលេខឆ្លងក្នុងប្រទេសអាស៊ានទាំង១០ រយៈពេល ៧២ម៉ោង ចុងក្រោយនេះ មានចំនួន ៣ម៉ឺន ១ពាន់ ៦៥២ករណី ចំណែកការស្លាប់មានចំនួន ១១៨នាក់ ។ តួលេខឆ្លងក្នុង៧២ម៉ោង នៃសប្តាហ៍នេះ មានការថយចុះចំនួន ៥ពាន់ ៧៤២ករណី និងការស្លាប់ក៏បានថយចុះចំនួន ១០នាក់ ផងដែរ បើប្រៀបធៀបនឹងសប្តាហ៍មុន ។ ក្នុងសប្តាហ៍នេះ ប្រទេសថៃ ជាប្រទេស ដែលមានតួលេខឆ្លងច្រើនជាងគេ ។ ដោយឡែកប្រទេសកម្ពុជា គឺជាប្រទេសដែលមិនមាន ករណីឆ្លងថ្មីនោះឡើយ ។

កម្ពុជាបានបន្តសម្រុកការចាក់វ៉ាក់សាំងបើទោះបីជាកម្ពុជាគ្មានការឆ្លងកូវីដ១៩ រយៈពេល ១៩ថ្ងៃ ជាប់គ្នាមកនេះក៏ដោយ ។ យោងតាមក្រសួងសុខាភិបាល តួលេខអ្នកចាក់វ៉ាក់សាំង ដូសមូលដ្ឋានទូទាំងប្រទេសគិតត្រឹមថ្ងៃ៣០ឧសភា បានកើនដល់ចំនួន ១៥លាន ៣ម៉ឺន៥ពាន់ ៩៩៨នាក់ ដែលស្មើនឹង ៩៣,៩៧ភាគរយ ។